Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Miðvikudagur, 18. júlí 2018
NV  4 m/s
12°C
Húnavaka 2018
huni.is - RSS-efnisveita
 
Á döfinni
Júlí 2018
SMŢMFFL
1234567
891011121314
15161718192021
22232425262728
2930311234
FyrriNúnaNćsti
Veðurstofa Íslands
Blönduós 18:00 NV 4  12°C
Reykir í Hr 18:00 N 7  9°C
Reykjavík 18:00 A 3  10°C
Akureyri - 18:00 NNV 4  12°C
Egilsstaðaf 18:00 N 5  14°C
Haugur 18:00 NNV 5  12°C
Holtavörðuh 18:00 SV 9  11°C
Þverárfjall 18:00 ASA 5  11°C
Laxárdalshe 18:00 A 5  11°C
Vegagerðin
Holtavörđuh. 18:20 SV 9 11°C
Laxárdalsh. 18:20 A 4 12°C
Vatnsskarđ 18:20 ANA 5 10°C
Ţverárfjall 18:20 A 3 12°C
Kjalarnes 18:20 A 7 10°C
Hafnarfjall 18:20 SA 8 12°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2018
Mikið um að vera á Blönduósi
Það er komið sumar, eða er það ekki annars? Oft hefur maður upplifað sólríkari daga en á þessu vori, en við skulum ekki örvænta, sumarið ný byrjað og auðvitað á það eftir að verða frábært. Við kláruðum sveitarstjórnarkosningarnar í lok maí og sumir eflaust kátari en aðrir eins og gengur. Nú bíðum við spennt eftir að sjá hvern við fáum sem bæjarstjóra.
::Lesa

Northwest.is


SSNV

Leita í netfangaskrá
 
Eftir Jóhannes Torfason
27. júní 2018
Eftir Sigurbjörn Þorkelsson
22. júní 2018
Eftir Guðmund Arnar Sigurjónsson
12. júní 2018
Eftir Sigurbjörn Þorkelsson
10. júní 2018
Eftir Inga Heiðmar Jónsson
02. júní 2018
Eftir Guðmund Hauk Jakobsson
26. maí 2018
Eftir Önnu Margreti Sigurðardóttur
25. maí 2018
Eftir Birnu Ágústsdóttur
25. maí 2018
Tjarnarkirkja. Ljósm: kirkjukort.net
Tjarnarkirkja. Ljósm: kirkjukort.net
Pistlar | 06. ágúst 2017 - kl. 10:21
Stökuspjall: Ei mun tjá að tala um stjáið lýða
Eftir Inga Heiðmar Jónsson

Nú bættist ágúst í röð sumarmánaðanna og „ljúfir dagar líða fljótt“ gæti ófrumlegt skáldmenni tekið sér í munn meðan aðdáendur Eyjasöngva fylla mörg skip og taka lagið í Herjólfsdal á þjóðhátíð en við landbundnir finnum okkur annan stað og stund fyrir aðra söngva.

Þann 4. ágúst voru 30 ár liðin frá andláti nágranna og frænda, Erlendar í Bólstaðarhlíð. Hann mátti þreyja þorrann og góuna í orðsins fyllstu merkingu. Á  þriðja tug ára lá hann í fremra rúmi í hornherberginu á Héraðshælinu/sjúkradeild og þangað kom karlakórinn til að syngja fyrir þennan aflukta félaga sinn ef þeir áttu leið í Ósinn. En 6. ágúst er Húnaflói – kvæða- og vísnasafn þriggja ára og fjölgar þar smám saman vísum, höfundum, heimildum og auðvitað vinnustundum, en til flýtisauka eru þær eru ekki tíundaðar. Þær eru fróðleiks- og skemmtistundir.

Jón Ólafsson ritstjóri og hálfbróðir Páls – báðir synir sr. Ólafs á Kolfreyjustað – vann sér margt til frægðar og orti 6 vísna ritstjóraraunir og rímaði saman skrifa og lifa í þeim öllum.

Ungum lék mér löngun á
að lifa til að skrifa.
Sköp hafa því svo skipt, ég má
skrifa til að lifa.

Ýmsir Húnvetningar og þó sérstaklega Blönduósingar komu upp að Kleifum í síðasta mánuði en þar var sýning merkra listamanna en mörgum þótti þó ekki síðra að setjast niður með sýningarstjórum, súpa úr kaffibolla og rifja upp góðar stundir frá liðnum áratugum meðan Blanda raulaði bassann við túnfótinn.

Mynd af þremur bræðrum Kristins Magnússonar á Kleifum og honum sjálfum, var sótt inn í bæ, borin út í sólskinið þar sem gestir og húsráðendur rifjuðu upp sögur við gestaborðið sunnan við fjárhúshlöðum. Skólamenn voru nokkuð mest í kastljósinu en Ásgeir Magnússon, einn bræðranna stofnaði Alþýðuskólann á Hvammstanga 1913. Hann varð síðar fréttamaður  og fréttastjóri við ríkisútvarpið. Annar bróðir hét Magnús, lögfræðingur, ritstjóri og rithöfundur auknefndur Stormur eftir blaði sínu, en sá þriðji var Björn kennari á Blönduósi, síðar bóndi fram í Svínadal. Ásdís Kristinsdóttir á Kleifum hóf kennsluferilinn í heimabæ sínum, Blönduósi 1961 og er nú húsráðandi þar á Kleifum ásamt eiginmanni og fjölskyldu þeirra, en starfsvettvangur þeirra er oftar syðra. Sýning og veitingar voru í boði Kleifafjölskyldunnar. Gott er nú að eiga þennan góða húnvetnska vef til að þakka rausn þeirra og vekja athygli á menningarinnleggi listamannanna þar í fjárhúshlöðunni en tveir þeirra hafa þegar verið valdir á Feneyjatvíæringinn.

Bræðurnir Magnússynir fæddust á Ægissíðu en vestur þar á Vatnsnesi óx upp meðal margra skáldmæltra, Sigurður Bjarnason, sonarsonur skáldsins Sigurðar Ólafssonar í Katadal. Sigurður yngri var geysilega snjallmæltur og rímhagur, en náði aðeins 24 ára aldri. Hann hafði ort ótrúlega margt, svo ungur maður, hér að neðan er hann að hefja 9. rímu um Án bogsveigi:

Uppvaknaður óðar blað og penna
til ætlaða tónaskrá
tek eg, hvað sem gengur á.

Heldur mikið hér oss þykir vera
svakk og kvik af sveinum léð
sem vill hika og rugla geð.

Oft svo gengur, eru drengir kátir
sem á vengi sels við bý
sitja lengi veri í.

Ei mun tjá að tala um stjáið lýða;
eitthvað má þó erja við
óðar smáa handverkið.

Vefsýslumaður vill minna gesti síðunnar á guðsþjónustu í Tjarnarkirkju 20. ágúst kl. 14 en þar mun áðurnefndur Húnaflói/vísnavefur koma við sögu.

Vísað er til
Minningarorð um Ella í Hlíð: http://stikill.123.is/blog/2017/07/30/767924/
Kolfreyjustaður: https://www.east.is/is/east/place/kolfreyjustadur
Ritstjóraraunir http://bragi.info/hunafloi/ljod.php?ID=5415
Húnaflói http://bragi.info/hunafloi/
Metrakerfið í Alþýðuskólann 1921: https://www.visindavefur.is/svar.php?id=72442
Ekkert jarm: https://www.huni.is/index.php?pid=32&cid=13937
Án bogsveigir: http://bragi.info/hunafloi/ljod.php?ID=5430
Stökuspjall frá 6/7 um skáld á Vatnsnesi og Tjarnarmessuna.: https://www.huni.is/index.php?pid=58&cid=13905

