Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Þriðjudagur, 18. desember 2018
NA  6 m/s
C
Olís
huni.is - RSS-efnisveita
 
Á döfinni
Desember 2018
SMŢMFFL
2526272829301
2345678
9101112131415
16171819202122
23242526272829
303112345
FyrriNúnaNćsti
Veðurstofa Íslands
Blönduós 11:00 NA 6  7°C
Reykir í Hr 11:00 ANA 7  6°C
Reykjavík 11:00 ANA 5  7°C
Akureyri - 11:00 SA 2  6°C
Egilsstaðaf 11:00 ANA 2  6°C
Haugur 11:00 ANA 5  6°C
Holtavörðuh 11:00 NA 8  2°C
Þverárfjall 11:00 A 2  4°C
Laxárdalshe 11:00 ANA 10  5°C
Brúsastaðir 11:00 ANA 8  8°C
Vegagerðin
Holtavörđuh. 11:30 NA 5 3°C
Laxárdalsh. 11:30 ANA 10 5°C
Vatnsskarđ 11:30 ANA 7 5°C
Ţverárfjall 11:30 NA 4 5°C
Kjalarnes 11:30 ANA 11 9°C
Hafnarfjall 11:30 NNA 10 8°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
12. desember 2018
Þó desember sé dimmur
Já það eru dimmir dagarnir núna. Varla að sólin ná ofan í holuna til okkar, nema á hæstu brekkubrúnirnar. En eins og segir í vísunni góðu stendur þetta allt til bóta og svo fáum við blessuð jólin og áramótin í kjölfarið.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
06. desember 2018
Eftir Gunnar Rúnar Kristjánsson
30. nóvember 2018
Eftir Sigurbjörn Þorkelsson
29. nóvember 2018
Eftir Unni Valborgu Hilmarsdóttur
22. nóvember 2018
Eftir Inga Heiðmar Jónsson
16. nóvember 2018
Eftir Guðjón S. Brjánsson
13. nóvember 2018
Eftir Sigurbjörn Þorkelsson
09. nóvember 2018
Eftir Sigurbjörn Þorkelsson
02. nóvember 2018
Pistlar | 12. apríl 2018 - kl. 14:30
Heilbrigðisþjónusta í hrakviðri
Eftir Guðjón S. Brjánsson

Nýleg skýrsla Ríkisendurskoðunar, Sjúkratryggingar Íslands sem kaupandi heilbrigðisþjónustu er þungur áfellisdómur um hvernig til hefur tekist frá því að þessi stofnun hóf starfsemi sína árið 2008. Einn hluti þess er hversu hagsmunir íbúa á landsbyggðinni hafa verið vanræktir.

Veikburða stofnun

Skýrslan staðfestir að Sjúkratryggingar Íslands er faglega og rekstrarlega veikburða stofnun og hefur aldrei staðið undir eðlilegum væntingum eða náð að gegna því hlutverki sem henni var ætlað.  Þetta hefur bitnað hvað harðast á landsbyggðinni.  Ekki eru gerðir samningar um heilbrigðisþjónustu á grundvelli heildstæðra og ítarlegra þarfa, heldur hafa þrýstihópar og sérhagsmunir sterk ítök.  Andi laga um sjúkratryggingar nr. 112/2008 hefur verið hunsaður en með þeim lögum átti að hverfa frá því að semja við fagfélög eða stéttarfélög um heilbrigðisþjónustu. Þannig er Læknafélag Reykjavíkur enn einn stærsti samningsaðili við Sjúkratryggingar Íslands.  Það þarf ekki að fjölyrða um það hvar félagsmenn í því félagi starfa.  Landsbyggðin er afgangs og tilviljunum háð hvort, hvaða og hvernig sérfræðiþjónusta er þar í boði.  Líklegast er að hún byggist á persónulegum tengslum fagfólks eða hollustu í garð íbúa á landsbyggðinni en ekki á grundvelli þarfagreiningar í viðkomandi heilbrigðisumdæmi.  Það skortir heildar stefnumótun fyrir landið allt og brýnt að núverandi heilbrigðisráðherra vinni ötullega að því verkefni.

