Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Fimmtudagur, 19. október 2017
VSV  3 m/s
C
Landbankinn
huni.is - RSS-efnisveita
 
Á döfinni
Október 2017
SMŢMFFL
1234567
891011121314
15161718192021
22232425262728
2930311234
FyrriNúnaNćsti
Veðurstofa Íslands
Blönduós 12:00 VSV 3  9°C
Reykir í Hr 12:00 A 11  8°C
Reykjavík 12:00 A 7  9°C
Akureyri - 12:00 ASA 5  7°C
Egilsstaðaf 12:00 A 4  8°C
Haugur 12:00 A 12  6°C
Holtavörðuh 12:00 N 6  4°C
Þverárfjall 12:00 A 5  5°C
Laxárdalshe 12:00 A 10  5°C
Brúsastaðir 12:00 ASA 9 9°C
Vegagerðin
Holtavörðuheiði 12:20 N 6  5 °C
Laxárdalsheiði 12:20 A 10  6 °C
Vatnsskarð 12:20 A 13  5 °C
Þverárfjall 12:20 A 6  5 °C
Kjalarnes 12:20 A 16  10 °C
Hafnarfjall 12:20 A 5  11 °C
VegagerðinVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
11. október 2017
Októbernöldur
Ærslabelgurinn sem settur var upp á skólalóðinni við Blönduskóla í sumar hefur notið mikilla vinsælda hjá börnum bæjarins og ungum gestum sem hafa heimsótt okkur í sumar. Nú hefur bæst við myndarlegur kastali  rétt hjá belgnum vinsæla og á hann án efa líka eftir að verða vinsæll hjá ungviðinu næsta sumar.
::Lesa

Northwest.is


SSNV

Leita í netfangaskrá
 
Eftir Örnu Láru Jónsdóttur
17. október 2017
Eftir Lee Ann Maginnis
17. október 2017
Eftir Inga Heiðmar Jónsson
12. október 2017
Eftir Örnu Láru Jónsdóttur
11. október 2017
Eftir Lilju Rafneyju Magnúsdóttur
06. október 2017
Eftir Guðjón S. Brjánsson
06. október 2017
Eftir Inga Heiðmar Jónsson
03. október 2017
Eftir Lilju Sigurðardóttur
03. október 2017

tilk_web.gif


Pistlar | 06. október 2017 - kl. 09:09
Kjöt á beinin            
Eftir Guðjón S. Brjánsson

Bændum er nóg boðið. Þeir eru uggandi um framtíð greinarinnar. Bændur gera sér grein fyrir að lengra verður ekki haldið á sömu braut, átak og breytingar séu nauðsynlegar. Þetta kom m.a. berlega fram á gríðarlega fjölmennum fundi á Blönduósi fyrir nokkrum vikum.  Þangað flykktust bændur, nánast af öllu landinu.

Ábyrgð á byggðaþróun
Fulltrúi Sjálfstæðisflokksins nefndi þar í ræðu sinni að það væri bara hreinlega hluti af byggðastefnu að koma nú til liðs við bændur, rétta þeim hjálparhönd þannig að þeir gætu enn hjarað við störf sín undir eða við fátækramörk eins og fyrir liggur. Framangreindu sjónarmiði er ég algjörlega ósammála. Það er í hæsta máta ósanngjarnt að nefna bændur og byggðaþróun í þessu samhengi. Staðreyndin er auðvitað sú að engin raunveruleg byggðastefna er til í landinu hvað sem yfirlýsingum líður, stjórnvöld láta reka á reiðanum.

Það er nauðsynlegt að búa þannig um hnútana að bændur geti með sóma stundað sín mikilvægu störf sem helstu matvælaframleiðendur landsins um leið og þeir eru varðmenn náttúrunnar, oft útverðir á sínum svæðum.

Tengsl við framleiðendur
Bændur eru furðu lostnir yfir litlum árangri afurðafyrirtækja í markaðsmálum og telja að þar ríki algjör stöðnun gagnvart þörfum neytenda, bæði nýrrar íslenskrar kynslóðar og ríflega milljón ferðamönnum sem skolað hefur hér á land undanfarin ár.  Undir þetta tek ég og tel að markaðsfólk landbúnaðarins ætti að líta til annarra útflutningsaðila á Íslandi og draga af því lærdóm, t.d. sjávarútvegsins. Það vekur jafnframt furðu hversu langt bil er á milli framleiðenda, þ.e. bænda og þeirra sem sjá um sölu- og markaðsmál þeirra. Þessir aðilar virðast hreinlega ekki tala sama mál.

