Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Laugardagur, 24. febrúar 2018
SSA  9 m/s
C
Landbankinn
huni.is - RSS-efnisveita
 
Á döfinni
Febrúar 2018
SMŢMFFL
28293031123
45678910
11121314151617
18192021222324
25262728123
FyrriNúnaNćsti
Veðurstofa Íslands
Blönduós 17:00 SSA 9  3°C
Reykir í Hr 17:00 SSA 14 1°C
Reykjavík 17:00 S 11  3°C
Akureyri - 17:00 SSA 8  5°C
Egilsstaðaf 17:00 S 7  6°C
Haugur 17:00 S 13 0°C
Holtavörðuh 15:00 S 15 0°C
Þverárfjall 17:00 SSV 11  1°C
Laxárdalshe 17:00 S 15 1°C
Brúsastaðir 17:00 SSA 11  2°C
Vegagerðin
Holtavörđuh. 17:46 0 0°C
Laxárdalsh. 17:30 S 14 1°C
Vatnsskarđ 17:30 S 10 -0°C
Ţverárfjall 17:30 SSV 11 1°C
Kjalarnes 17:30 ASA 7 2°C
Hafnarfjall 17:30 SSA 11 2°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
08. febrúar 2018
Þorrapistill
Þrátt fyrir rysjótt veðurfar á þessu nýbyrjaða ári getum við Blönduósingar glaðst yfir ýmsu sem er að gerast hjá okkur. Fyrst skal nefna það að á síðastliðnu ári fjölgaði íbúum bæjarins um 33 einstaklinga samkvæmt frétt sem Húnahornið flutti okkur. Þetta eru ánægjuleg tíðindi og mín tilfinning er að hér sé mest um ungt fólk að ræða sem er að setjast hér að.
::Lesa

Northwest.is


SSNV

Leita í netfangaskrá
 
Eftir Jón Pálmason og Björn Guðmundsson
04. febrúar 2018
Eftir Inga Heiðmar Jónsson
25. janúar 2018
Tilkynning frá Félags- og tómstundastarfi aldraðra
23. janúar 2018
21. janúar 2018
Eftir Sigurbjörn Þorkelsson
21. janúar 2018
Fréttir | 14. júlí 2017 - kl. 07:51
Húnavakan er hafin

Húnavakan er hafin og stendur hún yfir alla helgina. Fjölbreytt dagskrá verður í boði fyrir gesti og gangandi og ættu allir að finna eitthvað við sitt hæfi. Í dag verður opið hús hjá fyrirtækjum á Blönduósi og ýmisleg spennandi Húnavökutilboð í gangi. Kvennaskólinn, Þekkingarsetrið, Textílsetrið og Vinir Kvennaskólans taka á móti gestum í dag og kynna starfsemina í skólahúsinu. Heitt verður á könnunni og enginn aðgangseyrir.

Eftirtalin fyrirtæki verða með opið hús og Húnavökutilboð:

  • Fisk á Disk við Norðurlandsveg: Húnavökutilboð á völdum vörum (kl.10-18)

  • Samkaup: Kleinuhringir á 50% afslætti, ýmis tilboð í gangi. (kl.10-19)

  • Hitt og þetta handverk/Vötnin Angling Service: Handverk ofl. Tilboð á sturtusápum og handáburði. (kl.10-12 og 13-21)

  • Húnabúð við Norðurlandsveg : 50% afsláttur af öllum leikföngum alla helgina (kl.11-18)

  • Rafmagnsverkstæðið Átak: Taka á móti gestum (kl.12-15)

  • Lífland: Taka á móti gestum. Húnavökutilboð á völdum vörum og heitt á könnunni. (kl.13-16)

  • SAH Afurðir: Taka á móti gestum í höfuðstöðvum fyrirtækisins. Grill, kynning á vörum og Húnavökutilboð á grillkjöti. (kl.13-17)

  • Tengill: Taka á móti gestum frá kl. 13:00-17:00. Hestaleigan Galsi teymir undir krakka frá 15-17 í boði Tengils.

