Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Miðvikudagur, 18. júlí 2018
NV  4 m/s
12°C
Húnavaka 2018
huni.is - RSS-efnisveita
 
Á döfinni
Júlí 2018
SMŢMFFL
1234567
891011121314
15161718192021
22232425262728
2930311234
FyrriNúnaNćsti
Veðurstofa Íslands
Blönduós 18:00 NV 4  12°C
Reykir í Hr 18:00 N 7  9°C
Reykjavík 18:00 A 3  10°C
Akureyri - 18:00 NNV 4  12°C
Egilsstaðaf 18:00 N 5  14°C
Haugur 18:00 NNV 5  12°C
Holtavörðuh 18:00 SV 9  11°C
Þverárfjall 18:00 ASA 5  11°C
Laxárdalshe 18:00 A 5  11°C
Vegagerðin
Holtavörđuh. 18:30 SV 8 11°C
Laxárdalsh. 18:30 ANA 4 11°C
Vatnsskarđ 18:20 ANA 5 10°C
Ţverárfjall 18:30 NNA 3 12°C
Kjalarnes 18:30 A 7 10°C
Hafnarfjall 18:30 ASA 7 12°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2018
Mikið um að vera á Blönduósi
Það er komið sumar, eða er það ekki annars? Oft hefur maður upplifað sólríkari daga en á þessu vori, en við skulum ekki örvænta, sumarið ný byrjað og auðvitað á það eftir að verða frábært. Við kláruðum sveitarstjórnarkosningarnar í lok maí og sumir eflaust kátari en aðrir eins og gengur. Nú bíðum við spennt eftir að sjá hvern við fáum sem bæjarstjóra.
::Lesa

Northwest.is


SSNV

Leita í netfangaskrá
 
Eftir Jóhannes Torfason
27. júní 2018
Eftir Sigurbjörn Þorkelsson
22. júní 2018
Eftir Guðmund Arnar Sigurjónsson
12. júní 2018
Eftir Sigurbjörn Þorkelsson
10. júní 2018
Eftir Inga Heiðmar Jónsson
02. júní 2018
Eftir Guðmund Hauk Jakobsson
26. maí 2018
Eftir Önnu Margreti Sigurðardóttur
25. maí 2018
Eftir Birnu Ágústsdóttur
25. maí 2018
Nöldriđ | 10. janúar 2018 - kl. 12:28
Janúarnöldur

Gleðilegt ár og þökk fyrir samfylgdina árið 2017.

Það er ekki annað hægt að segja en s.l. ár hafi verið gott fyrir okkur Húnvetninga. Marga góðviðriskafla áttum við en ekki minnist ég neinna óveðra á árinu. Húnvetningar lögðust margir hverjir í ferðalög eins og landsmenn almennt og sumir muna ekki einu sinni hvað margar utanlandsferðir þeir fóru í á liðnu ári. Vonandi veit þetta allt á gott. Vonandi njótum við bæði veðurblíðu og batnandi efnahags.

Að venju efndu útvarpsstöðvarnar, Bylgjan og Rás 2 til vals á manneskju (manni) ársins og var tilkynnt um úrslitin á gamlársdag. Þau sem landsmenn völdu að þessu sinni voru sannarlega vel að þeirri vegsemd komin. Á Bylgjunni var valinn hinn geðþekki rannsóknarlögreglumaður Grímur Grímsson sem segja má að hafi veitt heilli þjóð áfallahjálp í janúar á síðasta ári þegar landsmenn sátu sem lamaðir við sjónvarpstæki sín og fylgdust með rannsókn á einhverju óhugnanlegasta morðmáli  hér á landi á síðari tímum.  Þar sat Grímur fyrir svörum kvölds og morgna dag eftir dag og allir sem hlustuðu og horfðu vissu að enginn var betri en þessi maður að komast til botn í þessu ógeðslega máli. Þetta var vel valið af hlustendum Bylgjunnar.

