Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 19. október 2018
SSV  9 m/s
C
Olís
huni.is - RSS-efnisveita
 
Á döfinni
Október 2018
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 11:00 SSV 9  7°C
Reykir í Hr 11:00 S 7  6°C
Reykjavík 11:00 SV 7  6°C
Akureyri - 11:00 SSA 6  9°C
Egilsstaðaf 11:00 S 7  8°C
Haugur 11:00 SSV 8  5°C
Holtavörðuh 11:00 SV 15 3°C
Þverárfjall 11:00 SV 10  4°C
Laxárdalshe 11:00 SV 15  4°C
Brúsastaðir 11:00 S 7  6°C
Vegagerðin
Holtavörđuh. 11:50 SSV17 4°C
Laxárdalsh. 11:50 SV 9 5°C
Vatnsskarđ 11:40 SSV 12 3°C
Ţverárfjall 11:50 SV 11 4°C
Kjalarnes 11:40 VSV 7 7°C
Hafnarfjall 11:50 SSV 7 7°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. október 2018
Nú myrkrið læðist að
Gaman var að heyra að menningarverðlaun DV fyrir 2017 í flokki myndlistar, voru veitt húsráðendum á Kleifum þeim Áslaugu Thorlacius og Finni Arnari Arnarssyni en þau hafa síðastliðin tvö sumur staðið fyrir frumlegum og áhugaverðum sýningum í gömlu fjárhúsunum á Kleifum.
::Lesa

Northwest.is


SSNV

Leita í netfangaskrá
 
15. október 2018
Eftir Magnús Ólafsson
09. október 2018
Eftir Magnús Ólafsson
08. október 2018
Eftir Sigurbjörn Þorkelsson
26. september 2018
Eftir Sigurbjörn Þorkelsson
07. september 2018
Eftir Guðmann Jónasson
02. september 2018
Eftir Inga Heiðmar Jónsson
29. ágúst 2018
Eftir Sigurbjörn Þorkelsson
27. ágúst 2018
Þingeyrakirkja. Ljósm: Róbert Daníel Jónsson
Þingeyrakirkja. Ljósm: Róbert Daníel Jónsson
Pistlar | 07. desember 2017 - kl. 09:37
Stökuspjall: Guðaðu á gluggann minn
Eftir Inga Heiðmar Jónsson

Um ljóð og sendibréf leitum við leiða til fortíðar, tengjum okkur við söguna eða sækjum til orðaforða áa okkur. Miðlar nútímans, vefir og póstar eru kjörlendi fyrir samskipti fárra manna í stóru landi. Ör skipti. Áður var póstur borinn á bakinu eða reiddur í kistum frá Stað í Hrútafirði, aðalleiðina suður, vestur í Dali, norður Strandir og svo áfram um Norðurland. Og hjólin verða að snúast eigi ferðin að ganga! Ritgleðin og skáldskapurinn hafa lengi staðið – þó stundum hjarað – á frónskum ströndum og fríðum dölum að ógleymdum völlum Rangæinga þar sem söguslóðir Njálssögu leynast. Öll héruð eiga sína sögu, sumar má finna í Landnámu eða þjóðsögunum sem safnað var á nítjándu öldinni og æ síðan, en skáldin sækja innblástur og efni til þeirra sagna.

Bjarni frá Gröf er orðsnjall, óspar á grín um eigið ágæti sem og lesti. Hann veitir áheyrendum sínum keim af þeim unað sem fljóðið Gunna býr yfir:

Á meðan öndin í okkur hjarir
og ástin bruggar sitt rauða vín
þínir kossar og þrýstnu varir
er þúsundfaldasta gleðin mín.

Þeir Bjarni og Sigvaldi í Enniskoti voru á líkum aldri, hagyrðingar báðir og ljóðabréf sendi úrsmiðurinn æskuvini sínum heim í Víðidalinn. Hann þakkar honum góða skemmtun í ferð þeirra um grónar rústir, Miðhópssel og Grafardali. Bjarni var orðinn afvanur fákum:

Var ég hræddur við ég myndi velta af baki.
Ég hafði ekki árum saman
átt við svona reiðargaman.

Bjarni hefur lengi verið vel metinn af traustum aðdáendahópi og vísur hans að jafnaði hlýjar og smellnar:

Vanti skjól á veginn þinn
vetur þegar dynur.
Guðaðu á gluggann minn
gamli bernskuvinur.

Til annars Húnvetnings og vísnasmiðs, Gísla frá Eiríksstöðum orti Bjarni:

Láttu góða vísu og vín
verma ljóðastrengi.
Andans glóðar gullin þín
geymir þjóðin lengi.

