Fyrri mynd
Nsta mynd
...
Ok
Velkomin á vef Húnahornsins. Við notum vefkökur (e. cookies) til þess að bæta upplifun þína og greina umferð um síðuna.
Með því að nota vefsíðuna samþykkir þú notkun á vefkökum og skilmála okkar.
Hnahornið
Open Menu Close Menu
Hnahornið
Þriðjudagur, 19. mars 2024
   m/s
C
CW
huni.is - RSS-efnisveita
 
Mars 2024
SMÞMFL
252627282912
3456789
10111213141516
17181920212223
24252627282930
31123456
FyrriNúnaNæsti
Veðurstofa Íslands Vegagerðin
Holtavörðuh. 04:11 0 0°C
Laxárdalsh. 04:11 0 0°C
Vatnsskarð 04:11 0 0°C
Þverárfjall 04:11 0 0°C
Kjalarnes 04:11 0 0°C
Hafnarfjall 04:11 0 0°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. ágúst 2023
Okur, íslenska og illgresi
Já komið þið sæl og blessuð. Nöldri er ekki dauður úr öllum æðum þó langt sé um liðið frá síðasta nöldurpistli. Af nógu er að taka í nöldrinu en ég ætla þó aðeins að nefna nokkur atriði að þessu sinni. Fyrst ætla ég að byrja á verðlaginu í Kjörbúðinni okkar hér á Blönduósi.
::Lesa
Leita í netfangaskrá
 
Eftir Bjarna Jónsson
17. mars 2024
Eftir Inga Heiðmar Jónsson
15. mars 2024
Eftir Bjarna Jónsson
11. mars 2024
70. þáttur. Eftir Jón Torfason
09. mars 2024
Eftir Inga Heiðmar Jónsson
06. mars 2024
Eftir Inga Heiðmar Jónsson
03. mars 2024
Sigþrúður Sigfúsdóttir
Sigþrúður Sigfúsdóttir
Pistlar | 21. mars 2018 - kl. 12:13
Blönduósbúar, andmælum verndarsvæði í byggð í gamla bænum á Blönduósi
Eftir Sigþrúði Sigfúsdóttur og Huldu Leifsdóttur

Kæru Blönduósbúar, er ekki vert að kynna sér betur hvað stendur á bak við verndarsvæði í byggð í gamla bænum á Blönduósi? 

Á dögunum var haldinn fyrsti formlegi fundur í íbúa- og hagsmunasamtaka gamla bæjarins á Blönduósi. Samtök þessi hafa það að leiðarljósi að gamli bærinn fái þá fyrri reisn, sem hann bjó yfir, þegar hann var fallegi miðbærinn við þjóðveginn. 

Á þessum fyrsta fundi samtakanna var ákveðið að fara yfir og ræða tillögur um verndarsvæði í byggð sem fyrirhugaðar eru í gamla bænum á Blönduósi. Í stuttu máli má segja að margar alvarlegar athugasemdir hafi komið fram um mál þetta. Fundarmenn voru almennt sammála því, að sú mynd sem dregin var upp á þeim tveim íbúafundum sem haldnir hafa verið um málið, hafi verið mjög ófullkomin og lítið borið á því samráði við íbúa sem um hafði verið talað áður. Engar upplýsingar liggja fyrir um þær skyldur og þau bönd sem lögin um verndarsvæði í byggð leggja á eigendur fasteigna í gamla bænum. Málflutningur forráðamanna bæjarins var mjög einhliða og allur á þá leið að sjálfkrafa myndi fasteignaverð hækka á svæðinu en aðspurðir hvernig það virkaði gátu þeir engin svör gefið. Einnig fengust mjög óljós svör varðandi hugsanlega styrki og spurningum þess efnis vísað frá þar sem frummælendur fundarins sögðust ekki vera þangað komnir til að gefa þær upplýsingar.

Lög um verndarsvæði í byggð á Íslandi þrengja mjög að og takmarka rástöfunarrétt fólks á eignum sínum. Hús sem ekki hafa náð friðunaraldri fá samt þær kvaðir á sig þegar þau eru komin undir verndarsvæði. Vert er að minna á að eignarrétturinn er lýstur friðhelgur í stjórnarskrá Íslands. Var það rætt á fundinum að slíkar breytingar á gildandi skipulagi í andstöðu húseigenda gæti orðið til þess fallnar að baka viðkomandi sveitarfélagi bótaskyldu gagnvart eigendum húsa á svæðinu. 

