Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Miðvikudagur, 22. ágúst 2018
ANA  4 m/s
C
Húnavaka 2018
huni.is - RSS-efnisveita
 
Á döfinni
Ágúst 2018
SMŢMFFL
2930311234
567891011
12131415161718
19202122232425
2627282930311
FyrriNúnaNćsti
Veðurstofa Íslands
Blönduós 23:00 ANA 4  8°C
Reykir í Hr 23:00 N 6  8°C
Reykjavík 23:00 V 1  9°C
Akureyri - 23:00 N 4  8°C
Egilsstaðaf 23:00 SSA 1  8°C
Haugur 23:00 N 2  8°C
Holtavörðuh 23:00 N 5  6°C
Þverárfjall 23:00 NA 3  6°C
Laxárdalshe 23:00 N 6  7°C
Brúsastaðir 23:00 NV 3  9°C
Vegagerðin
Holtavörđuh. 23:30 N 5 6°C
Laxárdalsh. 23:30 N 6 7°C
Vatnsskarđ 23:20 N 1 6°C
Ţverárfjall 23:30 NA 4 6°C
Kjalarnes 23:30 NV 2 10°C
Hafnarfjall 23:30 NNA 5 10°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. ágúst 2018
Síðsumars nöldur
Hann er oft ógnvekjandi hraðinn á bílunum sem aka í gegnum Blönduós eftir þjóðveginum. Frá Ámundakinn og upp fyrir hringtorgið er hámarkshraðinn 50 km/klst. Ég leyfi mér að fullyrða að meirihluti bílstjóra ekur þennan spöl á 70-90 km hraða. Það er ekki hikað við að aka fram úr bílum á þessum kafla, enda boðið upp á það með brotinni línu
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
20. ágúst 2018
Frá Júdófélaginu Pardusi
13. ágúst 2018
Eftir Inga Heiðmar Jónsson
13. ágúst 2018
Eftir Sigurbjörn Þorkelsson
02. ágúst 2018
Eftir Inga Heiðmar Jónsson
29. júlí 2018
Eftir Sigurbjörn Þorkelsson
29. júlí 2018
Eftir Sigurbjörn Þorkelsson
22. júlí 2018
Eftir Jóhannes Torfason
27. júní 2018
Pistlar | 30. apríl 2018 - kl. 15:37
Tölum um tilfinningar
Eftir Sigurbjörn Þorkelsson

Er ekki kominn tími til að tala um tilfinningar? Hætta að bíta bara á jaxlinn, láta sem ekkert sé, töffarast áfram og reyna að gleyma?

Það er þungt að verða fyrir áfalli og eða missa. Og missir getur verið margvíslegur. Vina missir og atvinnumissir svo eitthvað sé nefnt. Missir eigin getu vegna slyss eða sjúkdóma. Missir foreldra, systkina, barna, maka eða annarra ástvina. Þar sem allt verður svo hrikalega sárt og við upplifum jafnvel einhverskonar höfnun um stund. Öll áföll eru þung og verða ekki með góðu móti afgreidd á léttvægan hátt með einhverjum útskýringum þar sem skautað er í gegnum tilfinningar á hraðferð.

Hvernig líður þér í dag?

Tölum um tilfinningar. Tölum um líðan okkar. Spyrjum ekki bara leiðandi spurninga eins og "hvað segir þú gott í dag?" eða "hvað segirðu, er ekki bara allt gott, eru menn ekki bara hressir?"

Er ekki nær að spyrja: "hvernig hefurðu það í dag" eða "hvernig líður þér í dag?"

Látum af yfirborðsmennsku í samskiptum og því að spyrja frétta en hlusta síðan ekki á svarið sem við höfum eftir allt saman kannski bara takmarkaðan áhuga á að heyra.

Það er gott að gráta

Það missir enginn eins og þú. Það syrgir enginn eins og þú. Það saknar enginn eins og þú, því það er enginn eins og þú og það líður engum nákvæmlega eins og þér. Það bregst því enginn nákvæmlega eins við og þú.

Þú ert samt ekki eitthvað skrítin eða með tilfinningar sem þarf að bæla eða loka á eða fá hjálp við, nema í fæstum tilfellum. Þvert á móti.

