Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Laugardagur, 21. október 2017
A  2 m/s
C
Landbankinn
huni.is - RSS-efnisveita
 
Á döfinni
Október 2017
SMŢMFFL
1234567
891011121314
15161718192021
22232425262728
2930311234
FyrriNúnaNćsti
Veðurstofa Íslands
Blönduós 03:00 A 2  3°C
Reykir í Hr 03:00 S 3  3°C
Reykjavík 03:00 SSA 1  4°C
Akureyri - 03:00 SV 2  4°C
Egilsstaðaf 03:00 SSA 1  0°C
Haugur 11:00 SA 2  7°C
Holtavörðuh 03:00 S 2  1°C
Þverárfjall 03:00 A 1  1°C
Laxárdalshe 03:00 S 2  2°C
Brúsastaðir 03:00 A 1  2°C
Vegagerðin
Holtavörðuheiði 03:00 S 2  2 °C
Laxárdalsheiði 03:00 S 2  3 °C
Vatnsskarð 03:00 SSV 2  1 °C
Þverárfjall 03:00 A 1  1 °C
Kjalarnes 03:00 ASA 1  3 °C
Hafnarfjall 03:00 ASA 2  4 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
11. október 2017
Októbernöldur
Ærslabelgurinn sem settur var upp á skólalóðinni við Blönduskóla í sumar hefur notið mikilla vinsælda hjá börnum bæjarins og ungum gestum sem hafa heimsótt okkur í sumar. Nú hefur bæst við myndarlegur kastali  rétt hjá belgnum vinsæla og á hann án efa líka eftir að verða vinsæll hjá ungviðinu næsta sumar.
::Lesa

Northwest.is


SSNV

Leita í netfangaskrá
 
Eftir Guðjón S. Brjánsson
20. október 2017
Eftir Örnu Láru Jónsdóttur
17. október 2017
Eftir Lee Ann Maginnis
17. október 2017
Eftir Inga Heiðmar Jónsson
12. október 2017
Eftir Örnu Láru Jónsdóttur
11. október 2017
Eftir Lilju Rafneyju Magnúsdóttur
06. október 2017
Eftir Guðjón S. Brjánsson
06. október 2017
Eftir Inga Heiðmar Jónsson
03. október 2017

tilk_web.gif


Pistlar | 27. febrúar 2017 - kl. 09:17
Stökuspjall: Hljómar frá hörpu minninganna
Eftir Inga Heiðmar Jónsson

Það líður á góuna og sólin blessuð hækkar á lofti en félög Húnvetninga og U3A ætla að nota komandi vikur og efna til fundaraðar í Húnabúð næstu miðvikudaga, sjá veffang hér neðar en fyrstu vísur í stökuspjallinu koma frá Vatnsnesingnum Valda Kam.:

Glímutökin traust má sjá
til þín Jökulskynið slynga.
Titra stökutónar á
tjaldaþökum Vatnsdælinga.

Jökull er söguhetja í Vatnsdæla sögu og nafn hans fellur dável að innríminu. Gangnamanna blæ hefur vísan yfir sér. Ofan af heiðum og út á flóa höldum við með hinu myndvísa skáldi:                              

Borgar lampaljósum frá
léttum glampabrotum
aldan hampar úti hjá
Ægi kampavotum.

Borgfirðingurinn og plægingamaðurinn Steinbjörn frá Háafelli fékk hlýja kveðju:

Mörgum rétt þú hefur hönd
að hrinda Grettistaki.
Blómum fléttuð litfríð lönd
liggja slétt að baki.

Valdimar á Ægissíðu orti líka hestavísur:

Rís frá Ósi reiðmanns hrós
reykir gjósa úr tröðum
þegar Mósa loga ljós
lífs á rósablöðum.

Annan skáldmæltur Húnvetningur verður einnig kallaður fram í þessu spjalli en sá lét sér ekki duga að smíða vísur, heldur safnaði hann stökum af blöðum og bókum í margar möppur. Sigurður frá Selhaga, öldungur á Akureyri kvað:

Lífs á svæði lán mig bjó
lítt að gæðum sínum.
Hálfáttræður finn ég fró
er fletti ég skræðum mínum.

Til Akureyrar fluttu foreldrar hans, Sólveig ljósmóðir og Halldór Hjálmarsson árið 1924 og þar ílentist Sigurður. Hann gaf vísnasafn sitt til Skjalasafnsins á Blönduósi. Sigurður var fæddur á Hjallalandi 1898, flutti með foreldrum austur yfir Blöndu 1905 þar sem fjölskyldan bjó lengst af uppi á Skörðum, á afskekktasta býlinu í hreppnum, Selhaga. Þá var reyndar aflögð búseta í Rugludal fram við Blöndugil. Selhagi á Skörðum var fimm hundraða kot upp frá fjallajörðinni Þverárdal. Lengur var búið á annarri jörð á Skörðunum, sem var Kálfárdalur.

Endurlifnar æskuþrá
oft það dæmin sanna
er ég heyri hljóma frá
hörpu minninganna.

Sigurður orti um hörpu minninganna og árin sín 84:

Ellin herðir átök sín 
um það raula´ eg bögur
og liðnu æviárin mín 
84.

Sigurður var nær hálftíræður þegar hann lést 3. apríl 1993. Móðir hans kom vestan úr Arnarfirði á Kvennaskólann á Ytri-Ey og fór síðar suður að læra ljósmóðurfræði eftir að elsta barn hennar, Sigurður fæddist og þau Halldór giftust en það dugði fjölskyldunni ekki til að komast að framtíðarjarðnæði. Þannig varð saga fleiri húsmennskufjölskyldna. Nágranni Selhagafólks, Pétur í Vatnshlíð skrifaði ljósa og fræðandi grein um Sólveigu í Íslenskar ljósmæður III. 

PS. Munum eftir Húnabúð á miðv.d. 1. mars kl. 17 þar sem við fáum að líta: Lárus Ægi, Tómas Gunnar og Sigurð Ágústsson á H 10.

Húnvetnsk fræði í Húnabúð: http://www.huni.is/index.php?pid=32&cid=13553

Valdimar K. Benónýsson Ægissíðu: http://bragi.info/hunafloi/hofundur.php?ID=15241

Sigurður frá Selhaga: http://stikill.123.is/blog/2017/02/24/761266/

Vísur Sigurðar:  http://bragi.info/hunafloi/hofundur.php?U=s0&ID=18178&ut=1

Ingi Heiðmar Jónsson 

 

Höf. rzg
Millur Agnesar
Millur Agnesar
Fréttir | 20. október 2017 - kl. 16:19
Byggðasafn Húnvetninga og Strandamanna býður til kvöldkaffis og opnun sýningarinnar „Sakamál í Húnaþingi,“ miðvikudaginn 1. nóvember næstkomandi klukkan 20 til 22. Tekin verða fyrir þrjú fræg sakamál frá 19. öld og sýndir verða gripir sem tengjast viðkomandi fólki eða viðfangsefni. Lykilgripir sýningarinnar eru millur Agnesar, en þær eru sagðar hafa fundist með beinum hennar þegar þau voru færð í vígða mold.
Lífland
Fréttir | 20. október 2017 - kl. 11:13
Framleiðsla sem markar tímamót í umhverfismálum og nýsköpun innan mjólkuriðnaðarins á Íslandi
Mjólkursamsalan og Kaupfélag Skagfirðinga hafa tekið höndum saman og stofnað fyrirtækið Heilsuprótein sem ætlað er að framleiða verðmætar afurðir úr mysu sem áður hefur verið fargað. Í fyrri áfanga verksmiðjunnar, sem vígð verður á Sauðárkróki nú um helgina, verður framleitt próteinduft úr mysu sem fellur til við ostagerð á Vestur-, Norður- og Austurlandi. Í síðari áfanga verksmiðjunnar, sem áætlað er að komist í gagnið innan tveggja ára, verður framleitt ethanól úr mjólkursykri ostamysunnar og einnig úr mysu sem fellur til við skyrgerð.
Framsóknarflokkurinn
Pistlar | 20. október 2017 - kl. 10:17
Eftir Guðjón S. Brjánsson
Ein mestu verðmæti hverrar þjóðar er félagsauðurinn sem hún býr yfir. Hér er um að ræða öll þau félög sem sinna margs konar verkefnum til að auka lífsgleði og lífsgæði þjóðarinnar. Íslendingar eru svo lánsamir að þessi eiginleiki nánast liggur í blóðinu, enda hefur lífsbaráttan kennt kynslóðunum að hjálpsemi, samvinna og samkennd eru grundvallaratriði til að lifa af í harðbýlu landi.
Glaðheimar
Jón Brynjar og Snjólaug
Jón Brynjar og Snjólaug
Fréttir | 19. október 2017 - kl. 20:33
Frá Skotfélaginu Markviss
Nú er keppnistímabili lokið þetta árið í þeim skotgreinum sem stundaðar eru utanhúss. Alls átti Skotfélagið Markviss níu keppendur í hagla og kúlugreinum á nýliðnu keppnistímabili, aldursdreifing keppenda var með almesta móti og átti félagið fulltrúa í flestum flokkum frá unglinga og upp í öldungaflokk. Líkt og verið hefur tilnefnir stjórn Markviss skotíþróttafólk úr röðum keppenda sinna til titilsins Íþróttamaður ársins innan USAH.
Tilkynningar | 19. október 2017 - kl. 10:39
Frá nemendum í 9. og 10 bekk Húnavallaskóla
Á morgun, föstudaginn 20. október, verður spilakvöld í Húnavallaskóla. Spiluð verður félagsvist og inn kostar 500 krónur. Verðlaun fyrir stigahæstu spilara. Byrjað verður að spila klukkan 20:00. Sjoppa verður á staðnum og vonumst við til að sjá sem flesta.
Fréttir | 19. október 2017 - kl. 09:32
Stéttarfélögin Aldan, Kjölur, Samstaða og SFR gera vel við félagsmenn sína og bjóða þeim frítt á námskeið hjá Farskólanum. Félagsmenn annarra stéttarfélaga eru velkomnir á námskeiðin en mörg þeirra styrkja félagsmenn sína um allt að 75% af verði námskeiða. Námskeiðin sem um ræðir eru fljóta – slaka – njóta, konfektgerð, næringarfræði fyrir fróðleiksfúsa og iPad–námskeið.
Skjáskot af N4
Skjáskot af N4
Fréttir | 19. október 2017 - kl. 09:07
Í þættinum Að norðan sem sýndur er á norðlensku sjónvarpsstöðin N4 var nýlega fjallað um gamla bæinn á Blönduósi sem Blönduósbær vill gera að verndarsvæði í byggð í góðri samvinnu við íbúa og húseigendur. Í þættinum er rætt við Valgarð Hilmarsson, forseta bæjarstjórnar Blönduósbæjar, um verkefnið. Gamli bæjarhlutinn á Blönduósi á sér langa og merkilega sögu sem varðveitt er í gömlum húsakosti og heilstæðusvipmóti byggðarinnar.
Tilkynningar | 18. október 2017 - kl. 22:34
Tilkynning frá HSN
Erlingur Hugi Kristvinsson háls,- nef og eyrnalæknir verður með móttöku á Heilbrigðisstofnun Norðurlands á Blönduósi fimmtudaginn 26.október 2017. Tímapantanir í síma 455-4100 milli kl. 08:00 og 16:00.
Skjáskot af N4
Skjáskot af N4
Fréttir | 18. október 2017 - kl. 16:24
Norðlenska sjónvarpsstöðin N4 tók á dögunum hús á fyrirtækinu Léttitækni á Blönduósi. Fyrirtækið framleiðir og selur tæki sem létta dagleg störf, s.s. borðvagna á hjólum, trillur og hillukerfi. Höfuðstöðvar Léttitækni eru á Blönduósi en söludeild starfrækt í Reykjavík þar sem stærsti markaður fyrirtækisins er. Í þættinum Að norðan er rætt við Péturínu Laufeyju Jakobsdóttur skrifstofu- og starfsmannastjóra um starfsemina.
Norðurland vestra
Norðurland vestra
Fréttir | 17. október 2017 - kl. 22:19
Sveitarstjórn Skagabyggðar hefur ákveðið að fara í sameiningarviðræður við sveitarfélögin í Austur-Húnavatnssýslu. Sveitarstjórnir Blönduósbæjar, Skagastrandar og Húnavatnshrepps hafa verið látnar vita af ákvörðuninni. Þar með hafa allar sveitarstjórnirnar fjórar í sýslunni samþykkt að hefja formlegar viðræður um sameiningu. Gera má ráð fyrir að viðræðurnar hefjist fljótlega.
Fréttir | 17. október 2017 - kl. 15:55
Þórarinn Br. Ingvarsson, eigandi veitingastaðarins Borgarinnar, sem opnaður var á Skagaströnd í september árið 2014, ákvað að færa hann til Blönduóss. Þórarinn segist vilja vera nær þjóðvegi 1 og þess vegna hafi hann flutt staðinn á Hótel Blöndu við Aðalgötuna í gamla bænum á Blönduósi. Hann segir að mikill metnaður sé í eigendum hótelsins, miklar endurbætur hafi átt sér stað og það verði framhald á því verkefni. „Saman ætlum við að vinna að því að koma hótelinu rækilega á kortið.“
Fréttir | 17. október 2017 - kl. 14:31
Tónleikar í Blönduósskirkju
Kórar Blönduóss-, Hvammstanga og Hólaneskirkju Skagaströnd taka höndum saman og syngja saman fjölbreytta og skemmtilega sálma með jazz-ívafi sunnudagskvöldið 22. október klukkan 20:00 í Blönduósskirkju, undir stjórn Eyþórs, Pálínu og Hugrúnar Sifjar organista kirknanna.
Fréttir | 17. október 2017 - kl. 13:49
Framsóknarflokkurinn boðar til tveggja opinna funda um landbúnaðar og byggðamál á morgun í Húnavatnssýslum. Fyrri fundurinn er í Hlöðunni á Hvammstanga klukkan 14:00 og seinni fundurinn er á B&S Restaurant á Blönduósi klukkan 17:00. Aðalræðumaður fundarins er Sigurður Ingi Jóhannsson formaður Framsóknarflokksins. Allir er velkomnir.
Fréttir | 17. október 2017 - kl. 10:39
Samtök sveitarfélaga á Norðurlandi vestra heldur ráðstefnu á föstudaginn um framtíð landbúnaðar á Norðurlandi vestra. Ráðstefnan fer fram í Félagsheimilinu á Hvammstanga og stendur frá klukkan 13 til 17. Ráðstefnustjóri er Gísli Einarsson. Þorgerður Katrín Gunnarsdóttir, landbúnaðarráðherra, mun ávarpa ráðstefnugesti. Ráðstefnan er öllum opin og fer skráning fram á netfanginu ssnv@ssnv.is.
Húsfrúin
02. ágúst 2017
Gleði er áfall og hluti af lífi
Flest þurfum við einhvern tíma á ævinni að glíma við gleðina. Það er einstaklingsbundið hvernig fólk bregst við gleðinni. Aldur og lífsreynsla skiptir litlu máli, tengslin við gleðigjafann skiptir mestu máli.
::Lesa
Spaugið
25. september 2017
Hjá rakaranum
Ungur drengur gengur inn á rakarastofu. Þegar rakarinn sér hann hvíslar hann að viðskiptavininum. „Þetta er heimskasti krakki í heiminum. Sjáðu, ég skal sanna það fyrir þér.“ 
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