Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 19. október 2018
S  7 m/s
C
Olís
huni.is - RSS-efnisveita
 
Á döfinni
Október 2018
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 10:00 S 7  7°C
Reykir í Hr 10:00 S 9  6°C
Reykjavík 10:00 SV 6  6°C
Akureyri - 10:00 SSA 6  8°C
Egilsstaðaf 10:00 SSA 5  7°C
Haugur 10:00 SSV 9  5°C
Holtavörðuh 10:00 SSV 15 2°C
Þverárfjall 10:00 SV 10  4°C
Laxárdalshe 10:00 SV 11  4°C
Brúsastaðir 10:00 SSA 6  6°C
Vegagerðin
Holtavörđuh. 10:50 SV 16 3°C
Laxárdalsh. 10:50 SV 13 4°C
Vatnsskarđ 10:40 SSV 10 3°C
Ţverárfjall 10:50 SV 10 4°C
Kjalarnes 10:50 SV 6 6°C
Hafnarfjall 10:50 SSV 7 6°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. október 2018
Nú myrkrið læðist að
Gaman var að heyra að menningarverðlaun DV fyrir 2017 í flokki myndlistar, voru veitt húsráðendum á Kleifum þeim Áslaugu Thorlacius og Finni Arnari Arnarssyni en þau hafa síðastliðin tvö sumur staðið fyrir frumlegum og áhugaverðum sýningum í gömlu fjárhúsunum á Kleifum.
::Lesa

Northwest.is


SSNV

Leita í netfangaskrá
 
15. október 2018
Eftir Magnús Ólafsson
09. október 2018
Eftir Magnús Ólafsson
08. október 2018
Eftir Sigurbjörn Þorkelsson
26. september 2018
Eftir Sigurbjörn Þorkelsson
07. september 2018
Eftir Guðmann Jónasson
02. september 2018
Eftir Inga Heiðmar Jónsson
29. ágúst 2018
Eftir Sigurbjörn Þorkelsson
27. ágúst 2018
Pistlar | 27. október 2017 - kl. 17:02
Frá innsta dal á ystu nafir
Eftir Þórdísi Kolbrúnu R. Gylfadóttur og Teit Björn Einarsson

Mikil eru forréttindi okkar Íslendinga að hafa hlotið í arf eins gjöfult land og Ísland, með öll sín miklu og vaxandi tækifæri í veröld sem leggur æ meira upp úr hinu hreina, hinu lífræna, hinu sjálfbæra og hinu náttúrulega. Mikil er líka ábyrgð okkar að fara vel með þennan arf en nýta jafnframt tækifærin til að skapa verðmæti og góð lífsskilyrði um allt land.

Orðið byggðastefna kann að þykja eilítið trénað og stofnanalegt. Í þrasi stjórnmálaumræðunnar hefur það fengið á sig neikvæða merkingu í hugum sumra. Ekkert er þó fjær sanni. Með byggðastefnu er einfaldlega átt við þá viðleitni samfélagsins að tryggja öllum íbúum fullnægjandi opinbera þjónustu og viðunandi skilyrði til sjálfsbjargar.

Það vill gleymast í umræðu um hin ýmsu byggðatengdu mál að á bak við öll Excel-skjölin, kostnaðartölur og reiknilíkön er fólk. Fólk frá innsta dal á ystu nafir, eins og skáldið komst að orði, og alls staðar þar á milli. Fólk sem hefur á grunni réttmætra væntinga fest rætur, stofnað fjölskyldu og byggt heimili, sótt sér menntun og unnið sig upp í starfi eða fjárfest í eigin rekstri.

Vandi eins er vandi allra

Í samfélagi eins og Íslandi eru hagsmunir fólks samofnir. Það þýðir að samfélag okkar verður aldrei sterkara en veikasti hlekkurinn. Erfið staða sauðfjárbænda um þessar mundir er því áhyggjuefni okkar allra - að minnsta kosti allra sem skilja þetta samhengi hlutanna - enda vofir yfir keðjuverkandi hrun víða í hinum dreifðari byggðum ef fram heldur sem horfir. Það samfélagslega tjón sem af kann að hljótast verður erfitt eða ómögulegt að bæta.

Vanda sauðfjárbænda er ekki hægt að leysa með einu pennastriki. Augljóslega þolir þó enga bið að grípa til bráðaaðgerða sem miða að því að hækka afurðarverð til bænda nú í haust. Í framhaldinu verður samtal stjórnvalda og bænda um næstu skref að leiða til niðurstöðu helst í vetur. Svo er að sjá að þokkalega breiður pólitískur skilningur sé á alvarleika málsins. Það gefur vonir um að sátt takist um nauðsynlegar aðgerðir. Sjálfstæðisflokkurinn mun ekki skorast undan ábyrgð og mun leggja sitt af mörkum til lausnar vandans með bændum.

