Fyrri mynd
Nćsta mynd
...
Húnahorniđ
Open Menu Close Menu
Húnahorniđ
Laugardagur, 24. febrúar 2018
SSA  9 m/s
C
Landbankinn
huni.is - RSS-efnisveita
 
Á döfinni
Febrúar 2018
SMŢMFFL
28293031123
45678910
11121314151617
18192021222324
25262728123
FyrriNúnaNćsti
Veðurstofa Íslands
Blönduós 17:00 SSA 9  3°C
Reykir í Hr 17:00 SSA 14 1°C
Reykjavík 17:00 S 11  3°C
Akureyri - 17:00 SSA 8  5°C
Egilsstaðaf 17:00 S 7  6°C
Haugur 17:00 S 13 0°C
Holtavörðuh 15:00 S 15 0°C
Þverárfjall 17:00 SSV 11  1°C
Laxárdalshe 17:00 S 15 1°C
Brúsastaðir 17:00 SSA 11  2°C
Vegagerðin
Holtavörđuh. 17:43 0 0°C
Laxárdalsh. 17:30 S 14 1°C
Vatnsskarđ 17:30 S 10 -0°C
Ţverárfjall 17:30 SSV 11 1°C
Kjalarnes 17:30 ASA 7 2°C
Hafnarfjall 17:30 SSA 11 2°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
08. febrúar 2018
Þorrapistill
Þrátt fyrir rysjótt veðurfar á þessu nýbyrjaða ári getum við Blönduósingar glaðst yfir ýmsu sem er að gerast hjá okkur. Fyrst skal nefna það að á síðastliðnu ári fjölgaði íbúum bæjarins um 33 einstaklinga samkvæmt frétt sem Húnahornið flutti okkur. Þetta eru ánægjuleg tíðindi og mín tilfinning er að hér sé mest um ungt fólk að ræða sem er að setjast hér að.
::Lesa

Northwest.is


SSNV

Leita í netfangaskrá
 
Eftir Jón Pálmason og Björn Guðmundsson
04. febrúar 2018
Eftir Inga Heiðmar Jónsson
25. janúar 2018
Tilkynning frá Félags- og tómstundastarfi aldraðra
23. janúar 2018
21. janúar 2018
Eftir Sigurbjörn Þorkelsson
21. janúar 2018
Nöldriđ | 08. febrúar 2018 - kl. 21:11
Þorrapistill

Þrátt fyrir rysjótt veðurfar á þessu nýbyrjaða ári getum við Blönduósingar glaðst yfir ýmsu sem er að gerast hjá okkur. Fyrst skal nefna það að á síðastliðnu ári fjölgaði íbúum bæjarins um 33 einstaklinga samkvæmt frétt sem Húnahornið flutti okkur. Þetta eru ánægjuleg tíðindi og mín tilfinning er að hér sé mest um ungt fólk að ræða sem er að setjast hér að. Sama dag birtist líka frétt um að unnið sé að undirbúningi smíðastofu við Blönduskóla en aðstöðu fyrir verklega kennslu hefur lengi vantað við skólann. Og enn ein gleðifréttin birtist á Húnahorninu þennan dag og nú um framkvæmdir í Félagsheimilinu. Þar er verið að breyta eldhúsinu og endurnýja tæki og var víst ekki vanþörf á. Auk þess sem eldhúsið er búið að vera á undanþágu um langt skeið. Þá hefur verið málað og lagfært í danssal auk þess sem nýjar gardínur voru settar fyrir glugga. Núverandi húsverðir haf líka lagt metnað sinni í að hugsa vel um húsið, hvað varðar þrif og alla umgengni og ber að þakka það. Ég veit að það gleður marga að Félagsheimilinu okkar sé eitthvað gert til góða.