Ójafn leikur

Skýrslan reifar í nokkrum atriðum hvernig opinberar heilbrigðisstofnanir hafa um langt árabil verið fjármagnaðar og þar er ólíku saman að jafna ef horft er til sjálfstætt starfandi sérfræðinga eða einkarekinna heilbrigðisstöðva.  Opinberar stofnanir eru á föstum fjárlögum, fá eina fasta upphæð til rekstrar í upphafi árs og hún stendur óhögguð, nánast sama á hverju gengur.  Afdrifaríkar sveiflur í starfseminni fást seint eða ekki leiðréttar sem leitt hefur stofnanir í stórfelldan vanda og um það eru mýmörg dæmi.  Öðru máli gegnir hins vegar um þá aðila sem ná samningum við Sjúkratryggingar Íslands þar sem framleiðslutengd fjármögnun gildir. Þar er greitt jafnóðum samkvæmt verðlista fyrir öll verk sem unnin eru.  Þetta kerfi hefur nú reyndar verið tekið upp í heilsugæslunni á höfuðborgarsvæðinu og stefnt er að því að það verði að hluta til tekið upp á Landspítala á þessu ári.  Væntingar eru um að þetta breyti miklu. Krafa landsbyggðarfólks er sú að jafnræði ríki á þessu sviði og að ekki síðri áhersla verði lögð á uppbyggingu fjölbreytilegrar þjónustu á landsbyggðinni en á það hefur verulega skort.

Jafnræði – framtíðarsýn

Kostnaður Sjúkratrygginga Íslands vegna sérfræðiþjónustu hefur aukist gríðarlega á undanförnum árum, langt umfram aðra þætti og hlutfallslega yfirgnæfandi mest á höfuðborgarsvæðinu, það sýna tölulegar upplýsingar og um það verður ekki deilt.  Á sama tíma hafa hins vegar opinberar heilbrigðisstofnanir um allt land verið sveltar, rúnar fé, fagfólki og framtíðarsýn. 

Það hefur stöðugt hallað undan fæti á landsbyggðinni og æ erfiðara hefur reynst að halda uppi grunnþjónustu í nærsamfélögum.  Úrlausn hins opinbera hefur falist í því að bjóða íbúum víðast hvar að koma til Reykjavíkur og njóta þjónustunnar þar. Þetta á jafnt við um  fæðingarþjónustu, sjúkra- og iðjuþjálfun, geðheilbrigðisþjónustu, barnalækningar, kvensjúkdóma og jafnvel tannlækningar og fleiri þætti.  Þessu fylgir umtalsverður kostnaður, frátafir frá vinnu, ferðalög og óþægindi fyrir fjölskyldur og leggst þungt á marga. Fjárhagsleg fyrirgreiðsla er ekki í námunda við kostnað.  Þarfir landsbyggðar hafa ekki verið greindar varðandi þessi atriði og Sjúkratryggingar Íslands yppta öxlum og nálgast viðfangsefnið því miður ekki með faglegum eða lausnamiðuðum hætti.

Hugur ráðherra

Heilbrigðisráðherra, Svandís Svavarsdóttir hefur viðurkennt að það ríki talsverður glundroði í kerfinu og líklega er hann hvergi jafn sláandi og gagnvart Sjúkratryggingum Íslands. En stofnuninni er þrátt fyrir allt nokkur vorkunn.  Leiðarljós í starfsemi Sjúkratrygginga Íslands ætti auðvitað að vera skýr stefna heilbrigðisráðherra um heilbrigðisþjónustu.  Gallinn er bara sá að heildstæð stefna í þeim anda sem lög um heilbrigðisþjónustu kveða á um og lög um sjúkratryggingar vísa til hefur hreinlega aldrei verið sett fram,  svo ekki er von á góðu.

Heilbrigðisráðherra hefur lýst því yfir að hún muni beita sér fyrir stefnumörkun í sátt við þing og þjóð, sem er mikil áskorun en grundvallaratriði. Í því mun hún eiga stuðning jafnaðarmanna um allt land vísan sem tala fyrir öguðu frjálsræði, skilvirkni í kerfinu og almennt um hagsmuni venjulegs launafólks.  Sáttin mun hins vegar aðeins nást, að horft verði með sanngirni til allra landsmanna þegar heilbrigðisþjónustan verður reist úr þeirri öskustó sem hún hefur víða verið í á landsbyggðinni. 