Horft fram veginn

Sjálfstæðisflokkurinn hefur sýnt í verki að honum er treystandi til að taka forystu um uppbyggingu mikilvægustu innviða um allt land. Dæmi um það er átakið Ísland ljóstengt, sem þingmaður okkar Haraldur Benediktsson á hvað mestan heiður af, að öðrum ólöstuðum. Á tveimur árum hefur um 900 milljónum króna verið varið til að ljósleiðaravæða næstum 2.500 heimili og markmiðið um að útvega 99,9% heimila slíka tengingu er innan seilingar.

Hafin er skoðun á því hvort beita megi svipaðri nálgun við að útvega fleirum aðgang að þriggja fasa rafmagni, sem getur skipt sköpum um margvíslega atvinnuuppbyggingu.

Efling flutnings- og dreifikerfis raforku lýtur lögmálum sem eru orðin sérstakt umhugsunarefni, en þrátt fyrir allt hefur hin síðustu ár tekist að stórbæta afhendingaröryggi á Vestfjörðum, þar sem það var árum saman út úr öllu korti í samanburði við aðra landshluta. En betur má ef duga skal.

Jöfnun húshitunarkostnaðar um landið skiptir líka miklu og þar hækkuðum við Sjálfstæðismenn framlögin á fjárlögum nú í haust um tæp 10% á milli ára, upp í 3,3 milljarða.

Ráðast þarf í átak til að lagfæra malarvegi og leggja á þá bundið slitlag. Sjálfstæðisflokkurinn boðar fyrir þessar kosningar stórátak í samgöngumálum sem hlýtur meðal annars að beinast að þessum mikilvæga þætti.

Ferðaþjónusta hefur verið mikil lyftistöng fyrir margar byggðir og hún getur enn vaxið. Stjórnvöld hafa stutt þessa þróun með margvíslegum hætti. Mun meira tillit er nú tekið til þarfa ferðaþjónustunnar við ráðstöfun fjármuna til samgangna og löggæslu. Framkvæmdasjóður ferðamannastaða hefur verið efldur. Ákveðið hefur verið að stórauka stuðning við markaðsstofur landshlutanna svo að þær geti sinnt svæðisbundinni stefnumótun enn betur. Flugþróunarsjóður er smám saman að byrja að sinna því hlutverki sínu að stuðla að því að ferðamenn fljúgi á fleiri áfangastaði. Þannig mætti lengi telja en ljóst er að þarna liggja mörg tækifæri.

Sóknarfærin eru fleiri. Til dæmis er ástæða til að skoða í fullri alvöru möguleika á samkomulagi milli ríkisins og bænda um samstarf á sviði loftslagsmála, eins og reifað hefur verið í fundaröð þingmanna okkar um landið undir yfirskriftinni Ísland allt blómstri.

Látum verkin tala - fjárfestum í landinu

Eins og nefnt var í upphafi eru sumir með sjálfkrafa neikvætt viðbragð við allri umræðu um “byggðastefnu”. Að sama skapi eru sumir sem sjá þá lausn helsta á vanda sauðfjárbænda að lokka unga og metnaðarfulla bændur út úr greininni. Að okkar mati komumst við aldrei langt með neikvæðu hugarfari. Ef hvorki vilji né bjartsýni eru til staðar komumst við aldrei úr sporunum.

En þótt hugurinn beri okkur hálfa leið náum við ekki settu marki nema með sterkri forystu, samvinnu og áræðni. Ísland stendur vel að vígi en hagvextinum hefur verið misskipt. Nú er lag að nýta sterka stöðu okkar til að fjárfesta í landinu öllu og styrkja grundvöllinn undir blómlega byggð frá innsta dal á ystu nafir. Það eru hagsmunir okkar allra.

Þórdís Kolbrún R. Gylfadóttir
Teitur Björn Einarsson
Höfundar skipa 2. og 3. sæti á framboðslista Sjálfstæðisflokksins í Norðvesturkjördæmi.