Fjölmargir Blönduósingar bera hlýjar tilfinningar til þessa húss, enda stóðu á sínum tíma, félagasamtök í bænum, auk fyrirtækja, straum af kostnaði við byggingu þess eftir því sem þau höfðu efni til, auk styrkja frá ríki og sveitarfélögum í sýslunni. Einnig voru ófá handtök unnin þar í sjálfboðavinnu. Félagsheimilið á Blönduósi þótti  glæsilegasta félagsheimilið á landsbyggðinni þegar það var risið enda var gríðarlegur metnaður hjá því fólki sem var í byggingnefnd hússins og má í því sambandi benda á að ekkert af þeim félagsheimilum sem risu vítt og breytt um landið á þessum árum  voru með tveimur sölum, það er danssal af bestu gerð og leik- og bíósal með hallandi gólfi og þægilegum sætum. Húsið var og er mikill menningarauki fyrir héraðið og gleymum því ekki að menning kostar alltaf peninga.  Já við getum sannarlega ennþá verið stolt af húsinu okkar og væri óskandi að misvitrir sveitarstjórnarmenn láti  það ekki ganga okkur úr greipum. Við þurfum á því að halda og ekki bara Blönduósingar heldur sýslan öll.

Þótt allir sem ég hef heyrt í og mættu á bráðskemmtilegt þorrablót séu ánægðir með bæði matinn og skemmtiatriðin þá eru flestir á því, að betra sé að hafa blótið fyrsta laugardag í þorra eins og hefð hefur verið fyrir hér um árabil. Eflaust er þessi seinkun á blótinu því að kenna að framkvæmdir í Félagsheimilinu drógust á langinn. Hafið þetta í huga næst allt það frábæra fólk sem sá um blótið í ár.

Ég tek heilshugar undir skrif Björns Þórs á B&S veitingastað, þar sem hann hælir fiskbúðinni okkar hér á Blönduósi og hvetur Húnvetninga til að kaupa þar fisk á sína diska. Rekstur fiskbúðar er frekar sjaldgæfur í ekki stærra samfélagi en hér er og ef við íbúarnir verslum þar ekki er sjálfhætt, segir Björn Þór og það er svo sannarlega orð að sönnu. Það þarf heldur ekki að kvarta undan lélegu úrvali í fiskbúðinni, því þar er framboð með ágætum.

Það er margt sem betur mætti gera  varðandi það að laða að ferðamenn og fjölga afþreyingu fyrir þá sem hér stoppa og vilja skoða sig um í sýslunni. Eina litla ábendingu langar mig að koma með. Fyrir skömmu ók ég fram hjá skiltinu sem  vísar fólki á staðinn þar sem síðasta aftaka á Íslandi fór fram. Þetta skilti lætur ekki mikið yfir sér, sömu gerðar og er við heimreiðar að sveitabæjum. Þetta umrædda skilti bendir eitthvað út í buskann, eða svo hlýtur ókunnugum að finnast. Á skiltinu stendur Þrístapar (sem gárungarnir kalla þrista par). Ég efast um að margir sem ekki þekkja til sögunnar stoppi þarna til að lesa á upplýsingaskilti sem þarna er á kafi í sinu. Nú hefur þessi saga um Natan og Agnesi aldeilis verið í umræðunni að undanförnu eftir að skrifuð var bók um þau skötuhjú. Þá stendur til að gera kvikmynd  eftir þessari bók, sem heitir Náðarstund en höfundur hennar er áströlsk stúlka, Hannah Kent sem var skiptinemi í Skagafirði  fyrir nokkru síðan, heyrði um döpur örlög þessa fólks og gerði þér lítið fyrir og skrifaði um þau bók, sem hefur verið þýdd á fjölda tungumála. Væri nú ekki ráð að gera meira úr þessum stað og gera umhverfi hans þannig úr garði að áhugavert væri að staldra þar við og fræðast um söguna. Aðra staði með aðrar sögur væri svo vert að finna  og sýna ferðafólki.

Áður en ég set punktinn aftan við þennan pistil vil ég óska Eyþóri Franzsyni Wechner, manni ársins til hamingju með titilinn. Þetta var vel valið hjá lesendum Húnahornsins.

Bestu kveðjur frá Nöldra.

