Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Fimmtudagur, 28. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 19:56 0 0°C
Laxárdalsh. 19:56 0 0°C
Vatnsskarð 19:56 0 0°C
Þverárfjall 19:56 0 0°C
Kjalarnes 19:56 0 0°C
Hafnarfjall 19:56 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Inga Heiðmar Jónsson
27. mars 2024
71. þáttur. Eftir Jón Torfason
24. mars 2024
Eftir Inga Heiðmar Jónsson
22. mars 2024
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
Ljósmynd: Róbert Daníel
Ljósmynd: Róbert Daníel
Pistlar | 03. apríl 2017 - kl. 18:36
Stökuspjall: (Að vera) ókunnur gestur hvert sem komið er
Eftir Inga Heiðmar Jónsson

Höfundur Föðurtúna, Páll Kolka samdi þessar lýsingar af Húnaþingi fyrir miðja síðustu öld. Þá voru félagar hans í Sögufélaginu Húnvetningi farnir að gefa út Svipi og sagnir svo sögufélagsmenn höfðu ýmis járn í eldi í annríki þeirra ára. Páll Kolka samdi einnig ljóðið Húnabyggð, sem Guðmann Hjálmarsson smiður á Blönduósi samdi lag við og hefur orðið héraðssöngur austurhéraðsins. Tónskáldið Guðmann var einn  af níu stofnendum karlakórsins aldna, þar í dölunum og þar lágu rætur hans. Páll Kolka, höfundur ljóðsins, starfaði lengi með Húnvetningum sem héraðslæknir og varð þeim einnig farsæll og öflugur páll við skipulag og byggingu Héraðshælisins.

Páll orti stökuna:

Um sál vora deila Dul og Vil
hvern dag, við nautnir og störf.
Að krefja þær nornir um skuldaskil
er skáldinu eðlisþörf.

Sýslulýsingin hans, Föðurtún, hefur verið ljósrituð og er til sölu hjá Skjalasafninu á Blönduósi og Húnvetningum syðra. Föðurtún eru  full með fróðleik og myndir og ná vel yfir ríki Húna allt frá Vatnshlíð og Þverárfjalli vestur í Hrútafjörð. Þannig kveður Kolka um vorið og Kvennaskólann við Blönduós:

Ungra meyja vanga og vör
vorið prýðir skarlatsrósum,
skín í björtum brúnaljósum,
bregður ljóma á þeirra för.
Þó að vetur berji á bölum,
blindi skuggar sólarlags,
skína í Kvennaskólans sölum
skærir litir vors og dags.

Suður í Reykjavík hafa sýslungarnir komið saman í vetur, á miðvikudögum í Húnabúð, og buðu þangað fyrirlesurum til sex funda. Fyrir áramót birtust Sesselja Þórðardóttir kennari, Bjarni Þórarinn Hallfreðsson nemi í sagnfræði og dr. Lára Magnúsardóttir sagnfræðingur en fyrirlesarar í síðari fundaröðinni voru nokkru fleiri, sjá hér að neðan. Húnakórinn kom á síðasta fundinn hinn 15. mars og gladdi gesti fundarins með söng sínum, sum lögin nýsamin af kórfélögum en söngstjórinn gleymdi ekki að rifja upp meitluðan texta sr. Gunnars Árnasonar/Tónar í tómstundum þegar hann kynnti hin eldri lög og frændurna og söngstjórana frá Eyvindarstöðum.

Annar Húnvetningur, íslenskufræðingurinn Hermann Pálsson, skildi eftir sig fleira en fræðibækur og frumlegar kenningar þegar hann lést 2002. Ljóðabók Hermanns hét Atviksorð í þátíð og gefin út af Bókaútgáfunni á Hofi eins og fleiri góðar bækur af Gísla bróður hans. Hermann rabbar við ættjörðina sælu í ljóði sínu Kveðja:

Mér verður stundum staldrað við hjá þér,
þótt stöðugt færist ég í suðurátt
og norðrið taki að iðka annan hátt
en áður höfðu landar tamið sér.