Höf. rzg
Húnavallaskóli
Húnavallaskóli
Tilkynningar | 18. október 2018 - kl. 13:24
Frá nemendum í 9. og 10. bekk Húnavallaskóla
Föstudaginn 19. október verður spilakvöld í Húnavallaskóla. Spiluð verður félagsvist og inn kostar 500 krónur. Verðlaun fyrir stigahæstu spilara. Byrjað verður að spila klukkan 20:00. Sjoppa verður á staðnum og vonumst við til að sjá sem flesta. Enginn posi.
Fréttir | 18. október 2018 - kl. 13:14
Skagfirski kammerkórinn ræðst í stórverkefni í tilefni afmælis fullveldis á Íslandi og flytur verkið Magnificat eftir breska tónskáldið John Rutter í Miðgarði á laugardaginn klukkan 16. Kórinn hefur fengið til samstarfs við sig hljómsveitarstjórann Guðmund Óla Gunnarsson, Sinfóníettu Vesturlands, Kammerkór Norðurlands og Kalman listfélag á Akranesi. Einsöngvari í verkinu er Helga Rós Indriðadóttir sópran sem jafnframt er söngstjóri Skagfirska kammerkórsins.
Glaðheimar
Fréttir | 18. október 2018 - kl. 11:34
Karlakór Bólstaðarhlíðarhrepps er að hefja vetrarstarf sitt og er margt spennandi í bígerð fyrir tímabilið. Æfingar verða í Blönduóskirkju á mánudögum og í Húnaveri á fimmtudögum. Kórinn er opinn fyrir því að bæta við sig fleiri söngmönnum og er áhugasömum bent á að setja sig í samband við Skarphéðinn H. Einarsson kórstjóra í síma 861-8850. Karlakór Bólstaðarhlíðarhrepps er 93 ára gamall. Kórinn hélt fyrstu söngskemmtun sína í Þinghúsinu í Bólstaðarhlíð 26. apríl 1925.
Sameining A-Hún
Við undirritun samnings. Unnur Valborg og Stefán. Ljósm: ssnv.is.
Við undirritun samnings. Unnur Valborg og Stefán. Ljósm: ssnv.is.
Fréttir | 17. október 2018 - kl. 12:33
Samtök sveitarfélaga á Norðurlandi vestra hafa fyrst landshlutasamtaka skrifað undir samning um vinnu við stöðugreiningu á kolefnisspori Norðurlands vestra í heild. Greina á helstu orsakavalda kolefnislosunar eins og í samgöngum, landbúnaði, sjávarútvegi, iðnaði og neyslu íbúa. Að þeim niðurstöðum fengnum verða greindir möguleikar á minnkun á losun kolefnis og hvaða mótvægisaðgerðir komi helst til greina í landshlutanum. Umhverfisvöktun ehf. mun vinna verkefnið fyrir SSNV.
Fréttir | 17. október 2018 - kl. 09:54
Næsta kótelettukvöld Frjálsa kótelettufélagsins í Austur-Húnavatnssýslu verður haldið í Eyvindastofu laugardaginn 3. nóvember næstkomandi og hefst klukkan 19:30. Veislustjóri verður Skagfirðingurinn góðkunni Gunnar Rögnvaldsson frá Hrauni og mun hann koma með gítarinn með sér. Kóteletturnar koma áfram frá SAH-Afurðum, raspið frá Vilkó og Björn Þór og félagar hjá B&S nota svo sömu aðferðirnar sem húnvetnskar ömmur notuðu við undirbúning og eldamennsku hér á árum áður ásamt meðlæti.
Kormákskonur. Ljósm: FB/kormakurblak
Kormákskonur. Ljósm: FB/kormakurblak
Fréttir | 16. október 2018 - kl. 20:25
Haldið var blakmót á Hvammstanga í fyrsta sinn um síðustu helgi. Mótið var liður í Íslandsmótinu í blaki í 4. deild kvenna. Kormákur mætti þar til leiks ásamt ellefu öðrum liðum. Mótið fór vel fram og voru gestir ánægðir með framkvæmd þess og umgjörð. Lið Kormáks sigraði tvo leiki, tapaði tveimur í oddahrinu, sem þýðir að stig fékkst úr leikjunum þrátt fyrir tap, og einn leikur tapaðist án þess að stig fengist. Kormákur fékk því samtals 6 stig og situr í 6. sæti. Efst er Keflavík og KA-Skautar.
Vatnsdalshólar. Ljóms: efla.is.
Vatnsdalshólar. Ljóms: efla.is.
Fréttir | 16. október 2018 - kl. 11:36
Það hafa fleiri en verkfræðistofan Efla og Finna Birna Steinsson reynt að telja Vatnsdalshóla, sem hafa reyndar verið álitnir óteljandi. Í byrjun júlí árið 1960 héldu húnvetnskir skátar skátamót fyrir Norðlendinga við Vatnsdalshóla. Um 120 skátar, stúlkur og drengir frá fimm félögum tóku þátt í mótinu. Einkunnarorð mótsins voru: „Það er ekkert ómögulegt. Það sem er erfitt, gerum við strax, en það sem er ómögulegt tekur aðeins lengri tíma.“ Eitt af verkefnum skátanna var að kortleggja og telja Vatnsdalshóla.
Fréttir | 16. október 2018 - kl. 10:37