Guðjón S. Brjánsson
​alþingismaður

Höf. rzg
Í Bjarmanesi. Ljósm: Árni Geir.
Í Bjarmanesi. Ljósm: Árni Geir.
Fréttir | 18. desember 2018 - kl. 11:22
Jólabókakvöld Gleðibankans á Skagaströnd var haldið í Bjarmanesi á dögunum. Mæting var góð og stemningin notaleg. Heimamenn lásu úr nýútkomnum bókum s.s. Sagnaseiði, Kaupthinking, Geðveikt með köflum og Rassafari á steini og fleirum. Ingeborg Knřsen sá um tónlistarflutning á kvöldinu. Gleðibankinn fagnar 10 ára afmæli nú í desember en hann var stofnaður af tæplega 70 manns í Bjarmanesi á Skagaströnd árið 2008.
Jólahús ársins
Þorsteinn Sigurjónsson. Ljósm: hunathing.is.
Þorsteinn Sigurjónsson. Ljósm: hunathing.is.
Fréttir | 18. desember 2018 - kl. 09:39
Þorsteinn Sigurjónsson rafmagnsverkfræðingur og MBA hefur verið ráðinn veitustjóri Húnaþings vestra og tekur hann til starfa 2. janúar 2019. Tvær umsóknir bárust um stöðuna. Staðan var auglýst í kjölfar breytinga sem gerðar voru á skipuriti Húnaþings vestra í kjölfar aukinna umsvifa sveitarfélagsins vegna veitna og annarra framkvæmda. Með breytingunum var starf sviðsstjóra veitu-, framkvæmda- og umhverfissviðs lagt niður og sérstakt starf veitustjóra stofnað.
Glaðheimar
Tilkynningar | 17. desember 2018 - kl. 14:36
Hólaneskirkja 24. desember - Aðfangadagur jóla. Miðnæturmessa kl. 23.00: ​Í hátíðarmessunni verður nýtt orgel vígt.Kór Hólaneskirkju flytur hátíðarsöngva séra Bjarna Þorsteinssonar og sungnir verða jólasálmar við undirleik Hugrúnar Sifjar Hallgrímsdóttur organista. Hofskirkja 25. desember - Jóladagur. Hátíðarguðsþjónusta kl. 14:00: Kór Hólaneskirkju flytur hátíðarsöngva séra Bjarna Þorsteinssonar og sungnir verða jólasálmar við undirleik Hugrúnar Sifjar Hallgrímsdóttur organista.
Frá Hvammstanga.
Frá Hvammstanga.
Fréttir | 17. desember 2018 - kl. 14:23
Niðurstöður ferðavenjukönnunar meðal erlendra gesta á átta áfangastöðum voru birtar á föstudaginn í mælaborði ferðaþjónustunnar og kynntar á fundi sem Ferðamálastofa stóð fyrir í atvinnuvega- og nýsköpunarráðuneytinu. Helstu niðurstöður sýna að ferðavenjur og útgjöld erlendra gesta voru talsvert ólík eftir stöðum og lá helsti munurinn í ástæðum heimsóknar, dvalartíma og neyslumynstri gesta. Lengst dvöldu gestir í höfuðborginni en styst á Hvammstanga.
Frá Stekkjarvík.
Frá Stekkjarvík.
Fréttir | 17. desember 2018 - kl. 10:44
Starfshópur um framtíðarskipan úrgangsmála á Norðurlandi hefur tekur til starfa en hann er sameiginlegt verkefni Samtaka sveitarfélaga á Norðurlandi vestra og Sambands sveitarfélaga í Eyjafirði og Þingeyjarsýslum. Markmið verkefnisins er að leysa meðhöndlun og förgun úrgangs og sorps á Norðurlandi með hagkvæmum og umhverfisvænum hætti.
Frá Hvammstanga
Frá Hvammstanga
Fréttir | 17. desember 2018 - kl. 10:34
Á sveitarstjórnarfundi Húnaþings vestra í síðustu viku var lagt fram erindi frá velferðarráðuneytinu um móttöku flóttamanna. Í því er farið á leit við sveitarfélagið um að taka á móti sýrlensku flóttafólki á næsta ári, um 25 einstaklingum. Í því felst meðal annars aðstoð við að finna húsnæði til leigu og veita því nauðsynlega þjónustu og aðstoð í eitt ár frá komu þess til landsins. Gerður yrði samningur milli Húnaþings vestra og velferðarráðuneytisins þar að lútandi um fjárframlög til verkefnisins.
Fréttir | 16. desember 2018 - kl. 21:40
Fimm umferðaróhöpp urðu í umdæmi Lögreglunnar á Norðurlandi vesta um helgina. Á Facebook síðu hennar segir að aðallega hafi óhöppin verið bílveltur og ein aftanákeyrsla. Sem betur fer hafi engin alvarleg slys orðið á fólki. Lögreglan vill minna vegfarendur á að fara sérstaklega varlega en mikil ísing er á vegum.
Dóra Sigurðardóttir. Ljósm: FB/Listakot Dóru.
Dóra Sigurðardóttir. Ljósm: FB/Listakot Dóru.
Fréttir | 16. desember 2018 - kl. 08:39
