Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 19. október 2018
SSV  9 m/s
C
Olís
huni.is - RSS-efnisveita
 
Á döfinni
Október 2018
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 11:00 SSV 9  7°C
Reykir í Hr 11:00 S 7  6°C
Reykjavík 11:00 SV 7  6°C
Akureyri - 11:00 SSA 6  9°C
Egilsstaðaf 11:00 S 7  8°C
Haugur 11:00 SSV 8  5°C
Holtavörðuh 11:00 SV 15 3°C
Þverárfjall 11:00 SV 10  4°C
Laxárdalshe 11:00 SV 15  4°C
Brúsastaðir 11:00 S 7  6°C
Vegagerðin
Holtavörđuh. 11:30 SV 13 3°C
Laxárdalsh. 11:30 SV 14 5°C
Vatnsskarđ 11:30 SSV 11 3°C
Ţverárfjall 11:30 SV 9 4°C
Kjalarnes 11:30 SV 6 7°C
Hafnarfjall 11:30 SSV 8 7°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. október 2018
Nú myrkrið læðist að
Gaman var að heyra að menningarverðlaun DV fyrir 2017 í flokki myndlistar, voru veitt húsráðendum á Kleifum þeim Áslaugu Thorlacius og Finni Arnari Arnarssyni en þau hafa síðastliðin tvö sumur staðið fyrir frumlegum og áhugaverðum sýningum í gömlu fjárhúsunum á Kleifum.
::Lesa

Northwest.is


SSNV

Leita í netfangaskrá
 
15. október 2018
Eftir Magnús Ólafsson
09. október 2018
Eftir Magnús Ólafsson
08. október 2018
Eftir Sigurbjörn Þorkelsson
26. september 2018
Eftir Sigurbjörn Þorkelsson
07. september 2018
Eftir Guðmann Jónasson
02. september 2018
Eftir Inga Heiðmar Jónsson
29. ágúst 2018
Eftir Sigurbjörn Þorkelsson
27. ágúst 2018
Nöldriđ | 09. nóvember 2017 - kl. 13:52
Nóvember nöldur

Það hefur verið gaman að fylgjast með sigurgöngu Karlakórs Bólstaðarhlíðarhrepps í keppninni „Kórar Íslands“  þar sem þeir standa sig með mikilli prýði og heilla jafnt dómara sem áheyrendur. Fyrsta kvöldið sungu þeir afskaplega vel, en fóru svo á kostum  sunnudaginn 5. nóvember þegar þeir fluttu lagið hans Skarphéðins söngstjóra. Stórgott lag sem ég spái að eigi eftir að heyrast oft og víða. Enda flugu þeir inní úrslit og nú er bara að vona það besta og styðja okkar menn á lokakvöldinu. Ég vissi að Skarphéðinn er snjall hagyrðingur en  það kom mér á óvart að hann gæti líka samið svona  skemmtilega tónlist. Það er aðeins eitt sem mér hefur þótt betur mátt fara á þessari sigurgöngu kórsins og það er að undirleikarinn, organistinn okkar ungi, standi við hlið stjórnandans og formanns kórsins þegar dómararnir kveða upp sinn dóm, því hann á sannarlega ekki lítinn þátt í þessari velgengni allri annar eins snilldar hljóðfæraleikari sem hann er. Gangi ykkur vel og ég þakka fyrir mig.

Það er athyglisvert framtak sem fjallað er um á Húnahorninu 8. nóvember. Pistillinn heitir „Eins manns rusl er annars gull“. Þar segir frá góðgerðarsamtökunum Gærunum í Húnaþingi vestra.  Þær halda úti nytjamarkaði  á Hvammstanga  sem tekur við alls konar hlutum, ekki endilega fatnaði, sem hætt er að nota og selja vægu verði og gefa andvirðið til góðra verka í sínu nærumhverfi. Fatasöfnun Rauða krossins er þarft framtak sem vitað er að fólk um allt land nýtir sér og gefur þangað notuð föt og alls konar textíl sem það hefur ekki lengur Þörf fyrir. En hjá Gærunum getur þú losnað við gömul húsgögn og alls konar búshluti sem nýtast ekki lengur á þínu heimili og veist að andvirði þeirra gerir gagn í samfélaginu. Frábært framtak sem gaman væri að sjá hér á okkar svæði.