Vísan líkist hundrað öðrum, vel sköpuð og minnir lesandann á hið flókna samband skálds og samferðarmannanna. Hvorugt má án hins vera.

En það þarf ekki endilega að lesa gömul ljóð til að fá sér siglingu á öldum sögunnar: Á bókasafninu freistaði mín látlaus bók og nýkomin, eftir Svein Einarsson. Sveinn er sögumaður, kannski þessi með greini en þar eru svo margir í framboði að óráð er að hefja þá umræðu en hér kemur saga af bls. 83.

„Udbye var organisti Niðarósdómkirkju um miðbik 19. aldar. Hann langaði mjög að mennta sig meira í listinni, en var óvart kominn með konu og fjögur börn, sem flækti málið. Þá kom til skjalanna rík og fín frú, sem sagði:„Þér farið til Leipzig í tvö ár, góði maður, ég sé um konu og börn." Og hann hélt alsæll suður á bóginn og lærði hjá nemendum Mendelsohns."

Gunnar í Hrútatungu hitti ég í Bókakaffinu v/Austurveginn á Selfossi í gær, einn sögumaðurinn til og minnugur eftir því.

Magnús á Stað var að flytja norður hey á flutningabílnum sínum á kalárunum um 1968 og var svo snjall að fá kaupendur syðra að heyrudda í böggum sem Húnvetningum voru útbærir og Magnús hafði flutning báðar leiðir. Eitt sinn er hann seint um kvöld í Reykjavík og fer upp á Hótel Sögu þar sem fær herbergi og spurði eftir bændaafslætti. Jú, hann var til staðar en hafði hann skilríki? Ekki var það, svo stúlkan segir honum að hún geti ekki gefið honum afsláttinn. En Magnús hefur annað bevís, fer úr öðrum skónum og hristir úr honum heymoð á borðið. Það dugði og Magnús svaf vel í Bændahöllinni eftir strangan dag.

Seinni sagan er af Birni Pálssyni þingmanni, sem var á Framsóknarþingi í Húnaveri en þar voru líka Ólafur Jóhannesson samþingsmaður hans og Ólafur Ragnar Grímsson sem ekki var orðinn þingmaður. Undir kvöld hurfu þeir síðarnefndu báðir suður en þeir sem eftir voru settust að kvöldverði þar í félagsheimilinu. Þá stendur Björn upp og segir: Ólafarnir eru nú farnir og nú skulum við hafa gaman! Og það var sko gaman lýkur Tómas Gunnar sögumaður máli sínu.

Ætli ritari verði maður fyrir meira stökuspjalli þetta árið, ég vil óska lesendum spjalls og Húnahorns gleðilegra jóla og þakka fyrir liðið ár. Þakkarefni annað er, hve blítt sólskinið var á Tjarnartúninu messudaginn góða í ágúst og stundin ljúf í kaffinu á Geitafelli.

 Tilvísanir:

Gunna, ljóð Bjarna frá Gröf: http://bragi.info/hunafloi/ljod.php?ID=5568 
Vísur Bjarna í eldra stökuspjalli: https://www.huni.is/index.php?pid=58&cid=13600
Ljóðabréf Bjarna til Sigvalda: http://bragi.info/hunafloi/ljod.php?U=b0&ID=5567
Sigvaldi í Enniskoti: http://bragi.info/hunafloi/hofundur.php?ID=16064  
Organistinn norski: https://no.wikipedia.org/wiki/Martin_Andreas_Udbye
Messudagur á Tjörn 20/8 ´17: https://www.huni.is/index.php?pid=58&cid=14000

Ingi Heiðmar Jónsson

Höf. rzg
Húnavallaskóli
Húnavallaskóli
Tilkynningar | 18. október 2018 - kl. 13:24
Frá nemendum í 9. og 10. bekk Húnavallaskóla
Föstudaginn 19. október verður spilakvöld í Húnavallaskóla. Spiluð verður félagsvist og inn kostar 500 krónur. Verðlaun fyrir stigahæstu spilara. Byrjað verður að spila klukkan 20:00. Sjoppa verður á staðnum og vonumst við til að sjá sem flesta. Enginn posi.
Fréttir | 18. október 2018 - kl. 13:14
Skagfirski kammerkórinn ræðst í stórverkefni í tilefni afmælis fullveldis á Íslandi og flytur verkið Magnificat eftir breska tónskáldið John Rutter í Miðgarði á laugardaginn klukkan 16. Kórinn hefur fengið til samstarfs við sig hljómsveitarstjórann Guðmund Óla Gunnarsson, Sinfóníettu Vesturlands, Kammerkór Norðurlands og Kalman listfélag á Akranesi. Einsöngvari í verkinu er Helga Rós Indriðadóttir sópran sem jafnframt er söngstjóri Skagfirska kammerkórsins.
Glaðheimar
Fréttir | 18. október 2018 - kl. 11:34
Karlakór Bólstaðarhlíðarhrepps er að hefja vetrarstarf sitt og er margt spennandi í bígerð fyrir tímabilið. Æfingar verða í Blönduóskirkju á mánudögum og í Húnaveri á fimmtudögum. Kórinn er opinn fyrir því að bæta við sig fleiri söngmönnum og er áhugasömum bent á að setja sig í samband við Skarphéðinn H. Einarsson kórstjóra í síma 861-8850. Karlakór Bólstaðarhlíðarhrepps er 93 ára gamall. Kórinn hélt fyrstu söngskemmtun sína í Þinghúsinu í Bólstaðarhlíð 26. apríl 1925.
Sameining A-Hún
Við undirritun samnings. Unnur Valborg og Stefán. Ljósm: ssnv.is.
Við undirritun samnings. Unnur Valborg og Stefán. Ljósm: ssnv.is.
Fréttir | 17. október 2018 - kl. 12:33
Samtök sveitarfélaga á Norðurlandi vestra hafa fyrst landshlutasamtaka skrifað undir samning um vinnu við stöðugreiningu á kolefnisspori Norðurlands vestra í heild. Greina á helstu orsakavalda kolefnislosunar eins og í samgöngum, landbúnaði, sjávarútvegi, iðnaði og neyslu íbúa. Að þeim niðurstöðum fengnum verða greindir möguleikar á minnkun á losun kolefnis og hvaða mótvægisaðgerðir komi helst til greina í landshlutanum. Umhverfisvöktun ehf. mun vinna verkefnið fyrir SSNV.
Fréttir | 17. október 2018 - kl. 09:54
Næsta kótelettukvöld Frjálsa kótelettufélagsins í Austur-Húnavatnssýslu verður haldið í Eyvindastofu laugardaginn 3. nóvember næstkomandi og hefst klukkan 19:30. Veislustjóri verður Skagfirðingurinn góðkunni Gunnar Rögnvaldsson frá Hrauni og mun hann koma með gítarinn með sér. Kóteletturnar koma áfram frá SAH-Afurðum, raspið frá Vilkó og Björn Þór og félagar hjá B&S nota svo sömu aðferðirnar sem húnvetnskar ömmur notuðu við undirbúning og eldamennsku hér á árum áður ásamt meðlæti.
Kormákskonur. Ljósm: FB/kormakurblak
Kormákskonur. Ljósm: FB/kormakurblak
Fréttir | 16. október 2018 - kl. 20:25
Haldið var blakmót á Hvammstanga í fyrsta sinn um síðustu helgi. Mótið var liður í Íslandsmótinu í blaki í 4. deild kvenna. Kormákur mætti þar til leiks ásamt ellefu öðrum liðum. Mótið fór vel fram og voru gestir ánægðir með framkvæmd þess og umgjörð. Lið Kormáks sigraði tvo leiki, tapaði tveimur í oddahrinu, sem þýðir að stig fékkst úr leikjunum þrátt fyrir tap, og einn leikur tapaðist án þess að stig fengist. Kormákur fékk því samtals 6 stig og situr í 6. sæti. Efst er Keflavík og KA-Skautar.
Vatnsdalshólar. Ljóms: efla.is.
Vatnsdalshólar. Ljóms: efla.is.
Fréttir | 16. október 2018 - kl. 11:36
Það hafa fleiri en verkfræðistofan Efla og Finna Birna Steinsson reynt að telja Vatnsdalshóla, sem hafa reyndar verið álitnir óteljandi. Í byrjun júlí árið 1960 héldu húnvetnskir skátar skátamót fyrir Norðlendinga við Vatnsdalshóla. Um 120 skátar, stúlkur og drengir frá fimm félögum tóku þátt í mótinu. Einkunnarorð mótsins voru: „Það er ekkert ómögulegt. Það sem er erfitt, gerum við strax, en það sem er ómögulegt tekur aðeins lengri tíma.“ Eitt af verkefnum skátanna var að kortleggja og telja Vatnsdalshóla.
Fréttir | 16. október 2018 - kl. 10:37
Breyting verður á fyrirkomulagi fuglaveiða í haust á stóru landsvæði vestan Vatnsdals en búið er að leigja Kornsárselsland, Gilhaga, Þingeyraselsland og Fremrihlíð í Víðidalsfjalli til einstaklinga. Fuglaveiði á þessum löndum er því bönnuð nema þeim sem hafa til þess leyfi. Veiðileyfi kostar kr. 7.000 fyrir hvern veiðimann. Veiði verður takmörkuð bæði hvað varðar fjölda veiðimanna hvern dag og eins með fjölda veiddra fugla.
Tilkynningar | 16. október 2018 - kl. 09:59
Smávirkjanasjóður SSNV auglýsir
Tilgangur sjóðsins er að styrkja fyrstu skrefin í rannsóknum á mögulegum rennslisvirkjunum á Norðurlandi vestra sem eru undir 10 MW að stærð. Miðað er við fyrirliggjandi yfirlit á mögulegum rennslisvirkjunum sem upp eru taldir í skýrslu Mannvits 2018: Frumúttekt á smávirkjanakostum á Norðurlandi vestra. Þó er heimilt að bæta við fleiri virkjunarkostum með samþykki SSNV.
Tilkynningar | 16. október 2018 - kl. 09:46
Fjárræktarfélag Sveinsstaðahrepps heldur hrútasýningu næstkomandi laugardag klukkan 13 að Hvammi 2 í Vatnsdal. Þar verða sýndir lambhrútar í eigu félagsmanna. Keppt verður í þremur flokkum; hvítum hyrndum, hvítum kollóttum og mislitum. Áhorfendur eru velkomnir. Tekið skal fram að þessi sýning er haldin með leyfi héraðsdýralæknis, enda verði sóttvarna gætt og samgangur hrúta lágmarkaður eins og hægt er.
Pistlar | 15. október 2018 - kl. 16:22
Kvenfélagið Vaka er 90 ára gamalt félag, sem við viljum blása nýju lífi í. Við höfum staðið fyrir ýmsum söfnunum til hjálpar í okkar nærumhverfi í gegnum árin og erum enn að. Síðustu ár höfum við safnað m.a fyrir blöðruskanna á sjúkrahúsið, stólum í Félagsheimilið, bókakaupum í bókasafnið í skólanum og spjaldtölvum fyrir börn með fötlun til að nota í leikskólanum. Þá höfum við styrkt dýnukaup fyrir júdóiðkendur og eitt árið styrktum við skólann í dúkkuverkefninu þar sem unglingadeildinn fékk að reyna fyrir sér sem foreldrar ungbarns sem var í formi rafeindabrúðu. Núna síðast keyptum við uppþvottavél fyrir safnaðarheimili kirkjunnar.
Plastmengun í hafinu.
Plastmengun í hafinu.
Fréttir | 15. október 2018 - kl. 14:30
Starfsmenn sjávarlíftæknisetursins BioPol á Skagaströnd vinna nú að því að taka saman skýrslu um losun örplasts fyrir umhverfis- og auðlindaráðuneytið. Markmiðið er að safna saman upplýsingum um losun örplasts hér á landi. Það á við um hversu mikið örplast berst til sjávar, hverjar eru helstu uppsprettur þess og eftir hvaða leiðum það berst til sjávar. Út frá því á að forgangsraða aðgerðum til að draga úr losun örplasts hérlendis. Sagt var frá þessu í hádegisfréttum Ríkisútvarpsins í dag.
Frá undirrituninni um fjármögnun.
Frá undirrituninni um fjármögnun.
Fréttir | 15. október 2018 - kl. 13:42
Rúm þrjú ár eru síðan sveitarfélögin á Norðurlandi vestra undirrituðu samstarfssamning við Klappir Development ehf. um uppbyggingu og rekstur á 120 þúsund tonna álveri á fyrirhuguðu iðnaðarsvæði við Hafursstaði í Skagabyggð. Áætlanir gerðu ráð fyrir 240 varanlegum störfum í álverinu og allt að 800 tímabundnum störfum á byggingartíma. Undirrituð var viljayfirlýsing í ráðherrabústaðnum við Tjarnargötu, um fjármögnun álversins 1. júlí 2015 en fyrirtækin sem stóðu að henni voru Klappir Development og China Nonferrous Metal Industry´s Foreign Engineering and Construction (NFC).
Fréttir | 15. október 2018 - kl. 12:02
Selasetur Íslands á Hvammstanga fékk á þessu ári styrk úr Framkvæmdasjóði ferðamannastaða fyrir nýjan sela- og náttúruskoðunarstað á Flatnefsstöðum á Vatnsnesi. Styrkurinn fékkst vegna vinnu við deiliskipulag og hönnun á aðkomuvegi, bílstæðum, göngustígum, pöllum og fleira. Vatnsnes er þekkt selaskoðunarsvæði og með því að fjölga selaskoðunarstöðum er markmiðið að dreifa álagi ferðaþjónustu á náttúruna.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spurning vikunnar
Hvort er það?
Kótiletta
Kóteletta
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