Eflum frumkvæði og þekkingu
Ungir bændur hugsa með upplýstum hætti enda eru þeir almennt vel menntaðir og víðsýnir. Í ljósi þess að Samfylkingin talar mjög fyrir meira frelsi til handa bændum í markaðs- og sölumálum, þá er það heillandi tilhugsun að menntastofnanir taki saman höndum og liðsinni bændum í þessu efni.  Ein hugmyndin væri sú að Háskólarnir á Bifröst með styrkleika á viðskiptasviði, Landbúnaðarháskólinn á Hvanneyri með gæðamál sem áhersluþátt og Háskólinn á Hólum með sjónarhorn ferðaþjónustu tækju sameiginlega á þessu og stórefldu sérnám fyrir bændur í sölu-, gæða- og markaðsmálum.

Framsóknarflokkarnir þrír
Viðreisn hefur boðað áherslubreytingar í landbúnaði og lýst því yfir að nú standi til átak til framtíðar og að hagur bænda muni vænkast til muna.  Það er holur hljómur í þeirri orðræðu og ekki traustvekjandi gagnvart stéttinni. Flokkurinn var enda í vondum félagsskap í ríkisstjórn með höfuðflokki sem ber höfuðábyrgð á núverandi ástandi og það eru öfl í landinu sem hagnast á óbreyttu prangi í ónýtu gjaldmiðilsumhverfi. Kerfisflokkarnir þrír munu því miður litlu breyta og á meðan horfum við upp á merka atvinnustétt bænda búa áfram við ósæmandi kjör. Flokkur fólksins ætlar síðan að gera allt fyrir alla, eins trúðverðugt og það er. Sama á líklega við um Miðflokkinn sem sjálfsagt leitar fanga meðal bænda. Ætlar bændastéttin virkilega aftur og enn að veðja á rangan hest og viðhalda með því ómögulegu hlutskipti sínu?

Sýn jafnaðarmanna
Jafnaðarmenn hafa áratugum saman talað fyrir breytingum í íslenskum landbúnaði með það að markmiði að efla hag bændastéttarinnar. Þær umræður má rekja allt aftur til daga þess merka stjórnmálamanns, Gylfa Þ. Gíslasonar. Ef við hefðum stigið gæfuspor á þeim tíma, þá væri staðan önnur en í dag.

Samfylkingin með bændum
Samfylkingin styður vitaskuld íslenska bændur og talar fyrir auknu frelsi þeirra til framleiðsla á vandaðri matvöru. Ljóst er að til framtíðar er nauðsynlegt að líta yfir þetta framleiðslusvið með þarfir hins íslenska markaðar fyrst og fremst í huga. Möguleikar til útflutnings eru fyrir hendi en sjálfbærni er markmið sem nauðsynlegt er að vinna að og það er ekki óraunhæft.  Þetta vita bændur og eru í hjarta sínu sammála. Samfylkingin – jafnaðarmannaflokkur Íslands skilur viðfangsefnið og er reiðubúin til samstarfs við bændur um traustari og betri hag í þágu stéttarinnar í heild og fyrir almenning í landinu.