Starfsvettvangur Hermanns varð úti í Háskólanum í Edinborg þar sem hann var prófessor í íslenskum fræðum svo hann gat trútt um talað er honum þóttu sveitungarnir breyttir eftir mannsaldur til viðbótar en færði honum sjálfum elliárin. Snjallorður er Hermann og myndvís í áðurnefndu ljóði, Kveðja:

Ég týndi mínu „heima“ í þessum heim
og hefi löngum síðan tamið mér
útlent tal með annarlegum hreim,
ókunnur gestur hvert sem komið er.

Á milli okkar sífellt breikkar bil,
því bernska mín í fjarska horfin er.
Um breiða ála, djúpan hafsins hyl,
minn hugur fer í kveld að leita að þér.

Fræðimaðurinn sneri sér frá Eddu- og Hávamálarannsóknum og varð sinn eiginn ritstjóri, fann sér farveg með stuðlum og rími og sneri sér að því huglæga og sínum innri manni.

Þrír rithöfundar hafa verið tilgreindir hér að ofan og er elstur þeirra læknirinn dugmikli er starfaði í heimabyggðinni, var nokkur einfari í Sögufélaginu en skilaði vænni skák þegar upp er staðið. Ungi presturinn, Gunnar Árnason, kom einn á haustskipi til Blönduóss 1925, skildi eftir sig fjölda af minningaræðum, sem geymdar eru norður á Skjalasafninu á Blönduósi, hann tók að sér formennsku í Sögufélaginu, við hlið þeirra Bjarna í Hólum og Magnúsar á Syðrahóli og skilaði miklu starfi með þessum félögum sínum og merku félagi sem endist okkur enn í dag. Bók Gunnars, Tóna í tómstundum, um 35 ára karlakór sveitunga sinna, samdi hann eftir að hann varð prestur syðra 1952. Nú er kórinn kominn á tíræðisaldur. Sr. Gunnar varð prestur í Kópavogi og Bústaðasókn sem mynduðu þá saman eitt prestakall – án kirkju. Ekki er alveg hægt að fríkenna prest af grallaraskap þegar hann rifjar upp daga sína á skólaárunum og vitnar í Káinn:

Það var á yngri árum
þá engin sorg var til
og flestir áttu ekkert
og allt gekk þeim í vil.

Sjálfur átti hann létt með rím og stuðla eins og sést af þessari hringhendu heilræðavísu hans:

Illu að sletta á ei til manns
og um það frétt að bera.
Þú átt að létta lundu hans
– og leiðina slétta gera.

Yngstur rithöfundanna í spjallinu í dag er Hermann Pálsson frá Sauðanesi, sem tók kandidatsnám sitt á aðeins 4 árum, fór til Írlands að nema keltnesku og varð síðan prófessor í íslensku við Háskólann í Edinborg. Hann var brautryðjandi að upplagi, hann skoðar og birtir forn ljóð norræn og þýðir keltnesk í bók sinni Söngvar frá Suðureyjum. Kannski fékk Hermann grun um skáldið í sér þegar hann dvaldi í Ljóðhúsum á Suðureyjum og freistaði þess að snara keltneskum eða galískum ljóðum á norræna tungu. Þar rímar hann sjaldan en stuðlar nokkuð. En lokavers bókarinnar hefur bæði stuðla og rím:

Við brottför þína brugðu fjöllin lit
og blámi himins varð að mistri gráu
en ilmur hvarf að grænni smáragrund
því aldrei framar fer ég þín á vit
í fremsta hvamminn, þar sem blómin smáu
þoldu önn við okkar fyrsta fund.

En hverfum rétt í lokin til samtímans: Að samstarf glæði atorku eru ekki mikil tíðindi, síst fyrir Húnvetninga sem áttu sér félög allt frá Lestrarfélagi Blöndælinga árið 1846, en spjallritarinn vill gjarnan og glaður upplýsa hvernig upplestur Eiríks söngstjóra Húnakórsins á meitluðum mannlýsingum úr söguritinu Tónar í tómstundum í fyrravetur varð honum hvatning til að rifja upp þá ritsmíð – og fleiri – frá hendi sóknarprestsins góða sem haslaði sér völl á Æsustöðum innst í Langadal. Þar lá vegur um hlað og vinatengsl kviknaðu skjótlega við granna og sveitunga. Samkoman var sunnud. 14. febrúar en 100. afmælisdagur Jónasar 9. sama mánaðar.

