Hollvinasamtök Heilbrigðisstofnunarinnar á Blönduósi færðu íbúum og skjólstæðingum HSN á Blönduósi þrjár spjaldtölvur að gjöf fyrir helgi. Tölvurnar eru ætlaðar til notkunar inni á heilbrigðisstofnuninni þannig að fólk geti haft samskipti í mynd við ættingja og vini á meðan heimsóknarbannið er á stofnuninni.

Í dag, 30. mars, fagnar Sigurjón Guðmundsson frá Fossum í Svartárdal, 85 ára afmæli sínu. Við þau tímamót ákvað hann að afhenda Orgelsjóði Blönduóskirkju eina milljón króna. Í gær fór fram látlaus athöfn í Blönduóskirkju þar sem Sigurjón afhenti fjármunina með formlegum hætti. Viðstaddir athöfnina voru séra Úrsúla Árnadóttir, sóknarnefnd Blönduóskirkju og spilaði Eyþór Franzson Wechner, organisti tvö verk á orgelið.

Kórónuveirufaraldurinn hefur sett strik í reikninginn við undirbúningsvinnu fyrir sameiningu sveitarfélaga víða um land og þar á meðal í Austur-Húnavatnssýslu. Í Morgunblaðinu í dag er haft eftir Róberti Ragnarssyni, framkvæmdastjóra RR ráðgjafar að vinnan haldi áfram en það hægi á henni og afgreiðslur frestist. Öllum verkþáttum hefur verið frestað þar sem fólk þarf að hittast á vinnustofum. RR ráðgjöf heldur utan um vinnu í tengslum við sameiningu sveitarfélaga á fjórum stöðum á landinu.

Úrvinnslusóttkvíin sem íbúar í Húnaþingi vestra þurftu að búa við stóð yfir í viku en henni er nú lokið. Öll starfsemi í sveitarfélaginu hefur verið meira og minna lömuð, fyrirtæki lokuð og fólk að vinna heima hjá sér. Þá voru takmarkanir á því hversu margir máttu fara og sækja nauðsynjar. Öll almenn þjónusta hjá sveitarfélaginu hefur legið niður þessa vikuna.

Í upplýsingaþætti N4 um áhrifin af Covid-19 er rætt við Arnheiði Jóhannsdóttir, framkvæmdastjóra Markaðsstofu Norðurlands, sem sinnir markaðsstarfi ferðaþjónustunnar á Norðurlandi vestra og eystra. Hún segir áhrifin af faraldrinum vera mjög mikil á ferðaþjónustufyrirtæki svæðisins. Afbókanir sé miklar og búið sé að loka töluvert mörgum stöðum, hótelum veitingastöðum, gistiheimilum og afþreyingarfyrirtækjum. Afbókanir hafi farið hægt af stað en eftir að Bandaríkin settu á ferðabann hafi skriðan farið af stað.

Kæru íbúar og gestir á Hnitbjörgum. Vegna yfirstandandi heimsfaraldurs COVID-19 og samkomubanns Sóttvarnalæknis er mikilvægt að íbúar takmarki verulega komur gesta og umgengni í sameiginlegu rými Hnitbjarga. Þá eru gestir beðnir um að gera boð á undan sér og vera einir á ferð. Starfsmenn Félags- og skólaþjónustunnar geta leiðbeint og aðstoðað íbúa við að koma upp myndsímtölum við aðstandendur hafi íbúar aðgang að snjallsíma, spjaldtölvu eða tölvu með myndavél.

Kærleikurinn er ekki einhver þreyttur lagabókstafur eða steinrunnir stafir. Heldur síungt og ferskt hjartalag, hugarþel, athöfn og verk sem spyrja ekki um endurgjald eða hvernig standi á. Kærleikurinn er ekki þrasgjarn. Hann veit ekki allt best og hann veður ekki yfir. Hann hlustar og sýnir skilning. Hann virðir, umvefur, uppörvar og hvetur. Kærleikurinn spyr ekki um eigin hag og er ekki á eigin forsendum. Hann segir ekki, þegar mér hentar, þegar ég vil eða nenni og þá þegar ég fæ sem mest út úr honum á móti.

