Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Fimmtudagur, 27. júlí 2017
SA  1 m/s
C
Landbankinn
huni.is - RSS-efnisveita
 
Á döfinni
Júlí 2017
SMŢMFFL
2526272829301
2345678
9101112131415
16171819202122
23242526272829
303112345
FyrriNúnaNćsti
Veðurstofa Íslands
Blönduós 02:00 SA 1  7°C
Reykir í Hr 02:00 N 12  9°C
Reykjavík 02:00 Logn 0  9°C
Akureyri - 02:00 VNV 3  10°C
Egilsstaðaf 02:00 N 6  9°C
Haugur 22:00 NV 6  8°C
Holtavörðuh 02:00 NNV 8  6°C
Þverárfjall 02:00 NNA 4  7°C
Laxárdalshe 02:00 N 12  7°C
Brúsastaðir 09:00 NNV 5  16°C
Vegagerðin
Holtavörðuheiði 02:30 NNV 9  7 °C
Laxárdalsheiði 02:30 N 11  7 °C
Vatnsskarð 02:30 VSV 2  6 °C
Þverárfjall 02:30 ANA 3  7 °C
Kjalarnes 02:30 N 0  9 °C
Hafnarfjall 02:30 SSA 2  9 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
16. júní 2017
Júní nöldur
Það hefur heldur betur fjölgað í bænum um síðustu helgi og enn fleiri verða í bænum um komandi helgi. Lopakallarnir eru mættir til sumardvalar og ekki allir frýnilegir. Nokkrar prjónakonur bæjarins hafa prjónað kalla og kellingar og allskonar skraut sem þær setja á ljósastaurana eins og undanfarin sumur.
::Lesa

Northwest.is


SSNV

Leita í netfangaskrá
 
Eftir Gunnar Rúnar Kristjánsson
25. júlí 2017
Eftir Inga Heiðmar Jónsson
20. júlí 2017
Eftir Inga Heiðmar Jónsson
06. júlí 2017
Frá mótanefnd Markviss
29. júní 2017
Frá Emmu, Fanneyju og Rannveigu
21. júní 2017
Eftir Inga Heiðmar Jónsson
19. júní 2017
Eftir Guðjóns S. Brjánsson
18. júní 2017
Frá undirbúningshópnum
14. júní 2017

tilk_web.gif


Þingeyrakirkja
Þingeyrakirkja
Pistlar | 01. febrúar 2017 - kl. 09:56
Stökuspjall: Loksins fann ég feikna auð
Eftir Inga Heiðmar Jónsson

Vinsemd þín, nú veit ég það
var mér besta gjöfin.
Framar skilur okkur að 
ekkert nema gröfin.

segir Guttormur við Ísland -- og gat sagt það, hann gat talað við landið, hann bjó í öðru landi og hann hafði tekið þá erfiðu ákvörðun að hverfa frá sínu. Ljóðabók Guttorms var fyrir augum mér í uppvextinum, en opnaði hana aldrei eða velti því fyrir mér til hvers Jónas frændi væri að eiga þessa bók. Aftur hafði Jón bróðir hans uppáhald á vísum Káins og barnabörn hans minnast þess hve gaman var að heyra hann hampa ruglvísunni, sem Káinn kallar hringhenda hlunkhendu:

Það sem ég meina, sérðu, sko! –
vera ekki að neinu rugli;
bara að reyna að drepa tvo
steina með einum fugli. 

 Og Guttormur yrkir glæsilega um þennan kollega sinn:

K. N. eys af brunni birgða
brautir þeysir allra jarða.
Þessi Geysir gamanyrða
Guði reisir minnisvarða.

En Káinn flutti úr Eyjafirði, Guttormur af Austurlandi og mörgum þegnum máttu byggðirnar við Húnaflóa sjá á bak meðan Vesturfarir stóðu. En þeir komu einhverjir aftur heim, kannski bara í skrifum sínum eins og Erlendur á Mörk.

Einn rithöfundurinn til, Hulda Stefánsdóttir, var ekki bara húsmóðir og gestgjafi á fjölmennu heimili í þjóðbraut, þ.e. á Þingeyrum, hún stýrði líka Kvennaskólanum á Blönduósi og síðar Húsmæðraskóla Reykjavíkur í 12 ár en kom þá aftur til Kvennaskólans. Fjórar bækur fullar af fróðleik skrifar hún um samferðamenn sína. Hún fléttar þar vel við skemmtisögur, vísur og setningar sem hafðar voru eftir þeim orðheppnu eða sérlegu. Hún varð organisti í kirkjunni á Þingeyrum og segir þannig frá því:

