Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Mánudagur, 18. desember 2017
SSA  10 m/s
C
Landbankinn
huni.is - RSS-efnisveita
 
Á döfinni
Desember 2017
SMŢMFFL
262728293012
3456789
10111213141516
17181920212223
24252627282930
31123456
FyrriNúnaNćsti
Veðurstofa Íslands
Blönduós 06:00 SSA 10  6°C
Reykir í Hr 05:00 S 14 6°C
Reykjavík 06:00 SSA 3  6°C
Akureyri - 06:00 SA 9  7°C
Egilsstaðaf 06:00 S 5  2°C
Haugur 11:00 SSV 7  -1°C
Holtavörðuh 06:00 SSV 12 2°C
Þverárfjall 06:00 SV 11  4°C
Laxárdalshe 06:00 SSV 16 4°C
Brúsastaðir 06:00 S 9  6°C
Vegagerðin
Holtavörðuheiði 06:40 SSV 12  2 °C
Laxárdalsheiði 06:40 SSV 14  4 °C
Vatnsskarð 06:40 SSA 14  2 °C
Þverárfjall 06:40 SV 12  5 °C
Kjalarnes 06:40 A 5  7 °C
Hafnarfjall 06:40 SSA 9  6 °C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
11. desember 2017
Desembernöldur
Ég veit ekki um ykkur en mér  finnst eins og aðeins séu nokkrar vikur síðan við héldum síðast heilög jól. En nú eru ekki  nema nokkrir dagar þar til aftur eru komin jól. Nú er best að leggja allt nöldur til hliðar og gleðjast frekar yfir því sem í vændum  er. Gleðjast yfir  öllum ljósunum sem prýða bæinn sem aldrei fyrr og gera umhverfið svo jólalegt.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
17. desember 2017
Eftir Pál Ingþór Kristinsson
15. desember 2017
Eftir Sigurbjörn Þorkelsson
13. desember 2017
Eftir Eyþór Franzson Wechner
12. desember 2017
Eftir Inga Heiðmar Jónsson
07. desember 2017
Eftir Inga Heiðmar Jónsson
24. nóvember 2017
Eftir Höskuld Birki Erlingsson formann Karlakórs Bólstaðarhlíðarhrepps
07. nóvember 2017
Eftir Inga Heiðmar Jónsson
06. nóvember 2017

tilk_web.gif


Reykjavík 1881. Ljósm: Wikipedia.org
Reykjavík 1881. Ljósm: Wikipedia.org
Pistlar | 09. maí 2017 - kl. 09:20
Stökuspjall: Þys við þorskakasir
Eftir Inga Heiðmar Jónsson

„Föst lífsskoðun, hviklaus stefna, járnbentar hugsanir eru ómissandi kostur í illdeilum, byljum og bardögum, þær eru vetrarföt og herklæði. Kossar eru engin lífsskoðun, faðmlög engin stefna, sumarleikir okkar um lautir og bala engin djúpsett rökfræðisraun . . . . En samt . . . . mannkynið myndi tæpast lengi fara í vetrarföt og herklæði, ef það ætti ekki að vinna fyrir faðmlögum og sumri". Hér birtast orð Þorsteins Erlingssonar skálds í bók Vilhjálms útvarpsstjóra um blöð og blaðamenn allt frá 1773. Bókarhöfundur er í raun að skoða hvernig skáldskapur og og stjórnmál fléttast einlægt saman í blöðunum á næstsíðustu öld þar sem útgerðarmenn hleyptu stundum nýju blaði af stokkunum og réðu skáld fyrir ritstjóra. Stundum lögðu eldhugarnir einir af stað!  Í næsta kafla bókarinnar fjallar Vilhjálmur um um annan Þorstein ritstjóra, nl. föður sinn, Gíslason eins og þeir bræður Gylfi Þ. og Vilhjálmur kölluðu sig Gíslasyni þó börn þeirra hafi lagt þann sið af og kalli sig Vilhjálms- og Gylfabörn.