Guðjón S. Brjánsson

Höf. rzg
Tilkynningar | 19. október 2017 - kl. 10:39
Frá nemendum í 9. og 10 bekk Húnavallaskóla
Á morgun, föstudaginn 20. október, verður spilakvöld í Húnavallaskóla. Spiluð verður félagsvist og inn kostar 500 krónur. Verðlaun fyrir stigahæstu spilara. Byrjað verður að spila klukkan 20:00. Sjoppa verður á staðnum og vonumst við til að sjá sem flesta.
Lífland
Fréttir | 19. október 2017 - kl. 09:32
Stéttarfélögin Aldan, Kjölur, Samstaða og SFR gera vel við félagsmenn sína og bjóða þeim frítt á námskeið hjá Farskólanum. Félagsmenn annarra stéttarfélaga eru velkomnir á námskeiðin en mörg þeirra styrkja félagsmenn sína um allt að 75% af verði námskeiða. Námskeiðin sem um ræðir eru fljóta – slaka – njóta, konfektgerð, næringarfræði fyrir fróðleiksfúsa og iPad–námskeið.
Ráðstefna um landbúnað
Skjáskot af N4
Skjáskot af N4
Fréttir | 19. október 2017 - kl. 09:07
Í þættinum Að norðan sem sýndur er á norðlensku sjónvarpsstöðin N4 var nýlega fjallað um gamla bæinn á Blönduósi sem Blönduósbær vill gera að verndarsvæði í byggð í góðri samvinnu við íbúa og húseigendur. Í þættinum er rætt við Valgarð Hilmarsson, forseta bæjarstjórnar Blönduósbæjar, um verkefnið. Gamli bæjarhlutinn á Blönduósi á sér langa og merkilega sögu sem varðveitt er í gömlum húsakosti og heilstæðusvipmóti byggðarinnar.
Glaðheimar
Tilkynningar | 18. október 2017 - kl. 22:34
Tilkynning frá HSN
Erlingur Hugi Kristvinsson háls,- nef og eyrnalæknir verður með móttöku á Heilbrigðisstofnun Norðurlands á Blönduósi fimmtudaginn 26.október 2017. Tímapantanir í síma 455-4100 milli kl. 08:00 og 16:00.
Skjáskot af N4
Skjáskot af N4
Fréttir | 18. október 2017 - kl. 16:24
Norðlenska sjónvarpsstöðin N4 tók á dögunum hús á fyrirtækinu Léttitækni á Blönduósi. Fyrirtækið framleiðir og selur tæki sem létta dagleg störf, s.s. borðvagna á hjólum, trillur og hillukerfi. Höfuðstöðvar Léttitækni eru á Blönduósi en söludeild starfrækt í Reykjavík þar sem stærsti markaður fyrirtækisins er. Í þættinum Að norðan er rætt við Péturínu Laufeyju Jakobsdóttur skrifstofu- og starfsmannastjóra um starfsemina.
Norðurland vestra
Norðurland vestra
Fréttir | 17. október 2017 - kl. 22:19
Sveitarstjórn Skagabyggðar hefur ákveðið að fara í sameiningarviðræður við sveitarfélögin í Austur-Húnavatnssýslu. Sveitarstjórnir Blönduósbæjar, Skagastrandar og Húnavatnshrepps hafa verið látnar vita af ákvörðuninni. Þar með hafa allar sveitarstjórnirnar fjórar í sýslunni samþykkt að hefja formlegar viðræður um sameiningu. Gera má ráð fyrir að viðræðurnar hefjist fljótlega.
Fréttir | 17. október 2017 - kl. 15:55
Þórarinn Br. Ingvarsson, eigandi veitingastaðarins Borgarinnar, sem opnaður var á Skagaströnd í september árið 2014, ákvað að færa hann til Blönduóss. Þórarinn segist vilja vera nær þjóðvegi 1 og þess vegna hafi hann flutt staðinn á Hótel Blöndu við Aðalgötuna í gamla bænum á Blönduósi. Hann segir að mikill metnaður sé í eigendum hótelsins, miklar endurbætur hafi átt sér stað og það verði framhald á því verkefni. „Saman ætlum við að vinna að því að koma hótelinu rækilega á kortið.“
Fréttir | 17. október 2017 - kl. 14:31
Tónleikar í Blönduósskirkju
Kórar Blönduóss-, Hvammstanga og Hólaneskirkju Skagaströnd taka höndum saman og syngja saman fjölbreytta og skemmtilega sálma með jazz-ívafi sunnudagskvöldið 22. október klukkan 20:00 í Blönduósskirkju, undir stjórn Eyþórs, Pálínu og Hugrúnar Sifjar organista kirknanna.