Það þykir einkar ámælisvert hversu hratt þetta verkefni er afgreitt hjá sveitarfélaginu en tæpir fjórir mánuðir eru frá fyrri íbúafundi sem haldinn var til kynningar á málinu. Þegar verkferlar fyrir vinnu að verndarsvæði í byggð eru skoðaðir kemur þar fram að sú vinna skuli unnin í samráði við eigendur fasteigna skilgreinds svæðis sem og bæjaríbúa alla. Það er því með öllu óskiljanlegt að fasteignaeigendur á svæðinu hafa verið algjörlega hundsaðir þegar kemur að þessari undirbúningsvinnu.

Í leiðbeiningarriti frá Minjastofnun um vinnu við vernarsvæði í byggð kemur eftirfarandi fram:

„Í lögunum og reglugerðinni er lögð áhersla á að haft sé samráð við íbúa og aðra þá sem hagsmuna eiga að gæta við gerð tillögu um verndarsvæði í byggð. Með þátttöku íbúa við gerð tillögunnar skapast skilningur á listrænu og menningarsögulegu gildi byggðarinnar. Þannig er líklegra að ná megi almennri sátt um verndun hennar. Slík sátt er grundvöllur þess að markmið um verndun nái fram að ganga, því íbúar og eigendur einstakra húsa gegna mikilvægu hlutverki við verndun byggðarinnar með viðhaldi á húsum og mannvirkjum“ .    

Í tillögu um verndarsvæði í byggð eru nefnilega miklar kvaðir og hömlur settar á eigendur fasteigna umfram það sem almenn byggingarreglugerð segir til um. Nóg finnst nú mörgum um þá byggingareglugerð sem er í gildir á Íslandi, en í þessum nýju lögum um verndarsvæði í byggð þá er eignar- og athafnarétturinn skertur. Þá er skipulagsréttur sveitastjórnar í lögum og reglugerð efldur og henni færð ný vopn í hendur. Hér eru dæmi:

„Ef sveitastjórn metur það svo og er ósátt við framkvæmdir sem unnar eru á verndarsvæði í byggð að þá er henni heimilt að láta breyta verkinu svo að falli að skilgreiningunni verndarsvæði í byggð og senda reikninginn til eiganda fasteignarinnar.“

„Það varðar sektum að hefja framkvæmdir innan verndarsvæðis í byggð án þess að fyrir liggi leyfi viðkomandi sveitarstjórnar fyrir framkvæmd Sé um stórfelld eða ítrekuð ásetningsbrot að ræða getur refsing orðið fangelsi allt að fjórum árum.“

Með öðrum orðum, ef friðun verður mun það þrengja athafnamöguleika allra eigenda fasteigna á svæðinu verulega.

Því viljum við koma á framfæri eftirfarandi:

Íbúa- og hagsmunasamtök "Gamla bæjarins á Blönduósi, lýsum okkur hér andsnúin auglýstri tillögu Blönduósbæjar um verndarsvæði í byggð. Andmæli okkar styðjast m.a. við eftirfarandi:

Við teljum að undirbúningi við gerð og kynningu tillögunnar hafi verið verulega ábótavant. Ófullnægjandi samráð var haft við íbúa og eigendur fasteigna á svæðinu við gerð tillögunnar. 

Þá teljum við að á þeim kynningarfundum sem haldnir voru með eigendum og íbúum á Blönduósi í októbermánuði 2017 og janúarmánuði 2018 hafi verið dregin upp röng mynd af áhrifum friðunarinnar og nánast eingöngu haldið á lofti möguleikum eigenda fasteigna á svæðinu til styrkveitinga til viðhalds og endurbóta á fasteignum sínum ef friðun yrði samþykkt. 

Á þessum tveimur íbúafundum voru íbúum og eigendum ekki kynnt þær kvaðir sem gerðar eru til fasteigna á svæðinu sem hefur verið skilgreint verndarsvæði í byggð á Blönduósi. 