Um skáldið sr. Matthías segir Þorsteinn Gíslason: Ég hef aldrei verið í kirkju hjá séra Matthíasi. En ég get hugsað mér að ég væri þar. Og mér finnst að öðru megin á altaristöfluna hjá honum ætti að vera myndaður Hallfreður vandræðaskáld, Arnór, Einar Skúlason eða einhver hinna fornu kveðandi Íslendinga, en hinu megin postulinn Páll. Það er að segja ég vildi setja þessa mynd yfir hans „poetiska altari". Hlutur Þorsteins Gíslason í íslenskri blaðaútgáfu er stór, s.s. Sunnanfara, Lögréttu, Óðni, Íslandi og Bjarka á Seyðisfirði. Matthías Jochumsson skrifar Þorsteini 1897 norðan af Akureyri:„ . . . til stakra heilla og hamingju með Ísland. Mig undrar – og marga hér – yðar þor og áræði, en þetta plan er sjálfsagt lagt fyrir löngu – verst er féleysið, féleysið, féleysið. Að hafa sem flest til fjölbreyttast, -- það er hjá oss eitt aðalspursmál. Að vera radikal og orginal, andríkur, skömmóttur, partískur, -- getur allt dugað um stund og í viðlögum . . . . en drjúgara að spila á almennustu strengina og það eru alþýðunnar 5 skynfæri." En heillaóskir skáldsins dugðu ekki, síðasta blað Íslands kom út um jólin 1898 og Þorsteinn Gíslason fór austur að ritstýra Bjarka. En þeir hefðu brosað þessir kappar hefðu þeir haft vefritin og vefsíður nútímans til að láta gamminn geysa um lönd og höf. Kannski dottið í makræði. Bókarhöfundur vitnar í Pál Melsteð: Þegar þeir félagar hættu við blaðið Íslending eftir þrjú ár voru þeir í 900 ríkisdala prentsmiðjuskuld, en prentsmiðjan hafði tekið jafnóðum öll áskriftargjöld. Þeir fengu 200 dala afslátt og borguðu 100 dali hver en „fengu ekki einn eyri fyrir fyrirhöfn sína."

Ætli þeir hefðu ekki verið á fésbók hefði andi þeirra starfað 2017? Vísast ánægðir að hafa Húnahornið til að  senda pósta Húnvetningum og öðrum landsmönnum. Annar vefur er vestan flóans og sinnir einnig vel menningunni. Hann er mest skrifaður á Kirkjubóli þar sem býr Jón ritstjóri og þjóðfræðingur Jónsson.  

En förum nú ljóðaleit. Um Hornbjarg orti Þorsteinn Gíslason:

Turnafögur Hornbjarg heitir
höll við marar ál.
Þar á vori' um kvöld ég kom,
sá kynt í hamri bál.
Hallardyr að hafi snúa.
„Hér mun ríkur kóngur búa."
Gulls- og silki-glit frá tjöldum
geisla sást í öldum.

Lokavísan hljóðar svo:

Aðeins þegar sumarsólin
svona fögur kveld
inn til vætta hafs og hamra
himins sendir eld,
opnast hallir huldu-þjóða,
heimar, þar sem vögguljóða
draumnum ljúfa, dularspaka
dánir yfir vaka.

Hér er hringhenda eftir sama Þorstein:

Himinglossar glita svið.
Gljúfrafoss sér rólar.
Tíbrá hossar völlum við
varma kossa sólar.

Þorsteinn Gylfason heimspekingur var sonarsonur Þorsteins Gíslasonar, rómaður orðlistamaður, Vilmundur landlæknir var hinn afi hans, en vísnasafnið geymir eina vísu/limru úr orðasmiðju Þorsteins yngri:

„Ég var eins og vera ber,"
mælti Vera.„En ekki hver?
Fæst má nú gera . . ."
Og fyrr má nú vera
en vera eins og Vera ber.

Matthías hefur verið Oddaprestur þegar hann orti:

Spyr ég að norðan nísting harðan.
Neyð að vestan sögð er mesta.
Mistri er roðinn röðull í austri.
Rangárland er vorpið sandi.

Gr.Thomsen fylgdi Jóni forseta en útför hans var gerð frá Dómkirkjunni. Matthías smellti af honum mynd:

Grímur fylgdi á gráum kufli gamla Jóni,
hreysiköttur konungsljóni.

Andstæðu við háa turna Hornbjargs og Stranda má finna á dönskum grundum.  Hverfum til fyrri hluta nítjándu aldar --  til móts við Jónas frá Hrauni. Hann vaknar snemma sumardaginn fyrsta, fer út í eftirlitsferð og Lárus félagi hans, þyrstur í bréf frá félögum þeirra af strætum Hafnar, spyr þegar hann snýr aftur hvort  „skáldið" hefði ekki séð skip? Jónas grípur sendinguna á lofti:

Sér ei skáldið skip á öldu
skautum búið að landi snúa?
er ei þys við þorskakasir?
þóttast ekki búðadróttir?1
"Harður byr að hafnavörum
húna- rekur -jóinn lúna,
glatt er lið á götustéttum,
glápa sperrtir búðaslápar."

