Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 17:09 | 0 | 0°C |
Laxárdalsh. | 17:09 | 0 | 0°C |
Vatnsskarð | 17:09 | 0 | 0°C |
Þverárfjall | 17:09 | 0 | 0°C |
Kjalarnes | 17:09 | 0 | 0°C |
Hafnarfjall | 17:09 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Nú á dögunum rann út frestur okkar íbúa- og fasteignaeigenda í gamla bænum á Blönduósi til athugasemda og andmæla fyrirhuguðum lögum um verndarsvæði í byggð. Samkvæmt upplýsingum sem undirrituð hefur undir höndum, bárust að minnsta kosti andmæli frá 29 fasteignaeigendum sem varðar 20 fasteignir á skilgreindu verndarsvæði í byggð. Samkvæmt áformum bæjarins eru 44 fasteignir sem á að setja undir verndarsvæði í byggð í gamla bænum á Blönduósi.
Blönduósbær er eigandi þriggja fasteigna af þessum 44 þannig að meira en helmingur fasteignaeigenda skiluðu inn andmælum. Margir fasteignaeigendur á fyrirhuguðu verndarsvæði skiluðu einnig inn viðbótarandmælum er varðaði beint þær kvaðir sem verið er að setja á fasteignir. Það vekur athygli að allnokkrir eigendur fasteigna í gamla bænum höfðu enga vitneskju um fyrirætlanir bæjarins varðandi verndarsvæði í byggð og höfðu því ekki nýtt sér lögbundin rétt sinn til að andmæla framkvæmd laganna á Blönduósi. Það skýrist af því að umræddir eigendur hafa ekki fasta búsetu á Blönduósi og njóta þess ekki að heyra fréttir úr nærsamfélaginu á staðnum. Sumir hafa einnig heimilisfesti erlendis.
Í byrjun þessara viku bárust svör frá Blönduósbæ, varðandi athugasemdir og andmæli húseigenda. Margir andmælendur hafa haft samband við undirritaða og líst furðu sinni og hryggð yfir svörum bæjaryfirvalda. Í stuttu máli þá virðast öllum andmælum og athugasemdum sé hafnað. Því miður sé ekki rými fyrir framlag og hugmyndir húseigenda sjálfra. Það virðist vera að hafið sé ferli þar sem bæjaryfirvöld ætla einhliða að keyra málið í gegn.
Í leiðbeiningarriti Minjastofnunar Íslands er fjallað um hvernig standa skuli að vinnu við verndarsvæði í byggð. "Í lögunum og reglugerðinni er lögð áhersla á að haft sé samráð við íbúa og aðra þá sem hagsmuna eiga að gæta við gerð tillögu um verndarsvæði í byggð. Með þátttöku íbúa við gerð tillögunnar skapast skilningur á listrænu og menningarsögulegu gildi byggðarinnar. Þannig er líklegra að ná megi almennri sátt um verndun hennar. Slík sátt er grundvöllur þess að markmið um verndun nái fram að ganga, því íbúar og eigendur einstakra húsa gegna mikilvægu hlutverki við verndun byggðarinnar með viðhaldi á húsum og mannvirkjum. "
Það blasir við að Blönduósbær hefur ekki fylgt eftir þessum leiðbeiningum og ljóst er að stjórnsýsla Blönduósbæjar kolfellur á prófinu. Á þeim tveimur opnu fundum sem haldnir voru til kynningar verkefnisins var fundargestum aðeins gefnar fáeinar mínútur til þess að rissa á blað viðhorf sín til styrkleika og veikleika ákveðinna svæða innan fyrirhugaðs verndarsvæðis. Margir eru því að velta því fyrir sér hvar samráðið og samtalið sé og/eða hvort sjónarmið íbúa og fasteignaeigenda hafi eitthvað að segja, en flest andmælanna snúa einmitt að því að umrætt samráð eða samtal hafi verið í skötulíki.