Breyting verður á fyrirkomulagi fuglaveiða í haust á stóru landsvæði vestan Vatnsdals en búið er að leigja Kornsárselsland, Gilhaga, Þingeyraselsland og Fremrihlíð í Víðidalsfjalli til einstaklinga. Fuglaveiði á þessum löndum er því bönnuð nema þeim sem hafa til þess leyfi. Veiðileyfi kostar kr. 7.000 fyrir hvern veiðimann. Veiði verður takmörkuð bæði hvað varðar fjölda veiðimanna hvern dag og eins með fjölda veiddra fugla.
Tilkynningar | 16. október 2018 - kl. 09:59
Smávirkjanasjóður SSNV auglýsir
Tilgangur sjóðsins er að styrkja fyrstu skrefin í rannsóknum á mögulegum rennslisvirkjunum á Norðurlandi vestra sem eru undir 10 MW að stærð. Miðað er við fyrirliggjandi yfirlit á mögulegum rennslisvirkjunum sem upp eru taldir í skýrslu Mannvits 2018: Frumúttekt á smávirkjanakostum á Norðurlandi vestra. Þó er heimilt að bæta við fleiri virkjunarkostum með samþykki SSNV.
Tilkynningar | 16. október 2018 - kl. 09:46
Fjárræktarfélag Sveinsstaðahrepps heldur hrútasýningu næstkomandi laugardag klukkan 13 að Hvammi 2 í Vatnsdal. Þar verða sýndir lambhrútar í eigu félagsmanna. Keppt verður í þremur flokkum; hvítum hyrndum, hvítum kollóttum og mislitum. Áhorfendur eru velkomnir. Tekið skal fram að þessi sýning er haldin með leyfi héraðsdýralæknis, enda verði sóttvarna gætt og samgangur hrúta lágmarkaður eins og hægt er.
Pistlar | 15. október 2018 - kl. 16:22
Kvenfélagið Vaka er 90 ára gamalt félag, sem við viljum blása nýju lífi í. Við höfum staðið fyrir ýmsum söfnunum til hjálpar í okkar nærumhverfi í gegnum árin og erum enn að. Síðustu ár höfum við safnað m.a fyrir blöðruskanna á sjúkrahúsið, stólum í Félagsheimilið, bókakaupum í bókasafnið í skólanum og spjaldtölvum fyrir börn með fötlun til að nota í leikskólanum. Þá höfum við styrkt dýnukaup fyrir júdóiðkendur og eitt árið styrktum við skólann í dúkkuverkefninu þar sem unglingadeildinn fékk að reyna fyrir sér sem foreldrar ungbarns sem var í formi rafeindabrúðu. Núna síðast keyptum við uppþvottavél fyrir safnaðarheimili kirkjunnar.
Plastmengun í hafinu.
Plastmengun í hafinu.
Fréttir | 15. október 2018 - kl. 14:30
Starfsmenn sjávarlíftæknisetursins BioPol á Skagaströnd vinna nú að því að taka saman skýrslu um losun örplasts fyrir umhverfis- og auðlindaráðuneytið. Markmiðið er að safna saman upplýsingum um losun örplasts hér á landi. Það á við um hversu mikið örplast berst til sjávar, hverjar eru helstu uppsprettur þess og eftir hvaða leiðum það berst til sjávar. Út frá því á að forgangsraða aðgerðum til að draga úr losun örplasts hérlendis. Sagt var frá þessu í hádegisfréttum Ríkisútvarpsins í dag.
Frá undirrituninni um fjármögnun.
Frá undirrituninni um fjármögnun.
Fréttir | 15. október 2018 - kl. 13:42
Rúm þrjú ár eru síðan sveitarfélögin á Norðurlandi vestra undirrituðu samstarfssamning við Klappir Development ehf. um uppbyggingu og rekstur á 120 þúsund tonna álveri á fyrirhuguðu iðnaðarsvæði við Hafursstaði í Skagabyggð. Áætlanir gerðu ráð fyrir 240 varanlegum störfum í álverinu og allt að 800 tímabundnum störfum á byggingartíma. Undirrituð var viljayfirlýsing í ráðherrabústaðnum við Tjarnargötu, um fjármögnun álversins 1. júlí 2015 en fyrirtækin sem stóðu að henni voru Klappir Development og China Nonferrous Metal Industry´s Foreign Engineering and Construction (NFC).
Fréttir | 15. október 2018 - kl. 12:02
Selasetur Íslands á Hvammstanga fékk á þessu ári styrk úr Framkvæmdasjóði ferðamannastaða fyrir nýjan sela- og náttúruskoðunarstað á Flatnefsstöðum á Vatnsnesi. Styrkurinn fékkst vegna vinnu við deiliskipulag og hönnun á aðkomuvegi, bílstæðum, göngustígum, pöllum og fleira. Vatnsnes er þekkt selaskoðunarsvæði og með því að fjölga selaskoðunarstöðum er markmiðið að dreifa álagi ferðaþjónustu á náttúruna.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spurning vikunnar
Hvort er það?
Kótiletta
Kóteletta
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