Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Mánudagur, 21. ágúst 2017
SA  2 m/s
11°C
Landbankinn
huni.is - RSS-efnisveita
 
Á döfinni
Ágúst 2017
SMŢMFFL
303112345
6789101112
13141516171819
20212223242526
272829303112
FyrriNúnaNćsti
Veðurstofa Íslands
Blönduós 21:00 SA 2  11°C
Reykir í Hr 21:00 SV 3  11°C
Reykjavík 21:00 SSA 2  11°C
Akureyri - 21:00 V 1  10°C
Egilsstaðaf 21:00 S 4  11°C
Haugur 10:00 SSV 5  11°C
Holtavörðuh 21:00 SV 7  8°C
Þverárfjall 21:00 SV 4  8°C
Laxárdalshe 21:00 VSV 1  8°C
Brúsastaðir 21:00 SV 1  10°C
Vegagerðin
Holtavörðuheiði 21:40 SSV 9  8 °C
Laxárdalsheiði 21:40 SSV 3  8 °C
Vatnsskarð 21:40 SSV 4  8 °C
Þverárfjall 21:40 SV 3  9 °C
Kjalarnes 21:40 A 2  10 °C
Hafnarfjall 21:40 SA 1  10 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
11. ágúst 2017
Ágústnöldur
Kæru bæjarstarfsmenn, þið sem annist umhverfismálin hér í Blönduósbæ. Hvers vegna er kerflinum, þessari skaðræðisplöntu, leyft að leggja undir sig bæinn okkar. Hún vex um allan bæ, fyrir innan og utan á, uppi á brekkum og niður í fjöru og eirir engu. Hún æðir yfir og drepur allan annan gróður þar sem hún skríður fram. Hún meira að segja leggur undir sig lúpínubreiðurnar. Engin skepna lítur við þessari plöntu, hvorki fuglar né ferfætlingar.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
06. ágúst 2017
Eftir Valgarð Hilmarsson
04. ágúst 2017
Eftir Gunnar Rúnar Kristjánsson
25. júlí 2017
Eftir Inga Heiðmar Jónsson
20. júlí 2017
Eftir Inga Heiðmar Jónsson
06. júlí 2017
Frá mótanefnd Markviss
29. júní 2017
Frá Emmu, Fanneyju og Rannveigu
21. júní 2017
Eftir Inga Heiðmar Jónsson
19. júní 2017

tilk_web.gif


Nöldriđ | 11. ágúst 2017 - kl. 09:36
Ágústnöldur

Kæru bæjarstarfsmenn, þið sem annist umhverfismálin hér í Blönduósbæ. Hvers vegna er kerflinum, þessari skaðræðisplöntu, leyft að leggja undir sig bæinn okkar. Hún vex um allan bæ, fyrir innan og utan á, uppi á brekkum og niður í fjöru og eirir engu. Hún æðir yfir og drepur allan annan gróður þar sem hún skríður fram. Hún meira að segja leggur undir sig lúpínubreiðurnar. Engin skepna lítur við þessari plöntu, hvorki fuglar né ferfætlingar.

Kerfillinn mun upphaflega hafa komið hingað til lands sem skrautplanta í garða og ekki er því að neita að hún er falleg í hæfilegu magni en allir sem rækta garða vita hvað hvimleiðar þær plöntur eru sem sá sér út og suður og æða um allan garðinn. Kerfillinn vill meira en það. Hann leggur undir sig heilu bæjarfélögin og fjallshlíðarnar ef út í það er farið og vill engin tré eða aðrar jurtir nálægt sér. Í fréttum Ríkisútvarpsins á dögunum var fjallar um kerfilinn meðfram vegum í Fljótum og hvað væri til ráða til að hefta útbreiðslu hans. Þar telja menn að fræ plöntunnar hafi borist með sláttutækjum sem vegagerðin notar þegar starfsmenn slá meðfram vegunum og er það mjög sennileg skýring. Það er vitað að í mörgum bæjarfélögum er hafin herferð til að hefta útbreiðslu kerfilsins og bæði notað til þess eitur og reynt að slá plöntuna áður en hún myndar fræ.

Ég veit að ég skrifa hér fyrir hönd margra bæjarbúa þegar ég biðla til ráðamanna hér í bæ að hefjast strax handa við að reyna að losa okkur við þessa leiðinda jurt. Bæjarstarfsmenn hljóta líka að gera sér grein  fyrir því að þess verður ekki langt að bíða að hún nemi land í Hrútey (sé hún ekki þegar komin þangað) og það er eitthvað sem ekki má gerast. Þá er búið með berjaling og annan lággróður í eyjunni og  þess verður ekki langt að bíða að gæsin forðaði sér þaðan því greinilega er hún er ekki hrifin af plöntunni enda ekkert æti að hafa inni í þessum villigróðri og erfitt með hreiðurgerð.

Fróðlegt verður að vita hvað kemur út úr samræðum sveitastjórna um sameiningu alls Norðurlands  vestra. Ráðamenn í Húnaþingi vestra hafa þegar blásið á tillögina og telja svona sameiningu  ótímabæra. Hugarfar íbúa Norðurlands vestra hefur mikið breyst ef samþykkt verður að hefja alvöru viðræður. Ekki er ólíklegt að í komandi sveitastjórnarkosningum næsta vor verði um þessar hugmyndir rætt og kannski leitað álits íbúa þessara svæða í kjörklefanum. Í undanfara þeirra kosninga verður forvitnilegt að heyra um stöðu mála í sölunni á Félagsheimilinu og um hótel- og blokkarbyggingar í tengslum við það. Einnig hvernig gangi að afla fjármagns, já og rafmagns, til álversins á Hafursstöðum og svo gagnaversvinnan öll síðastliðinn áratug. Líklega er um áratugur síðan fréttir komu fyrst í blöðunum um að bygging á því væri að hefjast hér í bæ. Við bíðum spennt eftir framboðsfundum vetrarins.

Ekki vil ég vera í hópi þeirra sem finna þessu sumri allt til foráttu. Það hefur verið alveg þokkalagt, kannski full lítil sól, en oft hlýtt og oft höfum við lifað verri sumur. Við íbúar beggja vegna Blöndu viljum sjá aftur hafist handa við Blöndubrúna og að framkvæmdum þar verði að fullu lokið og að hringtorgið verði stækkað eins og lofað var. Umferð í gegnum bæinn hefur verið gríðarleg í sumar og eykst sífellt.  Það hlýtur að  vera þörf á að stækka bílastæðin við N-1/ Nesti og jafnvel stækka skálann sjálfan en þar er alltaf fullt út úr dyrum. Svo er að heyra að verið hafi góð aðsókn að veitinga- og gististöðum hér í bænum í sumar og er það vel.  Mannfagnaðir í bænum í sumar hafa gengið vel og sannarlega lífgað upp á mannlífið. Má þar nefna Prjónagleði Jóhönnu Pálma, Smábæjaleikana og svo auðvitað Húnavökuna sem var frábær að vanda. Kærar þakkir fyrir mig og mína.

Nöldri kveður með von um gott og gjöfult haust.