Höf. Nöldri
Tilkynningar | 23. febrúar 2018 - kl. 13:07
Tilkynning frá stjórn
Aðalfundur Rauða krossins í Húnavatnssýslum verður haldinn á Ömmukaffi, Húnabraut 2 á Blönduósi, mánudaginn 12. mars og hefst kl. 18:00.
Lífland 15des_15mars
Tilkynningar | 23. febrúar 2018 - kl. 13:03
Tilkynning frá formanni
Aðalfundur Umf. Geisla verður haldinn á Húnavöllum mánudaginn 26. febrúar n.k. og hefst kl. 20:30. Á dagskrá eru venjuleg aðalfundarstörf og önnur mál.
Glaðheimar
Mynd: Facebook.com/refillinn
Mynd: Facebook.com/refillinn
Fréttir | 23. febrúar 2018 - kl. 08:16
Á Morgunvaktinni í Ríkisútvarpinu 8. febrúar síðastliðinn var rætt við Jóhönnu Erlu Pálmadóttur, forstöðumann Textílsetursins á Blönduósi. Í viðtalinu segir hún frá frá Vatnsdælareflinum, prjónaskap og fleiru sem tengist starfi Textílsetursins. Refilsaumur hefur heillað Morgunvaktina að undanförnu í framhaldi af fréttum um að Frakkar hefðu ákveðið að lána eina helstu þjóðargersemi sína Bayeux-refilinn til Englendinga.
Nemendur í heimsókn. Ljósm: biopol.is.
Nemendur í heimsókn. Ljósm: biopol.is.
Fréttir | 23. febrúar 2018 - kl. 07:49
Nemendur í Höfðaskóla hafa undanfarið heimsótt BioPol á Skagaströnd í tengslum við náttúrufræðikennslu skólans. Hafa þeir fræðst um þörunga, stóra jafnt sem smáa, en sjávarlíftæknisetrið er með nokkrar rannsóknir í gangi á því sviði. Ýmsir smáþörungar voru hafðir til sýnis á rannsóknarstofunni og nemendum var sagt frá fæðuvefjum og flokkunarfræði. Þá fengu þeir að skoða í smásjá hvernig grænukorn endurkasta rauðu ljósi undir flúrlýsingu. Í Vörusmiðjunni var þari til sýnis og smökkunar sem lagðist misjafnlega í mannskapinn. Sagt er frá þessu á vef Biopol.
Margrét B. Einarsdóttir, Jóhanna S. B. Traustadóttir, Guðmundur Haukur Sigurðsson og Greta Clough
Margrét B. Einarsdóttir, Jóhanna S. B. Traustadóttir, Guðmundur Haukur Sigurðsson og Greta Clough
Fréttir | 22. febrúar 2018 - kl. 21:43
Uppbyggingarsjóður og Atvinnu- og nýsköpunarsjóður Norðurlands vestra veita styrki til atvinnuþróunar, nýsköpunar og menningarverkefna
Í gær voru veittir styrkir úr Uppbyggingarsjóði Norðurlands vestra við athöfn í félagsheimilinu Húnaveri í Húnavatnshreppi. Alls bárust 107 umsóknir þar sem óskað var eftir 200 milljónum króna í styrki. Sjötíu styrkir voru veittir til 54 aðila að upphæð tæpar 55,6 milljónir króna. Við sama tækifæri voru einnig veittir styrkir úr Atvinnu- og nýsköpunarsjóði Norðurlands vestra.
Fréttir | 22. febrúar 2018 - kl. 21:33
Á aðalfundi Fjárræktarfélags Sveinsstaðahrepps, sem haldinn var á Blönduósi 19. febrúar síðastliðinn var samþykkt ályktun þar sem aðalfundurinn mótmælir harðlega því verði sem SAH-Afurðir greiddu fyrir sauðfjárafurðir síðastliðið haust. Aðalfundurinn skorar á fyrirtækið að greiða sambærilegt verð og aðrar afurðastöðvar gera.
Fréttir | 22. febrúar 2018 - kl. 16:20
Tilkynning frá sóknarprestum og sóknarnefndum
Stoppleikhópurinn sýnir leikrit um Martein Lúther í Blönduóskirkju laugardaginn 24. febrúar nk. kl. 11:00. Handrit og leikgerð er í umsjá Valgeirs Skagfjörð og Stoppleikhópsins. Leikritið er 70 mínútur og er ætlað fullorðnum og eldri börnum. Allir velkomnir en fermingarbörn og foreldrar þeirra eru sérstaklega velkomin.