„Þegar Erlendur Erlendsson brá búi á Hnausum og flutti til Reykjavíkur, vantaði organista í Þingeyrakirkju. Enginn í sveitinni vildi takast þann vanda á hendur og endaði það með því að ég spilaði í kirkjunni allmörg ár og æfði sönginn. Þá voru bara karlmenn í kórnum, ungir menn úr sveitinni og svo blessaður meðhjálparinn, Sigurður Erlendsson frá Stóru-Giljá." Hulda rifjar upp hreppsnefndarstörf manns síns, Jóns S. Pálmasonar á Þingeyrum sem lengi var í nefndinni og oddviti hennar 1928-1958. Hún rekur sögu gangnaseðilsins, sem kostaði heilan dag hjá nefndinni að semja og annan dag að skrifa þó Jón ætti ritvél, en tvírita þurfti seðilinn og annar var opnaður á Litlu-Giljá og gekk rétta boðleið fram í Hjallaland. Hinn var sendur frá Helgavatni og gekk þaðan út í Geirastaði meðan þeir voru í byggð. 

 Vatnsnesingurinn Ólöf frá Hlöðum orti:

Lengi var ég lítil, snauð
lagðist þungt í efa.
Loksins fann ég feikna auð
– fékk hann til að gefa.  

Hulda Pálsdóttir á Höllustöðum sótti sér menntun til kvennaskólans og í gagnfræðaskólann á Akureyri og stundaði barnakennslu áður en hún stofnaði heimili. Hún segir umbúðalaust frá misrétti kynjanna:„Til að byrja með var skopast bæði að kvenfélögum og kvennaskólum og þó meira að kvenfélögum, því í þá daga þóttu konur standa svo mikið að baki karla og hafa hvorki félagsþroska né vit til að vinna að opinberum málum, enda höfðu þær ekki fjárráð, ekki einu sinni yfir þeim eignum sem þær fengu í arf. " 

Önnur þjóðþekkt kona, Elínborg frá Tunguhálsi, var á skólanum og hefur arfleitt okkur af litskrúði minninga frá þeim tíma.

               Lokavísa: 

Að skrifa er mér yndi
og óskastund svo kær.
Þá leikur allt í lyndi
og lífið við mér hlær. Pétur Jakobsson

Ingi Heiðmar Jónsson

Vísað til:
Guttormur: http://bragi.info/hunafloi/visur.php?VID=29021 
Káinn: http://bragi.info/hunafloi/visur.php?VID=29023 
Erlendur Guðmundsson: http://stikill.123.is/blog/2009/01/08/337776/
Hulda á Höllustöðum segir frá kvennaskólaári sínu: 
http://stikill.123.is/blog/2014/07/02/vetur-a-kvennaskolanum---hp/ 
Elínborg Lárusdóttir: http://stikill.123.is/blog/2014/02/06/elinborg-larusdottir-i-kvennaskolanum-a-blond/ 