Veistu að þótt þú syrgir, saknir, grátir og finnir til þá má líka alveg brosa og hlæja inn á milli án þess að það þyki eitthvað óeðlilegt.

Og veistu að svo er það bara styrkleika merki að gráta af gleði og þakklæti. Það er ákveðið vottorð um heilbrigði. Það að sýna ekki tilfinningar er nefnilega veikleikamerki. Hefting sem sem setur á okkur þungt farg. Við þurfum að fá heilnæma útrás tilfinninga og finna þeim eðlilegan farveg.

Það er svo þungt að missa, tilveran er skekin á yfirþyrmandi hátt. Angist fyllir hugann, örvæntingin og umkomuleysið er algjört. Tómarúmið hellist yfir og tilgangsleysið virðist blasa við.

Það er svo sárt að sakna en það er gott að gráta. Tárin eru dýrmætar daggir, perlur úr lind minninganna. Minninga sem tjá kærleika og ást, væntumþykju og þakklæti fyrir liðna tíma. Minninga sem þú einn átt og enginn getur afmáð eða frá þér tekið.

Tárin mýkja og tárin styrkja. Í þeim speglast fegurð minninga og þakklætis. "Sælir eru sorgbitnir því að þeir munu huggaðir verða." Og sælir eru þeir sem eiga von á Krist í hjarta því að þeir munu lífið erfa og eignast framtíð bjarta.

Hlúum hvert að öðru

Það er svo mikilvægt að við stöndum saman. Hlúum hvert að öðru og veitum sjálfum okkur og öðrum það skjól sem á þarf að halda og rými til að syrgja á okkar hátt og til að takast á við áföll, vonbrigði og söknuð. Og síðan jafnframt til að rækta okkur og byggja okkur upp að nýju með einhverjum hætti til að líta bjartari daga. Jafnvel þótt allt sé breytt og ekkert verði eins og áður var.

Stöndum saman, sýnum hvert öðru virðingu, nærgætni og skilning. Því þá verður allt svo miklu betra. Gefum vonina aldrei frá okkur.