Dóra Sigurðardóttir í Vatnsdalshólum opnar vinnustofu sína 22. desember klukkan 14 og verður hún opin fram eftir degi. Hún býður gestum að koma og þiggja kakó og smákökur og skoða aðstöðuna. Í Listakoti Dóru verður starfrækt innrömmunarþjónusta og vinnustofa listamannsins Dóru en hluti af rýminu verður notaður til þess að taka á móti gestum. Einnig verður aðstaða fyrir gestakennara.
Sameining A-Hún
Trébekkur við Barnabæ.
Trébekkur við Barnabæ.
Fréttir | 16. desember 2018 - kl. 08:29
Frá Skógræktarfélagi Austur-Húnvetninga
Skógræktarfélag Austur-Húnvetninga vill minna á að í dag milli klukkan 11-15 verður hægt að fella sitt eigið jólatré á Gunnfríðarstöðum. Verð á jólatrjám er 5.500 krónur og ýmsar tegundir í boði. Ekta skógarkaffi við varðeldinn en kakóið verður áfram í boði. Njótið skógarmenningar með skógræktarfélaginu og hjálpið okkur að planta fleiri trjám með því að kaupa af okkur jólatré. Bindum kolefni með skógrækt og minkum sótsporið með því að versla í heimabyggð.
F.v.: Sigurjón, Sigurður, Elín og Jón. Ljósm: textile.is.
F.v.: Sigurjón, Sigurður, Elín og Jón. Ljósm: textile.is.
Fréttir | 14. desember 2018 - kl. 11:21
Heimilisiðnaðarsafnið á Blönduósi stendur á hverju ári fyrir viðburðinum Upplestur á aðventu. Í ár var tekið forskot á sæluna og hann haldinn rétt fyrir aðventu eða sunnudaginn 25. nóvember síðastliðinn. Hátt í 40 manns mættu í safnið og hlýddu á upplestur úr nýjum bókum. Allir höfundar bókanna sem lesið var upp úr eiga sterk tengsl við Austur-Húnavatnssýslu; Jón Björnsson frá Húnsstöðum, Sigurður Pétursson, fyrrum dýralæknir, frá Merkjalæk og Hólmfríður K. Gunnarsdóttir frá Æsustöðum.
Fv. Magnús, Elísa, Ólöf og Jenný. Ljósm: hunathing.is.
Fv. Magnús, Elísa, Ólöf og Jenný. Ljósm: hunathing.is.
Fréttir | 14. desember 2018 - kl. 11:03
Velferðarsjóður Húnaþings vestra fékk veglega gjöf frá Ólöfu Ólafsdóttur á Tannstaðabakka. Ólöf mætti á fund stjórnar sjóðsins á miðvikudaginn og færði honum 504.000 krónur. Ólöf hefur unnið að gerð bútasaumsteppa undanfarið ár og selt gestum og gangandi m.a. á jólamarkaðnum í Félagsheimili Hvammstanga fyrir skömmu. Raunar gerði Ólöf slíkt hið sama í fyrra og lét þá umtalsverða upphæð af hendi rakna til Velferðarsjóðsins.
Ásmundur á spjalli við Valgarð Hilmarsson í gær. Ljósm: FB/Ásmundur Einar Daðason.
Ásmundur á spjalli við Valgarð Hilmarsson í gær. Ljósm: FB/Ásmundur Einar Daðason.
Fréttir | 14. desember 2018 - kl. 10:38
Ásmundur Einar Daðason, félags- og jafnréttismálaráðherra, skoðaði gagnaversuppbygginguna á Blönduósi í gær. Segir hann frá heimsókninni á Facebook síðu sinni og finnst ánægjulegt að sjá kraftinn í uppbyggingunni. „Þetta er gott dæmi um mikilvægi þess fyrir byggðina að íslensk orka sé nýtt til uppbyggingar í heimabyggð en ekki flutt úr landi með sæstreng,“ segir Ásmundur.
Tilkynningar | 14. desember 2018 - kl. 09:19
Ungmennafélagið Hvöt tekur á móti jólapósti á skrifstofu félagsins fimmtudaginn 20. desember og föstudaginn 21. desember frá klukkan 17-22. Bréf kosta 100 krónur og bögglar 800 krónur. UMF Hvöt óskar öllum Húnvetningum gleðilegra jóla og farsæls nýs árs og þakkar stuðninginn á árinu sem er að líða.
Riddarar næturinnar samankomnir að plotta við gömlu braggana. Ljósm: Ólafur Tómas Guðbjartsson
Riddarar næturinnar samankomnir að plotta við gömlu braggana. Ljósm: Ólafur Tómas Guðbjartsson
Fréttir | 13. desember 2018 - kl. 18:02
Eftir Ólaf Tómas Guðbjartsson brottfluttan Blönduósing
Út er komin smásagnabókin „Rækjublús“ eftir Ólaf Tómas Guðbjartsson. Ólafur Tómas eða Óli Tómas, eins og flestir þekkja hann, bjó á Blönduósi á hans yngri árum og inniheldur bókin 12 smásögur sem gerast á Blönduósi milli 1986 – 1999.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