Við teljum að friðun samkvæmt tillögunni muni þrengja verulega að uppbyggingu svæðisins „Gamli bærinn á Blönduósi“ þar sem bæjaryfirvöld og sveitastjórn hafa ekki lagt fram neina áætlun er varðar framtíðar uppbyggingu svæðisins.

Við viljum hvetja alla sem íbúa á Blönduósi að kynna sér hvað tillögur um verndarsvæði í byggð fela í sér. Andmælafrestur rennur út þann 5. apríl, því viljum við biðla til allra íbúa á Blönduósi að koma í lið með okkur og andmæla tillögum sveitarfélagsins um verndarsvæði í byggð á Blönduósi. Andmælum skal koma á framfæri á bæjarskrifstofunni á Blöndósi.

Um leið skorum við á bæjaryfirvöld að vinna að skýrri stefnu er varðar uppbyggingu gamla bæjarins í samvinnu við bæjarbúa og eigendur húsa og fyrirtækja í gamla bænum. Sveitarstjórnin á að sýna sóma sinn í verki og leggja fjármuni í uppbyggingu í gamla bænum, en lítið hefur farið fyrir því á liðnum árum. 

Því segjum við - vinnið heimavinnu ykkar í þeim verkefnum sem ykkur er treyst fyrir að vinna í þágu bæjarfélagsins okkar, gætið hagsmuna allra bæjarbúa svo hægt sé að stuðla að eðlilegri þróun og uppbyggingu alls samfélagsins!

Fyrir hönd íbúa- og hagsmunasamtaka gamla bæjarins á Blönduósi, Sigþrúður Sigfúsdóttir og Hulda Leifsdóttir