Húnavakan sett formlega klukkan 18:45
Húnavakan verður formlega sett á bæjartorginu fyrir framan Félagsheimilið klukkan 18:45 í dag. Strax á eftir verða umhverfisverðlaun Blönduósbæjar veitt. Klukkan 19-21 verður haldið risa kótelettuvöld og skemmtun í Félagsheimilinu. Jóhannes Kristjánsson eftirherma fer með gamanmál og Frikki trúbador heldur uppi stuðinu. Þá fer fram frumflutningur á nýju lagi Frjálsa kótelettufélagsins í Austur-Húnavatnssýslu. Björn Þór og félagar hjá B&S sjá um eldamennskuna. Kóteletturnar koma að sjálfsögðu frá SAH Afurðum og í raspi frá Vilko.

Klukkan 20 í kvöld hefst knattspyrnuleikur á íþróttavellinum en þar etja kappi Kormákur/Hvöt og Kóngarnir. Frítt er á völlinn í boði Ísgel. Hljómsveitin Feðgarnir spila á Retro Hótel Blönduósi frá klukkan 20:30-22:30 og klukkan 23:00 verður haldinn stórdansleikur í Félagsheimilinu með hljómsveitinni Á Móti Sól.

Spennandi laugardagur á Húnavöku
Á morgun, laugardag, verður hægt að fara í útsýnisflug hjá flugklúbbi Blönduóss ef veður leyfir. Opna Gámaþjónustumóti í golfi hefst klukkan 9:00 á Vatnahverfisvelli og Blönduhlaup hefst klukkan 11:00 við Félagsheimilið. Á sama tíma fara fram söngprufur í Míkróhúninum, söngkeppni fyrir börn, sem er orðinn fastur liður í dagskrá Húnavöku.

Klukkan 13:00 hefst opinn dagur hjá Skotfélaginu Markviss á skotsvæði félagsins og á sama tíma opnar bókamarkaður í Héraðsbókasafninu. Klukkan 14 hefst Fjör við Félagsheimilið. Þar verður markaðsstemning, lifandi tónlist, Gunni og Felix skemmta og sönghópurinn Fókus kemur fram. Sýning verður á völdum tækjum viðbragðsaðila í Austur-Húnavatnssýslu og verður m.a. nýr slökkvibíll frumsýndur en það er sagt með fyrirvara um að hann verði kominn. Míkróhúnninn fer fram, Mikki Mús og Mína mæta á svæðið, hestaleigan Galsi býður krökkum að fara á hestbak og Smaladrengirnir taka rúnt og sýna mótorhjólin sín.

Orgeltónleikar fara fram í Blönduóskirkju klukkan 16. Eyþór Franzson Wechner organisti leikur spennandi efnisskrá þar sem tónskáld á borð við Bach, Mozart og Mendelssohn koma við sögu.

Dagskrá laugardagsins endar svo með kvöldvöku í Fagrahvammi og stórdansleik eða Pallaballi í Félagsheimilinu. Kvöldvakan hefst klukkan 20:30 en þar munu Gunni og Felix skemmta, sigurvegarar í Míkróhúninum taka lagið ásamt Páli Óskari. Þá verða verðlaun afhent fyrir best skreytta húsið. Kveikt verður á varðeldi og Ingó Veðurguð mun leiða fjöldasöng. Stórdansleikur Páls Óskars hefst klukkan 23:00 í Félagheimilinu og stendur fram á nótt.

Prjónagangan er á sunnudaginn
Á sunnudaginn verður hægt að fara í sápurennibraut og hina árlegu prjónagöngu sem hefst við Hótel Blöndu klukkan 13:00 en gengið verður að Kvennaskólanum. Þá má geta þess að Heimilisiðnaðarsafnið verður opið alla helgina sem og Kvennaskólinn og hestaleigan Galsi.

Best er að allir kynni sér vel dagskrá Húnavöku 2017 sem finna má hér eða á Facebook síðu hátíðarinnar.

Höf. rzg
Tilkynningar | 23. febrúar 2018 - kl. 13:07
Tilkynning frá stjórn
Aðalfundur Rauða krossins í Húnavatnssýslum verður haldinn á Ömmukaffi, Húnabraut 2 á Blönduósi, mánudaginn 12. mars og hefst kl. 18:00.
Lífland 15des_15mars
Tilkynningar | 23. febrúar 2018 - kl. 13:03
Tilkynning frá formanni
Aðalfundur Umf. Geisla verður haldinn á Húnavöllum mánudaginn 26. febrúar n.k. og hefst kl. 20:30. Á dagskrá eru venjuleg aðalfundarstörf og önnur mál.
Glaðheimar
Mynd: Facebook.com/refillinn
Mynd: Facebook.com/refillinn
Fréttir | 23. febrúar 2018 - kl. 08:16
Á Morgunvaktinni í Ríkisútvarpinu 8. febrúar síðastliðinn var rætt við Jóhönnu Erlu Pálmadóttur, forstöðumann Textílsetursins á Blönduósi. Í viðtalinu segir hún frá frá Vatnsdælareflinum, prjónaskap og fleiru sem tengist starfi Textílsetursins. Refilsaumur hefur heillað Morgunvaktina að undanförnu í framhaldi af fréttum um að Frakkar hefðu ákveðið að lána eina helstu þjóðargersemi sína Bayeux-refilinn til Englendinga.
Nemendur í heimsókn. Ljósm: biopol.is.
Nemendur í heimsókn. Ljósm: biopol.is.
Fréttir | 23. febrúar 2018 - kl. 07:49
Nemendur í Höfðaskóla hafa undanfarið heimsótt BioPol á Skagaströnd í tengslum við náttúrufræðikennslu skólans. Hafa þeir fræðst um þörunga, stóra jafnt sem smáa, en sjávarlíftæknisetrið er með nokkrar rannsóknir í gangi á því sviði. Ýmsir smáþörungar voru hafðir til sýnis á rannsóknarstofunni og nemendum var sagt frá fæðuvefjum og flokkunarfræði. Þá fengu þeir að skoða í smásjá hvernig grænukorn endurkasta rauðu ljósi undir flúrlýsingu. Í Vörusmiðjunni var þari til sýnis og smökkunar sem lagðist misjafnlega í mannskapinn. Sagt er frá þessu á vef Biopol.
Margrét B. Einarsdóttir, Jóhanna S. B. Traustadóttir, Guðmundur Haukur Sigurðsson og Greta Clough
Margrét B. Einarsdóttir, Jóhanna S. B. Traustadóttir, Guðmundur Haukur Sigurðsson og Greta Clough
Fréttir | 22. febrúar 2018 - kl. 21:43
Uppbyggingarsjóður og Atvinnu- og nýsköpunarsjóður Norðurlands vestra veita styrki til atvinnuþróunar, nýsköpunar og menningarverkefna
Í gær voru veittir styrkir úr Uppbyggingarsjóði Norðurlands vestra við athöfn í félagsheimilinu Húnaveri í Húnavatnshreppi. Alls bárust 107 umsóknir þar sem óskað var eftir 200 milljónum króna í styrki. Sjötíu styrkir voru veittir til 54 aðila að upphæð tæpar 55,6 milljónir króna. Við sama tækifæri voru einnig veittir styrkir úr Atvinnu- og nýsköpunarsjóði Norðurlands vestra.
Fréttir | 22. febrúar 2018 - kl. 21:33
Á aðalfundi Fjárræktarfélags Sveinsstaðahrepps, sem haldinn var á Blönduósi 19. febrúar síðastliðinn var samþykkt ályktun þar sem aðalfundurinn mótmælir harðlega því verði sem SAH-Afurðir greiddu fyrir sauðfjárafurðir síðastliðið haust. Aðalfundurinn skorar á fyrirtækið að greiða sambærilegt verð og aðrar afurðastöðvar gera.
Fréttir | 22. febrúar 2018 - kl. 16:20
Tilkynning frá sóknarprestum og sóknarnefndum
Stoppleikhópurinn sýnir leikrit um Martein Lúther í Blönduóskirkju laugardaginn 24. febrúar nk. kl. 11:00. Handrit og leikgerð er í umsjá Valgeirs Skagfjörð og Stoppleikhópsins. Leikritið er 70 mínútur og er ætlað fullorðnum og eldri börnum. Allir velkomnir en fermingarbörn og foreldrar þeirra eru sérstaklega velkomin.
Fréttir | 22. febrúar 2018 - kl. 15:07
Sveitarstjórn Húnaþings vestra hefur samþykkt að ráða Lúðvík Friðrik Ægisson í starf sviðsstjóra veitu-, framkvæmda- og umhverfissviðs sveitarfélagsins. Lúðvík Friðrik er vélstjóri að mennt með BSc í véla- og orkufræði. Ellefu umsóknir bárust um starfið sem auglýst var laust til umsóknar í byrjun janúar en ein umsókn var dregin til baka. Starf sviðstjóra felst í að fara fyrir framkvæmda-, umhverfis- og auðlindamálum en undir þau falla meðal annars vatnsveita, fráveita og hitaveita.
Munið að skila pokunum aftur!
Munið að skila pokunum aftur!
Fréttir | 22. febrúar 2018 - kl. 14:46
Eins og margir vita afhenti áhugahópur um plastlaust samfélag, pokastöð ásamt um fjögurhundruð fjölnota pokum, í Kjörbúðinni í lok nóvember. Síðan þá er búið að bæta við um 200 pokum og enn vantar poka. Verkefnið gengur út á það að hægt er að fá lánaða fjölnota poka ef pokinn gleymist heima. Mikilvægt er þó að pokarnir skili sér aftur í Kjörbúðina í næstu búðarferð eða jafnvel þarnæstu svo að hringrásin virki sem best.
Tilkynningar | 22. febrúar 2018 - kl. 13:50
Frá stjórn
Aðalfundur Framsóknarfélags Austur-Húnavatnssýslu verður haldinn þriðjudaginn 27. febrúar í Eyvindarstofu klukkan 20:30. Á dagskrá eru venjuleg aðalfundarstörf og önnur mál.
Minningarsteinn á aftökustaðnum.
Minningarsteinn á aftökustaðnum.
Fréttir | 22. febrúar 2018 - kl. 13:17
Húnavatnshreppur ætlar að auglýsa eftir ráðgjafa eða ráðgjafafyrirtæki til að starfa með sveitarfélaginu að framtíðaruppbyggingu á Þrístöpum og gestastofu sem staðsett yrði í nágrenni við Þrístapa og fengi nafnið Agnesarstofa. Þrístapar eru þrír samliggjandi smáhólar sem liggja vestast í Vatnsdalshólunum norðan þjóðvegarins.
Fréttir | 21. febrúar 2018 - kl. 22:15
Uppbygging ehf., félag í eigu Engilberts Runólfssonar byggingaverktaka, hefur óskað eftir viðræðum við sveitarstjórn Blönduósbæjar um sameiginlega uppbyggingu á fjölbýlishúsi að Hnjúkabyggð 29 á Blönduósi. Óskað er eftir því að gert verið samkomulag við félagið um langtímaleigu eða kaup sveitarfélagsins á allt að 8-10 íbúðum í hinu nýja fjölbýlishúsi. Byggðaráð Blönduósbæjar hefur hafna erindinu.
Blönduskóli
Blönduskóli
Tilkynningar | 21. febrúar 2018 - kl. 21:48
Hin árleg árshátíð Blönduskóla verður haldin föstudaginn 23. febrúar í Félagsheimilinu á Blönduósi. Húsið opnar klukkan 19:30. Árshátíðin hefst klukkan 20:00 og lýkur klukkan 01:00. Dagskrá hefst með ávarpi talsmanns unglingaráðs. Næst verður leikritið „Go.Com.Air“ sýnt í leikstjórn Jófríðar Jónsdóttur. Þegar leikritinu lýkur verða glæsilegar kaffiveitingar en eftir þær er hin frábæra Blönduvision söngvakeppnin.
Appelsínugul viðvörun. Mynd: vedur.is
Appelsínugul viðvörun. Mynd: vedur.is
Fréttir | 21. febrúar 2018 - kl. 12:04
Nú er úti veður vont en enn ein lægðin er að ganga yfir landið og örugglega ekki sú síðasta á þessum vetri. Bálhvasst er orðið í Húnavatnssýslum og hafa félagar úr björgunarsveitinni Húnum þurft að aðstoða fólk í morgun. Björgunarsveitarmenn hafa einnig verið sendir á Holtavörðuheiðina til að aðstoða ferðamenn sem lent hafa í vandræðum með bíla sína.
 
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