Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Mánudagur, 29. maí 2017
SSV  3 m/s
11°C
Landbankinn
huni.is - RSS-efnisveita
 
Á döfinni
Maí 2017
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 18:00 SSV 3  11°C
Reykir í Hr 18:00 SA 7  11°C
Reykjavík 18:00 SSA 4  8°C
Akureyri - 18:00 NNV 3  9°C
Egilsstaðaf 18:00 N 6  9°C
Haugur 18:00 SA 5  10°C
Holtavörðuh 18:00 S 5  7°C
Þverárfjall 18:00 ASA 2  7°C
Laxárdalshe 18:00 SSV 2  9°C
Brúsastaðir 18:00 SSA 8  11°C
Vegagerðin
Holtavörðuheiði 18:50 SSV 4  7 °C
Laxárdalsheiði 18:40 S 3  8 °C
Vatnsskarð 18:40 ASA 9  10 °C
Þverárfjall 18:40 A 3  8 °C
Kjalarnes 18:50 A 4  8 °C
Hafnarfjall 18:40 ASA 3  9 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. maí 2017
Maínöldur - Gleðilegt sumar
Gleðilegt sumar öll þið sem þessar línur lesa. Við erum þegar búin að fá forsmekkinn af sumrinu með 20 stiga hita nokkra daga og það í byrjun maí. Þó við sjáum smá vorhret á glugga vitum við að það hlýnar aftur og sumarið kemur til baka með sól og blíðu. Það hefur margt ánægjulegt verið að gerast hér í bænum okkar undanfarna daga og vikur.
::Lesa

Northwest.is


SSNV

Leita í netfangaskrá
 
Frá Ungmennasambandi Austur-Húnvetninga
24. maí 2017
Frá Kristjáni Þorbjörnssyni, yfirlögregluþjóni
19. maí 2017
Eftir Ásdísi Ýr Arnardóttur
16. maí 2017
Eftir Guðjón S. Brjánsson
15. maí 2017
Eftir Karl Jónsson
09. maí 2017
Eftir Inga Heiðmar Jónsson
09. maí 2017
eftir Inga Heiðmar Jónsson
18. apríl 2017
Eftir Elsu Láru Arnardóttur
13. apríl 2017

tilk_web.gif


Pistlar | 09. maí 2017 - kl. 13:39
Dæmalaus landsbyggðarskattur
Eftir Karl Jónsson

Það er nánast pínlegt að hlýða á fjármálaráðherrann okkar réttlæta þá ákvörðun að hækka virðisaukaskatt á ferðaþjónustuna. Frá honum hafa heyrst fullyrðingar um að greinin hafi fengið „skattaívilnanir,“ eigi að sitja við sama borð og aðrar atvinnugreinar, og sé búin að slíta barnsskónum, sem er bara fyndin framsetning. Þetta virðast vera lykilhugtökin í rökstuðningi ráðherrans ásamt því að hægja eigi á vexti atvinnugreinarinnar. Ég ætla ekki að eyða tíma í að hrekja akkúrat þessar fullyrðingar, það hafa margir málsmetandi menn gert, innan sem utan ferðaþjónustunnar. En segi það þó að umræðan er full af frösum og klisjum sem hafa ekkert innihald ef betur er að gáð.

Það eru hins vegar tvö atriði sem mér er beinlínis skylt að fjalla um. Annars vegar sú sorglega staðreynd að hérna er verið að leggja á dæmalausan landsbyggðarskatt og hins vegar boðaðar mótvægisaðgerðir fyrir ferðaþjónustuna úti á landi sem verið er að „skoða.“ Þegar stjórnvöld „skoða“ eitthvað, verður maður ósjálfrátt skíthræddur við að ekkert gerist.

Undanfarin ár hefur ferðaþjónustan úti á landsbyggðunum verið að byggja sig upp og séð og fundið áður óþekkt tækifæri til að lífga upp á byggðir sínar og skapa lífsviðurværi fyrir íbúana. Upp hafa sprottið allskyns ferðaþjónustufyrirtæki sem veita heimafólki atvinnu, byggja á sérstöðu svæðanna og draga fram í dagsljósið frumkvöðla og dugnaðarforka sem bera hag sinna héraða fyrir brjósti. Við höfum leynt og ljóst verið að bíða eftir því að augu ferðamanna og ferðaskipuleggjenda beinist að öðrum svæðum en Suðvesturhorninu og Suðurlandi og búið í haginn til að taka á móti fleiri gestum út á land. Ferðaþjónustan hefur lagt í kostnað við uppbyggingu á afþreyingu, gistingu og veitingum sem byggir á sérstöðunni sem svo mikilvæg er til að gera skorið sig úr. Allt virðist í blóma og tækifærin blasa við, en þá kýs ríkisstjórnin að reka fleyg í þessa uppbyggingu og draga mátt úr fólki við að byggja upp lífsviðurværi og þróa þjónustu við ferðamenn. Ég leyfi mér að fullyrða að þessi uppbygging ferðaþjónustunnar úti á landi undanfarin misseri er stærsta og besta byggðaaðgerðin sem farið hefur í gang í áratugi. Og það sem meira er, án aðkomu stjórnvalda sem frekar virðast búa til vandamál í tengslum við ferðaþjónustuna þessa dagana en leysa þau.