Ingi Heiðmar Jónsson
 

Höf. rzg
Það verður líf og fjör á Húnavöku.
Það verður líf og fjör á Húnavöku.
Fréttir | 18. júlí 2018 - kl. 15:53
Húnavaka, bæjarhátíð Blönduósinga, verður haldin í 15 sinn nú um helgina. Hátíðin hét áður Matur og menning og var fyrst haldin árið 2003. Árið 2006 var ákveðið að breyta nafni hátíðarinnar og endurvekja hið góða og gilda nafn Húnavaka sem áratugum saman var fastur liður í menningarlífi Húnvetninga. Valgarður Hilmarsson, sveitarstjóri Blönduósbæjar, býður alla velkomna til Blönduóss um helgina til að njóta vel þeirrar dagskrár sem boðið verður upp á.
Lífland
Frá Blönduhlaupi í fyrra.
Frá Blönduhlaupi í fyrra.
Fréttir | 18. júlí 2018 - kl. 13:02
Hið árlega Blönduhlaup verður haldið á Húnavöku, laugardaginn 21. júlí og verður ræst klukkan 11 við útibú Arion banka að Húnabraut 5 á Blönduósi. Vegalengdir verða 2,5 km, 5,0 km og 10 km. Skráning í hlaupið fer fram í anddyri Félagsheimilisins á Blönduósi klukkan 10 á hlaupadag en einnig er hægt að forskrá sig í hlaupið með því að senda tölvupóst á usah540@simnet.is.
Glaðheimar
Blönduskóli
Blönduskóli
Fréttir | 18. júlí 2018 - kl. 12:02
Blönduósbær auglýsir á vef sínum eftir tilboðum í skólamáltíðir skólaárið 2018-2019. Verkið felst í framleiðslu hádegisverða fyrir nemendur og starfsfólk, flutningi frá framleiðslustað til skóla og frá skóla að matarhléi loknu hvern dag. Útboðsgögn fást afhent á bæjarskrifstofu Blönduósbæjar, Hnjúkabyggð 33, 540 Blönduós frá 19. júlí 2018. Tilboð verða opnuð á sama stað klukkan 11:00 þann 30. júlí næstkomandi.
Norðurland vestra
Norðurland vestra
Fréttir | 18. júlí 2018 - kl. 11:00
Konur eru 47% sveitarstjórnarfulltrúa á Norðurlandi vestra samanborið við 38% á nýliðnu kjörtímabili og nýliðar í sveitarstjórnum eru nú 67% samanborið við 51% áður. Með nýliðum er átt við fulltrúa sem ekki sátu kjörtímabilið á undan en í þeim hópi eru einhverjir sem eru að koma inn í sveitarstjórnir að nýju eftir hlé í eitt kjörtímabil eða fleiri. Þessar upplýsingar voru lagðar fram á stjórnarfundi Samtaka sveitarfélaga á Norðurlandi vestra 10. júlí síðastliðinn.
Fréttir | 18. júlí 2018 - kl. 09:31
Í tilefni Húnavöku um helgina ætlar Þekkingarsetrið að bjóða upp á listasmiðju – þrykknámskeið í Kvennaskólanum föstudaginn 20. júlí frá klukkan 16-18. Listasmiðjan er fyrir börn fædd árin 2004-2008. Elsa Arnardóttir forstöðumaður Þekkingarsetursins og listkennari hefur umsjón með námskeiðinu. Athygli er vakin á því að skráning er skilyrði og fjöldi takmarkaður.
Frá Þingvöllum. Ljósm: MJ.
Frá Þingvöllum. Ljósm: MJ.
Fréttir | 18. júlí 2018 - kl. 09:11
Í dag verður haldinn hátíðarfundur Alþingis á Þingvöllum en þann 18. júlí árið 1918 var samningur um fullveldi Íslands lokið með undirritun sambandslaganna sem tóku gildi 1. desember sama ár. Þingfundurinn er hugsaður eins og fundir á Þingvöllum hafa verið á hátíðar- og minningarstundum í sögu þjóðarinnar og er ætlunin að samþykkja ályktun sem full samstaða er um.
Fréttir | 17. júlí 2018 - kl. 13:24
Sameiginlegt lið Kormáks og Hvatar í knattspyrnu karla, 4. deild – D riðli, tekur á móti Vatnaliljum á Blönduósvelli næstkomandi föstudag klukkan 20:00. Gera má ráð fyrir mikilli og góðri stemningu í Blönduósbæ á föstudaginn þar sem Húnavakan verður þá nýhafin og eru allir hvattir til þess að mæta á völlinn og styðja liðið. Meistaraflokksráð mun grilla og selja hamborgara í hálfleik. Þá verður minning Kristjáns Blöndal Jónssonar heiðruð en hann spilaði fótbolta í fjölmörg ár undir merkjum Hvatar.
Fréttir | 17. júlí 2018 - kl. 09:19
Einar Kárason mun stíga á stokk í Félagsheimilinu á Blönduósi í kvöld klukkan 20 og flytja eina vinsælustu Íslendingasöguna, söguna um ógæfumanninn Gretti Ásmundsson. Einar setur söguna á sinn einstaka hátt upp í fræðandi og skemmtilega frásögn, þar sem Grettir og það helsta sem á daga hans dreif kviknar til lífsins. Einar er með virtustu rithöfundum og rómuðustu sagnamönnum landsins og hafa sýningar hans um Grettissögu notið mikilla vinsælda í Landnámssetrinu í Borgarnesi.
Sameining A-Hún
Kortasjá Byggðastofnunar, thjonustukort.is.
Kortasjá Byggðastofnunar, thjonustukort.is.
Fréttir | 16. júlí 2018 - kl. 15:20
Ríkisstjórnin samþykkti í dag að tryggja öflun, samræmingu og áreiðanleika gagna sem þarf við áframhaldandi þróun þjónustukorts. Sigurður Ingi Jóhannsson samgöngu- og sveitarstjórnarráðherra kynnti fyrsta áfanga kortsins með opnun vefsjárinnar thjonustukort.is. Starfshópur skipaður fulltrúum forsætisráðuneytis, samgöngu- og sveitarstjórnarráðuneytisins, fjármála- og efnahagsráðuneytisins, velferðarráðuneytisins, mennta- og menningarmálaráðuneytis og umhverfis- og auðlindaráðuneytisins mun fylgja samþykktinni eftir.
Fréttir | 16. júlí 2018 - kl. 10:15
Laugardaginn 7. júlí síðastliðinn var sýning Sigurðar Guðjónssona INNLJÓS opnuð að Kleifum við Blönduós. Aðsókn hefur verið mjög góð enda eiga margir leið um Blönduós á ferð sinni eftir hringveginum um hásumarið. Von er á mörgum gestum á Húnavöku sem haldin verður um næstu helgi og líklegt að einhverjir leggi leið sína að Kleifum til að upplifa sýninguna. Sýningin er opin alla daga frá klukkan 10 til 22 fram til sunnudagsins 22. júlí næstkomandi.
Fréttir | 16. júlí 2018 - kl. 09:37
Samtök sveitarfélaga á Norðurlandi vestra er þátttakandi í alþjóðlegu samstarfsverkefni sem hlaut á dögunum styrk úr sjóði Norðurslóðaverkefna. Verkefninu er ætlað að taka á ýmsum áskorunum sem fyrirtæki á jaðarsvæðum kunna jafnan að glíma við, svo sem smæð markaðar, fjarlægð frá markaði og einangrun. Markmið samstarfsins er m.a. að þróa nýjungar í stafrænum markaðs- og söluhugbúnaði fyrir lítil og meðalstór fyrirtæki og aðstoða þau við að nýta sér stafræna möguleika.
Frá Landsmótinu. Ljósm: Aðsend.
Frá Landsmótinu. Ljósm: Aðsend.
Fréttir | 16. júlí 2018 - kl. 09:25
Landsmót á vegum UMFÍ fór fram á Sauðárkróki um helgina og var í fyrsta sinn haldið með nýju og breyttu sniði. Mótið var opið fyrir alla 18 ára og eldri sem hafa gaman af því að hreyfa sig og stunda íþróttir. Þátttakendur gátu valið úr tæplega 40 greinum allt frá nýjungum á borð við körfubolti 3:3, biathlon, brennó og fjallahjólreiða, bogfimi og pútts. Stígvélakast var að sjálfsögðu á sínum stað á síðasta degi mótsins.
Fréttir | 13. júlí 2018 - kl. 15:40
Það sem af er ári hefur reglulega verið sagt frá því í fréttum að kærur og sektir vegna hraðaksturs á Norðurlandi vestra hafi fjölgað mikið. Morgunblaðið fjallar um þetta í dag og þar kemur fram að útgefnar kærur á árinu voru í gær orðnar alls 3.689 talsins, samanborið við 1.417 á sama tíma fyrir ári og 602 árið 2016. Rætt er við Stefán Vagn Stefánsson, yfirlögregluþjón, sem segir þetta vera háar tölur í öllu samhengi.
Fréttir | 13. júlí 2018 - kl. 15:15
Ekki var einhugur á fundi sveitarstjórn Blönduósbæjar í gær þegar fjallað var um ráðningu nýs sveitarstjóra. Ástæðan var ekki neikvæð afstaða til sveitarstjórans sjálfs heldur ráðningarferlið. Óslistinn, sem er í minni hluta í sveitarstjórn, taldi aðkomu sína að ráðningarferlinu hafa verið takmarkaða, þrátt fyrir ríkan og yfirlýstan vilja til samstarfs við fulltrúa meirihlutans, L-listans. Afstaðan olli meirihlutanum vonbrigðum.
 
Prenta Prenta  
 
 
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