Til minnis – Sögufélagið Húnvetningur heldur aðalfund sinn í Eyvindarstofu v/þjóðveg 1 Blönduósi lau. 22. apríl kl. 14. Nánar auglýst er nær dregur!

Vísað er til:
Mannlýsingar, ætta og bæja eftir sr. Gunnar Árnason: http://stikill.123.is/blog/2017/03/31/763053/
Ljóð og vísur P. V. G. Kolka: http://bragi.info/hunafloi/hofundur.php?ID=15881
Mannlýsingar og aðrar lýsingar úr Föðurtúnum: http://stikill.123.is/blog/2017/03/31/763042/
Hermann Pálsson/Kveðja: http://bragi.info/hunafloi/ljod.php?ID=5058
Hermann Pálsson í Wikipedíu: https://is.wikipedia.org/wiki/Hermann_P%C3%A1lsson
HP: Finnugaldur og Hriflunga: http://www.mbl.is/greinasafn/grein/298319/ ´
Minningagreinar um Hermann: http://www.mbl.is/greinasafn/grein/693912/
Fundaröð í Húnabúð: http://www.huni.is/index.php?pid=32&cid=13553 
Stikill 4 og Safnritið: Hugurinn flýgur víða, þættir sextán fyrrverandi sóknarpresta Rv. 1972
Þeir urðu vinir á vondu ferðalagi: http://www.huni.is/index.php?cid=12589 

