Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Miðvikudagur, 19. september 2018
NNA  8 m/s
C
Olís
huni.is - RSS-efnisveita
 
Á döfinni
September 2018
SMŢMFFL
2627282930311
2345678
9101112131415
16171819202122
23242526272829
30123456
FyrriNúnaNćsti
Veðurstofa Íslands
Blönduós 01:00 NNA 8  6°C
Reykir í Hr 01:00 NNA 8  6°C
Reykjavík 01:00 Logn 0  6°C
Akureyri - 01:00 N 3  6°C
Egilsstaðaf 01:00 N 6  5°C
Haugur 01:00 NNA 5  4°C
Holtavörðuh 01:00 NNA 7  2°C
Þverárfjall 01:00 NA 12  3°C
Laxárdalshe 00:00 NNA 15  4°C
Brúsastaðir 01:00 NV 2  5°C
Vegagerðin
Holtavörđuh. 01:00 NNA 7 3°C
Laxárdalsh. 01:00 NNA 14 5°C
Vatnsskarđ 01:00 N 8 3°C
Ţverárfjall 01:00 NA 12 3°C
Kjalarnes 01:00 30.0 15 8°C
Hafnarfjall 01:00 ANA14 8°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
17. september 2018
Njótum hausthúmsins
Þrátt fyrir leiðinda tíðarfar þetta sumarið, hefur það liðið ótrúlega fljótt og ég hef tilfinningu fyrir því að þeir sem starfa hér við að þjónusta ferðamenn séu nokkuð ánægðir með útkomu sumarsins. Við Blönduósingar héldum okkar hefðbundnu sumarhátíðir sem vera ber og nú síðast gladdist hestafólk yfir veðurblíðu í hrossarekstri af Laxárdal.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
07. september 2018
Eftir Guðmann Jónasson
02. september 2018
Eftir Inga Heiðmar Jónsson
29. ágúst 2018
Eftir Sigurbjörn Þorkelsson
27. ágúst 2018
Eftir Sigurbjörn Þorkelsson
20. ágúst 2018
Frá Júdófélaginu Pardusi
13. ágúst 2018
Eftir Inga Heiðmar Jónsson
13. ágúst 2018
Eftir Sigurbjörn Þorkelsson
02. ágúst 2018
Pistlar | 21. apríl 2018 - kl. 22:58
Óánægja með kostnaðarþátttöku
Eftir Sigurbjörn Þorkelsson

Hrósið fær hið afskaplega fagmannlega og færa starfsfólk Landspítalans. En það vill þannig til að ég hef fengið að kynnast störfum margra þeirra af eigin raun frekar náið á undaförnum tæplega fimm árum. Jafnvel betur en ég hefði svo sem kosið.

Er ég þá að tala um þjónustu og viðmót, hlýju, áhuga og velvild. Bæði lækna og hjúkrunarfræðinga sem og sjúkraliða, fólks í móttöku, meinatækna, starfsfólks geisladeildar, þvagfæra- og krabbameinsdeilda og bara nefndu það.

Um er að ræða sérfræðinga sem starfa undir miklu álagi og mörg við heldur erfiðar aðstæður. Því er í raun algjörlega ótrúlega magnað hvað allt gengur oftast vel fyrir sig og í hversu miklu jafnvægi þessir bráðnauðsynlegu þjónar okkar yfirleitt eru. Þjónar sem þurfa jafnvel að vera að greina fólki frá því daginn inn og daginn út að það hafi greinst með ólæknandi lífsógnandi sjúkdóma. Fólk sem færir góðar fréttir og slæmar. Sérfræðingar sem sjá góðan árangur en verða einnig í of mörgum tilvikum að tilkynna að meðferðir séu ekki að skila tilætluðum árangri. Og verða jafnvel líka bara að reyna að lina þjáningar svo lokaspretturinn verði sem bærilegastur.

Það fagfólk sem í slíkum stormi stendur þarf líka á utan um haldi og umönnun að halda svo það haldi ferskleika sínum og metnaði og brenni ekki út langt fyrir aldur fram. Gleymum því ekki.

Kostnaðarþátttökukerfi í molum

Í síðasta mánuði hitti ég hinsvegar langveikan mann á Landspítalanum með ólæknandi lífsógnandi sjúkdóm sem sagðist hafa greitt á einni viku fyrir lyf og læknisþjónustu um kr. 50.000.- Inni í þeirri upphæð voru samt engar myndrannsóknir sem hann hefur reyndar á undanförnum árum margoft þurft að fara í gegnum.

