� morgun er kjördagur, á þeim degi nýtum við �slendingar kosningarétt okkar til velja okkur forystu í ríkisstjórn. Við valið þurfum við að hafa í huga hvert skuli stefna.

Sóknarfærin liggja víða, samkvæmt greiningu �slandsbanka á íslenskri ferðaþjónustu frá því í febrúar á þessu ári kemur fram að keyptar gistinætur hérlendis árið 2015 voru tæplega 7 milljónir. Ferðamönnum hefur fjölgað nokkuð ört og þá sérstaklega á Vesturlandi, Vestfjörðum og Norðurlandi vestra, eða um 30%. Mikilvægt er að halda vel á spöðunum styðja við og styrkja þessa þróun. Framsóknarflokkurinn hefur lagt til að lagt verði sérstakt komugjald á ferðamenn sem koma til landsins til að styrkja og styðja við ferðaþjónustuna. Með fjölgun ferðamanna fjölgar atvinnutækifærum, á Norðurlandi vestra eru vanýtt tækifæri víða. Náttúruperlur liggja í felum og sögur svæðisins fara í munnmælum á milli manni. Við verðum að varðveita þessa þætti og leyfa öðrum að njóta þeirra. Ferðamenn, sem og sveitungar, vilja heyra sögu Þórdísar spákonu, Ingimundar gamla og tröllsins sem mistókst ætlunarverk sitt og varð að Hvítserk. � Vestfjörðum hefur til að mynda Gísla sögu Súrssonar verið gert hátt undir höfði, fleiri �slendingasögur eiga þann sess skilinn líka.

Þar sem er atvinna, þar er byggð. Framsóknarflokkurinn hefur það á stefnuskrá sinni að skoða hvort mögulegt sé að nýta skattkerfið til að styrkja brothættar byggðir með skattaívilnun til fyrirtækja. Þannig væri hægt að tryggja að það fjármagn sem fyrir er í byggðum nýtist til byggðanna sjálfra en ekki á landsvísu. Mörg sveitarfélög á landsbyggðinni, sér í lagi á Norðurlandi vestra verða að leita leiða og snúa vörn í sókn og stöðva þá fólksfækkun sem hefur átt sér stað undanfarna áratugi. Sé fyrirtækjum á svæðinu gert kleift að nýta fjármagn fremur til að ráða sér starfsfólk eða fjölga verkefnum með skattaívilnunum kemur það byggðunum til góða. Hvert starf er verðmætt, leiða má líkum að því að 5 störf í Austur Húnavatnssýslu sé álíka og 500 störf á höfuðborgarsvæðinu, sé litið til höfðatölu.

Með aukinni atvinnusköpun eykst framlegð svæðisins en til að sú framlegð sé ekki tímabundin er nauðsynlegt að styrkja innviði. Heilbrigðisþjónusta, menntun og samgöngur eru grunnþættir sem Framsóknarflokkurinn vill skoða sérstaklega. Framsóknarflokkurinn stefnir á aukin fjárframlög til heilbrigðisþjónustu um allt land og fjölgun hjúkrunarrýma, ásamt því að leggja til að lágmarkslífeyrir eldri borgara verði 300.000 krónur og fylgi þróun lágmarkslauna. Flokkurinn leggur einnig til að tannlækningar eldri borgara verði gjaldfrjálsar en nú þegar eru hafa tannlækningar barna, í áföngum, verið gerðar gjaldfrjálsar.

Sé litið til menntunar hefur Framsóknarflokkurinn það að á stefnuskrá sinni að efla iðn- og verknám samhliða breytingum á námslánakerfi L�N. Atvinnulífið hefur ítrekað kalla eftir því eflingu þessa námsleiða sem og að fólki sé auðveldað að stunda námið. Menntun í heimabyggð er ein af grunnstoðum hvers samfélags.

Þá leggur Framsóknarflokkurinn einnig til að fæðingarorlof verði lengt í 12 mánuði og hámarksgreiðslur hækkaðar, barnabætur verði einnig hækkaðar og virðisaukaskattur á barnaföt verði aflagður líkt og þekkist í sumum löndum í kringum okkur.

Kæru sveitingar, á morgun göngum við til kosninga og veljum nýja ríkisstjórn. Ríkisstjórn sem gætir hagsmuna íslensks samfélags, styrkir innviði þess og styður við dreifða byggð í landinu. Framsóknarflokkurinn er flokkur landsbyggðar, ég skipa 5. sæti á lista Framsóknar í Norðvesturkjördæmi.

Jón Kristófer Sigmarsson, bóndi á Hæli