Höf. rzg
Fréttir | 26. júlí 2017 - kl. 10:28
Ungmennasamband Vestur-Húnavatnssýslu stendur fyrir þríþrautarkeppni föstudaginn 27. júlí. Boðið verður upp á keppni í flokki einstaklinga, liða og krakka liða (14 ára og yngri). Liðin mega vera blönduð. Einn syndir, einn hjólar og einn hleypur. Þátttakendur eiga að vera ættir við Íþróttamiðstöðina á Hvammstanga klukkan 17:10 en þríþrautin hefst 17:30.
Lífland
Ljósm: eldurihun.is
Ljósm: eldurihun.is
Fréttir | 26. júlí 2017 - kl. 09:21
Opnunarhátíð Elds í Húnaþingi fer fram í dag á Hvammstanga klukkan 19:00. Hátíðin hefst á skrúðgöngu frá Félagsheimilinu sem endar á hafnarsvæðinu hjá Sjávarborg. Skrúðgangan verður sérstaklega glæsileg þar sem eldfuglar og fleiri skemmtilegar verur verða í fararbroddi. Þá verður tónlist og almenn gleði í göngunni. Þegar á hafnarsvæðið er komið tekur Eldurinn á móti hátíðargestum sem geta hlýtt á tónlist, gætt sér á kjötsúpu, fylgst með Húlludúllu leika listir sínar, keypt góðgæti í Elds-sjoppunni og ýmislegt fleira skemmtilegt.
Glaðheimar
Pistlar | 25. júlí 2017 - kl. 20:01
Eftir Gunnar Rúnar Kristjánsson
Í gær (24. júlí) kynntu forsvarsmenn Kjarnafæðis og SAH-afurða verðlagningu dilkakjöts næsta haust og greiðslufyrirkomulag. Flestir ef ekki allir sauðfjárbændur gerðu sér grein fyrir að verðið myndi örugglega ekki hækka milli ára og að greiðslufyrirkomulagi yrði breytt en þrátt fyrir það held ég að allir sem voru á fundinum hafi ekki gert sér grein fyrir þeim svakalegu breytingum á greiðslufyrikomulaginu sem kynnt var á fundinum.
Fréttir | 25. júlí 2017 - kl. 19:05
Góð aðsókn hefur verið í sundlaugina á Blönduósi í sumar eins og síðustu sumur. Í júlí hafa vel yfir 8.000 sundlaugagestir heimsótt laugina og stefnir í að fjöldinn fari yfir 10.000 í lok mánaðarins. Á sama tíma í fyrra voru sundlaugargestirnir 6.616 talsins og er aukningin því um 20% milli ára og stefnir í að verða enn meiri. Þess má geta að í júlí 2015 komu 6.229 gestir í sundlaugina og er því stöðug aukning ár frá ári.
Sigurdís Sandra Tryggvadóttir
Sigurdís Sandra Tryggvadóttir
Fréttir | 25. júlí 2017 - kl. 11:22
Heimilisiðnaðarsafnið á Blönduósi heldur Stofutónleika í safninu, sunnudaginn 30. júlí og hefjast þeir klukkan 15:00. Jazztríó Sigurdísar Söndru Tryggvadóttur leikur tónsmíðar og útsetningar eftir hana í bland við annað efni. Lög samin við ljóð eftir Jónas Tryggvason frá Finnstungu verða meðal annars á efnisskránni. Sigurdís stundaði nám við Tónlistarskóla Austur-Húnavatnssýslu. Hún útskrifaðist af listnámsbraut frá Menntaskólanum á Akureyri og með framhaldspróf í klassískum píanóleik frá Tónlistarskólanum á Akureyri.
Fréttir | 25. júlí 2017 - kl. 07:45
Lög­regl­an á Norður­landi vestra sektaði 69 manns fyr­ir of hraðan akst­ur um síðustu helg­ina. Sá sem ók hraðast mæld­ist á 147 km/​klst. Mbl.is greinir frá þessu. Þung um­ferð var um helg­ina fyr­ir norðan enda veðrið með ein­dæm­um gott þar. „Við vilj­um brýna fyr­ir fólki að sýna var­kárni og umb­urðalyndi í um­ferðinni,“ seg­ir Bjarnþóra María Páls­dótt­ir, lög­reglu­kona hjá lög­reglu­um­dæm­inu á Norður­landi vestra í samtali við mbl.is.
Fréttir | 24. júlí 2017 - kl. 10:54
Aðalviðburður ársins í Húnaþingi vestra
Bæjarhátíðin Eldur í Húnaþingi verður sett á miðvikudaginn með glæsilegri skrúðgöngu í karnival – stíl á Hvammstanga. Kjötsúpa verður í boði og margvísleg skemmtun þegar eldurinn verður tendraður á hafnarsvæðinu. Þetta er í fimmtánda sinn sem hátíðin er haldin og í ár hefur Menningarfélag Húnaþings vestra umsjón með skipulagi hennar. Dagskrá hátíðarinnar er fjölbreytt og ættu allir aldurshópar að finna eitthvað við sitt hæfi.
Gauti Ásbjörnsson. Mynd: Feykir.is/úr einkasafni
Gauti Ásbjörnsson. Mynd: Feykir.is/úr einkasafni
Fréttir | 24. júlí 2017 - kl. 10:46