Strandir.is http://strandir.is/arsthing-heradssambands-strandamanna-haldid-a-drangsnesi/ Hornbjarg http://bragi.info/hunafloi/ljod.php?U=z2&ID=972
Heimspekitorg: http://heimspekitorg.is/
Vísur sr. Matthíasar Jochumssonar: http://bragi.info/hunafloi/visur.php?VID=29789
Vefsíða Jónasar: http://jonashallgrimsson.is/
Skipkoma 1830: http://digicoll.library.wisc.edu/Jonas/Skipkoma/Skipkoma.html

Ingi Heiðmar Jónsson

Höf. rzg
Pistlar | 17. desember 2017 - kl. 11:05
Eftir Sigurbjörn Þorkelsson
Skaflarnir á ævigöngunni kunna að vera margir og oft sannarlega illfærir. Alltaf kemst maður þó einhvern veginn með óskiljanlegum hætti í gegnum þá flesta að lokum með Guðs hjálp og góðra manna. Og jafnvel þótt maður verði vegmóður og þreyttur og laskist stundum verulega, þá verður maður sannarlega reynslunni ríkari.
Lífland 15des_15mars
Pistlar | 15. desember 2017 - kl. 21:26
Eftir Pál Ingþór Kristinsson
Á Bakásum er mikil skógrækt á þrem jörðum og eru það jarðirnar Gunnfríðarstaðir, Hamar og Ásar. Innan fárra ára verður sýnilegur tæplega 700 ha skógur á jörðunum og er þá ótalið það land sem er að klæðast trjám út frá skóginum. Munar þar mestu um áreyrar Blöndu. Stærsti alaskaasparskógur á Íslandi var til skamms tíma á Gunnfríðarstöðum en í skjóli hans er myndarlegur blágrenireitur sem hefur gefið mikið af fallegum jólatrjám inn á heimili Húnvetninga.
Jólahús ársins 2017
Fréttir | 15. desember 2017 - kl. 16:19
Leikflokkurinn á Hvammstanga frumsýnir í kvöld leikritið Hérumbil, Húnaþingi. Sýningin fer fram í Félagsheimilinu Hvammstanga klukkan 20 en húsið opnar klukkutíma fyrr. Einnig verða sýningar laugardaginn 16. desember og sunnudaginn 17. desember en báðar hefjast þær klukkan 20.
Glaðheimar
Fréttir | 15. desember 2017 - kl. 16:08
Framkvæmdastjórn Heilbrigðisstofnunar Norðurlands (HSN) lýsir yfir vonbrigðum með nýútgefið fjárlagafrumvarp. Í tilkynningu frá stofnuninni segir að í þeim auknu fjárframlögum sem ætluð eru til að styrkja rekstur heilbrigðisþjónustu í landinu sé litið framhjá heilbrigðisstofnunni og í staðinn sett 20 milljóna króna hagræðingarkrafa á hana. 
Bryndís frá Farskólanum afhendir Guðnýju sveitarstjóra skýrsluna. Ljósm: hunathing.is
Bryndís frá Farskólanum afhendir Guðnýju sveitarstjóra skýrsluna. Ljósm: hunathing.is
Fréttir | 15. desember 2017 - kl. 09:44
Sveitarfélagið Húnaþing vestra ákvað í vor að ráðast í markvissa uppbyggingu mannauðs. Gerður var samningur milli Sveitamenntar, mannauðssjóðs Kjalar, Farskólans og Húnaþings vestra um að gera þarfagreiningu á fræðsluþörfum meðal almenns starfsfólks hjá sveitarfélaginu. Markmiðið með vinnunni er að koma símenntun og starfsþróun í ákveðinn farveg, auka starfsánægju og bæta þjónustu, ásamt því að gera fræðsluáætlun með hugmyndum um fræðslu til starfsmanna.
Pálmi Jónsson
Pálmi Jónsson
Fréttir | 15. desember 2017 - kl. 09:05
Við þingsetningu Alþingis í gær var Pálma Jónssonar á Akri, fyrrverandi alþingismanns og ráðherra, minnst. Pálmi lést á sjúkrahúsi í Reykjavík 9. október síðastliðinn eftir langvarandi veikindi. Hann var á 88. aldursári. Hann var fæddur á Akri í Torfalækjarhreppi 11. nóvember 1929. Pálmi var öflugur talsmaður bænda og landsbyggðar.
Rafbókasafnið
Rafbókasafnið
Fréttir | 14. desember 2017 - kl. 15:28
Héraðsbókasafn Austur-Húnvetninga er komið með aðgang að Rafbókasafninu sem opnað var 30. janúar á þessu ári. Á Rafbókarsafninu er hægt að nálgast raf- og hljóðækur á vegum OverDrive, sem er bandarískt fyrirtæki. Meginhluti efnisins er á ensku, en stefnt er að því að fá meira íslenskt efni inn sem fyrst. Sagt er frá þessu á Facebook síðu héraðsbókasafnsins.