Fram að þessu hefur Blönduósbær ekki lagt fram neina áætlun er varðar framtíðarsýn, stefnu eða áform um einhverskonar uppbyggingu í gamla bænum á Blönduósi. Viðhald innviða er í algjöru lágmarki. Engin viðleitni er til fegrunar. Búið er að loka eina framlagi bæjarins til menningarstarfsemi í Hillebrandshúsi. Það er því alveg ljóst eins og staðan er, að ef einhverskonar uppbygging á að eiga sé stað eru það fasteignaeigendur í gamla bænum sem einir eiga að bera kostnaðinn af því. Við hjá Íbúa- og hollvinasamtökunum gamla bæjarins erum því að horfa upp á að engin opinber áætlun er finnanleg um uppbyggingu gamla bæjarins eftir tveggja ára vinnu um verndarsvæði í byggð á Blönduósi.
Í okkar huga þýðir þetta áframhaldandi niðurníðsla og stöðnun byggðarþróunar og uppbyggingar á elsta hluta Blönduósbæjar. Það sorglega er að gamli bærinn okkar ætti að vera helsta aðdráttarafl staðarins og stolt okkar allra, Hann er því miður ljósárum á eftir öðrum bæjarfélögum við þjóðveginn hvað varðar uppbyggingu á áhugaverðum stöðum þar sem ferðamenn vilja staldra við til að njóta þeirra þjónustu sem boðið er upp á.
Okkur sem höfum bundist ástfóstri við gamla bæinn á Blönduósi svíður þessi framganga fulltrúa bæjarins. Við erum því vön að það hvessi um stund og kólguský bregði upp á himininn. En ávallt afhjúpar þetta einstaka bæjarstæði hrikaleik sinn og fegurð við slíkar aðstæður. Í samanburði við stórfengleik náttúrunnar virðast verk og hugmyndir mannanna smá. Andspænis þessum kröftum er eina svarið að temja sér auðmýkt og virðingu. Hvað embættismenn og kjörnir fulltrúar mættu temja sér einnig. Þeir hafa það erindi og ábyrgð að gæta hagsmuna samfélagsins í heild. Persónulegur ofmetnaður eða óljósir hagsmunir mega aldrei skyggja á þessi mikilsverðu málefni sem þeim eru falin.
Einn af okkar góðu embættismönnum á Blönduósi, Guðbjartur Á Ólafsson fyrrverandi bæjartæknifræðingur og byggingarfulltrúi á Blönduósi hefur gefið mér leyfi til að birta andæli hans er varðar lög um verndarsvæði í byggð á Blönduósi. Þau eru hér birt Blönduósbúum til upplýsingar. Þessi andmæli Guðbjarts má lesa hér fyrir neðan.
Ég vill gera það að lokaorðum mínum að það sé í höndum nýrrar sveitarstjórnar að vinna að þessu verkefni eins og lögin segja til um, og jafnframt í samráði við fasteignaeigendur í gamla bænum og aðra íbúa á Blönduósi, á lýðræðislegan hátt.
Sigþrúður Sigfúsdóttir formaður íbúa- og hollvinasamtaka gamla bæjarins á Blönduósi.
Bæjarstjórn Blönduósbæjar Reykjavík 3. apríl 2018
Skipulagsfulltrúi
540 Blönduós.
Ég undirritaður eigandi fasteignarinnar Blöndubyggð 5 í “Gamla bænum“ á Blönduósi lýsi mig hér með, á þessu stigi málsins, andsnúinn því að tillaga Blönduósbæjar um verndarsvæði í byggð verði sett í auglýsingu. Undirbúningur og framsetning áætlunarinnar virðist vandaður en með öllu vantar að veita almenningi og hagsmunaaðilum tækifæri til að koma sjónarmiðum og athugasemdum á framfæri við sveitarstjórn áður en ákvörðun er tekin um endanlega gerð hennar. Það er grundvallar mál að svona lögfesting á skipulagi, sem mun þrengja verulega athafnafrelsi húseigenda, sé gert í ýtarlegu samráð við þá og það er bæði í anda laganna og greinargerðarinnar sjálfrar að svo skuli vera, en ég var t.d. aldrei boðaður til kynningar á þessum áformum. Ég kom að gerð aðalskipulags Blönduóss fyrir 1993 – 2013 með Guðrúnu Jónsdóttur sem byggingarfulltrúi og bæjartæknifræðingur og þar var stefnan sett á þetta með orðunum: “Blönduós er í hópi þeirra örfáu staða á Íslandi, sem getur státað af heillegri götumyndun frá fyrstu tugum þessarar aldar. Ef rétt er á málum haldið getur þessi staðreynd orðið mikil lyftistöng fyrir staðinn á komandi árum m.a. í sambandi við ferðaþjónustu. Gamli bæjarkjarninn getur t.d. í lagfærðri mynd orðið mikið augnayndi og einstakur í sinni röð.“
En það verður að halda rétt á málum.