Aðgerðarstjórn almannavarna á Norðurlandi vestra hefur tilkynnt að úrvinnslusóttkví sú sem sett var á í Húnaþingi vestra þann 21. mars síðastliðinn verði felld úr gildi frá og með miðnætti, föstudaginn 27. mars 2020. Jafnframt gilda frá nefndu tímamarki almennar reglur um samkomubann sem settar voru af sóttvarnalækni og gilda fyrir landið allt. Eftir sem áður vill aðgerðastjórnin beina því til almennings að gæta almennra sóttvarna og virða þær reglur og viðmið sem gefin hafa verið út af sóttvarnalækni til hins ýtrasta.

Sveitarstjórn Skagastrandar ætlar að heimila frestun á gjalddögum fasteignagjalda vegna 2020 til þeirra sem þess óska. Gjalddagarnir eru 1. apríl-1. júlí og er miðað við að frestun hvers gjalddaga geti að hámarki verið fimm mánuðir. Og vegna raskana sem orðið hafa á þjónustu stofnana sveitarfélagsins mun greiðsluhlutdeild íbúa verða endurskoðuð og einungis ná til þeirrar þjónustu sem þeir raunverulega nýta.

Á daglegum upplýsingafundi almannavarna í dag klukkan 14 sló Alma Möller landlæknir aðeins á létta strengi áður en hún hóf mál sitt og fór yfir alvarlegri málefni. Flutti hún góða vísu eftir Magnús Magnússon, prest í Húnaþingi vestra. Á Facebook síðu Magnúsar má finna styttri útgáfu af vísunni og er hún þessi:

Lögreglustjórinn á Norðurlandi vestra og almannavarnanefndir svæðisins vekja athygli á því í auglýsingu að reglur um sóttkví gilda líka um þá sem kjósa að dvelja í sumarhúsi á meðan á sóttkví stendur. Einstaklingar í sóttkví mega ekki fara út fyrir sumarhúsið nema brýna nauðsyn beri til, mega ekki fara sjálfir eftir aðföngum, þar á meðal í matvöruverslun og mega ekki fara sjálfir með sorp á móttökustöðvar sveitarfélaga. Þeir mega fara í göngutúra eða bíltúra, en gæta þarf að því að halda reglur um fjarlægð frá öðrum.

Íbúum og skjólstæðingum Heilbrigðisstofnunar Vesturlands á Hvammstanga barst góð gjöf í morgun þegar Hollvinasamtök stofnunarinnar færðu þeim að gjöf tvær glænýjar iPad spjaldtölvur að verðmæti 130 þúsund krónur. Hollvinasamtökunum eru færðar hugheilar þakkir fyrir dásamlega gjöf.

Eins og alþjóð veit þá geisar nú skæður heimsfaraldur veirusýkingar, COVID-19, og höfum við Íslendingar ekki verið undanþegnir honum. Þegar þetta er skrifað hafa yfir 800 sýkst hér á landi, þar af 17 á Norðurlandi vestra. Lýst hefur verið yfir neyðarstigi almannavarna, sem kallar á að allar stofnanir samfélagsins taki höndum saman til að lágmarka tjón af völdum sjúkdómsins.

Norðlenska sjónvarpsstöðin N4 heldur úti öflugum Covid-19 upplýsingaþáttum. Í einum slíkum sem sýndur var í gær er rætt við Sigurgeir B. Hreinsson, framkvæmdastjóra Búnaðarsambands Eyjafjarðar. Hann segir m.a. að sauðfjárbændur óttist að veirufaraldurinn hafi áhrif á sauðburð í maí en vonar að það versta verði gengið yfir á þeim tímapunkti. Hann segir einnig að bændur taki faraldurinn alverlega og að margir hafi hreinlega lokað sínum búum.