Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Fimmtudagur, 13. desember 2018
A  1 m/s
C
Olís
huni.is - RSS-efnisveita
 
Á döfinni
Desember 2018
SMŢMFFL
2526272829301
2345678
9101112131415
16171819202122
23242526272829
303112345
FyrriNúnaNćsti
Veðurstofa Íslands
Blönduós 16:00 A 1  5°C
Reykir í Hr 16:00 ANA 4  5°C
Reykjavík 16:00 ASA 7  7°C
Akureyri - 16:00 S 6  8°C
Egilsstaðaf 16:00 S 5  6°C
Haugur 16:00 N 2  6°C
Holtavörðuh 16:00 ASA 6  6°C
Þverárfjall 16:00 A 2  3°C
Laxárdalshe 16:00 A 5  4°C
Brúsastaðir 16:00 SA 10 8°C
Vegagerðin
Holtavörđuh. 16:10 ASA 9 6°C
Laxárdalsh. 16:10 A 5 5°C
Vatnsskarđ 16:10 ASA 6 6°C
Ţverárfjall 16:10 A 2 4°C
Kjalarnes 16:10 A14 8°C
Hafnarfjall 16:10 ASA 7 9°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
12. desember 2018
Þó desember sé dimmur
Já það eru dimmir dagarnir núna. Varla að sólin ná ofan í holuna til okkar, nema á hæstu brekkubrúnirnar. En eins og segir í vísunni góðu stendur þetta allt til bóta og svo fáum við blessuð jólin og áramótin í kjölfarið.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
06. desember 2018
Eftir Gunnar Rúnar Kristjánsson
30. nóvember 2018
Eftir Sigurbjörn Þorkelsson
29. nóvember 2018
Eftir Unni Valborgu Hilmarsdóttur
22. nóvember 2018
Eftir Inga Heiðmar Jónsson
16. nóvember 2018
Eftir Guðjón S. Brjánsson
13. nóvember 2018
Eftir Sigurbjörn Þorkelsson
09. nóvember 2018
Eftir Sigurbjörn Þorkelsson
02. nóvember 2018
Pistlar | 25. maí 2018 - kl. 21:16
Valdið liggur hjá þér
Eftir Birnu Ágústsdóttur

Í aðdraganda kosninga er óhjákvæmilegt að leiða hugann að grunnstoðum lýðræðislegs samfélags. Hverjum sitjandi sveitarstjórnarmanni og frambjóðanda til sveitarstjórnar ætti fyrst og fremst að búa í brjósti vilji til að þjónusta íbúa sveitarfélagsins. Hlusta á íbúana, leita til þeirra, miðla upplýsingum og taka ákvarðanir sem endurspegla vilja þeirra og þarfir. Menn kann að greina á um hvernig til tekst, eins og gengur, en slíkur vilji og fyrirætlan ætti ætið að vera drifkraftur sveitarstjórnarmanns. Að sama skapi þarf honum ávallt að vera ljóst hvert hann sækir umboð sitt og hvar valdið raunverulega liggur. Sveitarstjórnarmaður er nefnilega aldrei við völd, hann er aðeins kjörinn fulltrúi raunverulegra valdhafa; íbúanna. Hann hefur einungis fengið umboð þeirra, tímabundið til fjögurra ára í senn, til að framkvæma valdið.

Þessu umboði fylgir ábyrgð og verður ávallt að meðhöndla það af virðingu og auðmýkt. Vissulega kemur hann til með að þurfa að taka afstöðu í erfiðum málum, málum þar sem menn hafa skipað sér í fylkingar og ógjörningur er að þóknast vilja allra. Slík mál þarf hann að nálgast af mikilli varfærni, kynna sér öll sjónarmið áður en afstaða er tekin og geta í kjölfarið rökstutt afstöðu sína með vísan til hagsmuna samfélagsins í heild til lengri tíma litið. Sveitarstjórnarmaður mun aldrei hafa öll réttu svörin á reiðum höndum, hann mun jafnvel gera mistök og sæta gagnrýni. Hann þarf að geta gengist við mistökum sínum og nýtt gagnrýni í eigin garð á jákvæðan hátt, sem eldsneyti til betri verka í þágu samfélagsins.

Endurnýjun umboðs frá íbúum ræðst af því hvernig þeim þykir hafa tekist til á líðandi kjörtímabili. Sveitarstjórnarmaður ætti sannarlega að fagna endurnýjuðu umboði en hann ætti aldrei að líta svo á að hann eigi einhvern stól, því þessi stóll er ekki til. Þyki kjósendum hins vegar tímabært að fela öðrum umboðið ætti hann auðmjúklega að fagna hinu lýðræðislega ferli sem gerir þeim það kleift og ganga keikur frá borði. Af honum verður ekki tekið það sem hann hefur gert í þágu samfélagsins þann tíma sem hann hefur setið. Hans vilji var ætíð að þjóna.