Gauti Ásbjörnsson synti á fimmtudaginn yfir Hrútafjörð, frá Gilsstöðum til Borðeyrar. Gauti var að endurtaka afrek ömmu sinnar, Ástu Snæbjörnssonar, sem synti sömu leið yfir fjörðinn þann 27. ágúst árið 1937. Vegalengdin er um 1100 metrar og synti Ásta hana á um 29 mínútum en það tók Gauta, sem er 32 ára Sauðkrækingur, um 18 mínútur að synda leiðina. Veður var gott, logn og blíða. Feykir.is greinir frá þessu.
Ljósm: kraftur.is
Ljósm: kraftur.is
Fréttir | 21. júlí 2017 - kl. 08:53
Nýlega fjárfestu Brunavarnir Austur-Húnavatnssýslu í nýrri MAN slökkvibifreið sem keypt var af Feuerwehrtechnikberlin og var bifreiðin til sýnis á Húnavöku um síðustu helgi. Bifreiðin er vel útbúin, með 6 þúsund lítra vatnstanki, 500 lítra froðutanki og öllum nauðsynlegum aukabúnaði sem velútbúin slökkvibifreið þarf að hafa. Stjórn BAH er afar stolt af þessum áfanga en segja má að með kaupunum hafi verið brotið blað í sögu BAH.
Ljósm: vatnsdalsa.is
Ljósm: vatnsdalsa.is
Fréttir | 20. júlí 2017 - kl. 10:16
Laxveiðin í Blöndu gengur vel en alls hafa veiðst 745 laxar sem af er sumri samkvæmt vef Landssambands veiðifélaga og gaf vikuveiðin 231 laxa. Veiðin er þó talsvert minni nú ef hún er borin saman við sama tíma í fyrra en þá höfðu veiðst 1492 laxar. Meira veiðist í Laxá á Ásum nú samanborið við sama tíma í fyrra en alls hafa 345 laxar komið á land í sumar samanborið við 225 í fyrra.
Ljósm: eldurihun.is
Ljósm: eldurihun.is
Fréttir | 20. júlí 2017 - kl. 08:59
Bæjarhátíðin Eldur í Húnaþingi verður haldin dagana 26.-30. júlí í Húnaþingi vestra. Á hátíðinni verður eitt og annað á dagskrá, margt hefðbundið en annað nýtt af nálinni. Opnunarhátíðin verður með sérstaklega skemmtilegu sniði í ár en hún hefst á skrúðgöngu með ýmsum verum. Kjötsúpan verður á sínum stað og Húlladúlla ætlar að sýna brot af sinni snilli. Handbendi brúðuleikhús sýnir Tröll á hátíðinni, óhefðbundið jóga er á dagskránni, Lalli töframaður og svo margt meira.
Skjáskot af Fréttablaðinu í dag
Skjáskot af Fréttablaðinu í dag
Fréttir | 20. júlí 2017 - kl. 08:11
Á laugardaginn klukkan 14 verður opnuð sýning í fjárhúsunum að Kleifum á Blönduósi þar sem stór nöfn í myndlist sýna vídeóverk. Finnur Arnar Arnarson er á meðal þeirra sem standa að sýningunni en hann hefur lengi unnið að undirbúningi og uppsetningu hennar ásamt konu sinni, Áslaugu Thorlacius. Sýningin verður opin í rúma viku. Fréttablaðið segir frá þessu í dag.
Víðidalstunga. Ljósm: wikipedia.org/Navaro
Víðidalstunga. Ljósm: wikipedia.org/Navaro
Pistlar | 20. júlí 2017 - kl. 07:50
Eftir Inga Heiðmar Jónsson
Sigurður djákni, segðu á skil, sem minn hugann friði. Heillavinur, hvað kemur til? Hvar er hann Sumarliði? Vísuna orti Páll Vídal á leið sinni yfir Kaldadal og tók þar með þátt í leik hagyrðinga sem ortu vísu, stungu henni í bein og því næst í vörðu við veginn. Vísan var lögð í munn beinakerlingunni þ.e.a.s. vörðunni, var oftast nokkuð groddaleg eða klúr, og beið þar eftir næsta ferðamanni sem gat verið nafngreindur í vísunni.
Fréttir | 19. júlí 2017 - kl. 12:19
Frá USAH
Blönduhlaup USAH var haldið í fallegu veðri síðastliðinn laugardag. Gekk hlaupið vel fyrir sig en alls tóku 27 hlauparar þátt sem er mun dræmari þátttaka en undanfarin ár. Af þessum 27 hlaupurum komu aðeins sex úr héraði. Engin þátttaka var í 2,5 km, 16 ára og eldri bæði í kvenna- og karlaflokki. Vonumst við til að fleiri heimamenn taki fram hlaupabuxurnar á næstu Húnavöku og byrji daginn á skemmtilegu Blönduhlaupi.
Senda grein Senda grein  |  Prenta grein (nýr gluggi opnast) Prenta grein  |   Deila
Húsfrúin
21. desember 2016
Samstaða og kærleikur
Þegar eitthvað bjátar á erum við fljót að hlaupa undir bagga með samferðafólki okkar og aðstoða, ekki bara sem einstaklingar heldur líka í hópum – ef svo má segja. Við höfum um áraraðir til dæmis átt hér Styrktarsjóð Húnvetninga sem aðstoðað hefur fjölskyldur sem lent hafa í erfiðleikum af einhverjum toga.
::Lesa
Íþróttamiðstöðin Blönduósi
Spaugið
12. janúar 2016
Hjá tannlækninum
Þegar tannlæknirinn hennar Áslaugar lét af störfum þurfti hún eðli málsins samkvæmt að verða sér úti um nýjan tannlækni.
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