Það bætast við óformlegir dagskrárliðir um Húnavökuhelgina en nú er ákveðið að Björn Thoroddsen, flugmaður, kemur um helgina á Pitts Special M12 (Monster Pitts) og verður með listflug á Blönduósi. Áætlað er að hann komi hingað á laugardaginn á milli kl. 15:00 – 16:00. Heitt verður á könnunni í boði Flugklúbbsins á flugturninum og allir velkomnir.

Þá mun forsvarsmaður Yndisgarða, Samson Bjarni Harðarson,  koma á Blönduós og svala forvitni þeirra sem vilja vita meira um þá á laugardaginn kl. 16:00. Fyrir þá sem ekki vita hvar Yndisgarðurinn er þá er hann í horni íþróttavallarins við Holtabraut fyrir neðan Sigurð Jóhannesson og Þormóð Sigurgeirsson. Verkefnið Yndisgróður vinnur að uppbyggingu klónasafna og sýnigarreita á nokkrum stöðum á landinu.

Einnig hefur heyrst að Landhelgisgæslan verði hér við umferðareftirlit og björgunaræfingar af sjó en nánar verður greint frá því síðar.