Fréttir | 22. febrúar 2018 - kl. 15:07
Sveitarstjórn Húnaþings vestra hefur samþykkt að ráða Lúðvík Friðrik Ægisson í starf sviðsstjóra veitu-, framkvæmda- og umhverfissviðs sveitarfélagsins. Lúðvík Friðrik er vélstjóri að mennt með BSc í véla- og orkufræði. Ellefu umsóknir bárust um starfið sem auglýst var laust til umsóknar í byrjun janúar en ein umsókn var dregin til baka. Starf sviðstjóra felst í að fara fyrir framkvæmda-, umhverfis- og auðlindamálum en undir þau falla meðal annars vatnsveita, fráveita og hitaveita.
Munið að skila pokunum aftur!
Munið að skila pokunum aftur!
Fréttir | 22. febrúar 2018 - kl. 14:46
Eins og margir vita afhenti áhugahópur um plastlaust samfélag, pokastöð ásamt um fjögurhundruð fjölnota pokum, í Kjörbúðinni í lok nóvember. Síðan þá er búið að bæta við um 200 pokum og enn vantar poka. Verkefnið gengur út á það að hægt er að fá lánaða fjölnota poka ef pokinn gleymist heima. Mikilvægt er þó að pokarnir skili sér aftur í Kjörbúðina í næstu búðarferð eða jafnvel þarnæstu svo að hringrásin virki sem best.
Tilkynningar | 22. febrúar 2018 - kl. 13:50
Frá stjórn
Aðalfundur Framsóknarfélags Austur-Húnavatnssýslu verður haldinn þriðjudaginn 27. febrúar í Eyvindarstofu klukkan 20:30. Á dagskrá eru venjuleg aðalfundarstörf og önnur mál.
Minningarsteinn á aftökustaðnum.
Minningarsteinn á aftökustaðnum.
Fréttir | 22. febrúar 2018 - kl. 13:17
Húnavatnshreppur ætlar að auglýsa eftir ráðgjafa eða ráðgjafafyrirtæki til að starfa með sveitarfélaginu að framtíðaruppbyggingu á Þrístöpum og gestastofu sem staðsett yrði í nágrenni við Þrístapa og fengi nafnið Agnesarstofa. Þrístapar eru þrír samliggjandi smáhólar sem liggja vestast í Vatnsdalshólunum norðan þjóðvegarins.
Fréttir | 21. febrúar 2018 - kl. 22:15
Uppbygging ehf., félag í eigu Engilberts Runólfssonar byggingaverktaka, hefur óskað eftir viðræðum við sveitarstjórn Blönduósbæjar um sameiginlega uppbyggingu á fjölbýlishúsi að Hnjúkabyggð 29 á Blönduósi. Óskað er eftir því að gert verið samkomulag við félagið um langtímaleigu eða kaup sveitarfélagsins á allt að 8-10 íbúðum í hinu nýja fjölbýlishúsi. Byggðaráð Blönduósbæjar hefur hafna erindinu.
Blönduskóli
Blönduskóli
Tilkynningar | 21. febrúar 2018 - kl. 21:48
Hin árleg árshátíð Blönduskóla verður haldin föstudaginn 23. febrúar í Félagsheimilinu á Blönduósi. Húsið opnar klukkan 19:30. Árshátíðin hefst klukkan 20:00 og lýkur klukkan 01:00. Dagskrá hefst með ávarpi talsmanns unglingaráðs. Næst verður leikritið „Go.Com.Air“ sýnt í leikstjórn Jófríðar Jónsdóttur. Þegar leikritinu lýkur verða glæsilegar kaffiveitingar en eftir þær er hin frábæra Blönduvision söngvakeppnin.
Appelsínugul viðvörun. Mynd: vedur.is
Appelsínugul viðvörun. Mynd: vedur.is
Fréttir | 21. febrúar 2018 - kl. 12:04
Nú er úti veður vont en enn ein lægðin er að ganga yfir landið og örugglega ekki sú síðasta á þessum vetri. Bálhvasst er orðið í Húnavatnssýslum og hafa félagar úr björgunarsveitinni Húnum þurft að aðstoða fólk í morgun. Björgunarsveitarmenn hafa einnig verið sendir á Holtavörðuheiðina til að aðstoða ferðamenn sem lent hafa í vandræðum með bíla sína.
 
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