Fréttir | 17. október 2017 - kl. 13:49
Framsóknarflokkurinn boðar til tveggja opinna funda um landbúnaðar og byggðamál á morgun í Húnavatnssýslum. Fyrri fundurinn er í Hlöðunni á Hvammstanga klukkan 14:00 og seinni fundurinn er á B&S Restaurant á Blönduósi klukkan 17:00. Aðalræðumaður fundarins er Sigurður Ingi Jóhannsson formaður Framsóknarflokksins. Allir er velkomnir.
Fréttir | 17. október 2017 - kl. 10:39
Samtök sveitarfélaga á Norðurlandi vestra heldur ráðstefnu á föstudaginn um framtíð landbúnaðar á Norðurlandi vestra. Ráðstefnan fer fram í Félagsheimilinu á Hvammstanga og stendur frá klukkan 13 til 17. Ráðstefnustjóri er Gísli Einarsson. Þorgerður Katrín Gunnarsdóttir, landbúnaðarráðherra, mun ávarpa ráðstefnugesti. Ráðstefnan er öllum opin og fer skráning fram á netfanginu ssnv@ssnv.is.
Fréttir | 17. október 2017 - kl. 09:45
Markaðsstofa Norðurlands boðar til DMP fundar í Eyvindarstofu á Blönduósi þriðjudaginn 24. október næstkomandi frá klukkan 9:30-15:00. Undanfarna mánuði hefur Markaðsstofa Norðurlands unnið að gerð áfangastaðaáætlunar fyrir Norðurland. Verkefnið (DMP) snýst um að skipuleggja og samhæfa þróun og stýringu á öllum þeim þáttum sem geta haft áhrif á upplifun ferðamanna á viðkomandi svæði/áfangastað, þ.m.t. þarfir gesta, heimamanna, fyrirtækja og umhverfis.
Pistlar | 17. október 2017 - kl. 09:28
Eftir Örnu Láru Jónsdóttur
Í lok síðustu viku vakti ungt fólk athygli á þeim mikla aðstöðumun sem felst í því að eiga langveikt barn á landsbyggðinni. Þórir og Guðrún Kristín eru búsett á Ísafirði og eiga soninn Birkir Snær sem er tæplega tveggja ára gamall.  Birkir Snær hefur verið veikur frá fæðingu, og var greindur með krabbamein í apríl í fyrra. Það fylgir því mikið álag og vinna að eiga langveikt barn.
Pistlar | 17. október 2017 - kl. 09:24
Eftir Lee Ann Maginnis
Skuggakosningar voru í framhaldsskólum landsins í síðustu viku. Síðdegisútvarp RÚV ræddi við nemendur í MA sem sátu framboðsfund í aðdraganda kosninganna. Annar viðmælandinn sagði að ef um hefði verið að ræða fyrirtæki með starfskynningu hefði það ekki höfðað til hans. Af hverju? Jú, fundurinn var ómálefnalegur og honum líkaði alls ekki framkoma frambjóðenda á fundinum.
Fréttir | 16. október 2017 - kl. 08:38
Fjölmörg verkefni eru í vinnslu hjá Þekkingarsetrinu á Blönduósi um þessa mundir og er sagt frá þeim á vef setursins. Í byrjun síðasta mánaðar hófst hagnýtt rannsóknarverkefni sem nefnist „Bridging textiles to the digital future“ en það er samstarfsverkefni Þekkingarsetursins og Textílsetursins. Í því felst skráning á vefnaðarmunstrum sem tilheyra Vinum Kvennaskólans, Textílsetri Íslands og fleira í rafrænan gagnagrunn.
Húsfrúin
02. ágúst 2017
Gleði er áfall og hluti af lífi
Flest þurfum við einhvern tíma á ævinni að glíma við gleðina. Það er einstaklingsbundið hvernig fólk bregst við gleðinni. Aldur og lífsreynsla skiptir litlu máli, tengslin við gleðigjafann skiptir mestu máli.
::Lesa
Spaugið
25. september 2017
Hjá rakaranum
Ungur drengur gengur inn á rakarastofu. Þegar rakarinn sér hann hvíslar hann að viðskiptavininum. „Þetta er heimskasti krakki í heiminum. Sjáðu, ég skal sanna það fyrir þér.“ 
::Lesa

 

 

Vefmyndavél

 


 

Vinnumálastofnun

 

 


Vefmyndavél

 

©2017 Húnahorniđ