Á rás 2 voru það #metoo-konur íslands sem voru valdar manneskjur ársins 2017. Það  var einnig vel valið og kom svo sem engum á óvart eftir allan fréttaflutninginn utan úr heimi af konum sem loksins risu upp til að mótmæla ofbeldi, aðallega kynferðislegu ofbeldi, en einnig öllu öðru ofbeldi sem viðgengis hefur gegn bæði konum og körlum svo allt of lengi. Þetta hófst allt vestur í BNA þar sem nokkrar konur stigu fram og sögðu frá ofbeldi  framleiðandans og leikstjórans Harvey Weinstein og skriðan fór af stað um heim allan. Og það er víst til nóg af ljótum sögum, líka hér á okkar litla Íslandi og íslenskar konur hafa ekki farið varhluta af ofbeldinu.

Það var notaleg stund í kirkjunni okkar nóvemberkvöldið sem organisti kirkjunnar bauð til Bach tónleika og ánægjulegt hvað vel var mætt. Það var mikið happ að fá Eyþór Franzson fyrir organista kirkjunnar, jafnframt sem hann kennir við Tónlistarskólann. Í pistli hér á Húnahorninu þakkar Eyþór gestum fyrir rausnaleg framlög sem þeir greiddu þetta kvöld til viðhalds kirkjunni. Frítt var inn á tónleikana en tónleikagestum bauðst að láta fé af hendi rakna kærðu þeir sig um. Í þessum sama pistli lofaði Eyþór fleiri tónleikum í vetur svo við getum látið okkur hlakka til.

Ekki var fjölskylda Nöldra svo heppin að eignast sous vide hægeldunargræjuna sem var víst vinsælasta jólagjöfin í ár. Yfirleitt er gert létt grín að landanum þegar hjarðhegðunin tekur sig upp hjá honum og allir kaupa sama hlutinn til jólagjafa. Ég ætla ekki að gera lítið úr þessari eldunaraðferð, enda ekki kynnst henni. En skondna grein um þessi mál las ég í blaði um jólin, þar sem sagði frá manninum sem fór í búðina með léreftspokann sinn og fyllti hann af matvælum til heimilisins, sagðist forðast alla plastpoka og formælti plastvæðingu heimsins. Gekk síðan heim með sinn tuskupoka , tók upp úr honum kjötstykki  sem hann síðan sauð í plasti eins og uppskriftin sagði til um. Já það mun þurfa plast til að plastsjóða kjöt í potti.

Ég vil þakka Sigurbirni Þorkelssyni fyrir frábæra pistla sem Húnahornið hefur birt að undanförnu. Þá ættu allir að lesa. Það er mannbætandi lesning.

Nú er mál að linni, bestu kveðjur þar til næst,

Nöldri.

Höf. Nöldri
Það verður líf og fjör á Húnavöku.
Það verður líf og fjör á Húnavöku.
Fréttir | 18. júlí 2018 - kl. 15:53
Húnavaka, bæjarhátíð Blönduósinga, verður haldin í 15 sinn nú um helgina. Hátíðin hét áður Matur og menning og var fyrst haldin árið 2003. Árið 2006 var ákveðið að breyta nafni hátíðarinnar og endurvekja hið góða og gilda nafn Húnavaka sem áratugum saman var fastur liður í menningarlífi Húnvetninga. Valgarður Hilmarsson, sveitarstjóri Blönduósbæjar, býður alla velkomna til Blönduóss um helgina til að njóta vel þeirrar dagskrár sem boðið verður upp á.
Lífland
Frá Blönduhlaupi í fyrra.
Frá Blönduhlaupi í fyrra.
Fréttir | 18. júlí 2018 - kl. 13:02
Hið árlega Blönduhlaup verður haldið á Húnavöku, laugardaginn 21. júlí og verður ræst klukkan 11 við útibú Arion banka að Húnabraut 5 á Blönduósi. Vegalengdir verða 2,5 km, 5,0 km og 10 km. Skráning í hlaupið fer fram í anddyri Félagsheimilisins á Blönduósi klukkan 10 á hlaupadag en einnig er hægt að forskrá sig í hlaupið með því að senda tölvupóst á usah540@simnet.is.
Glaðheimar
Blönduskóli
Blönduskóli
Fréttir | 18. júlí 2018 - kl. 12:02
Blönduósbær auglýsir á vef sínum eftir tilboðum í skólamáltíðir skólaárið 2018-2019. Verkið felst í framleiðslu hádegisverða fyrir nemendur og starfsfólk, flutningi frá framleiðslustað til skóla og frá skóla að matarhléi loknu hvern dag. Útboðsgögn fást afhent á bæjarskrifstofu Blönduósbæjar, Hnjúkabyggð 33, 540 Blönduós frá 19. júlí 2018. Tilboð verða opnuð á sama stað klukkan 11:00 þann 30. júlí næstkomandi.
Norðurland vestra
Norðurland vestra
Fréttir | 18. júlí 2018 - kl. 11:00
Konur eru 47% sveitarstjórnarfulltrúa á Norðurlandi vestra samanborið við 38% á nýliðnu kjörtímabili og nýliðar í sveitarstjórnum eru nú 67% samanborið við 51% áður. Með nýliðum er átt við fulltrúa sem ekki sátu kjörtímabilið á undan en í þeim hópi eru einhverjir sem eru að koma inn í sveitarstjórnir að nýju eftir hlé í eitt kjörtímabil eða fleiri. Þessar upplýsingar voru lagðar fram á stjórnarfundi Samtaka sveitarfélaga á Norðurlandi vestra 10. júlí síðastliðinn.
Fréttir | 18. júlí 2018 - kl. 09:31
Í tilefni Húnavöku um helgina ætlar Þekkingarsetrið að bjóða upp á listasmiðju – þrykknámskeið í Kvennaskólanum föstudaginn 20. júlí frá klukkan 16-18. Listasmiðjan er fyrir börn fædd árin 2004-2008. Elsa Arnardóttir forstöðumaður Þekkingarsetursins og listkennari hefur umsjón með námskeiðinu. Athygli er vakin á því að skráning er skilyrði og fjöldi takmarkaður.
Frá Þingvöllum. Ljósm: MJ.
Frá Þingvöllum. Ljósm: MJ.
Fréttir | 18. júlí 2018 - kl. 09:11
Í dag verður haldinn hátíðarfundur Alþingis á Þingvöllum en þann 18. júlí árið 1918 var samningur um fullveldi Íslands lokið með undirritun sambandslaganna sem tóku gildi 1. desember sama ár. Þingfundurinn er hugsaður eins og fundir á Þingvöllum hafa verið á hátíðar- og minningarstundum í sögu þjóðarinnar og er ætlunin að samþykkja ályktun sem full samstaða er um.
Fréttir | 17. júlí 2018 - kl. 13:24
Sameiginlegt lið Kormáks og Hvatar í knattspyrnu karla, 4. deild – D riðli, tekur á móti Vatnaliljum á Blönduósvelli næstkomandi föstudag klukkan 20:00. Gera má ráð fyrir mikilli og góðri stemningu í Blönduósbæ á föstudaginn þar sem Húnavakan verður þá nýhafin og eru allir hvattir til þess að mæta á völlinn og styðja liðið. Meistaraflokksráð mun grilla og selja hamborgara í hálfleik. Þá verður minning Kristjáns Blöndal Jónssonar heiðruð en hann spilaði fótbolta í fjölmörg ár undir merkjum Hvatar.
Fréttir | 17. júlí 2018 - kl. 09:19
