Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Fimmtudagur, 28. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 11:00 0 0°C
Laxárdalsh. 11:00 0 0°C
Vatnsskarð 11:00 0 0°C
Þverárfjall 11:00 0 0°C
Kjalarnes 11:00 0 0°C
Hafnarfjall 11:00 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
N 65 39' 32.04" V 20 16' 55.2"
Pistlar | 25. október 2016 - kl. 09:15
Heila málið
Eftir Guðjón S. Brjánsson

Jafnaðarstefnan er líklega áhrifamesta stjórnmálahugmynd í okkar heimshluta síðustu hálfa aðra öld.  Það er reyndar oft haft á orði að við Íslendingar séum innra með okkur flestir jafnaðarmenn, aðhyllumst hugsjónir um mannúð, virðingu, jöfnuð og réttlæti til handa sérhverjum manni. Þetta eru grundvallarstef og við jafnaðarmenn höldum þeim sleitulaust á lofti í orði og verki, öndvert við ýmsa aðra stjórnmálaflokka.  

Við stöndum á tímamótum nú eins og svo oft áður. Það eru sterk öfl í samfélaginu sem vilja gjörbreyta þeirri sýn sem jafnaðarmenn hafa.  Við eigum yndislega þjóð, greinda, menntaða og í stórum dráttum heiðarlega. Við viljum trúa og treysta náunganum. Ítrekað höfum við trúað stjórnmálaöflum sem lævíslega taka sér stöðu við hlið jafnaðamanna örfáum vikum fyrir kosningar í orði og tala af tungulipurð um dýrmæt gildi sem við jafnaðarmenn tölum fyrir ár út og ár inn. Loforðin eru hinsvegar hunsuð jafnharðan að loknum kosningum og við höfum dæmin fyrir okkur.  Þetta gerist einnig fyrir þessar kosningar. Ég undirstrika bara þetta: Varist eftirlíkingar, rifjum upp, skoðum söguna. Hver hafa verið hin raunverulegu baráttumál þessara flokka? Hverjir hafa fengið bestu sætin við kjötkatlana? Eru það aldraðir, öryrkjar, námsmenn, barnafólk, almennir launþegar? Svari nú hver fyrir sig.

Jafnaðarmannaflokkur Íslands, Samfylkingin er ekki kerfisflokkur.  Hann er ekki flokkur sérhagsmunahópa, ekki útvegsmanna, ekki bændasamtaka, ekki sjávarútvegsforkólfa og ekki forráðamanna viðskiptalífsins.  En hann er hinsvegar hagsmunaflokkur allra þeirra sem innan þessara vébanda starfa, venjulegs fólks.  Flokkurinn tekur sér stöðu meðal þeirra og ekki annarra. 

Stundum hefur okkur gengið vel og ef við horfum til sögunnar geta jafnaðarmenn verið afar stoltir.  Við höfum verið kyndilberar og hreyfiafl stærstu umbótamála í heila öld og það er af nógu að taka, Vökulögin, almannatryggingakerfið, Lög um stéttarfélög og vinnudeilur, Lög um verkamannabústaði og síðar félagslegt íbúðarhúsnæði, lög um Lánasjóð íslenskra námsmanna, aðildin að EFTA og síðar EES, jafnréttislög og fleira og fleira.  Allt eru þetta verk jafnaðarmanna. Við erum hreyfing og afl með fortíð og erum reiðubúin til stórra verka í framtíð.

Við fáum að nota okkar dýrmæta lýðræðislega rétt eftir fáa daga í kosningum til Alþingis.  Baráttumál okkar jafnaðarmanna eru enn á sömu lund, vörn og sókn fyrir venjulegt fólk en ekki þrönga sérhagsmuni:   

  • Við viljum styrkja enn frekar starfsemi heilbrigðisstofnana á Norðurlandi vestra

  • Við leggjum áherslu á matvælaöryggi, lýðheilsustefnu og landbúnað í sátt við byggð og náttúru

  • Við munum áfram berjast fyrir bættum samgöngum um Norðurland vestra

  • Við viljum ná sátt um afgjald vegna auðlindanýtingar, starfsumhverfi útgerðar og kjör sjómanna

  • Við ætlum að styrkja löggæslu og forvarnir á öllum stærri þéttbýlisstöðum

  • Við stöndum vörð um menntastofnanir á Norðurlandi vestra og efla Háskólann á Hólum

  • Við munum tryggja öldruðum og öryrkjum 300 þúsund króna lágmarksframfærslu

  • Við styðjum við uppbyggingu á nýjungum í atvinnulífi í sátt við umhverfið

  • Við ætlum að tryggja foreldrum 600 þúsund króna hámarksgreiðslur í fæðingarorlofi

Fái ég til þess stuðning í komandi kosningum mun ég beita mér af einurð í þessum mikilvægu verkefnum á Alþingi.  Kjósum heilbrigðara og réttlátara samfélag fyrir alla.

Guðjón S. Brjánsson skipar 1. sæti á lista Samfylkingar í NV kjördæmi

Höf. rzg
 
Prenta Prenta  
 
Til baka
 

©2024 Húnahornið