Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Þriðjudagur, 23. janúar 2018
ANA  6 m/s
C
Landbankinn
huni.is - RSS-efnisveita
 
Á döfinni
Janúar 2018
SMŢMFFL
31123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 13:00 ANA 6  3°C
Reykir í Hr 13:00 ANA 5  2°C
Reykjavík 13:00 A 3  3°C
Akureyri - 13:00 NA 4  3°C
Egilsstaðaf 13:00 NNA 10  0°C
Haugur 13:00 A 12  2°C
Holtavörðuh 13:00 A 15 0°C
Þverárfjall 13:00 ANA 15  0°C
Laxárdalshe 13:00 A 3  0°C
Brúsastaðir 13:00 A 10 4°C
Vegagerðin
Holtavörđuh. 13:20 A 15 -1°C
Laxárdalsh. 13:20 ANA 5 1°C
Vatnsskarđ 13:20 NA 12 1°C
Ţverárfjall 13:20 ANA 13 0°C
Kjalarnes 13:20 A 7 4°C
Hafnarfjall 13:20 NNA 6 5°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
10. janúar 2018
Janúarnöldur
Gleðilegt ár og þökk fyrir samfylgdina árið 2017. Það er ekki annað hægt að segja en s.l. ár hafi verið gott fyrir okkur Húnvetninga. Marga góðviðriskafla áttum við en ekki minnist ég neinna óveðra á árinu. Húnvetningar lögðust margir hverjir í ferðalög eins og landsmenn almennt og sumir muna ekki einu sinni hvað margar utanlandsferðir þeir fóru í á liðnu ári.
::Lesa

Northwest.is


SSNV

Leita í netfangaskrá
 
21. janúar 2018
Eftir Sigurbjörn Þorkelsson
21. janúar 2018
Eftir Inga Heiðmar Jónsson
10. janúar 2018
Eftir Björn Þór Kristjánsson
08. janúar 2018
Eftir Sigurbjörn Þorkelsson
08. janúar 2018
07. janúar 2018
Eftir Sigurbjörn Þorkelsson
30. desember 2017
Eftir Guðjón S. Brjánsson
23. desember 2017
Vatnsnes
Vatnsnes
Pistlar | 10. janúar 2018 - kl. 10:59
Stökuspjall Já, einhvern daginn!
Eftir Inga Heiðmar Jónsson

Enginn veit sína ævina . . . skreppur stundum upp úr okkur þegar einhverju óvæntu bregður fyrir og einlægt eru á förum vinir og frændur yfir móðuna miklu – svona til að minna á orðtakið.

Jón í Ártúnum tók að sér söngstjórn í Karlakór Bólstaðarhlíðarhrepps á örlagastundu haustið 1952. Fráfarandi söngstjóri, sem var Jónas bróðir hans, afsagði með öllu að bæta við vetri og tvítugur kórfélagi og efnismaður, Óskar Eyvindur á Eiríksstöðum, skoraðist eindregið undan því að takast þennan vanda á hendur. Og Jón dróst á að stjórna kórnum en aðeins þennan eina vetur. Þeir urðu reyndar 35. En Jón hafði tekið fram að ekki færi hann með kórinn út úr sveitinni, þeir gætu haft sínar samkomur heima í sveitinni eins og verið hefði, þær voru í gamla þinghúsinu í Bólstaðarhlíð, en forlögin tóku af honum ráðin eins og verða vill. Þetta var líka árið sem ungprestar fóru að sækja í dalina okkar, sá sem kom ´52 – eða í byrjun næsta árs – hét Birgir Snæbjörnsson og kom strax í kórinn.

Hólmfríður Daníelson fæddist út á Kaldrana 1899, flutti ársgömul vestur um haf með foreldrum sínum og enginn spurði hana, en þökk sé Húnavöku, ársriti USAH og Jakobi Þorsteinssyni að þar má finna ljóð þessa skáldmælta Íslendings, þýtt úr ensku af Þorsteini Valdimarssyni og birt í Húnavöku 1976. Hólmfríður lýsir vel draumunum sem okkur langar að klæða veruleikann í. Já, svona einhvern daginn!:

Ég vinn það afrek, er vænti ég lengst
einhvern daginn.
En fjölbreytt önn kallar að um sinn
mér endist naumlega dagurinn
allt hugsanlegt kallar huga minn
út í bláinn.

En er ekki kórstarf í dreifðum byggðum að stórum hluta á draumum byggt. Líklega í borginni líka. En kórinn fór út úr sveitinni með söngstjórum sínum: Jóni, Gesti, Sveini og Skarphéðni og var að syngja fyrir heiminn, bæði þá og áður. Margir báðu líka um söng þeirra við útfarir. Sá kafli hófst 1930 með útför sr. Stefán á Auðkúlu. En karlakórinn hreppti stóran vinning 2017 þegar þeir fóru í sína síðustu ferð fyrir jólin. Áfangastaðurinn var myndver Stöðvar 2 á Suðurnesjum og sungu þar fyrir landsmenn í beinni útsending. Og heimurinn valdi þennan kór bestan og sýndi með vali sínu hvað söngur karlakóra er okkur hjartfólginn:

Ég yrki ljóðið, sem lengst mín beið
einhvern daginn.
En engið glitrar af dögg í dag
mér dvelst við lækjarins báruslag
og sofna meðan hann sönglar lag
út í bláinn.

Fyrrum voru kórmennirnir innan marka hreppsins nema Pétur á Höllustöðum sem flutti vestur yfir Blöndu til Huldu konu sinnar en kom gjarnan austur yfir á æfingar. Þá var líka talsvert ferðalag að fara vestur til Svínvetninga til að halda söngskemmtun. Elísabet á Gili segir í bréfi til systur sinnar 30. maí 1937:

„Piltarnir eru vestur í Samkomuhúsi Svíndælinga að syngja þar, fá 70 krónur kr. fyrir túrinn, þeir sungu í Hlíð á sunndaginn var og tókst langt fram yfir það sem ég bjóst við. Við höfum nú öll frítt héðan og eins frá Tungu fyrir það að æfingarnar hafa verið á þessum bæjum.“

En áfram heldur kórinn að syngja, fyrir heiminn og fyrir sveitungana sem studdu hann vel í síðustu ferð. Þeir ætla suður í vetur að syngja fyrir borgarbúana og sveitunga sína sem þar búa og síðan til Ítalíu er sumrar. Og hefðbundið kaffikvöld verður í Húnaveri á laugardaginn. En þar er orðið þröngt þegar allur kórinn er kominn á sviðið í þessu stóra félagsheimili. Félagssvæðið nær nú vestan af Ásunum, út á Strönd, norður á Krók og Varmahlíð. Og kórinn fær ekki betra tækifæri næstu hundrað árin til finna sér liðlegura nafn, en verður að sjálfsögðu að leggja að það gamla varlega frá sér því vel hefur það dugað söngflokknum, eins og Elísabet á Gili kallaði kórinn stundum – eða bara piltana. Blöndukórinn, Karlakórinn Bláinn eða Húnar, voru nöfn sem komu upp í kvöldrabbi nokkurra Húnvetninga í suðurbyggðum á sunnudagskvöldið. Og frænka mín í Garðinum, hún Unnur Björk þurfti einlægt að fá fréttir af gamla kórnum sínum, þó hún flytti unglingur úr dalnum og er nú alflutt héðan en fær kannski fréttir enn. Sama gildir um fjölmarga tryggðavini kórsins.

Já, einhvern daginn gerist það!

Af Snæbirningaætt úr Grímstungu er Sigrún frá Litladal sem yrkir um blámann á Húnaflóa:

Bára á fleti tiplar tær
tindrar sólargljái
hrifning mína fangað fær
flóinn himinblái.

Og vísan sú eignaðist frænku:

Öldufaldur tognar tær,
tindrar sjávargljái,
Haraldsdóttur heillað fær
Húnaflóinn blái.

Ljúkum spjallinu með lokavísu konunnar og skáldsins góða sem fæddist á Kaldrana í lok 19. aldar: Ó, dagar, komnir og horfnir hjá:

Og skuggar Laufdala lengjast brátt
hinsta daginn.
Ó, svipir morgna er hurfu hjá
sem hind á kvöldskóga, vængjaðir þrá.
Nú stendur Heiðmörkin hélugrá.
Ó, dagar, komnir og horfnir hjá
út í bláinn.

Dægraflug: http://bragi.info/hunafloi/ljod.php?ID=5598
Húnavaka 1976: http://timarit.is/files/35255868.pdf#navpanes=1&view=FitH
Sigrún Haraldsdóttir: http://bragi.info/hunafloi/visur.php?VID=26082  

​Ingi Heiðmar Jónsson

Höf. rzg
Hnjúkabyggð 34, rísandi hús fyrir mjólkursöfnunina. Ljósm: Jóhannes T.
Hnjúkabyggð 34, rísandi hús fyrir mjólkursöfnunina. Ljósm: Jóhannes T.
Fréttir | 23. janúar 2018 - kl. 09:17
Á dögunum tilkynnti Creditinfo val á "Framúrskarandi fyrirtækjum" ársins 2017. Ámundakinn ehf. er nú í fjórða skipti eitt rúmlega 850 eða 2,2% fyrirtækja í landinu sem uppfylltu skilyrði til viðurkenningar. Rétt er að nefna að þetta er vegna rekstrarársins 2016. Helstu skilyrði sem þarf að uppfylla varða jákvæða niðurstöðu í rekstri, skilyrði um eiginfjárstöðu og skilvísi í viðskiptum.
Lífland 15des_15mars
Fréttir | 23. janúar 2018 - kl. 09:14
Björgunarsveitarmenn frá Húnum stóðu í ströngu í gærkvöldi við að losa bíla sem sátu fastir og lokuðu veginum frá Norðurbraut við Hvammstanga að Blönduósi. Allir bílarnir, um 30 talsins, eru lausir og engin slys urðu á fólki en á milli 50 og 60 manns voru í bílunum. Margir ökumenn voru erlendir ferðamenn og ekki vanir aðstæðum en mjög blint var og mikill skafrenningur.
Val á manni ársins
Tilkynningar | 22. janúar 2018 - kl. 18:56
Frá stjórn
Aðalfundur Samtaka hrossabænda í Austur-Húnavatnssýslu verður haldinn í reiðhöllinni Arnargerði, þriðjudaginn 23. janúar 2017, klukkan 20:00. Á dagskrá fundarins eru venjuleg aðalfundastörf og umræður um stóðhestahald sumarið 2018.
Glaðheimar
Salthús gistiheimili
Salthús gistiheimili
Fréttir | 22. janúar 2018 - kl. 12:59
Á föstudaginn verður Salthús gistiheimili formlega opnað að Einbúastíg 3 á Skagaströnd. Húsið er nyrst í bænum, uppá Spákonufellshöfðanum. Þaðan er útsýni yfir Húnaflóann til suðurs og til norðurs og austurs er fjallgarðurinn þar sem Spákonufell trónir hæst. Húsið er í eigu Hrafnaness ehf. en Salthús gistiheimili ehf. mun sjá um rekstur gistiheimilisins og er framkvæmdastjóri þess Hrafnhildur Sigurðardóttir.
Nýr líkamsræktarstöð á Skagaströnd. Ljósm: skagastrond.is
Nýr líkamsræktarstöð á Skagaströnd. Ljósm: skagastrond.is
Fréttir | 22. janúar 2018 - kl. 11:35
Nýr líkamsræktarsalur var opnaður í íþróttahúsinu á Skagaströnd 17. janúar síðastliðinn. Salurinn er á miðhæð þar sem kennslustofur hafa verið undanfarin ár. Tækin í salnum, 18 talsins, eru fengin frá World Class og eiga þau að gefa möguleika á þjálfun flestra vöðva líkamans. Einnig eru þar þrjú öflug hlaupabretti. Á vef Skagastrandar segir að góð aðsókn hafi verið við opnunina og mikil ánægja með aðstöðuna og tækin og síðast en ekki síst þau tækifæri sem opnast með breytingunum.
Kirkjugarðurinn á Blönduósi. Ljósm: Róbert Daníel Jónsson.
Kirkjugarðurinn á Blönduósi. Ljósm: Róbert Daníel Jónsson.
Pistlar | 21. janúar 2018 - kl. 21:56
Stjórn kirkjugarðsins á Blönduósi þakkar fyrirtækjum á Blönduósi og öðrum þeim aðilum sem leitað var til um styrk vegna uppsetningu á upplýsingaskilti í kirkjugarðinum á Blönduósi fyrir mjög jákvæð viðbrögð, takist að ljúka fjármögnun fyrir vorið er markmið stjórnarinnar að hægt verði að afhjúpa skiltið á Húnavöku 2018.
Pistlar | 21. janúar 2018 - kl. 11:18
Eftir Sigurbjörn Þorkelsson
Kærleikurinn spyr ekki um eigin hag og er ekki á eigin forsendum. Hann segir ekki, þegar mér hentar, þegar ég vil eða nenni og þá þegar ég fæ sem mest út úr honum á móti. Nei, kærleikurinn hlustar og sér með hjartanu. Hann opnar hjarta sitt fyrir neyð náungans, án þess að spyrja um rök eða ástæður. Um leið og hann er brotthvarf úr sjálfinu leiðir hann til sjálfsmeðvitundar. Hann nær út fyrir öll hagsmunasamtök og allar pólitískar samfylkingar.
Ljósm: thytur.123.is
Ljósm: thytur.123.is
Fréttir | 21. janúar 2018 - kl. 10:23