Einar Kárason mun stíga á stokk í Félagsheimilinu á Blönduósi í kvöld klukkan 20 og flytja eina vinsælustu Íslendingasöguna, söguna um ógæfumanninn Gretti Ásmundsson. Einar setur söguna á sinn einstaka hátt upp í fræðandi og skemmtilega frásögn, þar sem Grettir og það helsta sem á daga hans dreif kviknar til lífsins. Einar er með virtustu rithöfundum og rómuðustu sagnamönnum landsins og hafa sýningar hans um Grettissögu notið mikilla vinsælda í Landnámssetrinu í Borgarnesi.
Sameining A-Hún
Kortasjá Byggðastofnunar, thjonustukort.is.
Kortasjá Byggðastofnunar, thjonustukort.is.
Fréttir | 16. júlí 2018 - kl. 15:20
Ríkisstjórnin samþykkti í dag að tryggja öflun, samræmingu og áreiðanleika gagna sem þarf við áframhaldandi þróun þjónustukorts. Sigurður Ingi Jóhannsson samgöngu- og sveitarstjórnarráðherra kynnti fyrsta áfanga kortsins með opnun vefsjárinnar thjonustukort.is. Starfshópur skipaður fulltrúum forsætisráðuneytis, samgöngu- og sveitarstjórnarráðuneytisins, fjármála- og efnahagsráðuneytisins, velferðarráðuneytisins, mennta- og menningarmálaráðuneytis og umhverfis- og auðlindaráðuneytisins mun fylgja samþykktinni eftir.
Fréttir | 16. júlí 2018 - kl. 10:15
Laugardaginn 7. júlí síðastliðinn var sýning Sigurðar Guðjónssona INNLJÓS opnuð að Kleifum við Blönduós. Aðsókn hefur verið mjög góð enda eiga margir leið um Blönduós á ferð sinni eftir hringveginum um hásumarið. Von er á mörgum gestum á Húnavöku sem haldin verður um næstu helgi og líklegt að einhverjir leggi leið sína að Kleifum til að upplifa sýninguna. Sýningin er opin alla daga frá klukkan 10 til 22 fram til sunnudagsins 22. júlí næstkomandi.
Fréttir | 16. júlí 2018 - kl. 09:37
Samtök sveitarfélaga á Norðurlandi vestra er þátttakandi í alþjóðlegu samstarfsverkefni sem hlaut á dögunum styrk úr sjóði Norðurslóðaverkefna. Verkefninu er ætlað að taka á ýmsum áskorunum sem fyrirtæki á jaðarsvæðum kunna jafnan að glíma við, svo sem smæð markaðar, fjarlægð frá markaði og einangrun. Markmið samstarfsins er m.a. að þróa nýjungar í stafrænum markaðs- og söluhugbúnaði fyrir lítil og meðalstór fyrirtæki og aðstoða þau við að nýta sér stafræna möguleika.
Frá Landsmótinu. Ljósm: Aðsend.
Frá Landsmótinu. Ljósm: Aðsend.
Fréttir | 16. júlí 2018 - kl. 09:25
Landsmót á vegum UMFÍ fór fram á Sauðárkróki um helgina og var í fyrsta sinn haldið með nýju og breyttu sniði. Mótið var opið fyrir alla 18 ára og eldri sem hafa gaman af því að hreyfa sig og stunda íþróttir. Þátttakendur gátu valið úr tæplega 40 greinum allt frá nýjungum á borð við körfubolti 3:3, biathlon, brennó og fjallahjólreiða, bogfimi og pútts. Stígvélakast var að sjálfsögðu á sínum stað á síðasta degi mótsins.
Fréttir | 13. júlí 2018 - kl. 15:40
Það sem af er ári hefur reglulega verið sagt frá því í fréttum að kærur og sektir vegna hraðaksturs á Norðurlandi vestra hafi fjölgað mikið. Morgunblaðið fjallar um þetta í dag og þar kemur fram að útgefnar kærur á árinu voru í gær orðnar alls 3.689 talsins, samanborið við 1.417 á sama tíma fyrir ári og 602 árið 2016. Rætt er við Stefán Vagn Stefánsson, yfirlögregluþjón, sem segir þetta vera háar tölur í öllu samhengi.
Fréttir | 13. júlí 2018 - kl. 15:15
Ekki var einhugur á fundi sveitarstjórn Blönduósbæjar í gær þegar fjallað var um ráðningu nýs sveitarstjóra. Ástæðan var ekki neikvæð afstaða til sveitarstjórans sjálfs heldur ráðningarferlið. Óslistinn, sem er í minni hluta í sveitarstjórn, taldi aðkomu sína að ráðningarferlinu hafa verið takmarkaða, þrátt fyrir ríkan og yfirlýstan vilja til samstarfs við fulltrúa meirihlutans, L-listans. Afstaðan olli meirihlutanum vonbrigðum.
 
Prenta Prenta  
 
 
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