Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Föstudagur, 29. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 13:51 0 0°C
Laxárdalsh. 13:51 0 0°C
Vatnsskarð 13:51 0 0°C
Þverárfjall 13:51 0 0°C
Kjalarnes 13:51 0 0°C
Hafnarfjall 13:51 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
N 65 39' 32.04" V 20 16' 55.2"
Hvítserkur. Ljósm: stikill.123.is/Halla “sk.
Hvítserkur. Ljósm: stikill.123.is/Halla “sk.
Pistlar | 08. júní 2021 - kl. 07:40
Stökuspjall: Brimölduljós fjörður
Eftir Inga Heiðmar Jónsson

Mánuður heitir skerpla og tekur við af hörpu, þessir fyrstu sumarmánuðir sigla nú gegnum heiðríkjuna, Jónsmessa handan við næsta leiti en fæðingardagur Jóns Sigurðssonar og þjóðhátíðardagur Íslendinga kominn í sjónmál. Skoðum nokkrar Jónavísur af þessu tilefni:

Þó megi um fögnuð finna gögn
er fylling brögnum léði
að ýmsra sögn er algjör þögn
alveg mögnuð gleði. Jón Arnljótsson Ytri-Mælifellsá f. 1961

Sól í æginn síga fer
senn á daginn líður
ferðalagið af því er
okkur í haginn síður. Jón Árnason á Tindum og Víðimýri f. 1830

Geng ég lotinn grátt með hár
græt mín brotin stóru
Mín eru þrotin æviár
illa notuð vóru. Jón Einarsson á Skárastöðum f. 1803

Væna skafla vetur bjó 
vítt um lendur jarðar.
Lít ég Kaldbak krýndan snjó
konung Eyjafjarðar. Jón Gissurarson Víðimýrarseli f. 1946

Sækja að mér systur tvær
svo ég hníg að velli
harðar báðar, hafa klær
heita gikt og elli. Jón Gottskálksson í Ketuseli f. 1838

Það er svo með suma þá
sem að þykjast góðir
þegar reynir eitthvað á
eru þar tómir sjóðir. Jón Guðmundsson Garði í Þistilfirði f. 1883

Væri ég einn sauðurinn í hlíðum,
skyldi ég renna í Áradal,
forða hríðum,
forða mér við hríðum. Jón Guðmundsson lærði f. 1574

Þó að falli í fastar skorður
flest og gráni hár.
Alltaf leitar andinn norður
eins og strokuklár. Jón Guðmundsson frá Eiríksstöðum f. 1935

Við hliðið mitt ég heimanbúinn stend
á himni ljómar dagsins gullna rönd
sú gjöf mér væri gleðilegust send
að góður vinnudagur færi í hönd. Jón Helgason prófessor f. 1899

Tyrf þú fjósið, þarfur þjón
þétt á báðar síður.
Láttu ekki leka, Jón
lífið þar á ríður. Jón Hjaltalín 1749

Eins og vorið er hún hýr
eins og sóley rjóð í kinnum;
en þokuhnoðri bak við býr
hann beltar ennið stöku sinnum. Jón Hinriksson Helluvaði f. 1829

Þó ég Óðinn lofi í ljóði
lagi hróður Þór og Frey
hætti góða brögnum bjóði
borgarfljóðin hlusta ei. Jón Ingvar Jónsson frá Akureyri f. 1957

Skekur Kári skýin grá,
skellur bára á dröngum.
Frjósa tárin fölum á
fjólu- og smáravöngum. Jón Jónsson Eyvindarstöðum f. 1869

Frægu skáldin fara á stjá
flíka ljóðum snjöllum.
Andinn kemur yfir þá
uppi á Hveravöllum. Jón Karlsson Gýgjarhólskoti f. 1929

Tvisvar sinnum sjö vísum hefur verið raðað hér í stökuspjall, en allmargir Jónar eru enn á listanum og birtast í annarri lotu.

Enginn á móðurmálið fremur en ýmislegt dýrmæti annað sem okkur hlotnast að hafa not og gleði af um ævidaga skamma eða langa, en myndina að sigla gegnum heiðríkjuna tengi ég við skáldið snjalla,  Ólaf Jóhann Sigurðsson sem átti æskudaga við flúðir og lygnur Sogsins:

                               Dalur nyrðra

Björk áttu í hlíðum,
blágnípótt fjallaskörð,
sóleyjar í túni,
ó sumargræni dalur.

Og blásturinn dansar
inn brimölduljósan fjörð
norðan úr höfum,
heilnæmur og svalur.

Þó halda sumir
sunnanlands, að þú
kunnir að reynast
klækjarefum falur. Ólafur Jóhann Sigurðsson

Meira af skáldunum:
Jón Hinriksson: https://timarit.is/page/2290995#page/n3/mode/2up
Jónana má flesta finna í Húnaflóa – vísnasafni: http://bragi.arnastofnun.is/hunafloi/
Ólafur Jóhann í Braga – vísnavef: http://bragi.arnastofnun.is/hofundur.php?ID=17577

Ingi Heiðmar Jónsson
Höf. rzg
 
Prenta Prenta  
 
Til baka
 

©2024 Húnahornið