Fréttir | 14. desember 2017 - kl. 10:09
Tómstunda- og menningarmálanefnd Skagastrandar hefur hug á að stækka sjómannadaginn á Skagaströnd árið 2018 með auknum hátíðarhöldum. Á fundi nefndarinnar í nóvember voru ýmsir möguleikar ræddir og hugmyndir lagðar fram um hvernig það skuli gert. Einnig voru ýmsar hugmyndir að dagskráratriðum lagðar fram og ræddar fram og til baka.
Fréttir | 14. desember 2017 - kl. 09:56
Sveitarstjórn Húnavatnshrepps samþykkti á fundi sínum í gær fjárhagsáætlun sveitarfélagsins fyrir árið 2018. Samkvæmt henni er rekstrarniðurstaðan fyrir samstæðu A- og B-hluta sveitarsjóðs jákvæð sem nemur tæplega tíu milljónum króna. Tekjur eru áætlaðar um 485 milljónir og gjöld um 475 milljónir. Við gerð áætlunarinnar var, eins og undan farin ár, lögð áhersla á aðhald í rekstri, að því er segir í bókun sveitarstjórnar.
Pistlar | 13. desember 2017 - kl. 15:02
Eftir Sigurbjörn Þorkelsson
Það er svo sárt að sakna en það er gott að gráta. Tárin eru dýrmætar daggir, perlur úr lind minninganna. Minninga sem tjá kærleika og ást, væntumþykju og þakklæti fyrir liðna tíma. Minninga sem þú einn átt og enginn getur afmáð eða frá þér tekið. Tárin mýkja og tárin styrkja. Í þeim speglast fegurð minninganna.
Fréttir | 13. desember 2017 - kl. 14:27
Mira-Liina Skyttälä, styrkhafi í listamiðstöðinni í Kvennaskólanum á Blönduósi, verður með opið hús 14. desember, frá klukkan 16-19 í stúdíóinu á annarri hæð skólans. Mira-Liina mun halda námskeið í kartöfluprentun. Aðferðin gengur út á það að nota kartöflur sem stimpla og prenta á fjölnota poka. Námskeiðið hentar öllum aldurshópum og er ókeypis. Börn verða þó að vera í fylgd með fullorðnum.
Fréttir | 13. desember 2017 - kl. 11:38
Út er komin bókin Íslenska lopapeysan - uppruni, saga og hönnun eftir Ásdísi Jóelsdóttur, lektor við menntavísindasvið Háskóla íslands. Um er að ræða ritrýnda útgáfu og er það í fyrsta skipti sem gefið er út ritrýnt fræðirit í textílgreininni. Þekkingarsetrið á Blönduósi veitti styrk til verkefnisins. Bókin byggir á víðtækri rannsókn á rituðum heimildum, ljósmyndum og viðtölum við fjölda aðila.
Frá fundinum. Ljósm: hunathing.is
Frá fundinum. Ljósm: hunathing.is
Fréttir | 13. desember 2017 - kl. 11:13
Í lok síðasta mánaðar var haldinn vinnufundur íbúa í Húnaþingi vestra um framtíðarskipan skólamála í sveitarfélaginu til næstu 30 ára. Fundurinn skiptist í kynningu, tvær umræðulotur, matarhlé og samantekt.  Kynnt var rýnivinna fjölmenns hóps allra hagsmunaaðila skólasamfélagsins sem unnin hefur verið frá haustbyrjun. Sagt er frá þessu á vef Húnaþings vestra og þar kemur fram að fundurinn hafi verið vel sóttur og afar gagnlegur.
Fréttir | 13. desember 2017 - kl. 09:23
Eins og margir vita er í bígerð að gera Hollywood-mynd byggða á bókinni Burial Rites eða Náðarstund eftir ástralska höfundinn Hannah Kent. Hún heillaðist af sögu Agnesar Magnúsdóttur sem tekin var af lífi fyrir að myrða Natan Ketilsson, bónda á Illugastöðum og Pétur Jónsson vinnumann árið 1828. Bókin var gefin út árið 2013 og hefur farið sigurför um heiminn og verið gefin út á meira en tuttugu tungumálum. Nú herma fregnir að hæst launaða leikkona heims, Jennifer Lawrence, muni leika Agnesi í myndinni.
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
25. september 2017
Hjá rakaranum
Ungur drengur gengur inn á rakarastofu. Þegar rakarinn sér hann hvíslar hann að viðskiptavininum. „Þetta er heimskasti krakki í heiminum. Sjáðu, ég skal sanna það fyrir þér.“ 
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