Fái ég umboð ykkar, kjósendur góðir, er það hugsjón mín að verða sá sveitarstjórnarmaður sem ég lýsi hér að framan. Ég sækist ekki eftir völdum, ég sækist eftir því að þjóna hagsmunum sveitarfélagsins og valdefla íbúa þess. Hjá þeim liggur nefnilega hið raunverulega vald í lýðræðislegu samfélagi.

Megið þið öll eiga ánægjulegan kjördag!

Birna Ágústsdóttir, 3. sæti Óslistans

Höf. rzg
Frá Húnavöllum.
Frá Húnavöllum.
Fréttir | 13. desember 2018 - kl. 14:56
Fjárhagsáætlun samstæðu A- og B-hluta sveitarsjóðs Húnavatnshrepps fyrir árið 2019 var samþykkt á fundi sveitarstjórnar í gær. Gert er ráð fyrir jákvæðri rekstrarniðurstöðu sem nemur um tæplega 27 milljónum króna. Tekjur eru áætlaðar 507 milljónir og gjöld með fjármagnsliðum 480 milljónir. Skuldahlutfallið er áætlað 50% fyrir árið 2019 sem má vera mest 150%.
Lífland aðventukvöld
Úr skýrslu Gagarin um hugmynd að sýningu á Þrístöpum.
Úr skýrslu Gagarin um hugmynd að sýningu á Þrístöpum.
Fréttir | 13. desember 2018 - kl. 14:39
Framtíðaruppbygging Þrístapa var kynnt á fundi sveitarstjórnar Húnavatnshrepps í gær en á fundinn mættu þau A. Agnes Gunnarsdóttir, ráðgjafi hjá Versus ehf. og Hringur Hafsteinsson, ráðgjafi hjá Gagarin. Farið var yfir viðskiptaáætlun og hugmyndir um sýningu við Þrístapa. Húnavatnshreppur hefur unnið að þessu metnaðarfulla verkefni að undanförnu en gert er ráð fyrir að tugir þúsunda gesta heimsæki staðinn í framtíðinni.
Jólahús ársins
Holur á Vatnsnesvegi.
Holur á Vatnsnesvegi.
Fréttir | 13. desember 2018 - kl. 11:21
Foreldrar barna í Grunnskóla Húnaþings vestra hafa miklar áhyggjur af líðan og ferðatíma barna sinna vegna ástands vegar 711 um Vatnsnes. Ferðatími skólabíls hefur lengst um a.m.k. 20 mínútur á dag vegna ástands vegarins og er orðinn 136 mínútur á dag. Foreldrar frá Þorgrímsstöðum og Saurbæ á Vatnsnesi hafa óskað eftir greiðslu vegna heimakennslu barna vegna slæms ástands vegarins. Sigurður Þór Ágústsson, skólastjóri Grunnskóla Húnaþings vestra, lagði fram erindið á fundi byggðaráðs Húnaþings í vikunni.
Glaðheimar
Bekkir á útikennslusvæði Blönduskóla eru dæmi um viðarnytjar úr Gunnfríðarstaðaskógi.
Bekkir á útikennslusvæði Blönduskóla eru dæmi um viðarnytjar úr Gunnfríðarstaðaskógi.
Fréttir | 12. desember 2018 - kl. 09:49
Frá Skógræktarfélagi Austur-Húnvetninga
Á Gunnfríðarstöðum á Bakásum verður hægt að fella sitt eigið jólatré sunnudaginn 16. desember milli klukkan 11-15. Hafið samband við Pál Ingþór Kristinsson í síma 865 3959. Verð á jólatrjám er 5.500 krónur og ýmsar tegundir í boði. Ekta skógarkaffi við varðeldinn en kakóið verður áfram í boði. Að koma í jólaskóginn á Gunnfríðarstöðum er menningarupplifun sem áður var minna um að hægt væri að upplifa í Húnavatnssýslum en er orðið hluti af jólaundirbúning hjá mörgum í dag.
Fréttir | 12. desember 2018 - kl. 09:48
Líkt og undanfarin ár leitar héraðsfréttablaðið Feykir til lesenda með tilnefningar um mann ársins á Norðurlandi vestra. Tilnefningum skal koma til Feykis á netfangið feykir@feykir.is í síðasta lagi fyrir miðnætti nk. sunnudagskvöld 16. desember. Tilgreina skal fullt nafn, gera stutta grein fyrir viðkomandi einstaklingi og rökstyðja valið á einhvern hátt.
Mynd: Hveravellir.is
Mynd: Hveravellir.is
Fréttir | 12. desember 2018 - kl. 09:45
Hveravallafélagið ehf. hefur sett starfsemi sína á Hveravöllum á söluskrá. Um er að ræða allar fasteignir, tækjabúnað, innviði og lóðarleigusamning til reksturs ferðaþjónustu á Hveravöllum. Hveravallafélagið hefur starfað áratugum saman á Hveravöllum. Síðustu árin hefur félagið varið um 100 milljónum króna í endurbætur húsa og búnaðar ásamt uppbyggingu innviða á borð við vatnsveitu og fráveitu í samstarfi við Umhverfisstofnun og fleiri aðila.
Smávirkjanakostir á Norðurlandi vestra úr skýrslu Mannvits.
Smávirkjanakostir á Norðurlandi vestra úr skýrslu Mannvits.
Fréttir | 11. desember 2018 - kl. 14:54
Fagráð Smávirkjanasjóðs Samtaka sveitarfélaga á Norðurlandi vestra hefur lokið mati á umsóknum sem bárust vegna styrkja til fyrstu skrefa í rannsóknum á mögulegum rennslisvirkjunum á Norðurlandi vestra. Alls bárust 17 umsóknir en tvær uppfylltu ekki sett skilyrði í reglum sjóðsins. Stjórn SSNV samþykkti nýverið tillögur fagráðsins um að styrkja tíu verkefni, þrjú í Skagafirði, fimm í Austur-Húnavatnssýslu og tvö í Vestur-Húnavatnssýslu.
Fréttir | 11. desember 2018 - kl. 10:08
Jólaleikur Húnahornsins
Sú hefð hefur skapast á Húnahorninu í desember að velja Jólahús ársins á Blönduósi. Um er að ræða samkeppni eða jólaleik um fallega jólaskreytt hús, hvort sem það er íbúðarhús eða fyrirtækjahús. Samkeppnin um Jólahúsið 2018 verður með svipuðu sniði og síðust ár. Þetta er í 17. sinn sem Húnahornið stendur fyrir vali á Jólahúsi ársins á Blönduósi.
Sameining A-Hún
Fréttir | 11. desember 2018 - kl. 09:25
Stofnaður hefur verið hópur á Facebook sem heitir REKO Norðurland. REKO er tekið úr sænsku og er stytting á „vistvænir og heiðarlegir viðskiptahættir.“ Fyrirmyndin kemur frá Finnlandi og hefur verið að ryðja sér til rúms á Norðurlöndunum og á meginlandi Evrópu. Matarauður Íslands, í samvinnu við Bændasamtök Íslands, hefur unnið að því að koma REKO-hugmyndafræðinni af stað hér á landi og eru fleiri hópar að myndast um land allt.
Fréttir | 09. desember 2018 - kl. 20:19
Einar Mikael töframaður er á leið norður í Austur-Húnavatnssýslu og verður með nýja jólasýningu á Blönduósi og Skagaströnd á morgun, mánudaginn 10. desember. Sýningin í Félagsheimilinu á Blönduósi hefst klukkan 17 og sýningin í Fellsborg á Skagaströnd hefst klukkan 20. Einar Mikael töframaður hefur notið ómældra vinsælda meðal yngstu kynslóðarinnar síðustu ár.
Tilkynningar | 08. desember 2018 - kl. 17:10
Félagsstarf aldraðra og Félag eldri borgara í Austur-Húnavatnssýslu minna á jólahlaðborðið í Félagsheimilinu á Blönduósi sem haldið verður miðvikudaginn 12. desember. Mæting er klukkan 18:00. Eyþór Franzson Wehner organisti leikur fyrir gesti meðan á borðhaldi stendur. Eigum góða kvöldstund saman á aðventu.
Frá Skagaströnd
Frá Skagaströnd
Fréttir | 08. desember 2018 - kl. 13:15
Sveitarstjórn Skagastrandar ætlar að óskað eftir því við atvinnuvega- og nýsköpunarráðherra að sérstök skilyrði verði sett fyrir úthlutun byggðakvóta sem nýverið kom í hlut Skagastrandar, alls 300 þorskígildistonn. Skilyrðin verði þau að við úthlutun byggðakvóta verði kvótanum skipt í tvo flokka.
Bjarmanes
Bjarmanes
Fréttir | 08. desember 2018 - kl. 12:48
Jólabókakvöld Gleðibankans í Bjarmanesi á Skagaströnd verður haldið miðvikudaginn 12. desember klukkan 20.00. Heimamenn ætla að lesa úr eftirtöldum bókum: Geðveikt með köflum, Sagnaseiður, Kaupthinking, Útkall, Hvítabirnir, Rassfar á steini, Villimaður í París og Dauðinn í veiðarfæraskúrnum. Ingeborg Knřsen sér um tónlistarflutning. Allir eru hjartanlega velkomnir.
Hnjúkabyggð 29 á Blönduósi
Hnjúkabyggð 29 á Blönduósi
Fréttir | 07. desember 2018 - kl. 15:58
Í dagskrárblaðinu Sjónarhorni þessa vikuna er auglýsing frá Uppbyggingu ehf. og Húseign fasteignamiðlun þar sem auglýstar eru til sölu fyrirhugaðar nýbyggingar við Hnjúkabyggð 29 á Blönduósi og við Höfðabraut 28 á Hvammstanga. Húsin tvö sem stendur til að byggja eru fimm hæða fjölbýlishús með 20 íbúðum í hvoru húsi. Íbúðirnar eru tveggja, þriggja og fjögurra herbergja frá 61,5 fermetrum upp í 100 fermetra að stærð.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