Höf. rzg
Brún í Svartárdal 1928. Mynd: Héraðsskjalasafn Austur-Húnavatnssýslu
Brún í Svartárdal 1928. Mynd: Héraðsskjalasafn Austur-Húnavatnssýslu
Pistlar | 18. mars 2024 - kl. 16:05
Anna Hannesdóttir á Brún var flutt til Akureyrar síðla vetrar 1904. Hún var veik af berklum. Þar var Guðmundur bróðir hennar, síðar prófessor, þá héraðslæknir. En sú för reyndist erindisleysa. Jóni á Brún, manni hennar barst bréf snemma á slætti þar sem Guðmundur læknir tjáði honum að Anna biði dauðans. Þar væri um hann einan að ræða um úrlausnir á vandamálum hennar. En þessari fregn fylgdi það og, að Anna óskaði þess að sjá Jón áður en yfir lyki sem ekki gæti oltið á löngum tíma.
Glaðheimar
Holtastaðakirkja. Ljósm: Bragi J. Ingibergsson.
Holtastaðakirkja. Ljósm: Bragi J. Ingibergsson.
Fréttir | 18. mars 2024 - kl. 15:45
Húsfriðunarsjóður úthlutaði nýverið styrkjum til 176 verkefna, samtals að upphæð 297,6 milljónum króna. Fjölmörg verkefni í Húnavatnssýslum fengu styrki. Í flokki friðlýstra kirkna fengu m.a. Auðkúlukirkja, gamla kirkjan á Blönduósi, Holtastaðakirkja og Þingeyraklausturskirkja styrk. Í flokki friðaðra húsa og mannvirkja fengust styrkir m.a. til gamla sæluhússins á Hveravöllum, gamla læknisbústaðarins á Blönduósi og gamla Spítalans á Blönduósi. Í flokknum rannsóknir og húsakannanir fékk verkefnið Torfhús í Húnavatnssýslum styrk að fjárhæð 2,5 milljónir króna.
Landsvirkjun sumarstörf
Tilkynningar | 18. mars 2024 - kl. 09:06
Brjóstamiðstöð Landspítala verður í samstarfi við Heilsugæsluna á ferð um landið vorið 2024 með brjóstaskimun. Lögð er rík áhersla á að konur nýti sér þessa þjónustu, sjá leiðbeiningar um bókun hér að neðan. Með brjóstaskimun er hægt að greina brjóstakrabbamein á byrjunarstigi og draga þannig verulega úr dánartíðni vegna sjúkdómsins. Áhersla er lögð á að konur nýti sér þjónustuna sem er að jafnaði í boði á hverjum stað árlega eða á tveggja ára fresti.
Mynd: vedur.is
Mynd: vedur.is
Fréttir | 17. mars 2024 - kl. 11:42
Veðurstofan hefur gefið út gula veðurviðvörun fyrir Norðurland vestra sem gildi í sólarhring frá hádegi í dag. Spáð er norðaustan hríð, 13-18 m/s og snjókomu. Búast má við skafrenning með takmörkuðu eða lélegu skyggni og versnandi akstursskilyrðum. Afmarkaðar samgöngutruflanir eru líklegar, lokanir á vegum og tafir í flugsamgöngum. Fólki er bent á að sýna varkárni og fylgjast með veðurspám.
Pistlar | 17. mars 2024 - kl. 11:34
Eftir Bjarna Jónsson
Bændur verða að tryggja að íslensk matvæli verði betur merkt því flestir neytendur vilja velja íslenskt vegna gæða og hreinleika. Við upprunamerkingar og innihaldslýsingar innfluttra matvæla eigum við ekki að hrökkva sem fullvalda þjóð, heldur setja okkur betri löggjöf í eigin landi. Það er sameiginlegt hagsmunamál framleiðenda matvæla, neytenda, stjórnvalda og ekki síður verslunarinnar og innflutningsaðila, að bæta merkingar á matvælum og tryggja þannig betur rétt neytenda til upplýsinga um uppruna þeirra, framleiðsluhætti, lyfjanotkun og umhverfisáhrif.
Pistlar | 15. mars 2024 - kl. 15:08
Eftir Inga Heiðmar Jónsson
Meðan takast menn á hér / og margir saknæmt rausa / yfir vaka vil ég þér / Vigdís makalausa (JG). Vigdísarvor kallaði Guðmundur Bergsstaðaskáld vorið 1980, en það sáum við ekki fyrir hvernig þróaðist frekar en veður á ókomnum vikum eða mánuðum, já og áratugum því Vigdís, stjarnan okkar, hefur bæði orðið langlíf, heilladrjúg og áhrif hennar og starfa hennar hafa breiðst víða.
Frá undirritun samkomulags ríkisins og Húnaþings vestra í Hörpu. Mynd: stjornarradid.is
Frá undirritun samkomulags ríkisins og Húnaþings vestra í Hörpu. Mynd: stjornarradid.is
Fréttir | 14. mars 2024 - kl. 15:41
Sigurður Ingi Jóhannsson, innviðaráðherra, Unnur Valborg Hilmarsdóttir, sveitarstjóri í Húnaþingi vestra og Anna Guðmunda Ingvarsdóttir, aðstoðarforstjóri HMS, undirrituðu í dag samkomulag um að auka framboð á íbúðarhúsnæði í sveitarfélaginu á tímabilinu 2024-2029 og fjármagna uppbyggingu á hagkvæmum íbúðum og félagslegu húsnæði. Stefnt er að því að byggðar verði rúmlega 50 íbúðir á fimm árum og þar af verði 19 þeirra byggðar án hagnaðarsjónarmiða fyrir fólk undir tilteknum tekju- og eignamörkum, íbúðir sem falla undir skilyrði hlutdeildarlána.
