Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Laugardagur, 23. september 2017
SA  13 m/s
14°C
Landbankinn
huni.is - RSS-efnisveita
 
Á döfinni
September 2017
SMŢMFFL
272829303112
3456789
10111213141516
17181920212223
24252627282930
FyrriNúnaNćsti
Veðurstofa Íslands
Blönduós 21:00 SA 13  14°C
Reykir í Hr 21:00 N 4  9°C
Reykjavík 21:00 SA 11  12°C
Akureyri - 21:00 SSA 3  7°C
Egilsstaðaf 21:00 SSA 5  14°C
Haugur 21:00 SSA 7  13°C
Holtavörðuh 21:00 SSA 11  11°C
Þverárfjall 21:00 SA 4  11°C
Laxárdalshe 21:00 ANA 4  10°C
Brúsastaðir 21:00 SA 8  14°C
Vegagerðin
Holtavörðuheiði 21:30 S 13  11 °C
Laxárdalsheiði 21:30 ANA 3  11 °C
Sími 1777
Þverárfjall 21:30 SA 6  11 °C
Kjalarnes 21:30 ASA 13  12 °C
Hafnarfjall 21:30 ASA 17  14 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
11. september 2017
Septembernöldur
Ég er ekki einn um það að finna til söknuðar þegar maður sér á eftir sumrinu og haustið fer að gera vart við sig. Hauststörfin í sveitunum á fullu og flestir komnir með kartöflurnar og alls konar grænmeti  í hús. Þar sem ég þekki til hefur uppskera allskonar jarðargróðurs verið með besta móti og ennþá mun vera hægt að fara í berjamó  og um að gera að nota sér það meðan ekki frystir.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
22. september 2017
Eftir Bjarna Jónsson
14. september 2017
Eftir Inga Heiðmar Jónsson
08. september 2017
Eftir Guðjón S. Brjánsson
05. september 2017
Eftir Gunnar Rúnar Kristjánsson
24. ágúst 2017
Eftir Inga Heiðmar Jónsson
22. ágúst 2017
Eftir Inga Heiðmar Jónsson
06. ágúst 2017

tilk_web.gif


Pistlar | 15. maí 2017 - kl. 11:40
Aldraðir, eru ekki til peningar?
Eftir Guðjón S. Brjánsson

Nokkrum dögum fyrir alþingiskosningarnar 2013 ritaði formaður Sjálfstæðisflokksins eldri borgurum bréf þar sem hann tíundaði loforð um átak í þeirra þágu.  Það átti snarlega að afnema kjaraskerðingu, lækka fjármagnstekjuskatt og afnema tekjutengingar ellilífeyris. Sjálfstæðisflokkurinn hjarir enn við völd og allt hefur þetta verið sniðgengið svo ekki sé dýpra tekið í árinni, enn bíða aldraðir og nú er komið árið 2017.

Við jafnaðarmenn áréttum að hækkun á frítekjumarki vegna atvinnutekna ellilífeyrisþega úr 25.000 krónum á mánuði í 100.000 krónur í áföngum á árunum 2018-2022 er breyting sem eingöngu gagnast þeim ellilífeyrisþegum sem stunda atvinnu og hafa atvinnutekjur umfram 25.000 krónur á mánuði. Það eru einungis um 14% ellilífeyrisþega sem hafa yfirleitt atvinnutekjur og af þeim aðeins þriðjungur sem hefur tekjur yfir þessum mörkum. Aðgerðin mun því ekki gagnast tekjulægstu lífeyrisþegunum.  Hér þurfum við að gera betur og samþykkja á Alþingi hið fyrsta gjörning sem tryggir sæmandi afkomu, bæði aldraðra og öryrkja.  Að því mun þingflokkur okkar vinna.

Sjálfstæðisflokkurinn segir að ekki sé meira svigrúm í hagkerfinu, með öðrum orðum að ekki séu til peningar í málaflokkinn.  Þetta er rangt. Peningarnir eru til en þeir eru ekki í okkar höndum sameiginlega, heldur í vösum einkafyrirtækja sem fá t.d. óáreitt að nýta sér auðlindir þjóðarinnar án þess að þurfa að gangast undir þær samfélagslegar skuldbindingar að stuðla að velferð og jöfnuði með eðlilegri greiðslu fyrir afnotin.

Það bíða verkefni í þágu aldraðra.  Brýn eru þau sem lúta að almennum kjörum en ekki síður lausn á vanda þeirra sem bíða þjónustu, aðstoðar og stuðnings heima fyrir, hafa væntingar og loforð um ásættanlegt búsetuúrræði í heimabyggð eða þeirra sem bundnir á sjúkrahúsi og eiga ekki annan kost.  

Í fjármálaáætlun sem nú er til umfjöllunar lofa stjórnvöld að byggð verði tæplega 300 hjúkrunarrými til að leysa vandann, aðallega á höfuðborgarsvæðinu. Þá liggja jafnframt fyrir loforð um að endurbæta eldra húsnæði á stofnunum sem víða eru starfrækt á undanþágum frá eftirlitsaðilum, einnig að bæta dagþjálfun og fleiru er lofað.   Allt er þetta jákvætt og í sjálfsögðu samræmi við nútímaleg viðhorf. Gallinn er bara sá að ríkisstjórnin hefur ekki dug til að afla þeirra tekna sem nauðsynlegar eru til að hægt sé að standa við loforðin, enn vantar líklega um tug milljarða til þess.  Stefna og forgangsröðun ríkisstjórnarinnar er orsökin.

Það er því miður rík ástæða til að efast um efndir. Það væri eftir öðru að Sjálfstæðisflokkurinn færi samviskulaus í þriðju kosningarnar í röð með sömu innihaldslausu loforðin og vanefndirnar í farteskinu.  Munu aldraðir sætta sig við að allt sé þá þrennt er?

Guðjón S. Brjánsson alþingismaður

Höf. rzg
Hvítserkur. Ljósm: stikill.123.is/Halla Ósk.
Hvítserkur. Ljósm: stikill.123.is/Halla Ósk.
Pistlar | 22. september 2017 - kl. 09:30
Eftir Inga Heiðmar Jónsson
Húnavaka, ársrit USAH, geymir ritsmíðar, ljóð, æviþætti, ættfræði, fræði forn og skáldaþanka fjölmargra Húnvetninga og þakkarefni er starf Stefáns á Kagaðarhóli, Ingibergs á Skagaströnd, fjölmargra ungmennafélaga og ritnefndarmanna sem hafa lagt á sig mikið starf til að halda úti Húnavökunni. Þorsteini Matthíassyni skólastjóra gleyma þeir ekki sem nutu kennslu hans við Barna- og unglingaskólann á Blönduósi.
Lífland
Fréttir | 22. september 2017 - kl. 07:43
Í dag, milli klukkan 16 og 18, er opið hús hjá Nesi listamiðstöð að Fjörubraut 8 á Skagaströnd. Þar munu listamennirnir Ada Cruz, Selina Latour, Tom R.M., Minh Duc Pham, Samantha Canovas, Meeghan Bisset, Katie Ione Craney, Angelika Rauf, Keg De Souza og Martyna Jastrzebska sýna vinnu sína. Ef vel viðrar ætlar þang-konan að kveikja upp í keramikofni utandyra klukkan 17, að því er fram kemur í tilkynningu.
Íbúakönnun
Bækur Guðrúnar frá Lundi. Ljósm: FB/Héraðsbókasafn A-Hún.
Bækur Guðrúnar frá Lundi. Ljósm: FB/Héraðsbókasafn A-Hún.
Fréttir | 21. september 2017 - kl. 16:45
Bækur Guðrúnar frá Lundi eru mest lesnu bækurnar á Héraðsbókasafni Austur-Húnvetninga. Þær voru það einnig árið 1965. „Áttu nokkuð bók eftir frá Guðrúnu á Lundi?“ er spurning dagsins á bókasafninu alla dag, allt árið um kring, segir Katharina A. Schneider forstöðumaður safnsins í pistli á Facebook síðu þess. Guðrún frá Lundi er einn vinsælasti og afkastamesti skáldsagnahöfundur á Íslandi.
Glaðheimar
Skjáskot af blonduos.is
Skjáskot af blonduos.is
Fréttir | 21. september 2017 - kl. 16:32
Blönduósbær hefur gert gagngerar breytingar á vef sveitarfélagsins. Markmiðið er að gera upplýsingar aðgengilegri og miðla þannig upplýsingum til íbúa sveitarfélagsins og annarra áhugasamra með betri hætti. Á blonduos.is segir að vefsíðan verði í stöðugri þróun, flestar upplýsingar af eldri síðunni séu komnar inn á þá nýju og smátt og smátt verði það sem betur megi fara lagað og uppfært.
Norðurland vestra
Norðurland vestra
Fréttir | 21. september 2017 - kl. 14:01
Þrjú sveitarfélög af fjórum í Austur-Húnavatnssýslu hafa samþykkt að hefja formlegar viðræður um sameiningu sveitarfélaganna. Skagabyggð er eina sveitarfélagið sem ekki hefur tilkynnt hvort það vilji sameinast Skagafirði eða Austursýslunni. Í fréttum Ríkisútvarpsins í dag er rætt við Þorleif Ingvarsson, oddvita Húnavatnshrepps um sameiningarmálin. Hann telur að með sameiningu verði til öflugt sveitarfélag, bæði í stjórnsýslu, atvinnumálum og öllu því sem snýr að verkefnum sveitarfélaganna.
Tilkynningar | 21. september 2017 - kl. 13:38
Tilkynning frá kjördæmaráði
Kjördæmisráð Samfylkingarinnar í Norðvesturkjördæmi boðar til kjördæmisþings laugardaginn 23. september klukkan 12 til að ákveða aðferð við val á framboðslista. Fundað verður í húsnæði Samfylkingarinnar á Akranesi, Stillholti 16-18. Stjórn kjördæmisráðs hvetur alla félagsmenn til að mæta á kjördæmisþingið og taka þátt í undirbúningi og umræðum vegna komandi alþingiskosninga.
Fréttir | 20. september 2017 - kl. 21:14
Frá prjónagröffurum
Á morgun, fimmtudaginn 21. september kl. 16, ætla nokkrar vaskir graffarar að hittast við skólann og dreifa sér svo um bæinn með skærin á lofti til að taka niður skrautið.
Úr Skrapatungurétt. Ljósm: Feykir.is
Úr Skrapatungurétt. Ljósm: Feykir.is
Fréttir | 20. september 2017 - kl. 15:21
Um síðustu helgi fór fram hin árlega stóðsmölun í Laxárdal og stóðréttir í Skrapatungu rétt. Fjallkóngur var Skarphéðinn Einarsson, skólastjóri Tónlistarskóla Austur-Húnavatnssýslu. Í samtali við hann á Feyki.is kemur fram að aldrei hafa þátttakendur verið jafn margir og nú eða um 320 ríðandi gestir auk smala. Haft er eftir Skarphéðni að veðrið hafi verið gott þrátt fyrir rigningadembu. Á Feyki.is má sjá fjölda mynda úr réttunum.
Fréttir | 20. september 2017 - kl. 11:02
Ferðafélag Íslands stendur fyrir lýðheilsugöngum alla miðvikudaga í september, um allt land. Göngurnar eru hluti af afmælisdagskrá FÍ en félagið fagnar 90 ára afmæli á árinu. Göngurnar hefjast klukkan 18:00. Í dag verður gengið um gamla bæinn á Blönduósi og eru göngustjórar Katharina Schneider og Guðmundur Pall Jónsson. Upphafsstaður er við bókasafnið á Blönduósi. Um er að ræða fjölskylduvænar göngur sem taka u.þ.b. 60-90 mínútur og er tilgangurinn með verkefninu að hvetja fólk á öllum aldri til útivistar og hreyfingar í góðum félagsskap og efla þar með heilsu sína og lífsgæði.
Tilkynningar | 20. september 2017 - kl. 10:19
Fyrirhuguð er heimsókn til nágrannanna í V. Hún föstudaginn 6. október. Farið verður m.a. hringferð í Miðfirðinum undir stjórn og leiðsögn Karls Sigurgeirssonar á Hvammstanga. Kvöldverður verður svo snæddur á  Hótel  Laugarbakka í Miðfirði. Þáttökugjald fyrir félagsmenn er kr. 5000 (kvöldverður innifalinn).
Fréttir | 20. september 2017 - kl. 10:15
Ferðamálafélag Austur-Húnavatnssýslu ásamt ferðamálafulltrúa boða til opins fundar á Blönduósi, mánudaginn 25. september næstkomandi, þar sem tekin verða fyrir hin ýmsu málefni þar á meðal niðurstöður þjónustukönnunar frá árinu 2016, tölur um fjölda ferðamanna sem heimsóttu Upplýsingamiðstöðina í Hnjúkabyggð liðið sumar og einnig niðurstöður íbúakönnunar. Fundurinn verður haldinn á B&S Restaurant klukkan 16:30-18:30.
Fréttir | 19. september 2017 - kl. 09:33
Atvinnu- og nýsköpunarsjóður Húnaþings vestra hefur úthlutað styrkjum, alls að fjárhæð tveimur milljónum króna, til þriggja verkefna í Húnaþing vestra en alls bárust sjóðnum fjórar styrktarumsóknir. Stærsta styrkinn fékk Gerður Rósa Sigurðardóttir vegna verkefnisins „Skrúðvangur gróðurhús,“ alls ein milljón króna. Guðmundur Haukur Sigurðsson fékk sjöhundruð þúsund krónur vegna verkefnisins „Húnaþing vestra, viðkomustaður allt árið,“ og Ferðamálafélag Húnaþings vestra fékk þrjúhundruð þúsund krónur vegna verkefnisins „App fyrir Vatnsnes og nágrenni“.
Fréttir | 19. september 2017 - kl. 09:21
Árleg inflúensubólusetning verður á Heilsugæslustöðinni á Blönduósi og Skagaströnd í næstu viku. Í auglýsingu frá Heilbrigðisstofnun Norðurlands á Blönduósi er sérstaklega mælt með að einstaklingar 60 ára og eldri, einstaklingar með langvinna sjúkdóma, heilbrigðisstarfsfólk og þungaðar konur láti bólusetja sig. Þessir hópar fá bóluefnið frítt en þurfa að greiða komugjald. Einnig er mælt með því að sömu einstaklingar séu bólusettir á 10 ára fresti gegn lungnabólgu.
Fréttir | 15. september 2017 - kl. 07:47
Í næstu viku hefst sundleikfimi í sundlauginni á Blönduósi. Sunddeild Ungmennafélagsins Hvatar ætlar að bjóða upp á fjögurra vikna námskeið sem verður frítt, nema að hver og einn þarf að borga fyrir sig til að komast ofaní laugina. Æfingarnar verða á þriðjudögum og fimmtudögum frá klukkan 10:20 til 11:00. Þjálfari verður Ásta María Bjarnadóttir.
Húsfrúin
02. ágúst 2017
Gleði er áfall og hluti af lífi
Flest þurfum við einhvern tíma á ævinni að glíma við gleðina. Það er einstaklingsbundið hvernig fólk bregst við gleðinni. Aldur og lífsreynsla skiptir litlu máli, tengslin við gleðigjafann skiptir mestu máli.
::Lesa
Spaugið
12. janúar 2016
Hjá tannlækninum
Þegar tannlæknirinn hennar Áslaugar lét af störfum þurfti hún eðli málsins samkvæmt að verða sér úti um nýjan tannlækni.
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