Það er því eins og kostnaðarþátttöku kerfið okkar sé ekki alveg að virka eins og það þyrfti með góðu móti að gera. Langveikt fólk með lífsógnandi sjúkdóma getur átt mjög erfitt með að reiða slíkar fjárhæðir og hvað þá hærri fram reglulega.

Er ekki rétt að vekja athygli ráðamanna á þessu núna þar sem ég er ekki viss um að fólk sé almennt að átta sig á þessu.

Lífið er núna, gleymum því ekki. Það er gott fólk þarna úti sem hefur ekki þolinmæði þar til í lok kjörtímabils og hvað þá fram í það næsta. Ég veit ekki um neinn sem vill hafa þetta svona. Nú þurfa okkar ágætu ráðamenn að bretta upp ermar. Því var lofað fyrir kosningar að á þessu yrði tekið.

Koma svo! Sýnum raunverulegan metnað í verki. Einn fyrir alla og allir fyrir einn!

Nýr spítali

Þá má ljóst vera að aðstaða bæði starfsfólks og þeirra skjólstæðinga sem þjónustu og aðstoð þurfa að sækja á Landspítalann við Hringbraut er orðin mjög bágborin. Má nefna aðstöðu þeirra sem þurfa að skjóta sér inn í þrönga klefa til að afklæðast fyrir geislameðferð en þó enn frekar fyrir myndrannsóknir. Þetta getur nefnilega eðli máls samkvæmt verið fólk farið af kröftum og eða í misjöfnum þyngdarflokkum sem á erfitt með að athafna sig við slíkar aðstæður.

Einnig má benda á aðstöðu þeirra sem koma á dagdeild blóð- og krabbameinslækninga. Ekki síst þegar kemur að því að bíða eftir því að fá þar til gerðan vökva í æð. Þá þarf starfsfólkið þolinmóða í sífellu að vera að skauta framhjá skjólstæðingum sínum sem sitja eða standa eins og illa gerðir hlutir um alla ganga. Einnig er afar athyglisvert að jafnvel á kaffistofu starfsfólksins sitja skjólstæðingar sem bíða eftir að komast að. Þetta er náttúrulega engan veginn boðlegt, það ætti öllum að vera ljóst.

Við þurfum því nýjan spítala eins og um hefur verið talað og áætlanir gera ráð fyrir. Nema hvað að við þurfum hann strax. Slík bygging þarf að rísa með sama hraða og hótel í miðbænum hafa verið að gera og bankar. Þetta verður að vera forgangs verkefni. Þetta mál þolir enga bið.

 Sjálfum finnst mér ekki góð hugmynd að reisa nýjan spítala við Hringbraut þar sem akstursleiðir og aðgengi að því svæði verða vart við unandi nema með verulegu raski og tilfæringum. Nefnd hafa verið svæði með betra aðgengi eins og Vífilsstaðir og jafnvel enn frekar í Keldnaholtinu sem mér finnst mjög áhugaverður kostur. Ég geri mér þó grein fyrir að skoðanir um þetta kunna að vera skiptar. Aðal málið er að hefjast handa strax og láta framkvæmdina ekki taka of langan tíma. Þetta er búið að velkjast allt of lengi í allskyns vangaveltum og þrætum sem takmörkuðum árangri hafa skilað.

Brettum nú upp ermar. Það þarf þjóðar átak. Setjum málið í forgang. Stöndum saman og verum stolt af.

Eru ekki annars bara allir í stuði? :-)

Með kærleiks- og friðarkveðju. Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Fréttir | 18. september 2018 - kl. 09:09
Á morgun, miðvikudaginn 19. september, hefjast leikfismistímar í styrktar- og teygjuæfingum (engin hopp) í Íþróttamiðstöðinni á Blönduósi. Tímarnir verða einu sinni í viku, á miðvikudögum frá klukkan 18-19. Angela Berthold sjúkraþjálfari hefur umsjón með tímunum og segir hún að ekki þurfi að skrá sig, bara að mæta.
Glaðheimar
Ljósm: Höskuldur B. Erlingsson
Ljósm: Höskuldur B. Erlingsson
Fréttir | 17. september 2018 - kl. 21:55
Sveitarfélögin fjögur í Austur-Húnavatnssýslu hafa skipað nýja fulltrúa í nefnd um sameiningu sveitarfélaga í Austur-Húnavatnssýslu. Þorleifur Ingvarsson, sem var formaður nefndarinnar fyrir kosningar, sagði í fréttum Ríkisútvarpsins í dag að næsta mál sé að boða fyrsta fund nýrrar sameiningarnefndar. Þar verði kosinn formaður og næstu skref ákveðin. „Nefndin kemur þó varla saman fyrr en eftir landsþing sveitarfélaga sem verður í næstu viku,“ sagði Þorleifur og bætti við að sameining yrði líklega tekin fyrir þar og verði hugsanlega stóra málið.
Fréttir | 17. september 2018 - kl. 21:37
Íþróttaskóli Hvatar hófst í dag en hann er fyrir krakka í 1.-4. bekk og verður fjórum sinnum í viku frá klukkan 14-15, mánudaga til fimmtudaga. Í íþróttaskólanum verður boðið upp á fótboltaæfingar þrisvar í viku fyrir 6. og 7. flokk í hálfum íþróttasalnum og í hinum helmingnum verða ýmsar aðrar íþróttagreinar, leikir og fleira. Á miðvikudögum verður Steinunn Hulda Magnúsdóttir með frjálsíþróttaæfingar og leiki í hálfum salnum.
Sameining A-Hún
Hér reisir Stefán Pálsson skemmu
Hér reisir Stefán Pálsson skemmu
Fréttir | 16. september 2018 - kl. 18:12
Framkvæmdir eru nokkrar á Blönduósi þessa dagana en nýlega reis fyrsta gagnaverið og í næstu viku er áætlað að steypa grunn að næsta húsi. Þá eru tvö einbýlishús í byggingu og ein skemma. Þá eru framkvæmdir að nýju iðnaðarhúsnæði hafnar við Ennisbraut.
Á Þrístöpum.
Á Þrístöpum.
Fréttir | 16. september 2018 - kl. 12:57
morðanna á Illugastöðum og síðustu aftökunnar á Íslandi
Magnús Ólafsson frá Sveinsstöðum stóð fyrir vinsælum og fjölmennum hestaferðum í sumar um söguslóðir morðanna á Illugastöðum og síðustu aftökuna á Íslandi í janúar 1830. Vegna mikils áhuga urðu ferðirnar þrjár en hver ferð tók fimm daga og gat fólk riðið með einn dag eða svo marga sem það kaus. Húnahornið sló á þráðinn til Magnúsar nýverið til að forvitnast um hvers vegna hann teldi að hestaferðir hans um söguslóðir hafi orðið jafn vinsælar og raun ber vitni.
Fjöldi gesta tók þátt. Ljósm: Jón Sig.
Fjöldi gesta tók þátt. Ljósm: Jón Sig.
Fréttir | 16. september 2018 - kl. 11:02
Í gær var hrossum á Laxárdal smalað og tók fjöldi fólks þátt í smöluninni með gangnamönnum undir styrkri stjórn fjallakóngsins Skarphéðins Einarssonar. Gestir gátu leigt hesta hjá heimamönnum eða mætt með sína eigin hesta. Hrossunum var smalað í Skrapatungurétt og þar þáðu reiðmenn höfðinglegar veitingar þegar þeir stigu af baki fákum sínum. Stóðréttirnar fara fram í dag og má búast við miklum atgangi eins og venja er.
Fréttir | 16. september 2018 - kl. 10:45
Blönduósbær auglýsir á vef sínum eftir tilboðum í snjómokstur og hálkueyðingu á Blönduósi næstu þrjá vetur eða 2018-2021. Um er að ræða snjómokstur á götum, plönum, gangstéttum og hálkuvörnum. Útboðsgögn fást afhent á bæjarskrifstofu Blönduósbæjar og er skilafrestur til 1. október næstkomandi klukkan 11:00 á bæjarskrifstofunni að Hnjúkabyggð 33 á Blönduósi.
Fréttir | 14. september 2018 - kl. 14:09
Um helgina fer fram stóðsmölun á Laxárdal og stóðréttir í Skrapatungurétt. Dagskrá helgarinnar hefst með súpukvöldi í Félagsheimilinu í kvöld klukkan 19:30. Líkt og síðustu ár eru allir hjartanlega velkomnir en helgin er svo sannarlega stórhátíð heimamanna þar sem reiðmenn og aðrir gestir skemmta sér eins og þeim einum er lagið. Fjallkóngur er enginn annar en Skarphéðinn Einarsson kórstjóri karlakórs Bólstaðarhlíðarhrepps með meiru og mun hann sjá um fararstjórn og leiðsögn ferðamanna í stóðsmöluninni.
Stuð á kótelettukvöldi
Stuð á kótelettukvöldi
Fréttir | 14. september 2018 - kl. 12:55
Frjálsa kótelettufélagið í Austur-Húnavatnssýslu verður fjögurra ára 26. september næstkomandi. Félagið hefur haldið um 20 kótelettukvöld í Eyvindastofu síðastliðin ár við miklar vinsældir kótelettuunnenda. Eitt slíkt verður haldið laugardagskvöldið 29. september og hefst klukkan 19:30. Veislustjóri verður Vilhjálmur Egilsson, rektor háskólans á Bifröst en hann var á árum áður þingmaður kjördæmisins fyrir Sjálfstæðisflokkinn. Fjöldasöngstjóri verður Þórhallur Bárðarson.
Fréttir | 14. september 2018 - kl. 10:25
Sauðfjárslátrun hófst í sláturhúsi SAH-Afurða á Blönduósi 5. september síðastliðinn. Að sögn Gísla Garðarssonar sláturhússtjóra er áætlað að slátra um 90-100 þúsund fjár sem er heldur minna en í fyrra. Gísla sýnist að fé sé að koma ágætlega af fjalli en misjafnt þó, meðalvigt lamba sé rúmlega 16,5 kíló. Um 120-130 manns starfa í sláturtíðinni á Blönduósi, þar af koma um 100 starfsmenn erlendis frá, flestir frá Póllandi, Bretlandi, Ungverjalandi og Tékklandi. Gísli segir að flestir hafi unnið í sláturtíð á Blönduósi áður og að einungis séu um 10 nýliðar í hópnum að þessu sinni. Áætlað er að sláturtíð ljúki 31. október næstkomandi.
Fréttir | 14. september 2018 - kl. 10:18
Riðuveiki hefur verið staðfest á bænum Vallanesi í Varmahlíð í Skagafirði. Búið er í Húna- og Skagahólfi og í því hólfi hefur riðuveiki komið upp á tuttugu búum á undanförnum 20 árum en á þessu búi greindist veikin síðast árið 2007. Riðuveiki hefur komið upp á mörgum bæjum kringum Varmahlíð í gegnum tíðina og um þekkt riðusvæði er að ræða. Síðast greindist riða á þessu svæði árið 2016 á bæjunum Brautarholti og Stóru-Gröf ytri. Sagt er frá þessu á vef Matvælastofnunar sem vinnur nú að öflun upplýsinga og undirbúningi aðgerða.
Fréttir | 14. september 2018 - kl. 09:12
Vetraráætlun Strætó á landsbyggðinni tók gildi 9. september síðastliðinn og hafa verið gerðar breytingar á leiðakerfinu. Sérstök athygli er vakin á breytingum á leið 57 en samkvæmt henni verður ekki ekið frá Akureyri til Borgarness klukkan 16:20 á fimmtudögum og ekki frá Borgarnesi til Akureyrar klukkan 10:28 á fimmtudögum.
Fréttir | 13. september 2018 - kl. 21:25
Eins og fram kom í viðtali við Valdimar O. Hermannsson, sveitarstjóra Blönduósbæjar, hefur íbúum í Blönduósbæ fjölgað þó nokkuð á undanförnum mánuðum. Samkvæmt tölum frá Þjóðskrá www.skra.is hefur íbúum fjölgað um 43 eða 4,8% á tímabilinum frá 1. desember 2017 til 1. júlí 2018.
Fréttir | 13. september 2018 - kl. 16:18
Grunnskóli Húnaþings vestra vill banna notkun farsíma og snjallúra á skólatíma og í frístund. Ástæðurnar eru tvíþættar; ný persónuverndarlög og vísbendingar um að símar geri nemendum ógagn í námi og félagslegum samskiptum. Stefna þessi var kynnt á skólasetningu á dögunum og fjallar skólastjóri nánar um málið í pistli á vef skólans í dag. Stefnan er að símar og snjallúr verði heima, í töskum eða úlpum á skólatíma og í frístund, frá því að nemendur koma í skólann og þar til þeir fara heim.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