Tilkynningar | 14. mars 2024 - kl. 13:15
SSNV, Samtök sveitarfélaga á Norðurlandi vestra auglýsa laust til umsóknar starf verkefnastjóra. Leitað er að drífandi, framsýnum og sjálfstæðum verkefnastjóra sem býr yfir einstökum hæfileikum í mannlegum samskiptum. Við óskum eftir samstarfsfélaga sem hefur ástríðu fyrir uppbyggingu samfélagsins sem við búum í og vill taka þátt í fjölbreyttum verkefnum sem heyra undir málaflokka landshlutasamtakanna. Við lofum góðu starfsumhverfi og metnaðarfullum verkefnum.
Tilkynningar | 14. mars 2024 - kl. 13:11
Frá Félagi eldri borgara í Húnaþingi
Ákveðið er að fara í leikhúsferð 5. apríl nk., á Gaukshreiðrið í Freyvangsleikhúsinu Eyjafirði. Farið verður með rútu kl. 15.00 frá Félagsheimilinu á Blönduósi. Stansað á Akureyri og þar getur fólk fengið sér kvöldmat. Áætluð heimkoma stuttu eftir miðnætti ef veður og færð eru góð. Pantanir þurfað að berast sem fyrst en í síðasta lagi á skírdag.
Fréttir | 13. mars 2024 - kl. 15:29
Öruggara Norðurland vestra er heiti á vinnustofu sem haldin verður í Félagsheimilinu á Blönduósi miðvikudaginn 20. mars næstkomandi klukkan 08:30-15:00. Um er að ræða svæðisbundið samráð gegn ofbeldi, öðrum afbrotum og til að stuðla að bættri þjónustu fyrir jaðarsetta hópa. Á vinnustofunni verða fjölmörg örerindi um málefni barna og ungmenna, jaðarsetta hópa, þjónustu við fólk með geðrænan vanda sem og ofbeldi í nánum samböndum.
Húnaskóli
Húnaskóli
Fréttir | 13. mars 2024 - kl. 11:37
Sveitarstjórn Húnabyggðar fagnar því að samningar hafa náðst á vinnumarkaði og er reiðubúin til að leggjast á árarnar um að samstaða náist um mál er varða aðkomu sveitarfélaga á samningunum. Sveitarstjórn ætlar að bjóða upp á gjaldfrjálsar skólamáltíðir fyrir grunnskólabörn frá og með næsta hausti og til loka samningstíma samninganna en með þeim fyrirvara að ríkisvaldið komið að málum eins og lagt er upp með. Þá leggur sveitarstjórn áherslu á að tryggja þurfi aðkomu ríkisins til framtíðar að málaflokknum svo kostnaður hafni ekki í fanginu á sveitarfélögum að samningstímanum loknum.
Barnabær á Blönduósi. Mynd: hunabyggd.is
Barnabær á Blönduósi. Mynd: hunabyggd.is
Fréttir | 13. mars 2024 - kl. 11:19
Í undirbúningi er að byggja nýjan 685 fermetra leikskóla á Blönduósi sem staðsettur yrði norðan við núverandi leikskóla. Nýta á núverandi húsnæði áfram fyrir elstu árganga en því breytt, m.a. verður eldhúsi breytt í listasmiðju. Nýbyggingin er ætluð fyrir yngri árganga ásamt móttökueldhúsi og matsal sem nýtist leikskólanum í heild ásamt starfsmannarými. Breyta á skólalóð í tengslum við nýbygginguna og er gert ráð fyrir ungbarnaleiksvæði.
Frá Hvammstanga
Frá Hvammstanga
Fréttir | 13. mars 2024 - kl. 10:59
Áætlað er að byggðar verði 12 íbúðir í Húnaþingi vestra á þessi ári og allt að 40 íbúðir á næstu fjórum árum þar á eftir. Gert er ráð fyrir að hluti íbúðanna verði seldur á almennum markaði en hluti verði leiguíbúðir fyrir tekjulægri einstaklinga. Áform þessi eru í samræmi við samkomulag milli innviðaráðuneytisins, Húsnæðis- og mannvirkjastofnunar og Húnaþings vestra um aukið framboð íbúðarhúsnæðis í sveitarfélaginu.
Riishús á Borðeyri
Riishús á Borðeyri
Fréttir | 13. mars 2024 - kl. 09:12
Sveitarstjórn Húnaþings vestra hefur ákveðið að þær gjaldskrár sem hækkaðar voru um 5,5% um áramótin verði lækkaðar í sem nemur 3,5% hækkun frá árinu 2023. Sérstaklega verði horft til gjaldskrár sem varða barnafjölskyldur, einkum skólastofnana og íþróttamiðstöðvar. Þá ætlar sveitarfélagið að bjóða gjaldfrjálsar skólamáltíðir frá og með næsta hausti. Tilefnið er nýlega gerður kjarasamningur milli félaga ASÍ og Samtaka atvinnulífsins.
 
Prenta Prenta  
 
Til baka
 

©2024 Húnahornið