Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Miðvikudagur, 19. september 2018
NNA  8 m/s
C
Olís
huni.is - RSS-efnisveita
 
Á döfinni
September 2018
SMŢMFFL
2627282930311
2345678
9101112131415
16171819202122
23242526272829
30123456
FyrriNúnaNćsti
Veðurstofa Íslands
Blönduós 07:00 NNA 8  6°C
Reykir í Hr 07:00 N 7  5°C
Reykjavík 07:00 NNA 5  5°C
Akureyri - 07:00 VNV 2  5°C
Egilsstaðaf 07:00 N 7  6°C
Haugur 07:00 N 6  3°C
Holtavörðuh 07:00 N 8  2°C
Þverárfjall 07:00 NA 13  3°C
Laxárdalshe 07:00 NNA 15  4°C
Brúsastaðir 07:00 NV 3  5°C
Vegagerðin
Holtavörđuh. 07:00 N 8 2°C
Laxárdalsh. 07:00 NNA 15 5°C
Vatnsskarđ 07:00 NNA 9 3°C
Ţverárfjall 07:00 NA 13 4°C
Kjalarnes 07:00 17.023 6°C
Hafnarfjall 07:00 NA 12 6°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
17. september 2018
Njótum hausthúmsins
Þrátt fyrir leiðinda tíðarfar þetta sumarið, hefur það liðið ótrúlega fljótt og ég hef tilfinningu fyrir því að þeir sem starfa hér við að þjónusta ferðamenn séu nokkuð ánægðir með útkomu sumarsins. Við Blönduósingar héldum okkar hefðbundnu sumarhátíðir sem vera ber og nú síðast gladdist hestafólk yfir veðurblíðu í hrossarekstri af Laxárdal.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
07. september 2018
Eftir Guðmann Jónasson
02. september 2018
Eftir Inga Heiðmar Jónsson
29. ágúst 2018
Eftir Sigurbjörn Þorkelsson
27. ágúst 2018
Eftir Sigurbjörn Þorkelsson
20. ágúst 2018
Frá Júdófélaginu Pardusi
13. ágúst 2018
Eftir Inga Heiðmar Jónsson
13. ágúst 2018
Eftir Sigurbjörn Þorkelsson
02. ágúst 2018
Fimmtudagurinn
Fimmtudagurinn
Föstudagurinn
Föstudagurinn
Laugardagurinn
Laugardagurinn
Sunnudagurinn
Sunnudagurinn
Fréttir | 11. júlí 2018 - kl. 10:41
Húnavakan nálgast

Rúm vika er í að bæjarhátíðin og fjölskylduskemmtunin Húnavaka hefjist á Blönduósi en hún er haldin dagana 20.-22. júlí næstkomandi. Dagskráin er fjölbreytt að vanda og ættu allir að finna eitthvað við sitt hæfi. Fimmtudaginn 19. júlí ætla Blönduósingar í þéttbýli og dreifbýli að skreyta hús sín hátt og lágt og er rauður litur og ísbjarnarmerki sameiginlegt þema hjá öllum. Verðlaun verða veitt fyrir best skreytta húsið.

Föstudagurinn
Stóri fyrirtækjadagurinn verður á sínum stað á föstudeginum en þá er opið hús og Húnavökutilboð hjá fyrirtækjum á Blönduósi. Átak, Ísgel, N1 píparinn og Ístex taka á móti gestum og bjóða upp á grill, gos, hoppukastala og fleira að Efstubraut 2 frá klukkan 12-16. Fisk á Disk, Samkaup, Trésmiðjan Stígandi, Lífland, Hitt og þetta Handverk, SAH-Afurðir, Vilko og Tengill taka á móti Húnavökugestum á föstudeginum, kynna vörur sínar, sýna húsakynni og bjóða ýmis tilboð.