Það er nauðsynlegt að vera bjartsýnn og ausa lofi á náungann nú þegar myrkrið hellist yfir landið okkar og svartasta skammdegið gengur í garð, en þó verð ég að segja að ég var ekki kátur þegar ég einhvern daginn í vikunni átti erindi í búðina okkar Kjörbúðina og mér mættu fram við dyr fánar og veifur á kælikistum verslunarinnar sem voru fullar af ferskum fiski af öllu tegundum, unnum og óunnum.  Nú er það svo að hér opnaði nýlega ungt fólk fiskbúð sem hefur boðið upp á ótrúlega gott úrvar af fersku fiskmeti. Þau sögðust kaupa fiskinn á fiskmörkuðum í nágrenninu og síðan vinna þau hann sjálf, flaka og salta, leggja í allskonar mareneringu, búa til bollur og klatta og nostra við þetta eins og best er verður á kostið. Ég veit það fyrir víst að það eru ekki mörg þorp úti á landi þar sem er fiskbúð með jafn fjölbreyttu úrvari og hjá þessari búð.  Ætlar nú stóri bróðir að reyna að drepa þetta einstaklingsframtak niður með þessum hætti? Ég hélt satt að segja að svona aðferðir þekktust ekki lengur. Ég skora á Húnvetninga að sniðganga ferska fiskinn í Kjörbúðinni og beina viðskiptum sínum til okkar ágætu fiskbúðar „Fisk á disk“.

Já veturinn er kominn og jólin nálgast. Nú er rétti tíminn til að draga fram seríurnar og greiða úr flækjunum og tékka á perum, sem við vitum að klikka alltaf þegar mest ríður á að kveikja.  Ég hlakka til að jólastússast en ætla þó að hafa hemil á mér á flestum sviðum.

Skammdegiskveðjur frá Nöldra.

