Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Mánudagur, 21. ágúst 2017
SA  2 m/s
11°C
Landbankinn
huni.is - RSS-efnisveita
 
Á döfinni
Ágúst 2017
SMŢMFFL
303112345
6789101112
13141516171819
20212223242526
272829303112
FyrriNúnaNćsti
Veðurstofa Íslands
Blönduós 21:00 SA 2  11°C
Reykir í Hr 21:00 SV 3  11°C
Reykjavík 21:00 SSA 2  11°C
Akureyri - 21:00 V 1  10°C
Egilsstaðaf 21:00 S 4  11°C
Haugur 10:00 SSV 5  11°C
Holtavörðuh 21:00 SV 7  8°C
Þverárfjall 21:00 SV 4  8°C
Laxárdalshe 21:00 VSV 1  8°C
Brúsastaðir 21:00 SV 1  10°C
Vegagerðin
Holtavörðuheiði 21:30 SSV 9  8 °C
Laxárdalsheiði 21:30 SSV 3  8 °C
Vatnsskarð 21:30 SV 4  8 °C
Þverárfjall 21:30 SV 3  9 °C
Kjalarnes 21:30 A 3  10 °C
Hafnarfjall 21:30 SA 1  10 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
11. ágúst 2017
Ágústnöldur
Kæru bæjarstarfsmenn, þið sem annist umhverfismálin hér í Blönduósbæ. Hvers vegna er kerflinum, þessari skaðræðisplöntu, leyft að leggja undir sig bæinn okkar. Hún vex um allan bæ, fyrir innan og utan á, uppi á brekkum og niður í fjöru og eirir engu. Hún æðir yfir og drepur allan annan gróður þar sem hún skríður fram. Hún meira að segja leggur undir sig lúpínubreiðurnar. Engin skepna lítur við þessari plöntu, hvorki fuglar né ferfætlingar.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
06. ágúst 2017
Eftir Valgarð Hilmarsson
04. ágúst 2017
Eftir Gunnar Rúnar Kristjánsson
25. júlí 2017
Eftir Inga Heiðmar Jónsson
20. júlí 2017
Eftir Inga Heiðmar Jónsson
06. júlí 2017
Frá mótanefnd Markviss
29. júní 2017
Frá Emmu, Fanneyju og Rannveigu
21. júní 2017
Eftir Inga Heiðmar Jónsson
19. júní 2017

tilk_web.gif


Ljósm: Róbert Daníel
Ljósm: Róbert Daníel
Pistlar | 04. júní 2017 - kl. 21:49
Stökuspjall: Við hlutum þeirra strit í arf
Eftir Inga Heiðmar Jónsson

Þakkarefni er pistill Auðuns Steins í Húnavökunni nýju. Hann rekur þar nokkuð sögu vefsíðunnar Húnahornið sem má gjarnan minna okkur á hve stórt hlutverk þessi fjölmiðill hefur í samfélagi Húnvetninga og nágranna þeirra. Fréttamenn við vefsíðuna eru þau hjónin Auðunn Steinn og Magdalena Berglind á Blönduósi en Ragnar Zophonías er ritstjórinn og býr syðra. Þarna birtist gott dæmi um að láta ekki fjarlægðir tefja félags- eða menningarstarf. Hefst nú stökuspjall vestur í Dölum:

Dásamlega Dalabyggð
drottning allra vestursveita.
Glaðnar hugur, gleymist hryggð
góðar stundir efla dyggð.
Vötnin fríð og fagurskyggð
fjöll, sem gömlum nöfnum heita.
Dásamlega Dalabyggð
drottning fríðra vestursveita. ÞS

Höfundur ljóðsins, Þórhildur Sveinsdóttir, valdi ljóðabók sinni frumlegt heiti, Sól rann í hlíð, en Einar Kristjánsson fyrrum skólastjóri á Laugum í Sælingsdal skrifar inngang að ljóðum hennar og vitnar þar til frásagnar Þórhildar:„Oft heyrði ég Vilborgu móður mína segja frá bernskuárum þeirra systkina á Eiríksstöðum. Ljúft var henni að minnast glaðra stunda á æskuheimilinu, en þar var oft margt um manninn að þeirra tíðar hætti. Glaðværð ríkti á heimilinu og gestakomur voru tíðar. Þá var enn við lýði förufólk og átti það sem aðrir góðu að mæta. Mikið var sungið. Ólafur var mikill söng- og kvæðamaður, en svo var um þau fleiri Eyvindastaðasystkinin.“

Lítil staka gáska gædd
greiddi margan vanda strax
þó hún væri hversdagsklædd
komin beint frá önnum dags. ÞS

Einar skólastjóri lýsir aðstæðum fyrir fáeinum mannsöldrum og spyr hvort lífsgleðin væri þá skarðari en sú er við nú þekkjum. Einar segir:

„Í baðstofunni, við beitaryfirstöðu, á hestbaki, við árina eða orfið var ort og kveðið, sungið og sögur sagðar.  . . . Snjöllustu hagyrðingarnir náðu landsprófi þeirra tíma í fleygri stöku, þulu eða ljóði. Hins er vert að geta, að margir voru þeir sem þráðu hærra flug en vængir getunnar leyfðu. Fátæktin varð mörgum fjötur um fót, þegar leita skyldi aukinnar þekkingar. Enginn veit tölu þeirra, sem bókstaflega urðu úti á þeirri helgöngu, sem lífið varð mörgum fróðleiksleitandi ungmennum þeirra tíma. . . . Minni og athyglisgáfa náðu gífurlegri þjálfun. Að langstærstum hluta kom þessi varðveisla í hlut íslenskrar alþýðu. Þórhildur Sveinsdóttir er góður fulltrúi þessa fólks.“ Skammt var frá foreldrahúsum Þórhildar til ömmu á Eiríksstöðum:

Lýsir gull úr heimahögum.
Hljómar rödd frá liðnum dögum
brot úr gömlum sögum. –
Gott var að koma að ömmu hnjám
læðast þangað létt á tám.
Oft á stokkinn eg mér tyllti
eftirvænting hugann fyllti.
Þarna hlaut eg nokkurt nám. ÞS

Sölvi á Löngumýri, langafi Þórhildar var orðlagður hagyrðingur og nokkuð níðskældinn:

Þó að skrápist húð á hal
og hrundir glápi víða.
Eina drápu ég yrkja skal
um þann kápusíða.

Sá kápusíði var Ólafur frá Eyvindarstöðum, biðill dóttur hans Helgu Sölvadóttur. Önnur kersknisvísa um tengdasoninn hefur geymst:

Ástarloppinn ástarbör
oft í skoppar bónorðsför.
Hans er snoppan heldur rör
hefur topp á efri vör.

Síðasta ljóðið í bók Þórhildar yrkir hún um heimahéraðið og kallar Húnaþing, í fimmtu vísu finnum við sanna setningu í lokahendingu hjá höfundi sem verður yfirskrift þessa spjalls:

Já, fornar slóðir frægðir geyma
þó fátt sé rætt um klausturstarf.
Því helgir menn hér handrit skráðu.
Við hlutum þeirra strit í arf.

Við sem höfum starfað með Sögufélaginu Húnvetningi, hljótum oftar er ekki að hugsa til forvera okkar, fræðimannanna: Bjarna, Gunnars, Magnúsar, Páls Kolka læknis og margra fleiri sem hafa haldið uppi starfi Sögufélagsins og mig langar að bæta við nöfnum Elínborgar kennara Jónsdóttur, Gísla á Hofi og Péturs Ólasonar í Miðhúsum sem var við stjórnvölinn þegar Skjalasafn Austur-Húnvetninga þáði vísnasafnið góða af Sigurði frá Selhaga.

Í nýkomnu Húnavökuriti er birt dagbók Magnúsar frá Syðrahóli. Þar segir af Reykjavíkurferð hans 1939. Hann var þá fimmtugur og hafði ekki farið áður til borgarinnar. Góður fengur er að þessari ferðasögu og mergjuðum mannlýsingum sem Magnús hefur uppi í norðurferðinni. Þá var hópurinn hríðarfastur í Fornahvammi og „mundi hvergi verra veður en þar“ segir fræðimaðurinn glettnislega.                 

Tilvísanir:
Þórhildur frá Hóli/Eiríksstöðum http://stikill.123.is/blog/2017/05/17/765237/
Þórhildur Sveinsdóttir: http://bragi.info/hunafloi/ljod.php?ID=5371
Gísli Ólafsson frá Eiríksst. móðurbróðir ÞS: http://stikill.123.is/blog/2012/05/27/615595/   
Sölvi Sölvason Syðri-Löngumýri: http://bragi.info/hunafloi/hofundur.php?U=s0&ID=15788  
Gunnar prestur skrifar um Magnús á Syðrahóli og verk hans: http://stikill.123.is/blog/record/505883/

Höf. rzg
Hópur ungmenna frá Blöndustöð Landsvirkjunar að verki loknu við ágrædd móðurtré sem hafa verið frægjafar við verkefnið.
Hópur ungmenna frá Blöndustöð Landsvirkjunar að verki loknu við ágrædd móðurtré sem hafa verið frægjafar við verkefnið.
Fréttir | 21. ágúst 2017 - kl. 16:15
Ungmenni frá Blöndustöð Landsvirkjunnar gróðursettu nýlega fjórtán hundruð birkiplöntur til endurheimtunar Brimnesskóga vestan við ána Kolku í Skagafirði. Landsvirkjun hefur lagt verkefninu lið um árabil undir yfirskriftinni "Margar hendur vinna létt verk". Gróðursettar voru um fjögur hundruð plöntur í 1,5 lítra pottum og um eitt þúsund plöntur í 15 gata bökkum. Allar voru plönturnar gróðursettar með skít og skóflu, sem kallað er. Að þessu sinni var gróðursett kynbætt birki sem á rætur að rekja í Geirmundarhólaskóg í Hrolleifsdal.
Lífland
Fréttir | 21. ágúst 2017 - kl. 13:47
Íbúahátíð Húnavatnshrepps 2017 verður haldin í Húnavallaskóla föstudagskvöldið 25. ágúst næstkomandi klukkan 20:30. Sveitarfélagið býður íbúum sínum upp á grillmat og krökkunum upp á hoppukastala. Gestir þurfa sjálfir að koma með drykkjarföng eða versla þau á staðnum. Í auglýsingu frá sveitarfélaginu eru íbúar Húnavatnshrepps vinsamlegast beðnir um að tilkynna þátttöku fyrir miðnætti 23. ágúst næstkomandi.
Glaðheimar
Fréttir | 21. ágúst 2017 - kl. 13:41
Sveitarstjórn Húnaþings vestra vinnur nú að gerð fjárhagsáætlunar fyrir árið 2018.  Á vef sveitarfélagsins er félagasamtökum og einstaklingum í Húnaþingi vestra, er hyggjast sækja um styrki frá sveitarfélaginu til einstakra verkefna á næsta ári, bent á að fylla út þar til gert eyðublað. Senda skal eyðublaðið ásamt fylgigögnum til skrifstofu sveitarfélagsins að Hvammstangabraut 5 Hvammstanga eða á netfangið skrifstofa@hunathing.is eigi síðar en 15. september næstkomandi. 
Fréttir | 21. ágúst 2017 - kl. 13:33
Kynningarfundir vegna starfsemi Vörusmiðju BioPol á Skagaströnd verða haldnir í vikunni á Laugarbakka, Skagaströnd og í Skagafirði. Vörusmiðjan mun hafa öll tilskilin leyfi til matvælaframleiðslu og því verður mögulegt fyrir frumkvöðla og smáframleiðendur að taka fyrstu skrefin í þróun á vörum sínum eða stunda eiginlega framleiðslu.
Blönduskóli
Blönduskóli
Tilkynningar | 21. ágúst 2017 - kl. 13:15
"Velkomnir til samstarfs foreldrar Blönduskóla"
Blönduskóli verður settur á morgun þriðjudaginn 22. ágúst kl. 11:00 í Blönduóskirkju eftir viðburðaríkt sumarfrí. Í upphafi skóla þarf alltaf að fara vel yfir ýmis atriði varðandi skólastarfið.
Tilkynningar | 21. ágúst 2017 - kl. 13:12
Tilkynning frá stjórn
Knattspyrnudeild Hvatar stendur fyrir dósasöfnun í dag en krakkarnir munu mæta í Íþróttamiðstöðina kl. 17:00 og rölta þaðan í hús og safna. Allir iðkendur í 3. – 7. flokk eru boðaðir að þessu sinni. Börn í 7. flokk þurfa að vera í fylgd með fullorðnum.
Fréttir | 21. ágúst 2017 - kl. 10:43
Þróunarsvið Byggðastofnunar, í samvinnu við Hagfræðistofnun Háskóla Íslands, hefur gefið úr skýrsluna Hagvöxtur landshluta 2008-2015 og er þetta í áttunda skipti sem slík skýrsla er unnin. Nokkrar af helstu niðurstöðum skýrslunnar eru að hagvöxtur á tímabilinu mældist 3% á höfuðborgarsvæðinu en 6% utan þess. Framleiðsla jókst mest á Suðurnesjum, Norðurlandi eystra og Suðurlandi. Lítill vöxtur var á Austurlandi og Norðurlandi vestra og að á Vestfjörðum dróst framleiðsla saman.
Ljósm: FB/Lögreglan á Norðurlandi vestra
Ljósm: FB/Lögreglan á Norðurlandi vestra
Fréttir | 18. ágúst 2017 - kl. 20:53
Mikið hefur verið að gera hjá lögreglunni á Norðurlandi vestra síðastliðna viku og þar hafa umferðarmál komið mikið við sögu, að því er fram kemur á Facebook síðu lögreglunnar. Alls voru 152 ökumenn kærðir fyrir of hraðan akstur og var sá hraðasti mældur á 162 kílómetra hraða á klukkustund milli Sauðárkróks og Varmahlíðar þar sem hámarkshraði er 90 kílómetrar á klukkustund.
Úr Húnavatnshreppi
Úr Húnavatnshreppi
Fréttir | 18. ágúst 2017 - kl. 07:48
Sveitarstjórn Húnavatnshrepps lýsir áhyggjum af fyrirætlunum um stórfellt eldi frjórra norskra laxa við strendur landsins. Í ályktun sem sveitarstjórn hefur sent frá sér segir að ljóst sé að slíkt eldi geti haft margvísleg neikvæð áhrif á villta stofna silunga og laxa. Erfðablöndun sé þó þeirra alvarlegust. Telur sveitarstjórn að brýnt sé að náð verði sátt um ábyrga uppbyggingu fiskeldis þar sem gætt verði að sjálfbærri þróun og vernd lífríkisins.
Líney og Magnús. Ljósm: Ruv/Líney
Líney og Magnús. Ljósm: Ruv/Líney
Fréttir | 18. ágúst 2017 - kl. 07:03
Hjónin Líney Árnadóttir og Magnús Jósefsson frá Steinnesi í voru rétt við Römbluna í Barcelona í gær þegar hryðjuverkaárás var gerð sem varð fjölda fólks að bana. „Við vorum kannski svona 100 metrum frá þessu,“ segir Líney á vef Ríkisútvarpsins. Þar kemur fram að Líney og Magnús voru á gangi á götunni Carrer de la Boqueria í gotneska hverfinu á leið að markaði á torgi á horni götunnar og Römblunnar.
Fréttir | 17. ágúst 2017 - kl. 07:47
Sveitarstjórn Húnavatnshrepps lýsir yfir þungum áhyggjum vegna boðaðra lækkana á verði til sauðfjárbænda í komandi sláturtíð. Í ályktun sveitarstjórnar segir að verði boðaðar verðlækkanir á afurðaverði til sauðfjárbænda nú í haust að veruleika sé rekstrargrundvöllur sauðfjárbúa í landinu algerlega brostinn. Afleiðingarnar verði, hrun í búgreininni og í framhaldi af því stórfelld byggðaröskun. Leita þurfi lausna án tafar.
Norðurland vestra
Norðurland vestra
Fréttir | 16. ágúst 2017 - kl. 20:37
Á fimmtudaginn í næstu viku, þann 24. ágúst, er fyrirhugaður héraðsfundur sveitarstjórna í Austur-Húnavatnssýslu þar sem fjalla á um sameiningarmál sveitarfélaga á Norðurlandi vestra. Á fundinum mun ráðgjafi frá KPMG kynna hvernig staðið hefur verið að íbúakönnun og öðrum undirbúningi í sveitarfélögum þar sem sameiningarviðræður standa yfir. Ákveðið var að halda fundinn eftir að Sveitarfélagið Skagafjörður sendi sveitarfélögum á Norðurlandi vestra bréf þar sem lýst var áhuga á að styrkja sveitarstjórnarstigið á svæðinu með sameiningu sveitarfélaga.
Frá Skagaströnd
Frá Skagaströnd
Fréttir | 16. ágúst 2017 - kl. 19:46
Kostnaður við endurbætur á sundlauginni á Skagaströnd hafa farið fram úr upphaflegum áætlunum og er ástæðan sú að ráðist var í miklu meiri endurbætur en fyrstu áætlanir gerðu ráð fyrir. Þetta kom fram í máli sveitarstjóra á fundi sveitarstjórnar Skagastrandar í dag. Sveitarstjóri gerði grein fyrir stöðu framkvæmda ársins og fór yfir hvernig verk hafa gengið og staðist kostnaðaráætlanir.
Grunnskóli Húnaþings vestra
Grunnskóli Húnaþings vestra
Fréttir | 15. ágúst 2017 - kl. 10:50
Skólastjóri Grunnskóla Húnaþings vestra hefur lagt til við byggðarráð sveitarfélagsins að skólinn leggi til námsgögn fyrir nemendur skólans þeim að kostnaðarlausu. Um er að ræða stílabækur, ritföng, reiknivélar og fleira. Byggðarráð samþykkti tillögu skólastjórans. Í haust verða því engir innkaupalistar, en foreldrar þurfa samt sem áður að sjá börnum sínum fyrir skólatösku, sund- og íþróttafatnaði ásamt ritföngum til afnota heima fyrir.
Senda grein Senda grein  |  Prenta grein (nýr gluggi opnast) Prenta grein  |   Deila
Húsfrúin
02. ágúst 2017
Gleði er áfall og hluti af lífi
Flest þurfum við einhvern tíma á ævinni að glíma við gleðina. Það er einstaklingsbundið hvernig fólk bregst við gleðinni. Aldur og lífsreynsla skiptir litlu máli, tengslin við gleðigjafann skiptir mestu máli.
::Lesa
Íþróttamiðstöðin Blönduósi
Spaugið
12. janúar 2016
Hjá tannlækninum
Þegar tannlæknirinn hennar Áslaugar lét af störfum þurfti hún eðli málsins samkvæmt að verða sér úti um nýjan tannlækni.
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