Að lokum vitna ég til laganna ( 87/2015 ) en þar segir: “Sveitarstjórn skal að loknum sveitarstjórnarkosningum meta hvort innan staðarmarka sveitarfélagsins sé byggð sem hafi slíkt gildi hvað varðveislu svipmóts og menningarsögu varðar, ásamt listrænu gildi, að ástæða sé til að útbúa tillögu til ráðherra um að hún verði gerð að verndarsvæði í byggð veita almenningi og hagsmunaaðilum tækifæri til að koma sjónarmiðum og athugasemdum á framfæri við sveitarstjórn áður en ákvörðun er tekin um framkvæmdina.“
Það er því lýðræðislegt að í væntanlegum sveitarstjórnarkosningum sé hægt að taka þessa áætlun til umræðu en ekki vera í fljótræði að þrýsta henni í gegn og ala á tortryggni íbúa.
Virðingarfyllst
Guðbjartur Á. Ólafsson, byggingartæknifræðingur
Fréttir | 18. apríl 2024 - kl. 06:05
Lið Grunnskóla Húnaþings vestra er komið í úrslit Skólahreysti en keppt var í Laugardagshöll og sýnt beint á RÚV. Liðið stóð sig frábærlega og sigraði riðilinn sinn. Úrslitakeppnin fer fram 25. maí næstkomandi. Lið Grunnskóla Húnaþings vestra skipa þau Friðrik Hrafn Hannesson, Saga Ísey Þorsteinsdóttir, Victor Þór Sigurbjörnsson, Nóa Sophia Ásgeirsdóttir, Indriði Rökkvi Ragnarsson og Victoría Elma Vignisdóttir.
|
Fréttir | 18. apríl 2024 - kl. 05:59
Viðbragðsaðilar á Norðurlandi vestra stefna á að halda hópslysaæfingu 11. maí næstkomandi. Hluti hópsins hittist á Blönduósi í fyrradag og æfðu viðbragð við flugslysi og rútuslysi, þar sem settar voru upp tvær borðæfingar. Æfingarnar eru undirbúningur fyrir stóru æfinguna í maí og er samvinna lykilinn að góðri útkomu, eins og segir á facebooksíðu Lögreglunnar á Norðurlandi vestra. „Samhæft viðbragð skilar betri þjónustu til borgaranna.“
|
Fréttir | 17. apríl 2024 - kl. 06:10
Sigríður Ỏlafsdóttir úr Húnaþingi vestra var endurkjörin formaður kjördæmisráðs Sjálfstæðisflokksins í Norðvesturkjördæmi en ráðið hélt aðalfund sinn á Laugum í Sælingsdal um síðustu helgi. Á fundinum var samþykkt stjórnmálaályktun þar sem meðal annars er komið inn á að atvinnufrelsi og eignarréttur sé órjúfanlegur hluti frjáls samfélags og forsenda þess að hægt sé að tryggja jöfn tækifæri í landinu.
|
Fréttir | 16. apríl 2024 - kl. 14:48
Tilkynning frá Háskólanum á Hólum
Háskólinn á Hólum hlýtur Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.
|
Fréttir | 16. apríl 2024 - kl. 05:32
Sveitarfélagið Skagaströnd heldur íbúafund í Fellsborg miðvikudaginn 17. apríl klukkan 17:00. Á dagskrá eru fjölmörg mál eins og staðan á hafnarframkvæmdum, breyting á námsstofu, sorpmál, vinnuskóli, gjaldskrár og kjarasamningar.
|
Fréttir | 16. apríl 2024 - kl. 05:27
Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi. Hún tekur við af sr. Döllu Þórðardóttur á Miklabæ, sem lét af störfum 1. desember síðastliðinn. Frá þeim tíma hefur sr. Gísli Gunnarsson vígslubiskup á Hólum gegnt prófstsstörfum.