Ingi Heiðmar Jónsson

Höf. rzg
Þingeyrakirkja
Þingeyrakirkja
Fréttir | 28. mars 2024 - kl. 09:02
Páskarnir eru ein mesta hátíð kristinna manna. Þá er krossfestingar Krists og upprisu hans minnst. Þessi merki boðskapur hefur táknræna merkingu ekki síður en sögulega. Margir nota hátíðina til samvista með sínum nánustu, vinum og/eða ættingjum, sumir leggjast í ferðalög en aðrir njóta einfaldlega þess að vera til. Svo eru þeir sem sinna helgihaldi um páska og rækta trú sína og innri mann.
Glaðheimar
Tillögurnar fimm sem hægt er að kjósa um
Tillögurnar fimm sem hægt er að kjósa um
Fréttir | 27. mars 2024 - kl. 18:35
Íbúar í Húnaþingi vestra geta valið milli fimm tillagna að slagorði fyrir sveitarfélagið, sem lýstir kjarna samfélagsins og hægt er að nota í kynningarskyni. Síðastliðið haust framkvæmdi Háskólinn á Bifröst íbúakönnun og var fólk m.a. beðið um að koma með hugmyndir að slagorði fyrir Húnaþing vestra. Nokkrar tillögur bárust og hafa nú fimm verið valdar til að kjósa um. Einnig er hægt að koma með nýja hugmynd. Sagt er frá þessu á vef Húnaþings vestra.
Ástarbréf Ketilríðar
Ástarbréf Ketilríðar
Pistlar | 27. mars 2024 - kl. 09:06
Eftir Inga Heiðmar Jónsson
Mamma/Sigríður Ỏlafsdóttir, fæddist á Mörk eins og Ingimar Guðmundur, bróðir hennar og til Laxárdalsins óf hún sterka tryggð, fjölskyldan átti þar og eignaðist góða granna, þar á meðal eldri hjónin í Mjóadal, Ingibjörgu og Guðmund Erlendsson hreppstjóra. Það var tekið vel á móti gömlum sveitungum þegar amma og afi fluttu úr Hegranesinu 1917.
Fréttir | 26. mars 2024 - kl. 14:48
Hjá Biopol á Skagaströnd hafa verið gerðar tilraunir til að nýta kjöthluta grásleppunnar til framleiðslu á matvöru og verða afurðirnar kynntar á sjávarútvegssýningunni í Barcelona í næsta mánuði, að því er fram kemur á vef Fiskifrétta. Haft er eftir Halldóri G. Ỏlafssyni, framkvæmdastjóra Biopol, að gerðar hafi verið tilraunir með kald- og heitreykingu grásleppuflaka og þurrkun á grásleppuhveljum með það fyrir augum að bjóða hana sem valkost í gæludýrafóður.
Fréttir | 26. mars 2024 - kl. 14:11
Byggðarráð Húnaþings vestra harmar einhliða ákvörðun Íslandspósts um að loka Pósthúsinu á Hvammstanga, sem hafi í för með sér niðurlagningu á 2,5 stöðugildi. Ákvörðunin rýri samkeppnishæfni fyrirtækja sem selji vörur í vefverslun á svæðinu þar sem aðgengi að þjónustu geti haft áhrif á afgreiðsluhraða. Þetta kemur fram í bókun byggðarráðs frá fundi þess í gær.
Fréttir | 26. mars 2024 - kl. 09:28
Tveir bílar sem komu úr gagnstæðri átt lentu saman í hörðum árekstri á hringveginum við bæinn Enniskot í Húnaþingi vestra síðdegis í gær en lögreglan fékk tilkynningu um slysuð rétt fyrir klukkan 17. Í tilkynningu frá henni segir að tvennt hafi verið í hvorri bifreið og að tveir hafi verið fluttir slasaðir með sjúkraflugi frá Blönduósflugvelli til Reykjavíkur, og tveir með sjúkrabifreið. Ekki sé hægt að segja til um meiðsl fólksins að svo stöddu.
Fréttir | 25. mars 2024 - kl. 14:58
Í byrjun júní eru fyrirhugaðar breytingar á póstþjónustu á fjórum stöðum á Norðurlandi. Til stendur að loka pósthúsunum á Hvammstanga, Siglufirði og Dalvík og samstarfspósthúsinu í Ỏlafsfirði. Nú verða sendingar afgreiddar af bílstjórum póstbíla og í póstboxum. Þegar eru komin póstbox á Hvammstanga og Dalvík en í næsta mánuði verða sett upp box í Ỏlafsfirði og á Siglufirði. Þetta kemur fram á vef Íslandspóst.
Stjórn Styrktarsjóðs A-Hún. ásamt stjórnarmönnum Hollvinasamtaka HSB. Mynd: Hlynur Tryggvason
Stjórn Styrktarsjóðs A-Hún. ásamt stjórnarmönnum Hollvinasamtaka HSB. Mynd: Hlynur Tryggvason
Tilkynningar | 25. mars 2024 - kl. 14:17
Frá stjórn Hollvinasamtaka heilbrigðisstofnunarinnar á Blönduósi
Stjórnarfundur var haldinn þann 21. mars hjá Hollvinasamtökum HSB. Eftir fundinn mættu sannkallaðir gleðigjafar, en það var stjórn Styrktatsjóðs A-Hún. þau Valgarður Hilmarsson formaður, Erla Ísafold Sigurðardóttir og Sigríður Eddý Jóhannesdóttir. Færðu þau samtökunum rausnarlega gjöf kr: 500.000 upp í kaup á þrekhjóli fyrir skjólstæðinga 3. og 4. hæðar.
Már Jónsson og Jón Torfason. Mynd: hi.is
Már Jónsson og Jón Torfason. Mynd: hi.is
Fréttir | 24. mars 2024 - kl. 12:09
Út er komin bókin Þessi frægu glæpamál: Morðin á Sjöundá og Illugastöðum. Það eru Már Jónsson, prófessor í sagnfræði við Deild heimspeki, sagnfræði og fornleifafræði HÍ og Húnvetningurinn Jón Torfason, fyrrverandi skjalavörður á Þjóðskjalasafni Íslands sem rita ítarlegan inngang og tóku saman heimildir sem eru gefnar út í heild sinni í fyrsta sinn í þessari bók. Útgefendur eru Sýnisbók íslenskrar alþýðumenningar og Háskólaútgáfan.
Kaldakinn Torfalækjarhreppi um 1930. Mynd: Héraðsskjalasafn Austur-Húnavatnssýslu
Kaldakinn Torfalækjarhreppi um 1930. Mynd: Héraðsskjalasafn Austur-Húnavatnssýslu
Pistlar | 24. mars 2024 - kl. 09:47
71. þáttur. Eftir Jón Torfason
Eftir flutning Sveins Halldórssonar að Hnjúkum 1809 bjuggu Halldór Jónsson og Guðrún Jónsdóttir kona hans áfram í Köldukinn til 1811 en í stað Sveins kom nýtt sambýlisfólk um tveggja ára skeið (1809-1811). Það voru Jón Jónsson (um 1740-1816) og Jarþrúður Jónsdóttir (1748-20. ágúst 1825), höfðu lengi búið á Miðgili í Langadal og fluttu héðan að Engihlíð þar sem Jón lést 1816.
Eiðsstaðir í Blöndudal. Mynd: Héraðsskjalasafn Austur-Húnavatnssýslu
Eiðsstaðir í Blöndudal. Mynd: Héraðsskjalasafn Austur-Húnavatnssýslu
Pistlar | 22. mars 2024 - kl. 10:25
Eftir Inga Heiðmar Jónsson
Horfinn er þangað hugurinn. Hrakningar, leitir, villa / ónáða byggðamanninn minn / mögnuðum kitlum fylla. Horfinn er þangað hugurinn, / hvenær sem gengur illa. Sigurður gaf út tvær ljóðabækur, Sandfok 1940, Rætur og mura 1955, en ferða- og hestabækur skrifaði hann líka og fyrst hreif hann mig með bók sinni Einn á ferð og oftast ríðandi.
Mynd: umferdin.is
Mynd: umferdin.is
Fréttir | 22. mars 2024 - kl. 10:02
Ekkert ferðaveður er á Norðurlandi vestra þessa stundina. Þæfingur, snjóþekja eða hálka er á flestum leiðum á svæðinu og víða hvasst. Holtavörðuheiði er lokuð vegna veðurs og verður staðan metin á hádegi. Ỏfært er um Laxárdalsheiði. Vatnsskarð er lokað vegna veðurs og þar eru bílar sem þvera veginn. Þverárfjall er lokað vegna veðurs. Gular veðurviðvaranir eru í gildi á öllu Norðurlandi, sem og á Vestfjörðum, Breiðafirði og á Austurlandi að Glettingi.
Frá samráðsfundinum á Blönduósi. Mynd: Aðsend
Frá samráðsfundinum á Blönduósi. Mynd: Aðsend
Fréttir | 22. mars 2024 - kl. 09:13
Samstarfsyfirlýsing um samvinnu gegn ofbeldi og öðrum brotum, og um bættrar þjónustu fyrir jaðarsetta hópa, undir heitinu Öruggara Norðurland vestra, hefur verið undirrituð af Lögreglustjóranum á Norðurlandi vestra, Sýslumanninum á Norðurlandi vestra, sveitarfélögunum Húnaþingi vestra, Húnabyggð, Skagabyggð Skagaströnd og Skagafirði, Húnavatns- og Skagafjarðarprófastdæmi, Heilbrigðisstofnunum Norðurlands og Vesturlands, Fjölbrautaskóla Norðurlands vestra og ungmennasamböndunum USAH, USVH og UMSS.
Sveinbjörg Rut Pétursdóttir er nýr formaður USVH. Mynd: usvh.is
Sveinbjörg Rut Pétursdóttir er nýr formaður USVH. Mynd: usvh.is
Fréttir | 21. mars 2024 - kl. 15:41
Héraðsþing Ungmennasambands Vestur-Húnvetninga var haldið í Félagsheimilinu Hvammstanga á þriðjudaginn og sá Hestamannafélagið Þytur um skipulagningu þess. Á þinginu var Sveinbjörg Rut Pétursdóttur kjörin nýr formaður USVH til tveggja ára en hún tekur við af Guðrúnu Helgu Magnúsdóttur sem setið hefur sem formaður síðastliðin fjögur ár. Þá var nýr meðstjórnandi kjörinn til tveggja ára, Guðrún Gróa Þorsteinsdóttir, en hún tekur við af Elísu Ýr Sverrisdóttur.
 
Prenta Prenta  
 
Til baka
 

©2024 Húnahornið