Höf. Nöldri
Húnavallaskóli
Húnavallaskóli
Tilkynningar | 18. október 2018 - kl. 13:24
Frá nemendum í 9. og 10. bekk Húnavallaskóla
Föstudaginn 19. október verður spilakvöld í Húnavallaskóla. Spiluð verður félagsvist og inn kostar 500 krónur. Verðlaun fyrir stigahæstu spilara. Byrjað verður að spila klukkan 20:00. Sjoppa verður á staðnum og vonumst við til að sjá sem flesta. Enginn posi.
Fréttir | 18. október 2018 - kl. 13:14
Skagfirski kammerkórinn ræðst í stórverkefni í tilefni afmælis fullveldis á Íslandi og flytur verkið Magnificat eftir breska tónskáldið John Rutter í Miðgarði á laugardaginn klukkan 16. Kórinn hefur fengið til samstarfs við sig hljómsveitarstjórann Guðmund Óla Gunnarsson, Sinfóníettu Vesturlands, Kammerkór Norðurlands og Kalman listfélag á Akranesi. Einsöngvari í verkinu er Helga Rós Indriðadóttir sópran sem jafnframt er söngstjóri Skagfirska kammerkórsins.
Glaðheimar
Fréttir | 18. október 2018 - kl. 11:34
Karlakór Bólstaðarhlíðarhrepps er að hefja vetrarstarf sitt og er margt spennandi í bígerð fyrir tímabilið. Æfingar verða í Blönduóskirkju á mánudögum og í Húnaveri á fimmtudögum. Kórinn er opinn fyrir því að bæta við sig fleiri söngmönnum og er áhugasömum bent á að setja sig í samband við Skarphéðinn H. Einarsson kórstjóra í síma 861-8850. Karlakór Bólstaðarhlíðarhrepps er 93 ára gamall. Kórinn hélt fyrstu söngskemmtun sína í Þinghúsinu í Bólstaðarhlíð 26. apríl 1925.
Sameining A-Hún
Við undirritun samnings. Unnur Valborg og Stefán. Ljósm: ssnv.is.
Við undirritun samnings. Unnur Valborg og Stefán. Ljósm: ssnv.is.
Fréttir | 17. október 2018 - kl. 12:33
Samtök sveitarfélaga á Norðurlandi vestra hafa fyrst landshlutasamtaka skrifað undir samning um vinnu við stöðugreiningu á kolefnisspori Norðurlands vestra í heild. Greina á helstu orsakavalda kolefnislosunar eins og í samgöngum, landbúnaði, sjávarútvegi, iðnaði og neyslu íbúa. Að þeim niðurstöðum fengnum verða greindir möguleikar á minnkun á losun kolefnis og hvaða mótvægisaðgerðir komi helst til greina í landshlutanum. Umhverfisvöktun ehf. mun vinna verkefnið fyrir SSNV.
Fréttir | 17. október 2018 - kl. 09:54
Næsta kótelettukvöld Frjálsa kótelettufélagsins í Austur-Húnavatnssýslu verður haldið í Eyvindastofu laugardaginn 3. nóvember næstkomandi og hefst klukkan 19:30. Veislustjóri verður Skagfirðingurinn góðkunni Gunnar Rögnvaldsson frá Hrauni og mun hann koma með gítarinn með sér. Kóteletturnar koma áfram frá SAH-Afurðum, raspið frá Vilkó og Björn Þór og félagar hjá B&S nota svo sömu aðferðirnar sem húnvetnskar ömmur notuðu við undirbúning og eldamennsku hér á árum áður ásamt meðlæti.
Kormákskonur. Ljósm: FB/kormakurblak
Kormákskonur. Ljósm: FB/kormakurblak
Fréttir | 16. október 2018 - kl. 20:25
Haldið var blakmót á Hvammstanga í fyrsta sinn um síðustu helgi. Mótið var liður í Íslandsmótinu í blaki í 4. deild kvenna. Kormákur mætti þar til leiks ásamt ellefu öðrum liðum. Mótið fór vel fram og voru gestir ánægðir með framkvæmd þess og umgjörð. Lið Kormáks sigraði tvo leiki, tapaði tveimur í oddahrinu, sem þýðir að stig fékkst úr leikjunum þrátt fyrir tap, og einn leikur tapaðist án þess að stig fengist. Kormákur fékk því samtals 6 stig og situr í 6. sæti. Efst er Keflavík og KA-Skautar.
Vatnsdalshólar. Ljóms: efla.is.
Vatnsdalshólar. Ljóms: efla.is.
Fréttir | 16. október 2018 - kl. 11:36
Það hafa fleiri en verkfræðistofan Efla og Finna Birna Steinsson reynt að telja Vatnsdalshóla, sem hafa reyndar verið álitnir óteljandi. Í byrjun júlí árið 1960 héldu húnvetnskir skátar skátamót fyrir Norðlendinga við Vatnsdalshóla. Um 120 skátar, stúlkur og drengir frá fimm félögum tóku þátt í mótinu. Einkunnarorð mótsins voru: „Það er ekkert ómögulegt. Það sem er erfitt, gerum við strax, en það sem er ómögulegt tekur aðeins lengri tíma.“ Eitt af verkefnum skátanna var að kortleggja og telja Vatnsdalshóla.
Fréttir | 16. október 2018 - kl. 10:37