|
Tilkynningar | 16. apríl 2024 - kl. 05:17
Frá Félagi eldri borgara í Húnaþingi vestra
Aðalfundur Félags eldri borgara í Húnaþingi vestra verður haldinn miðvikudaginn 17. apríl 2024 klukkan 14:00 í Félagsheimilinu á Hvammstanga. Á dagskrá eru venjuleg aðalfundarstörf, skýrsla og tillögur ferðanefndar og margt fleira. Unnur Valborg Hilmarsdóttir sveitarstjóri verður gestur fundarins. Kaffiveitingar að hætti kaffinefndar. Nýir félagar ávallt velkomnir.
|
Tilkynningar | 16. apríl 2024 - kl. 05:13
Frá stjórn
Aðalfundur Hollvinasamtaka heilbrigðisstofnunarinnar á Blönduósi verður haldinn í fundarsal HSB föstudaginn 26. apríl næstkomandi klukkan 16.00.
Dagskrá: Venjuleg aðalfundarstörf.
|
Fréttir | 15. apríl 2024 - kl. 09:43
Knattspyrnulið Kormáks Hvatar mætti í Fífuna í Kópavogi í gær og spilaði gegn Augnabliki í 2. umferð Mjólkurbikarsins. Leikurinn fór fjörlega af stað og vel fyrir gestina því Papa Diounkou Tecagne skoraði fyrsta mark leiksins á 9. mínútu. Heimamenn voru ekki lengi að svara með marki á 13. mínútu og öðru marki á 31. mínútu. Staðan í hálfleik 2-1 fyrir Augnablik. Í seinni hálfleik voru skoruð fjögur mörk, þrjú af heimamönnum og einn af gestunum, en það gerði Kristinn Bjarni Andrason. Leikurinn endaði því 5-2 fyrir Augnablik.
|
Pistlar | 14. apríl 2024 - kl. 17:16
Eftir Inga Heiðmar Jónsson
Úr dagbók Jónasar Tryggvasonar í Finnstungu fyrir 79 árum: Sun. 8. apríl 1945: Bar lítið til tíðinda. Skagfirska skáldkonan Ỏlína Jónasdóttir er sextug í dag. Vísur hennar eru löngu landfleygar og á hvers manns vörum, þess er yndi hefur af snilld fagurrar stöku. Ég hef ekki, svo ég muni til, heyrt vísu eftir Ỏlínu, sem ekki hafi verið vel gerð, en meiri eða minni snilldarbragur er á þeim flestum ...
|
Pistlar | 13. apríl 2024 - kl. 16:15
Eftir / Written af / by Morgan C. Bresko
Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari
|
Fréttir | 13. apríl 2024 - kl. 10:27
Þrítugasta og annað ársþing Samtaka sveitarfélaga á Norðurlandi vestra var haldið á fimmtudaginn í Félagsheimilinu á Blönduósi og heppnaðist vel, að því er segir á vef samtakanna. Góð mæting var á þingið en á meðal gesta voru kjörnir fulltrúar á Norðurlandi vestra og formaður Sambands íslenskra sveitarfélaga. Fjölbreytt og áhugaverð erindi voru flutt og ný samgöngu- og innviðaáætlun kynnt. Fram kemur á vef SSNV að frekari upplýsinga er að vænta um það sem fram fór á þinginu.
|
Fréttir | 13. apríl 2024 - kl. 10:16
Stjórn meistaraflokks Kormáks Hvatar og veitingastaðurinn Sjávarborg á Hvammstanga hafa skrifað undir samning um að Hvammstangavöllur í Kirkjuhvammi beri nafn Sjávarborgar í sumar. Þetta er fyrsta sinn sem knattspyrnuvöllurinn ber nafn styrktaraðila, að því er segir á Aðdáendasíðu knattspyrnuliðsins Kormáks-Hvatar á Facebook. Í sumar fara fjórir meistaraflokksleikir fram á Sjávarborgarvellinum, auk leikja í yngri flokkum.
|
Fréttir | 12. apríl 2024 - kl. 13:25
Aðalfundur Björgunarfélagsins Blöndu var haldinn í vikunni og að því er fram kemur á facebooksíðu félagsins var mæting félaga mjög góð, bæði hjá gömlum og nýjum. Þar segir að starf félagsins gangi mjög vel sem og rekstur þess. Húsnæði félagsins hafi tekið til sín mikinn tíma félaga en nú sé markmiðið að efla starfið enn frekar. Ný stjórn var kosin á fundinum og var þeim sem stigu til hliðar færðar þakkir fyrir óeigingjarnt starf í þágu félagsins.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |