Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 02:12 | 0 | 0°C |
Laxárdalsh. | 02:12 | 0 | 0°C |
Vatnsskarð | 02:12 | 0 | 0°C |
Þverárfjall | 02:12 | 0 | 0°C |
Kjalarnes | 02:12 | 0 | 0°C |
Hafnarfjall | 02:12 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Kæru Blönduósingar.
Ég heiti Sigurgeir Þór Jónasson og ég býð mig fram fyrir L-listann í komandi sveitastjórnakosningum.
Ég er sonur Jónasar Þórs Sigurgeirssonar rafveitustjóra hjá Landsvirkjun og Lilju Jóhönnu Árnadóttur kennara. Ég bý með Ásdís Öddu Ólafsdóttur sjúkraþjálfara og eigum við 2 stráka, þá Arnór Frey og Ísar Val. Ég er menntaður rafmagnsverkfræðingur frá Danmörku þar sem ég bjó í 9 ár eða þangað til síðasta haust þegar við fjölskyldan fluttum heim til Blönduóss.
Á meðan við bjuggum í Danmörku ræddum við oft við vini okkar hver stefnan í lífinu væri, ættum við að setjast að í Kaupmannahöfn þar sem við vorum bæði í góðu starfi, strákurinn okkar í góðum leikskóla og vinahópurinn orðinn stór. Ættum við að flytja til Reykjavíkur þar sem möguleikarnir eru margir eða ættum við að flytja til Blönduóss þar sem fjölskyldur okkar beggja væri nálægt og við gætum alið börnin okkar upp í sama umhverfi og við ólumst upp í?
Vinir og samstarfsfólk okkar átti oft erfitt með að skilja afhverju við hefðum áhuga á að flytja í samfélag sem telur rétt um 900 manns.
Í okkar huga var þetta aldrei spurning, við ætluðum að bíða eftir atvinnutækifæri á Blönduósi og láta á það reyna að fá bæði vinnu í okkar fagi. Við fluttum heim til að taka þátt í uppbyggingu Blönduóss og hjálpa til við auka möguleika á svæðinu. Þess vegna býð ég mig fram í sveitastjórnakosningum 2018.
Þegar maður býr langt í burtu frá heimahögunum og upplifir að búa í stórborg eins og Kaupmannahöfn, þá áttar maður sig á því hversu gott það er að búa í litlu samfélagi eins og Blönduós er. Þá á ég ekki einungis við þær stuttu vegalengdir sem eru hér innanbæjar heldur líka hversu mikil forréttindi það eru að þekkja nánast alla sem maður á í samskiptum við, bæði í starfi og þjónustu. Strákurinn okkar sem er 5 ára átti ekki til orð eftir fyrstu dagana og vikurnar í bænum, sama hvort það var í leikskólanum, sundi eða Kjörbúðinni, alltaf hitti hann á einhvern sem hann þekkti, hljómar kannski hversdagslegt og ómerkilegt fyrir þeim sem því eru vanir en hann upplifði þetta sem að allir í bænum væru vinir hans og væru til í að hjálpa honum með allt. Einmitt þarna tel ég að einn af styrkleikum okkar sem samfélag liggur, það að búa við að þekkja nágranna sinn er ekki sjálfgefið og ætti að hvetja okkur til að standa saman sem ein heild.
Á Blönduósi er glæsileg íþróttamiðstöð sem hefur að geyma eina bestu sundlaug sem ég hef komið í. Við njótum þeirra forréttinda hér á Blönduósi að bæjaryfirvöld leggja mikinn pening í ungmennafélögin og því er fjölbreytt úrval fyrir börn þegar kemur að íþróttaiðkun. Nú hef ég persónulega reynslu af bæði Hvöt og Neista og ég verð að segja að gæðin í starfinu eru langt umfram það sem maður upplifði í samskonar starfi í Danmörku og ég tel að við séum með starf sem við getum verið mjög stolt af.
Það er þó mikið starf sem þarf að vinna hér á Blönduósi til að sveitarfélagið geti styrkst, húsnæðisframboð er af skornum skammti og hamlar fjölgun í sveitarfélaginu. Við eigum mikið af vel menntuðu fólki sem er uppalið á Blönduósi sem hefur ekki tök á að flytja aftur heim, þessu viljum við hjá L-listanum taka á með því að auka lóðarframboð, framlengja ívilnanir um niðurfellingu gjalda og stuðla þannig að fjölgun íbúðarhúsnæðis á svæðinu.
Ég hvet alla til að skoða stefnumál okkar hjá L-listanum inn á Facebook síðu listans eða á Húnahorninu og mæta í spjall til okkar á kosningaskrifstofuna í Félagsheimilinu á Blönduósi.
Kæru kjósendur, takk fyrir að vera hluti af samfélaginu okkar hér á Blönduósi og gera það eins gott og raun ber vitni, ég vona að þið séuð til í þá uppbyggingu sem við stöndum frammi fyrir og setjið X við L á laugardaginn.
Sigurgeir Þór Jónasson
3. sæti L-listans í Blönduósbæ
Fréttir | 17. apríl 2024 - kl. 06:10
Sigríður Ỏlafsdóttir úr Húnaþingi vestra var endurkjörin formaður kjördæmisráðs Sjálfstæðisflokksins í Norðvesturkjördæmi en ráðið hélt aðalfund sinn á Laugum í Sælingsdal um síðustu helgi. Á fundinum var samþykkt stjórnmálaályktun þar sem meðal annars er komið inn á að atvinnufrelsi og eignarréttur sé órjúfanlegur hluti frjáls samfélags og forsenda þess að hægt sé að tryggja jöfn tækifæri í landinu.
|
Fréttir | 16. apríl 2024 - kl. 14:48
Tilkynning frá Háskólanum á Hólum
Háskólinn á Hólum hlýtur Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.
|
Fréttir | 16. apríl 2024 - kl. 05:32
Sveitarfélagið Skagaströnd heldur íbúafund í Fellsborg miðvikudaginn 17. apríl klukkan 17:00. Á dagskrá eru fjölmörg mál eins og staðan á hafnarframkvæmdum, breyting á námsstofu, sorpmál, vinnuskóli, gjaldskrár og kjarasamningar.
|
Fréttir | 16. apríl 2024 - kl. 05:27
Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi. Hún tekur við af sr. Döllu Þórðardóttur á Miklabæ, sem lét af störfum 1. desember síðastliðinn. Frá þeim tíma hefur sr. Gísli Gunnarsson vígslubiskup á Hólum gegnt prófstsstörfum.
|
Tilkynningar | 16. apríl 2024 - kl. 05:17
Frá Félagi eldri borgara í Húnaþingi vestra
Aðalfundur Félags eldri borgara í Húnaþingi vestra verður haldinn miðvikudaginn 17. apríl 2024 klukkan 14:00 í Félagsheimilinu á Hvammstanga. Á dagskrá eru venjuleg aðalfundarstörf, skýrsla og tillögur ferðanefndar og margt fleira. Unnur Valborg Hilmarsdóttir sveitarstjóri verður gestur fundarins. Kaffiveitingar að hætti kaffinefndar. Nýir félagar ávallt velkomnir.
|
Tilkynningar | 16. apríl 2024 - kl. 05:13
Frá stjórn
Aðalfundur Hollvinasamtaka heilbrigðisstofnunarinnar á Blönduósi verður haldinn í fundarsal HSB föstudaginn 26. apríl næstkomandi klukkan 16.00.
Dagskrá: Venjuleg aðalfundarstörf.
|
Fréttir | 15. apríl 2024 - kl. 09:43
Knattspyrnulið Kormáks Hvatar mætti í Fífuna í Kópavogi í gær og spilaði gegn Augnabliki í 2. umferð Mjólkurbikarsins. Leikurinn fór fjörlega af stað og vel fyrir gestina því Papa Diounkou Tecagne skoraði fyrsta mark leiksins á 9. mínútu. Heimamenn voru ekki lengi að svara með marki á 13. mínútu og öðru marki á 31. mínútu. Staðan í hálfleik 2-1 fyrir Augnablik. Í seinni hálfleik voru skoruð fjögur mörk, þrjú af heimamönnum og einn af gestunum, en það gerði Kristinn Bjarni Andrason. Leikurinn endaði því 5-2 fyrir Augnablik.
|
Pistlar | 14. apríl 2024 - kl. 17:16
Eftir Inga Heiðmar Jónsson
Úr dagbók Jónasar Tryggvasonar í Finnstungu fyrir 79 árum: Sun. 8. apríl 1945: Bar lítið til tíðinda. Skagfirska skáldkonan Ỏlína Jónasdóttir er sextug í dag. Vísur hennar eru löngu landfleygar og á hvers manns vörum, þess er yndi hefur af snilld fagurrar stöku. Ég hef ekki, svo ég muni til, heyrt vísu eftir Ỏlínu, sem ekki hafi verið vel gerð, en meiri eða minni snilldarbragur er á þeim flestum ...
|
Pistlar | 13. apríl 2024 - kl. 16:15
Eftir / Written af / by Morgan C. Bresko
Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari
|
Fréttir | 13. apríl 2024 - kl. 10:27
Þrítugasta og annað ársþing Samtaka sveitarfélaga á Norðurlandi vestra var haldið á fimmtudaginn í Félagsheimilinu á Blönduósi og heppnaðist vel, að því er segir á vef samtakanna. Góð mæting var á þingið en á meðal gesta voru kjörnir fulltrúar á Norðurlandi vestra og formaður Sambands íslenskra sveitarfélaga. Fjölbreytt og áhugaverð erindi voru flutt og ný samgöngu- og innviðaáætlun kynnt. Fram kemur á vef SSNV að frekari upplýsinga er að vænta um það sem fram fór á þinginu.
|
Fréttir | 13. apríl 2024 - kl. 10:16
Stjórn meistaraflokks Kormáks Hvatar og veitingastaðurinn Sjávarborg á Hvammstanga hafa skrifað undir samning um að Hvammstangavöllur í Kirkjuhvammi beri nafn Sjávarborgar í sumar. Þetta er fyrsta sinn sem knattspyrnuvöllurinn ber nafn styrktaraðila, að því er segir á Aðdáendasíðu knattspyrnuliðsins Kormáks-Hvatar á Facebook. Í sumar fara fjórir meistaraflokksleikir fram á Sjávarborgarvellinum, auk leikja í yngri flokkum.
|
Fréttir | 12. apríl 2024 - kl. 13:25
Aðalfundur Björgunarfélagsins Blöndu var haldinn í vikunni og að því er fram kemur á facebooksíðu félagsins var mæting félaga mjög góð, bæði hjá gömlum og nýjum. Þar segir að starf félagsins gangi mjög vel sem og rekstur þess. Húsnæði félagsins hafi tekið til sín mikinn tíma félaga en nú sé markmiðið að efla starfið enn frekar. Ný stjórn var kosin á fundinum og var þeim sem stigu til hliðar færðar þakkir fyrir óeigingjarnt starf í þágu félagsins.
|
Fréttir | 11. apríl 2024 - kl. 15:20
Ekki liggur fyrir hvenær boðað verður til íbúakosninga um sameiningu Húnabyggðar og Skagabyggðar en til stóð að hún færi fram í þessum mánuði og að sameining tæki gildi 1. júní næstkomandi, yrði hún samþykkt. Samstarfsnefnd um sameininguna, sem skipuð er átta fulltrúum, fjórum frá hvoru sveitarfélagi, hefur það verkefni að skipuleggja sameiningarvinnuna, m.a. að setja upp verk- og tímaáætlun og leggja fram sameiningartillögu.
|
Fréttir | 11. apríl 2024 - kl. 14:48
Kvenfélagið Freyja færði nýverið Grunnskóla Húnaþings vestra hjartastuðtæki að gjöf. „Gjöfin mun vonandi aldrei koma að notum en við erum þó svo þakklát fyrir þessa höfðinglegu gjöf sem er mikilvæg viðbót í öryggisbúnað skólans,“ segir á vef hans. Höfðaskóli á Skagaströnd fékk líka gjöf nýverið, frá foreldrafélagi skólans, en það voru tvær tifsagir, „sem munu koma sér vel líkt og styrkurinn til bókakaupa gerði í haust,“ segir á vef skólans.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |