Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Mánudagur, 18. desember 2017
SA  9 m/s
C
Landbankinn
huni.is - RSS-efnisveita
 
Á döfinni
Desember 2017
SMŢMFFL
262728293012
3456789
10111213141516
17181920212223
24252627282930
31123456
FyrriNúnaNćsti
Veðurstofa Íslands
Blönduós 00:00 SA 9  2°C
Reykir í Hr 00:00 SSA 3  2°C
Reykjavík 00:00 ASA 10 2°C
Akureyri - 01:00 SSA 5  2°C
Egilsstaðaf 01:00 SSV 2  0°C
Haugur 11:00 SSV 7  -1°C
Holtavörðuh 00:00 S 10  0°C
Þverárfjall 00:00 S 7  0°C
Laxárdalshe 00:00 SA 12  1°C
Brúsastaðir 00:00 SA 8  2°C
Vegagerðin
Holtavörðuheiði 00:50 SSV 12  1 °C
Laxárdalsheiði 00:50 SSA 11  2 °C
Vatnsskarð 00:50 SSA 13  -1 °C
Þverárfjall 00:50 SSA 7  0 °C
Kjalarnes 00:50 A 17  3 °C
Hafnarfjall 00:50 ASA 25  6 °C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
11. desember 2017
Desembernöldur
Ég veit ekki um ykkur en mér  finnst eins og aðeins séu nokkrar vikur síðan við héldum síðast heilög jól. En nú eru ekki  nema nokkrir dagar þar til aftur eru komin jól. Nú er best að leggja allt nöldur til hliðar og gleðjast frekar yfir því sem í vændum  er. Gleðjast yfir  öllum ljósunum sem prýða bæinn sem aldrei fyrr og gera umhverfið svo jólalegt.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
17. desember 2017
Eftir Pál Ingþór Kristinsson
15. desember 2017
Eftir Sigurbjörn Þorkelsson
13. desember 2017
Eftir Eyþór Franzson Wechner
12. desember 2017
Eftir Inga Heiðmar Jónsson
07. desember 2017
Eftir Inga Heiðmar Jónsson
24. nóvember 2017
Eftir Höskuld Birki Erlingsson formann Karlakórs Bólstaðarhlíðarhrepps
07. nóvember 2017
Eftir Inga Heiðmar Jónsson
06. nóvember 2017

tilk_web.gif


Víðidalstunga. Ljósm: wikipedia.org/Navaro
Víðidalstunga. Ljósm: wikipedia.org/Navaro
Pistlar | 20. júlí 2017 - kl. 07:50
Stökuspjall: Hvar er hann Sumarliði?
Eftir Inga Heiðmar Jónsson

Sigurður djákni, segðu á skil
sem minn hugann friði.
Heillavinur, hvað kemur til?
Hvar er hann Sumarliði?

Vísuna orti Páll Vídal á leið sinni yfir Kaldadal og tók þar með þátt í leik hagyrðinga sem ortu vísu, stungu henni í bein og því næst í vörðu við veginn. Vísan var lögð í munn beinakerlingunni þ.e.a.s. vörðunni, var oftast nokkuð groddaleg eða klúr, og beið þar eftir næsta ferðamanni sem gat verið nafngreindur í vísunni. Páll kemur tveim nöfnum fyrir í vísunni.

Hér er önnur, höfundarlaus:

Sækir að mér sveina val
sem þeir væri óðir
kúri eg ein á Kaldadal;
komi þið piltar góðir.

En hverfum nú til ársins 2017, til fundar við Jón Torfason og Pál Vídal, upp á Hakið á Þingvöllum, í blíðviðrinu fimmtudagskvöldið 13. júlí. Jón hafði tekið saman skemmtilegan þátt af þessum sýslunga sínum, dró fram gögn um glöggskyggni og skipulagsgáfu Páls, tók áheyrendurna með sér í huganum norður í Víðidal, til höfuðbóls Vídalínanna í Tungu og greindi frá búháttum Páls, samskiptum hans við vinnumenn og upprennandi sveina úr kotunum við Víðidalstungu. Fundargestir fetuðu síðan í fótspor Jóns niður Almannagjá og hann flutti þeim næsta áfanga fyrirlestrarins í tréþrepunum á Lögbergi. Þar fjallaði Jón um störf Páls lögmanns á Alþingi, að Jarðabókinni og samstarf þeirra Árna Magnússonar. Þeir Jarðabókarmenn bundu með sér hlýja vináttu og eftirminnilegt var að fylgja fyrirlesaranum milli tjalda þeirra vinanna þar á Þingvöllum snemma á átjándu öldinni – og Öxará í flóði. Í þessum bjarta sumarmánuði hittust einmitt yfirvöld, nýjustu óbótamenn landsins og jafnvel lögmannsdætur. Öld eftir öld riðu menn fjallvegi, sanda og fljótin stríð til að hittast á þessum forna og helga fundarstað. Og þar vakti Jón sterki úr Kjósinni.

Í Þingvallakirkju lauk fyrirlestri Jóns og þar greindi hann frá mótlæti Páls og sonamissi á efstu árum hans. Um fornyrði lögbókar, merka bók Páls, fjallaði sagnfræðingurinn frá Torfalæk að lokum en gestir þáðu súkkulaðibolla í fundarlok á kirkjuhlaðinu.

Jón biskup Vídalín, jafnaldri Páls og frændi á fræga Kaldadalsvísu:

Herra guð í himnasal
haltu mér við trúna.
Kvíði ég fyrir Kaldadal
kvelda tekur núna.

Yngri ljóðasmiðir hafa ýmsir lagt leið sína um Kaldadal, kannski sumir í andanum, en Hrútfirðingurinn og kennarinn, Böðvar Guðlaugsson gerir sér lítið fyrir og tekur Jónas Hallgrímsson/Ferðalok með sér í ferðina og jafnvel stúlkuna hans. Líklega hefur það þó verið yngra fljóð sem Böðvari fylgdi, eða hann því:

Kroppuðum við af rifi
á Kaldadal,
hugðum hangikjöt vera,
drukkum við úr brúsa
daunillt og rammt
Kaabers-kaffi með.

Austur fyrir Langjökul fór skáldið líka með stúlkunni:

Hímdum við í tjaldi
á Hveravöllum,
sífraðir þú um svengd,
fleygði ég í fússi
flatkökuparti
í þig, ástin mín.

Tilvísanir:
Kersknisvísur Páls Vídalín um Halldóru sýslumannsfrú í Bólstaðarhlíð: http://bragi.info/hunafloi/visur.php?VID=26876
Beinakerlingarvísur: http://bragi.info/hunafloi/visur.php?ID=8 Lýsing Óskar Halldórssonar lektors á beinakerlingavísum: http://bragi.info/hunafloi/visur.php?VID=24649
Ferðavísur: http://bragi.info/hunafloi/visur.php?ID=47
Jón biskup Vídalín í wikipediu: https://is.wikipedia.org/wiki/J%C3%B3n_V%C3%ADdal%C3%ADn
Böðvar Guðlaugsson: http://bragi.info/hunafloi/ljod.php?ID=4962
Síðasta stökuspjall: https://www.huni.is/index.php?cid=13905
Nokkur eldri: https://www.huni.is/index.php?pid=13
Messupistill frá sumri 2016: https://www.huni.is/index.php?pid=58&cid=13102
Nokkrar línur/IHJ á hörpu 2017, minnt á messu 20. ágúst n.k.: http://stikill.123.is/blog/2017/05/10/764889/  
Ferðalok eftir Jónas Hallgrímsson: http://jonashallgrimsson.is/index.php?page=ferdalok

Ingi Heiðmar Jónsson

Höf. rzg
Pistlar | 17. desember 2017 - kl. 11:05
Eftir Sigurbjörn Þorkelsson
Skaflarnir á ævigöngunni kunna að vera margir og oft sannarlega illfærir. Alltaf kemst maður þó einhvern veginn með óskiljanlegum hætti í gegnum þá flesta að lokum með Guðs hjálp og góðra manna. Og jafnvel þótt maður verði vegmóður og þreyttur og laskist stundum verulega, þá verður maður sannarlega reynslunni ríkari.
Lífland 15des_15mars
Pistlar | 15. desember 2017 - kl. 21:26
Eftir Pál Ingþór Kristinsson
Á Bakásum er mikil skógrækt á þrem jörðum og eru það jarðirnar Gunnfríðarstaðir, Hamar og Ásar. Innan fárra ára verður sýnilegur tæplega 700 ha skógur á jörðunum og er þá ótalið það land sem er að klæðast trjám út frá skóginum. Munar þar mestu um áreyrar Blöndu. Stærsti alaskaasparskógur á Íslandi var til skamms tíma á Gunnfríðarstöðum en í skjóli hans er myndarlegur blágrenireitur sem hefur gefið mikið af fallegum jólatrjám inn á heimili Húnvetninga.
Jólahús ársins 2017
Fréttir | 15. desember 2017 - kl. 16:19
Leikflokkurinn á Hvammstanga frumsýnir í kvöld leikritið Hérumbil, Húnaþingi. Sýningin fer fram í Félagsheimilinu Hvammstanga klukkan 20 en húsið opnar klukkutíma fyrr. Einnig verða sýningar laugardaginn 16. desember og sunnudaginn 17. desember en báðar hefjast þær klukkan 20.
Glaðheimar
Fréttir | 15. desember 2017 - kl. 16:08
Framkvæmdastjórn Heilbrigðisstofnunar Norðurlands (HSN) lýsir yfir vonbrigðum með nýútgefið fjárlagafrumvarp. Í tilkynningu frá stofnuninni segir að í þeim auknu fjárframlögum sem ætluð eru til að styrkja rekstur heilbrigðisþjónustu í landinu sé litið framhjá heilbrigðisstofnunni og í staðinn sett 20 milljóna króna hagræðingarkrafa á hana. 
Bryndís frá Farskólanum afhendir Guðnýju sveitarstjóra skýrsluna. Ljósm: hunathing.is
Bryndís frá Farskólanum afhendir Guðnýju sveitarstjóra skýrsluna. Ljósm: hunathing.is
Fréttir | 15. desember 2017 - kl. 09:44
Sveitarfélagið Húnaþing vestra ákvað í vor að ráðast í markvissa uppbyggingu mannauðs. Gerður var samningur milli Sveitamenntar, mannauðssjóðs Kjalar, Farskólans og Húnaþings vestra um að gera þarfagreiningu á fræðsluþörfum meðal almenns starfsfólks hjá sveitarfélaginu. Markmiðið með vinnunni er að koma símenntun og starfsþróun í ákveðinn farveg, auka starfsánægju og bæta þjónustu, ásamt því að gera fræðsluáætlun með hugmyndum um fræðslu til starfsmanna.
Pálmi Jónsson
Pálmi Jónsson
Fréttir | 15. desember 2017 - kl. 09:05
Við þingsetningu Alþingis í gær var Pálma Jónssonar á Akri, fyrrverandi alþingismanns og ráðherra, minnst. Pálmi lést á sjúkrahúsi í Reykjavík 9. október síðastliðinn eftir langvarandi veikindi. Hann var á 88. aldursári. Hann var fæddur á Akri í Torfalækjarhreppi 11. nóvember 1929. Pálmi var öflugur talsmaður bænda og landsbyggðar.
Rafbókasafnið
Rafbókasafnið
Fréttir | 14. desember 2017 - kl. 15:28
Héraðsbókasafn Austur-Húnvetninga er komið með aðgang að Rafbókasafninu sem opnað var 30. janúar á þessu ári. Á Rafbókarsafninu er hægt að nálgast raf- og hljóðækur á vegum OverDrive, sem er bandarískt fyrirtæki. Meginhluti efnisins er á ensku, en stefnt er að því að fá meira íslenskt efni inn sem fyrst. Sagt er frá þessu á Facebook síðu héraðsbókasafnsins.
Fréttir | 14. desember 2017 - kl. 10:09
Tómstunda- og menningarmálanefnd Skagastrandar hefur hug á að stækka sjómannadaginn á Skagaströnd árið 2018 með auknum hátíðarhöldum. Á fundi nefndarinnar í nóvember voru ýmsir möguleikar ræddir og hugmyndir lagðar fram um hvernig það skuli gert. Einnig voru ýmsar hugmyndir að dagskráratriðum lagðar fram og ræddar fram og til baka.
Fréttir | 14. desember 2017 - kl. 09:56
Sveitarstjórn Húnavatnshrepps samþykkti á fundi sínum í gær fjárhagsáætlun sveitarfélagsins fyrir árið 2018. Samkvæmt henni er rekstrarniðurstaðan fyrir samstæðu A- og B-hluta sveitarsjóðs jákvæð sem nemur tæplega tíu milljónum króna. Tekjur eru áætlaðar um 485 milljónir og gjöld um 475 milljónir. Við gerð áætlunarinnar var, eins og undan farin ár, lögð áhersla á aðhald í rekstri, að því er segir í bókun sveitarstjórnar.
Pistlar | 13. desember 2017 - kl. 15:02
Eftir Sigurbjörn Þorkelsson
Það er svo sárt að sakna en það er gott að gráta. Tárin eru dýrmætar daggir, perlur úr lind minninganna. Minninga sem tjá kærleika og ást, væntumþykju og þakklæti fyrir liðna tíma. Minninga sem þú einn átt og enginn getur afmáð eða frá þér tekið. Tárin mýkja og tárin styrkja. Í þeim speglast fegurð minninganna.
Fréttir | 13. desember 2017 - kl. 14:27
Mira-Liina Skyttälä, styrkhafi í listamiðstöðinni í Kvennaskólanum á Blönduósi, verður með opið hús 14. desember, frá klukkan 16-19 í stúdíóinu á annarri hæð skólans. Mira-Liina mun halda námskeið í kartöfluprentun. Aðferðin gengur út á það að nota kartöflur sem stimpla og prenta á fjölnota poka. Námskeiðið hentar öllum aldurshópum og er ókeypis. Börn verða þó að vera í fylgd með fullorðnum.
Fréttir | 13. desember 2017 - kl. 11:38
Út er komin bókin Íslenska lopapeysan - uppruni, saga og hönnun eftir Ásdísi Jóelsdóttur, lektor við menntavísindasvið Háskóla íslands. Um er að ræða ritrýnda útgáfu og er það í fyrsta skipti sem gefið er út ritrýnt fræðirit í textílgreininni. Þekkingarsetrið á Blönduósi veitti styrk til verkefnisins. Bókin byggir á víðtækri rannsókn á rituðum heimildum, ljósmyndum og viðtölum við fjölda aðila.
Frá fundinum. Ljósm: hunathing.is
Frá fundinum. Ljósm: hunathing.is
Fréttir | 13. desember 2017 - kl. 11:13
Í lok síðasta mánaðar var haldinn vinnufundur íbúa í Húnaþingi vestra um framtíðarskipan skólamála í sveitarfélaginu til næstu 30 ára. Fundurinn skiptist í kynningu, tvær umræðulotur, matarhlé og samantekt.  Kynnt var rýnivinna fjölmenns hóps allra hagsmunaaðila skólasamfélagsins sem unnin hefur verið frá haustbyrjun. Sagt er frá þessu á vef Húnaþings vestra og þar kemur fram að fundurinn hafi verið vel sóttur og afar gagnlegur.
Fréttir | 13. desember 2017 - kl. 09:23
Eins og margir vita er í bígerð að gera Hollywood-mynd byggða á bókinni Burial Rites eða Náðarstund eftir ástralska höfundinn Hannah Kent. Hún heillaðist af sögu Agnesar Magnúsdóttur sem tekin var af lífi fyrir að myrða Natan Ketilsson, bónda á Illugastöðum og Pétur Jónsson vinnumann árið 1828. Bókin var gefin út árið 2013 og hefur farið sigurför um heiminn og verið gefin út á meira en tuttugu tungumálum. Nú herma fregnir að hæst launaða leikkona heims, Jennifer Lawrence, muni leika Agnesi í myndinni.
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
25. september 2017
Hjá rakaranum
Ungur drengur gengur inn á rakarastofu. Þegar rakarinn sér hann hvíslar hann að viðskiptavininum. „Þetta er heimskasti krakki í heiminum. Sjáðu, ég skal sanna það fyrir þér.“ 
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