Með kærleiks- og friðarkveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Fréttir | 21. ágúst 2018 - kl. 15:01
Fer fram dagana 23.-25. ágúst
Norðurlands Jakinn er aflraunakeppni sterkustu manna landsins sem fer fram á Norðurlandi og er hún í anda Vestfjarðarvíkingsins. Keppt er í einni grein í bæjarfélögum víðsvegar á Norðurlandi. Aðgangur er ókeypis og er almenningur hvattur til að mæta og sjá sterkustu menn landsins sýna krafta sína. Umsjónarmaður keppninnar er Magnús Ver Magnússon. Keppt er m.a. á Blönduósi og Skagaströnd.
Lífland
Ljósm: HBE/FB/LögreglanNV.
Ljósm: HBE/FB/LögreglanNV.
Fréttir | 21. ágúst 2018 - kl. 14:08
Gæsaveiðitímabilið hófst í gær hefur Lögreglan á Norðurlandi vestra haft sérstakt eftirlit með skotveiðimönnum á Kjalvegi í góðu samstarfi við Lögregluna á Suðurlandi. Ræddi hún við á fjórða tug veiðimanna um reglur um skotveiðar, skoðaði skotvopnaréttindi þeirra, veiðikort og skotvopn. Á Facebook síðu lögreglunnar kemur fram að nánast allir veiðimennirnir hafi verið til fyrirmyndar.
Glaðheimar
Fréttir | 21. ágúst 2018 - kl. 10:50
Lyftistöng fyrir bændur og atvinnulífið?
Samtök sveitarfélaga á Norðurlandi vestra hafa látið vinna frumúttekt á mögulegum smávirkjanakostum á Norðurlandi vestra og nær hún til yfir 80 staða í landshlutanum. Verkefnið var áhersluverkefni Sóknaráætlunar landshluta árið 2017 og verður fram haldið á þessu ári og því næsta. SSNV stendur fyrir kynningu á verkefninu í fundarsal Samstöðu að Þverbraut 1 á Blönduósi, fimmtudaginn 30. ágúst, klukkan 14-16. Allir eru velkomnir.
Fréttir | 21. ágúst 2018 - kl. 09:45
Fundaherferð RML og FL
Framleiðnisjóður landbúnaðarins og Ráðgjafarmiðstöð landbúnaðarins standa í ágúst fyrir fundaherferð með það markmið að hvetja til nýsköpunar í sveitum. Einn slíkur verður í félagsheimilinu Víðihlíð 22. ágúst næstkomandi klukkan 20:00. Fundirnir verða öllum opnir og eru sem flestir hvattir til að mæta. Aðalfyrirlesari fundanna er Guðmundur Guðmundsson, landsliðsþjálfari í handbolta og flytur hann erindi sem ber nafnið Leiðin til sigurs.
Þrjár efstar í kvennaflokki. Ljósm: FB/Markviss.
Þrjár efstar í kvennaflokki. Ljósm: FB/Markviss.
Fréttir | 20. ágúst 2018 - kl. 15:43
Snjólaug María Jónsdóttir frá Skotfélaginu Markviss á Blönduósi varði Íslandsmeistaratitil sinn í kvennaflokki á Íslandsmótinu í Skeet sem fram fór um helgina á skotsvæði Skotfélags Reykjavíkur. Snjólaug hampaði einnig Íslandsmeistaratitli í flokkakeppni. Brynjar Þór Guðmundsson frá Markviss hafnaði í öðru sæti í 1. flokki karla á mótinu.
Fréttir | 20. ágúst 2018 - kl. 15:32
Sameiginlegt lið Kormáks og Hvatar í knattspyrnu karla tapaði fyrir ÍH á Ásvöllum á laugardaginn. Tapið þýðir að liðið kemst ekki í úrslitakeppni fjórðudeildar á Íslandsmótinu. Leikurinn endaði 2-1 fyrir heimamenn í ÍH. Kormákur/Hvöt komst yfir í leiknum á 33. mínútu með marki Kristófers Skúla Auðunssonar og stóðu leikar þannig í hálfleik. Í seinni hálfleik skoruðu ÍH menn tvö mörk og gerðu út um leikinn. Seinna markið var á síðustu mínútu leiksins. Jafntefli hefði gefið liðinu séns að ná í úrslitakeppnina.
Pistlar | 20. ágúst 2018 - kl. 09:48
Eftir Sigurbjörn Þorkelsson
Fátt veit ég fallegra en sú auðmjúka og dýrmæta bæn trúar og vonar, kærleika og friðar sem það er að færa nýlega fætt barn í hvítan allt of stóran þar til gerðan skírnarkjöl og afhenda það á táknrænan hátt höfundi og fullkomnara lífsins í fang sem heitir því að taka það að sér skilyrðislaust. Leiða það og umvefja í öllum aðstæðum og bera þegar það getur ekki meir.
Ljósm: ssnv.is
Ljósm: ssnv.is
Fréttir | 17. ágúst 2018 - kl. 14:12
Kjörnir aðalfulltrúar í sveitarstjórnum á Norðurlandi vestra, alls 45, hafa fengið afhenta bókina Sveitarstjórnarréttur eftir Trausta Fannar Valsson. Bókin er gjöf frá Samtökum sveitarfélaga á Norðurlandi vestra. Bókargjöfin var samþykkt á fundi stjórnar SSNV 10. júlí síðastliðinn í kjölfar upplýsinga sem framkvæmdastjóri samtakanna lagði fram yfir nýkjörna aðalmenn í sveitarstjórnir á starfssvæðinu eftir síðustu sveitarstjórnarkosningar.
Sameining A-Hún
Jójó 1988. Ljósm: Ljósmyndasafn Skagastrandar.
Jójó 1988. Ljósm: Ljósmyndasafn Skagastrandar.
Fréttir | 17. ágúst 2018 - kl. 12:11
Flestir Húnvetningar muna eftir hljómsveitinni Jójó frá Skagaströnd sem gerði garðinn frægan fyrir 30 árum síðan. Sveitin kom saman í sumar og spilaði á Skagaströnd í tilefni Sjómannadagsins og í kvöld ætlar hún að spila á Ævintýrahátíðinni Steampunk Iceland sem haldin er á Akranesi um helgina. Í samtali við Húnahornið segir Viggó Magnússon, bassaleikari Jójó, að hjómsveitin ætli að spila tíu af sínum bestu lögum frá árunum 1988-89 og að tónleikarnir fari fram í Dularfullu búðinni á Akranesi klukkan 22:00.
Fréttir | 17. ágúst 2018 - kl. 09:59
Gæsaveiðitímabilið hefst á mánudaginn og stendur til 15. mars. Húnaþing vestra hefur birt á vef sínum fyrirkomulag gæsaveiða í eignarlöndum sveitarfélagsins. Veiðimönnum með gilt skotvopnaleyfi og veiðikort stendur til boða að kaupa sérstakt veiðileyfi útgefið af Húnaþingi vestra sem veitir þeim einum heimild til gæsaveiða. Um er að ræða leyfi á þrjú svæði og kostar hvert leyfi kr. 9.000 á dag. Fjöldi veiðimanna á veiðisvæði er takmarkaður við fjórar byssur á hvert svæði á dag.
Frá Hvammstanga
Frá Hvammstanga
Fréttir | 16. ágúst 2018 - kl. 13:38
Sveitarfélagið Húnaþing vestra fagnar 20 ára afmæli í ár og af því tilefni verður íbúum þess boðið upp á ýmsa sögu- og menningartengda viðburði dagana 24.-26. ágúst. Umsjónaraðili með dagskránni er Menningarfélag Húnaþings vestra og verður áhersla lögð á góðar samverustundir víðsvegar um sveitarfélagið. Harmonikkuball á Laugarbakka, nytjamarkaður, Markaðsdagur á Borðeyri, hestamót í Víðidal, tónleikar á Hvammstanga, brekkustemning í Kirkjuhvammi, varðeldur, söngur og kakó svo sitthvað sé nefnt.
Veitt í Svarthyl í Blöndu
Veitt í Svarthyl í Blöndu
Fréttir | 16. ágúst 2018 - kl. 12:11
Samkvæmt vikulegum veiðitölum úr 75 aflahæstu laxveiðiám landsins sem birtar eru á vef Landssambands veiðifélaga hefur dregið verulega úr laxveiði í Blöndu. Skýringin er sú að áin er komin á yfirfall. Vel hefur rignt í sumar sem gerir það að verkum að Blöndulón er orðið fullt og seytlar nú fram yfir. Alls hafa 848 laxar veiðst í ánni í sumar en vikuveiðin 9.-15. ágúst var einungis 16 laxar. Á sama tíma í fyrra höfðu veiðst 1.331 laxar í Blöndu og nemur samdrátturinn 36% milli ára.
Fréttir | 16. ágúst 2018 - kl. 10:26
Mikið hefur verið um að vera á Sauðfjársetrinu á Ströndum í sumar, margvíslegar uppákomur og viðburðir. Framundan er svo stærsta samkoma ársins, Íslandsmeistaramótið í hrútadómum, sem verður haldið sunnudaginn 19. ágúst og hefst klukkan 14:00 í Sævangi við Steingrímsfjörð. Ester Sigfúsdóttir framkvæmdarstjóri Sauðfjársetursins segir að undirbúningur fyrir helgina gangi mjög vel. „Það er alltaf góð þátttaka í hrútadómunum, en keppt er bæði í flokki þaulreyndra hrútadómara og líka í flokki óvanra og hræddra hrútaþuklara."
Tilkynningar | 15. ágúst 2018 - kl. 14:06
Vilko ehf. á Blönduósi auglýsir eftir starfsfólki í starf sölustjóra og í framleiðslu. Umsóknarfrestur er til og með 26. ágúst næstkomandi. Upplýsingar um störfin veitir Kári Kárason framkvæmdastjóri og er aðeins tekið rafrænt við umsóknum á netfangið sala@vilko.is. Helstu viðfangsefni sölustjóra er sala á vörum í stóreldhús, veitingastaði, verslanir og í matvælaiðnað. Helstu viðfangsefni framleiðslustarfsmanns er framleiðsla matvæla og pökkun, tiltekt pantana og þrif á vinnusal tækjabúnaði.
 
Prenta Prenta  
 
 
Húsfrúin
13. desember 2017
#MeToo
Umræðan um kynferðislega og kynbundna áreitni í anda #MeToo byltingarinnar er mikið fagnaðarefni. Kynferðisleg áreitni og ofbeldi á aldrei að líða. Með byltingunni er þögnin rofin, sem er gott og karlar kallaðir til ábyrgðar. Sögurnar fjalla allar um slæm eða óeðlileg samskipti.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