Hestamannafélagið Þytur heldur sína árlegu firmakeppni laugardaginn 10. febrúar og hefst hún klukkan 14:00 í Þytsheimum. Keppt verður í fimm flokkum; polla, barna, unglinga, karla og kvennaflokki. Veitt verða verðlaun fyrir þrjú efstu sætin í hverjum flokki nema í pollaflokki þar fá allir keppendur viðurkenningu fyrir þátttöku.
Ljósm. FB/Flokka ehf.
Ljósm. FB/Flokka ehf.
Fréttir | 20. janúar 2018 - kl. 10:06
Á vef Húnaþings vestra er sagt frá því að á fundum með sorphirðuverktaka hafi ítrekað komið fram hversu vel er flokkað í sveitarfélaginu og að mikið magn er að skila sér. Á það bæði við þéttbýli og dreifbýli. Bændur fá sérstakt hrós fyrir frágang á áburðarsekkjum og rúlluplasti. Á Facebook síðu Flokku ehf. á Sauðárkróki, sem tekur við efninu af verktaka og flytur til endurvinnslu, segir að frágangurinn sé til fyrirmyndar.
Fréttir | 20. janúar 2018 - kl. 08:07
Benni Líndal tamningameistari verður með vinnusýningu í reiðskemmunni á Blönduósi í dag klukkan 16. Hann kemur með nokkur hross og leiðir áhorfendur í gegnum fróðlegt og skemmtilegt vinnuferli.
Fréttir | 19. janúar 2018 - kl. 15:58
Ritstjórn Húnahornsins óskar íslenskum karlmönnum innilega til hamingju með bóndadaginn. Nú bregður svo við að ekkert þorrablót verður haldið á Blönduósi fyrstu helgina í þorra. Síðastliðin 60 ár hefur kvenfélagið Vaka séð um þorrablót fyrir Blönduósinga og hafa þau oftast, hin seinni ár í það minnsta, verið haldin fyrsta laugardag í þorra. En allt hefur sinn tíma og þær kvenfélagskonur ákváðu í fyrra að nú væri komið nóg. Nýir aðilar taka nú við keflinu og halda Blöndublót laugardaginn 3. febrúar næstkomandi.  
Arnar Þór Sævarsson
Arnar Þór Sævarsson
Fréttir | 18. janúar 2018 - kl. 19:21
Ásmundur Einar Daðason félags- og jafnréttismálaráðherra hefur ráðið Arnar Þór Sævarsson, sveitarstjóra á Blönduósi aðstoðarmann sinn í velferðarráðuneytinu. Í tilkynningu frá ráðuneytinu segir að Arnar Þór muni á næstunni sinna afmörkuðum verkefnum fyrir ráðherra samhliða störfum sveitarstjóra en kemur að fullu til starfa í velferðarráðuneytinu í vor. Arnar Þór er annar tveggja aðstoðarmanna Ásmundar. Hinn aðstoðarmaðurinn er Sóley Ragnarsdóttir.
Húnvetningar á Mannamóti. Ljósm: Facebook.
Húnvetningar á Mannamóti. Ljósm: Facebook.
Fréttir | 18. janúar 2018 - kl. 13:51
Markaðsstofur landshlutanna halda í dag vinnufundinn Mannamót í Reykjavík fyrir samstarfsfyrirtæki sín. Viðburðurinn fer fram í flugskýli flugfélagsins Ernis við Reykjavíkurflugvöll og stendur frá klukkan 12-17. Þar á meðal eru fulltrúar fyrirtækja úr Austur-Húnavatnssýslu. Mannamót er kynningarvettvangur ferðaþjónustunnar á landsbyggðinni og er tilgangurinn að kynna landsbyggðafyrirtæki fyrir ferðaþjónustuaðilum sem staðsettir eru á höfuðborgarsvæðinu.
Fréttir | 17. janúar 2018 - kl. 13:00
Ungmennasamband Austur-Húnvetninga býður uppá frítt örnámskeið með Bjarna Fritz handboltamanni, í Félagsheimilinu á Blönduósi mánudaginn 5. febrúar næstkomandi klukkan 17-19. Örnámskeið Bjarna er úr námskeiði hans sem heitir Vertu óstöðvandi og er ætlað fyrir ungt fólk á aldrinum 12-15 ára. Námskeiðið fjallar um hugarþjálfun fyrir ungt íþróttafólk, hvernig hægt er að styrkja sálræna hluta þess og hvað skilur á milli íþróttafólks á hæsta stigi og allra hinn.
 
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
25. september 2017
Hjá rakaranum
Ungur drengur gengur inn á rakarastofu. Þegar rakarinn sér hann hvíslar hann að viðskiptavininum. „Þetta er heimskasti krakki í heiminum. Sjáðu, ég skal sanna það fyrir þér.“ 
::Lesa
©2018 Húnahorniđ