Breyting verður á fyrirkomulagi fuglaveiða í haust á stóru landsvæði vestan Vatnsdals en búið er að leigja Kornsárselsland, Gilhaga, Þingeyraselsland og Fremrihlíð í Víðidalsfjalli til einstaklinga. Fuglaveiði á þessum löndum er því bönnuð nema þeim sem hafa til þess leyfi. Veiðileyfi kostar kr. 7.000 fyrir hvern veiðimann. Veiði verður takmörkuð bæði hvað varðar fjölda veiðimanna hvern dag og eins með fjölda veiddra fugla.
Tilkynningar | 16. október 2018 - kl. 09:59
Smávirkjanasjóður SSNV auglýsir
Tilgangur sjóðsins er að styrkja fyrstu skrefin í rannsóknum á mögulegum rennslisvirkjunum á Norðurlandi vestra sem eru undir 10 MW að stærð. Miðað er við fyrirliggjandi yfirlit á mögulegum rennslisvirkjunum sem upp eru taldir í skýrslu Mannvits 2018: Frumúttekt á smávirkjanakostum á Norðurlandi vestra. Þó er heimilt að bæta við fleiri virkjunarkostum með samþykki SSNV.
Tilkynningar | 16. október 2018 - kl. 09:46
Fjárræktarfélag Sveinsstaðahrepps heldur hrútasýningu næstkomandi laugardag klukkan 13 að Hvammi 2 í Vatnsdal. Þar verða sýndir lambhrútar í eigu félagsmanna. Keppt verður í þremur flokkum; hvítum hyrndum, hvítum kollóttum og mislitum. Áhorfendur eru velkomnir. Tekið skal fram að þessi sýning er haldin með leyfi héraðsdýralæknis, enda verði sóttvarna gætt og samgangur hrúta lágmarkaður eins og hægt er.
Pistlar | 15. október 2018 - kl. 16:22
Kvenfélagið Vaka er 90 ára gamalt félag, sem við viljum blása nýju lífi í. Við höfum staðið fyrir ýmsum söfnunum til hjálpar í okkar nærumhverfi í gegnum árin og erum enn að. Síðustu ár höfum við safnað m.a fyrir blöðruskanna á sjúkrahúsið, stólum í Félagsheimilið, bókakaupum í bókasafnið í skólanum og spjaldtölvum fyrir börn með fötlun til að nota í leikskólanum. Þá höfum við styrkt dýnukaup fyrir júdóiðkendur og eitt árið styrktum við skólann í dúkkuverkefninu þar sem unglingadeildinn fékk að reyna fyrir sér sem foreldrar ungbarns sem var í formi rafeindabrúðu. Núna síðast keyptum við uppþvottavél fyrir safnaðarheimili kirkjunnar.
Plastmengun í hafinu.
Plastmengun í hafinu.
Fréttir | 15. október 2018 - kl. 14:30
Starfsmenn sjávarlíftæknisetursins BioPol á Skagaströnd vinna nú að því að taka saman skýrslu um losun örplasts fyrir umhverfis- og auðlindaráðuneytið. Markmiðið er að safna saman upplýsingum um losun örplasts hér á landi. Það á við um hversu mikið örplast berst til sjávar, hverjar eru helstu uppsprettur þess og eftir hvaða leiðum það berst til sjávar. Út frá því á að forgangsraða aðgerðum til að draga úr losun örplasts hérlendis. Sagt var frá þessu í hádegisfréttum Ríkisútvarpsins í dag.
Frá undirrituninni um fjármögnun.
Frá undirrituninni um fjármögnun.
Fréttir | 15. október 2018 - kl. 13:42
Rúm þrjú ár eru síðan sveitarfélögin á Norðurlandi vestra undirrituðu samstarfssamning við Klappir Development ehf. um uppbyggingu og rekstur á 120 þúsund tonna álveri á fyrirhuguðu iðnaðarsvæði við Hafursstaði í Skagabyggð. Áætlanir gerðu ráð fyrir 240 varanlegum störfum í álverinu og allt að 800 tímabundnum störfum á byggingartíma. Undirrituð var viljayfirlýsing í ráðherrabústaðnum við Tjarnargötu, um fjármögnun álversins 1. júlí 2015 en fyrirtækin sem stóðu að henni voru Klappir Development og China Nonferrous Metal Industry´s Foreign Engineering and Construction (NFC).
Fréttir | 15. október 2018 - kl. 12:02
Selasetur Íslands á Hvammstanga fékk á þessu ári styrk úr Framkvæmdasjóði ferðamannastaða fyrir nýjan sela- og náttúruskoðunarstað á Flatnefsstöðum á Vatnsnesi. Styrkurinn fékkst vegna vinnu við deiliskipulag og hönnun á aðkomuvegi, bílstæðum, göngustígum, pöllum og fleira. Vatnsnes er þekkt selaskoðunarsvæði og með því að fjölga selaskoðunarstöðum er markmiðið að dreifa álagi ferðaþjónustu á náttúruna.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spurning vikunnar
Hvort er það?
Kótiletta
Kóteletta
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