Höf. Nöldri
Hópur ungmenna frá Blöndustöð Landsvirkjunar að verki loknu við ágrædd móðurtré sem hafa verið frægjafar við verkefnið.
Hópur ungmenna frá Blöndustöð Landsvirkjunar að verki loknu við ágrædd móðurtré sem hafa verið frægjafar við verkefnið.
Fréttir | 21. ágúst 2017 - kl. 16:15
Ungmenni frá Blöndustöð Landsvirkjunnar gróðursettu nýlega fjórtán hundruð birkiplöntur til endurheimtunar Brimnesskóga vestan við ána Kolku í Skagafirði. Landsvirkjun hefur lagt verkefninu lið um árabil undir yfirskriftinni "Margar hendur vinna létt verk". Gróðursettar voru um fjögur hundruð plöntur í 1,5 lítra pottum og um eitt þúsund plöntur í 15 gata bökkum. Allar voru plönturnar gróðursettar með skít og skóflu, sem kallað er. Að þessu sinni var gróðursett kynbætt birki sem á rætur að rekja í Geirmundarhólaskóg í Hrolleifsdal.
Lífland
Fréttir | 21. ágúst 2017 - kl. 13:47
Íbúahátíð Húnavatnshrepps 2017 verður haldin í Húnavallaskóla föstudagskvöldið 25. ágúst næstkomandi klukkan 20:30. Sveitarfélagið býður íbúum sínum upp á grillmat og krökkunum upp á hoppukastala. Gestir þurfa sjálfir að koma með drykkjarföng eða versla þau á staðnum. Í auglýsingu frá sveitarfélaginu eru íbúar Húnavatnshrepps vinsamlegast beðnir um að tilkynna þátttöku fyrir miðnætti 23. ágúst næstkomandi.
Glaðheimar
Fréttir | 21. ágúst 2017 - kl. 13:41
Sveitarstjórn Húnaþings vestra vinnur nú að gerð fjárhagsáætlunar fyrir árið 2018.  Á vef sveitarfélagsins er félagasamtökum og einstaklingum í Húnaþingi vestra, er hyggjast sækja um styrki frá sveitarfélaginu til einstakra verkefna á næsta ári, bent á að fylla út þar til gert eyðublað. Senda skal eyðublaðið ásamt fylgigögnum til skrifstofu sveitarfélagsins að Hvammstangabraut 5 Hvammstanga eða á netfangið skrifstofa@hunathing.is eigi síðar en 15. september næstkomandi. 
Fréttir | 21. ágúst 2017 - kl. 13:33
Kynningarfundir vegna starfsemi Vörusmiðju BioPol á Skagaströnd verða haldnir í vikunni á Laugarbakka, Skagaströnd og í Skagafirði. Vörusmiðjan mun hafa öll tilskilin leyfi til matvælaframleiðslu og því verður mögulegt fyrir frumkvöðla og smáframleiðendur að taka fyrstu skrefin í þróun á vörum sínum eða stunda eiginlega framleiðslu.
Blönduskóli
Blönduskóli
Tilkynningar | 21. ágúst 2017 - kl. 13:15
"Velkomnir til samstarfs foreldrar Blönduskóla"
Blönduskóli verður settur á morgun þriðjudaginn 22. ágúst kl. 11:00 í Blönduóskirkju eftir viðburðaríkt sumarfrí. Í upphafi skóla þarf alltaf að fara vel yfir ýmis atriði varðandi skólastarfið.
Tilkynningar | 21. ágúst 2017 - kl. 13:12
Tilkynning frá stjórn
Knattspyrnudeild Hvatar stendur fyrir dósasöfnun í dag en krakkarnir munu mæta í Íþróttamiðstöðina kl. 17:00 og rölta þaðan í hús og safna. Allir iðkendur í 3. – 7. flokk eru boðaðir að þessu sinni. Börn í 7. flokk þurfa að vera í fylgd með fullorðnum.
Fréttir | 21. ágúst 2017 - kl. 10:43
Þróunarsvið Byggðastofnunar, í samvinnu við Hagfræðistofnun Háskóla Íslands, hefur gefið úr skýrsluna Hagvöxtur landshluta 2008-2015 og er þetta í áttunda skipti sem slík skýrsla er unnin. Nokkrar af helstu niðurstöðum skýrslunnar eru að hagvöxtur á tímabilinu mældist 3% á höfuðborgarsvæðinu en 6% utan þess. Framleiðsla jókst mest á Suðurnesjum, Norðurlandi eystra og Suðurlandi. Lítill vöxtur var á Austurlandi og Norðurlandi vestra og að á Vestfjörðum dróst framleiðsla saman.
Ljósm: FB/Lögreglan á Norðurlandi vestra
Ljósm: FB/Lögreglan á Norðurlandi vestra
Fréttir | 18. ágúst 2017 - kl. 20:53
Mikið hefur verið að gera hjá lögreglunni á Norðurlandi vestra síðastliðna viku og þar hafa umferðarmál komið mikið við sögu, að því er fram kemur á Facebook síðu lögreglunnar. Alls voru 152 ökumenn kærðir fyrir of hraðan akstur og var sá hraðasti mældur á 162 kílómetra hraða á klukkustund milli Sauðárkróks og Varmahlíðar þar sem hámarkshraði er 90 kílómetrar á klukkustund.
Úr Húnavatnshreppi
Úr Húnavatnshreppi
Fréttir | 18. ágúst 2017 - kl. 07:48
Sveitarstjórn Húnavatnshrepps lýsir áhyggjum af fyrirætlunum um stórfellt eldi frjórra norskra laxa við strendur landsins. Í ályktun sem sveitarstjórn hefur sent frá sér segir að ljóst sé að slíkt eldi geti haft margvísleg neikvæð áhrif á villta stofna silunga og laxa. Erfðablöndun sé þó þeirra alvarlegust. Telur sveitarstjórn að brýnt sé að náð verði sátt um ábyrga uppbyggingu fiskeldis þar sem gætt verði að sjálfbærri þróun og vernd lífríkisins.
Líney og Magnús. Ljósm: Ruv/Líney
Líney og Magnús. Ljósm: Ruv/Líney
Fréttir | 18. ágúst 2017 - kl. 07:03
Hjónin Líney Árnadóttir og Magnús Jósefsson frá Steinnesi í voru rétt við Römbluna í Barcelona í gær þegar hryðjuverkaárás var gerð sem varð fjölda fólks að bana. „Við vorum kannski svona 100 metrum frá þessu,“ segir Líney á vef Ríkisútvarpsins. Þar kemur fram að Líney og Magnús voru á gangi á götunni Carrer de la Boqueria í gotneska hverfinu á leið að markaði á torgi á horni götunnar og Römblunnar.
Fréttir | 17. ágúst 2017 - kl. 07:47
Sveitarstjórn Húnavatnshrepps lýsir yfir þungum áhyggjum vegna boðaðra lækkana á verði til sauðfjárbænda í komandi sláturtíð. Í ályktun sveitarstjórnar segir að verði boðaðar verðlækkanir á afurðaverði til sauðfjárbænda nú í haust að veruleika sé rekstrargrundvöllur sauðfjárbúa í landinu algerlega brostinn. Afleiðingarnar verði, hrun í búgreininni og í framhaldi af því stórfelld byggðaröskun. Leita þurfi lausna án tafar.
Norðurland vestra
Norðurland vestra
Fréttir | 16. ágúst 2017 - kl. 20:37
Á fimmtudaginn í næstu viku, þann 24. ágúst, er fyrirhugaður héraðsfundur sveitarstjórna í Austur-Húnavatnssýslu þar sem fjalla á um sameiningarmál sveitarfélaga á Norðurlandi vestra. Á fundinum mun ráðgjafi frá KPMG kynna hvernig staðið hefur verið að íbúakönnun og öðrum undirbúningi í sveitarfélögum þar sem sameiningarviðræður standa yfir. Ákveðið var að halda fundinn eftir að Sveitarfélagið Skagafjörður sendi sveitarfélögum á Norðurlandi vestra bréf þar sem lýst var áhuga á að styrkja sveitarstjórnarstigið á svæðinu með sameiningu sveitarfélaga.
Frá Skagaströnd
Frá Skagaströnd
Fréttir | 16. ágúst 2017 - kl. 19:46
Kostnaður við endurbætur á sundlauginni á Skagaströnd hafa farið fram úr upphaflegum áætlunum og er ástæðan sú að ráðist var í miklu meiri endurbætur en fyrstu áætlanir gerðu ráð fyrir. Þetta kom fram í máli sveitarstjóra á fundi sveitarstjórnar Skagastrandar í dag. Sveitarstjóri gerði grein fyrir stöðu framkvæmda ársins og fór yfir hvernig verk hafa gengið og staðist kostnaðaráætlanir.
Grunnskóli Húnaþings vestra
Grunnskóli Húnaþings vestra
Fréttir | 15. ágúst 2017 - kl. 10:50
Skólastjóri Grunnskóla Húnaþings vestra hefur lagt til við byggðarráð sveitarfélagsins að skólinn leggi til námsgögn fyrir nemendur skólans þeim að kostnaðarlausu. Um er að ræða stílabækur, ritföng, reiknivélar og fleira. Byggðarráð samþykkti tillögu skólastjórans. Í haust verða því engir innkaupalistar, en foreldrar þurfa samt sem áður að sjá börnum sínum fyrir skólatösku, sund- og íþróttafatnaði ásamt ritföngum til afnota heima fyrir.
Senda grein Senda grein  |  Prenta grein (nýr gluggi opnast) Prenta grein  |   Deila
Húsfrúin
02. ágúst 2017
Gleði er áfall og hluti af lífi
Flest þurfum við einhvern tíma á ævinni að glíma við gleðina. Það er einstaklingsbundið hvernig fólk bregst við gleðinni. Aldur og lífsreynsla skiptir litlu máli, tengslin við gleðigjafann skiptir mestu máli.
::Lesa
Íþróttamiðstöðin Blönduósi
Spaugið
12. janúar 2016
Hjá tannlækninum
Þegar tannlæknirinn hennar Áslaugar lét af störfum þurfti hún eðli málsins samkvæmt að verða sér úti um nýjan tannlækni.
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