Nú skal þessi uppbygging stöðvuð með illa ígrunduðum hækkunum á virðisaukaskatti sem ekki bara skerða möguleika okkar úti á landi til frekari uppbyggingar og starfafjölgunar í ferðaþjónustu heldur auka líka vandamál ferðaþjónustunnar syðra. Það verður of dýrt fyrir ferðamenn að ferðast út á land. Þeir munu því halda til á Suðvesturhorninu og Suðurlandi sem aldrei fyrr og skapa enn meiri massavandamál þar en við höfum áður séð. Þið munið þetta með að „dreifa ferðamönnum um landið“ rétt eins og áburði er dreift á tún nú í vorblíðunni. Það verður í besta falli lélegur brandari með hækkun virðisaukaskattsins.

Að mínu mati er aðstöðumunur á því hvernig landsbyggðarfyrirtæki geta tekið á hækkuninni og hvernig ferðaþjónustufyrirtæki syðra geta gert það. Þar verður massinn áfram – væntanlega með öllum sínum vandamálum, þar verður hugsanlega hægt að færa þetta að einhverju leyti út í verðlagið. Við úti á landi eigum þess hins vegar ekki kost og því þurfum við að draga saman seglin inn á við í okkar rekstri sem birst getur á margvíslegan máta, samfélaginu sem við búum í til tjóns.

Allir alvöru stjórnmálamenn hafa framtíðarsýn. Þeir koma með lausnir samhliða greiningum á vandamálum. En íslenskum stjórnmálamönnum er tamt að skjóta fyrst og spyrja svo. Demba fram illa rökstuddum aðgerðum líkt og þessari virðisaukaskattshækkun, án samráðs, m.a. í gegn um sína eigin Stjórnstöð ferðamála, án trúverðugra greininga á afleiðingum og algjörlega með skammtímahagsmuni í huga. Okkur er því ætlað að pissa í skóinn okkar eina ferðina enn.

Það sýndi sig fyrir allmörgum árum þegar veiðar á þorski voru verulega dregnar saman á milli ára að það var ýmislegt hægt að gera til mótvægis þeim aflabresti í sjávarbyggðum landsins. Núna heyrist ekkert um slíkar aðgerðir, ekkert tilbúið, það á bara að „skoða“ þrátt fyrir að ferðaþjónustan sé nú orðin mikilvægasta atvinnugreinin á Íslandi og hafi skilað margfalt meiri árangri í byggðamálum en nokkur aðgerð stjórnvalda. Að ekki sé talað um gjaldeyrissköpun greinarinnar og þeim 70 milljörðum sem hún skilar í skatttekjur til ríkisins árlega um þessar mundir.

Ráðherrann hefur talað um að einn möguleikinn sé að fara í sérstakt markaðsátak fyrir landsbyggðina. Í nokkur ár hefur verið í gangi markaðsátak sem heitir Ísland allt árið. Það hefur það að markmiði að kynna landið sem heilsársáfangastað. M.a. vegna þess átaks er vetrarferðaþjónustan aðeins farin að skjóta rótum á nokkrum stöðum úti á landi og við fundum vel fyrir því í vetur. En hækki virðisaukaskatturinn tökum við mörg skref til baka og sú uppbygging sem hefur átt sér stað yfir vetrartímann verður að engu gerð. Með öðrum orðum að þá er raunveruleg hætta á að öll sú markaðssetning sem farið hefur verið í eyðileggist og við förum aftur til þeirra tíma þegar ferðaþjónustufyrirtæki voru meira og minna lokuð yfir vetrartímann. Þrátt fyrir að hafa hér öll tækifæri í hendi til að byggja upp sterka heilsársatvinnugrein.

Ég hef oft sagt það í góðra vina hópi að við Íslendingar kunnum ekki að stýra okkar eigin efnahagsmálum. Þessi ráðstöfun sem boðuð hefur verið er enn ein sönnun þess að okkur er ekki við bjargandi þegar kemur að efnahagsmálum og ákvarðanatöku þeim tengdum. 

Erum við virkilega ennþá stödd þarna?

Karl Jónsson

Höfundur er meðeigandi og framkvæmdastjóri Lamb Inn á Öngulsstöðum og formaður Ferðamálafélags Eyjafjarðarsveitar.

Höf. rzg
HSN Blönduósi
HSN Blönduósi
Fréttir | 29. maí 2017 - kl. 12:53
Skiptar skoðanir eru um nýtt kjarasamkomulag milli Landssambands slökkviliðs- og sjúkraflutningamanna og ríkisins. Sjúkraflutningamenn í hlutastarfi á Blönduósi hafa ekki dregið uppsagnir til baka og einn þeirra er hættur, að því er fram kom í hádegisfréttum Ríkisútvarpsins í dag. Á föstudag náðist samkomulag í kjaradeilu ríkisins og sjúkraflutningamanna í hlutastarfi. Samkomulagið var sagt marka tímamót, því í fyrsta sinn væru allir sjúkraflutningamenn á landinu með kjarasamning.
Lífland
Fréttir | 29. maí 2017 - kl. 12:48
Geir Jón Þórisson, fyrrverandi yfirlögregluþjónn og fyrrverandi formaður félags yfirlögregluþjóna, segir brottvikningu Kristjáns Þorbjörnssonar yfirlögregluþjóns á Blönduósi algjörlega fordæmalausa. „Ég mun ekki unna mér hvíldar fyrr en búið er að lagfæra þetta,“ sagði Geir Jón í viðtali í Bítinu á Bylgjunni í morgun og Vísir.is greinir frá.
Glaðheimar
Frá Skagaströnd
Frá Skagaströnd
Fréttir | 29. maí 2017 - kl. 10:03
Vinnuskóli Skagastrandar hefst 6. júní næstkomandi en hann er fyrir nemendur búsetta á Skagaströnd sem hafa nýlokið 8., 9. og 10. bekk Höfðaskóla. Skráning í vinnuskólann er á skrifstofu sveitarfélagsins. Markmiðið er að gefa unglingum kost á samspili vinnu, þjálfunar og fræðslu í sumarleyfi sínu. Vinnuskólinn er starfræktur í 10 vikur og lýkur föstudaginn 4. ágúst.
Fréttir | 28. maí 2017 - kl. 20:53
Prjónagraffarar munu hittast í Kvennaskólanum á morgun kl. 20:00. Kerstin Lindström, sem mun sjá um Prjónagjörninginn á Prjónagleði 2017, mun kynna gjörninginn, sýna myndband og segja frá.
Fréttir | 28. maí 2017 - kl. 20:30
Samningar tókust fyrir helgina í kjaradeilu sjúkraflutningamanna og ríkisins vegan hlutastarfandi sjúkraflutningamanna. Í samtali við Stefán Pétursson, formann Landssambands slökkviliðs- og sjukraflutningsmanna, kemur fram að samkomulagið sé ásættanlegt.
Tilkynningar | 28. maí 2017 - kl. 20:18
Tilkynning frá sókarpresti
Þann 4. júní n.k., Hvítasunnudag, verður fermingarmessa í Þingeyrakirkju. Messan hefst kl. 11.00.
Tilkynningar | 26. maí 2017 - kl. 14:42
Skólaslit Tónlistarskóla Austur-Húnvetninga og afhending prófskírteina verður í Blönduóskirkju mánudaginn 29. maí næstkomandi klukkan 17:00. Allir velkomnir.
Frá Skagaströnd
Frá Skagaströnd
Fréttir | 26. maí 2017 - kl. 14:29
Sveitarfélagið Skagaströnd skorar á íbúa að taka sig til og hreinsa bæði hjá sér og í sínu nánasta umhverfi á morgun, laugardaginn 27. maí. Endurvinnslustöðin verður opin frá klukkan 13 til 17 og ekkert gjald er tekið fyrir úrgang sem berst þennan dag. „Nú vorar sem óðast og senn líður að sumri. Það er því kominn tími til að taka til hendinni og þrífa eftir veturinn,“ segir í auglýsingu frá sveitarstjóra á vef Skagastrandar.
Fréttir | 26. maí 2017 - kl. 10:20
Aðalfundur Vina Kvennaskólans verður haldinn þriðjudaginn 30. maí næstkomandi klukkan 20 í Kvennaskólanum. Á dagskrá eru venjuleg aðalfundarstörf. Gestur fundarins verður Jóhanna E. Pálmadóttir. Hún mun kynna Prjónagleðina sem haldin verður í annað sinn á Blönduósi 9. til 11. júní og segja frá Rannís styrk sem tengist Kvennaskólanum. Fundargestum verður boðið upp á kaffiveitingar að hætti Kvennaskólans. Félagsmenn Vina Kvennaskólans eru nú um 260 talsins. Aðalverkefnið framundan er, eins og á síðasta ári, að koma út sögu Kvennaskólans.
Blönduóskirkja
Blönduóskirkja
Fréttir | 26. maí 2017 - kl. 09:00
Í dag og á morgun verða teknar upp útvarpsmessur úr Húnavatns- og Skagafjarðarprófastdæmi. Þeim verður svo útvarpað í sumar á Rás 1 á sunnudagsmorgnum klukkan 11. Allar upptökurnar fara fram í Blönduóskirkju. Fólki er boðið að koma í kirkjuna og vera við upptökur á messunum. Um hefðbundnar messur er að ræða og verður hver messa sungin í heild án þess að gert verði hlé. Það er betra vegna hljómburðar að fólk sitji á bekkjum og einnig gerir það andrúmsloftið eðlilegra, að því er segir í auglýsingu frá prófasti.
Fréttir | 25. maí 2017 - kl. 09:57
Sumarsýning Heimilisiðnaðarsafnsins, Prjónað af fingrum fram, verður opnuð sunnudaginn 28. maí klukkan 15. Sýningin er samstarfsverkefni Heimilisiðnaðarsafnsins á Blönduósi, Heimilisiðnaðarfélags Íslands og Kristínar Schmidhauser Jónsdóttur sem er höfundur samnefndar bókar um Aðalbjörgu Jónsdóttur. Aðalbjörg, sem varð 100 ára þann 15. desember síðastliðinn, mun ásamt dóttur sinni Ragnhildi Hermannsdóttur, opna sýninguna og Íris Árnadóttir langömmubarn Aðalbjargar mun syngja við opnunina.
Borðeyri. Ljósm: hunathing.is
Borðeyri. Ljósm: hunathing.is
Fréttir | 24. maí 2017 - kl. 16:06
Húnaþing vestra hefur í undirbúningi umsókn til mennta- og menningarmálaráðherra um að gamli hluti Borðeyrar, „plássið“ svokallaða, verði skilgreindur sem verndarsvæði í byggð. Boðað hefur verið til íbúafundar í skólahúsinu á Borðeyri fimmtudaginn 1. júní næstkomandi þar sem verkefnið verður kynnt íbúum og þeim gefinn kostur á að spyrja spurninga og/eða koma með athugasemdir.
Fréttir | 24. maí 2017 - kl. 14:45
Frá Ungmennasambandi Austur-Húnvetninga
Laugardaginn 6. maí fóru 12 galvösk börn á Akureyrarmót UFA og kepptu í frjálsum íþróttum fyrir hönd USAH. Alls kepptu 70 börn á mótinu og stóðu krakkarnir okkar sig með stakri prýði. Mörg persónuleg met voru slegin auk þess sem margir verðlaunapeningar féllu í okkar hlut. Krakkarnir komu heim með samtals 20 verðlaun en það voru 8 gullverðlaun, 6 silfurverðlaun og 6 bronsverðlaun.
Blönduskóli
Blönduskóli
Tilkynningar | 24. maí 2017 - kl. 11:21
Frá nemendum og starfsfólki Blönduskóla
Sýning á verkum nemenda, sem þeir hafa unnið í vetur, fer fram í Nýja skóla fimmtudaginn 25. maí, uppstigningardag, frá klukkan 13:00 - 15:00. Flest verkin hafa verið unnin í smiðjum og valfögum í myndlist og textílmennt en einnig verða til sýnis einstaka verkefni sem nemendur hafa unnið í örðum fögum. Upplagt fyrir fjölskylduna að fá sér göngutúr upp úr hádegi og líta við í skólanum.
Senda grein Senda grein  |  Prenta grein (nýr gluggi opnast) Prenta grein  |   Deila
Húsfrúin
21. desember 2016
Samstaða og kærleikur
Þegar eitthvað bjátar á erum við fljót að hlaupa undir bagga með samferðafólki okkar og aðstoða, ekki bara sem einstaklingar heldur líka í hópum – ef svo má segja. Við höfum um áraraðir til dæmis átt hér Styrktarsjóð Húnvetninga sem aðstoðað hefur fjölskyldur sem lent hafa í erfiðleikum af einhverjum toga.
::Lesa
Íþróttamiðstöðin Blönduósi
Spaugið
12. janúar 2016
Hjá tannlækninum
Þegar tannlæknirinn hennar Áslaugar lét af störfum þurfti hún eðli málsins samkvæmt að verða sér úti um nýjan tannlækni.
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