Risa kótelettukvöld og kvöldskemmtun verður í Félagsheimilinu á Blönduósi að kvöldi föstudagsins frá klukkan 18:30-20:45. Veislustjóri er hinn landskunni Gísli Einarsson og Lalli töframaður skemmtir. Húsið opnar klukkan 18:30 og hefst borðhald 19:00. Aðgangseyrir er kr. 3.900 fyrir fullorðna, kr. 1.500 fyrir 12 ára og yngri. Pantanir þurfa að berast í síðasta lagi klukkan 16:00 fimmtudaginn 19. júlí á netfangið info@bogs.is eða í síma 898-4685. Forsala er í B&S Restaurant miðvikudaginn 18. júlí og fimmtudaginn 19. júlí frá klukkan 14-16.

Frá klukkan 21-22 verður fjölskyldudansleikur með Stuðlabandinu í Félagsheimilinu og frá klukkan 23-03 verður stórdansleikur með sömu hljómsveit á sama stað. Aldurstakmark á stórdansleikinn er 16 ára og miðaverð er kr. 3.500.

Laugardagurinn
Laugardagurinn á Húnavöku er nokkuð hefðbundinn. Flugklúbbur Blönduóss býður upp á útsýnisflug ef veður og aðstæður leyfa frá klukkan 9-17 og er verð fyrir sætið kr. 3.000. Æskilegt er að þrír bóki sig saman en það er ekki skylda. Ef veður verður betra á sunnudeginum verður flugið fært yfir á þann dag. Upplýsingar og pantanir eru hjá Kristmundi í síma 856-1106.

Opna Gámaþjónustumótið í golfi fer fram á Vatnahverfisvelli frá klukkan 9 og er skráning á golf.is. Hestaleigan Galsi, Heimilisiðnaðarsafnið, Textílsetrið, Minjastofa Kvennaskólans og Vatnsdæla á Refla verða opin alla Húnavöku helgina. Í Heimilisiðnaðarsafninu er sérsýningin Foldarskart eftir Louise Harris. Bókamarkaður verður í Héraðsbókasafninu á laugardaginn.

Söngprufur fyrir Míkróhúninn fara fram klukkan 11 þennan dag og eru flokkarnir 10 ára og yngri og 11-16 ára. Skráning er á staðnum og þurfa þátttakendur að koma með undirspil sjálfir. Blönduhlaup USAH hefst einnig klukkan 11 og er skráning á staðnum frá klukkan 10 í anddyri Félagsheimilisins.

Skotfélagið Markviss verður með opinn dag á skotsvæði félagsins. Gestum og gangandi gefst tækifæri að kynnast starfsemi félagsins á einu flottasta skotsvæði landsins og reyna sig við leirdúfur og skotmörk. Sérstakur gestur verður Indriði Ragnar Grétarsson formaður Bogveiðifélags Íslands. Klukkan 16 fer fram Höskuldsmótið á skotsvæðinu og er það opið öllum. Skráning á staðnum.

Fjör við Félagsheimilið stendur frá klukkan 14-16 en þar verður markaðsstemning, Lalli töframaður skemmtir, Míkróhúnninn, hoppukastalar, BMX brós, fígúrur úr Hvolpasveitinni mæta á svæðið, Ferðaklúbbur 4x4 Húnvetningadeild sýnir tæki sín og tól, Smaladrengirnir taka rúnt og sýna mótorhjólin sín og Hestaleigan Galsi býður börnum að fara á hestbak. Pálmi Ragnarsson tekur tvö lög, en hann keppti í söngkeppni Samfés í vetur og stóð sig með prýði.

Eyþór Franzon Wechner organisti Blönduóskirkju verður með tónleika í kirkjunni klukkan 16. Hann ætlar að leika afar fjölbreytt prógramm þar sem söngleikja- og kvikmyndatónlist fær að hljóma ásamt hefðbundnum orgelverkum. Aðgangseyrir er kr. 2.000 fyrir 18 ára og eldri.  

Kvöldvakan með varðeldi í Fagrahvammi er á sínum stað og hefst hún klukkan 20:30. Lalli töframaður skemmtir, sigurvegarar í Míkróhúninum taka lagið, umhverfisverlaun Blönduósbæjar verða afhent sem og verðlaun fyrir best skreytta húsið, Karitas Harpa söngkona tekur nokkur lög og Sverrir Bergmann og Halldór Fjallabróðir stýra brekkusöng. Laugardagurinn endar svo á stórdansleik í Félagsheimilinu með hljómsveitinni Albatross. Aldurstakmar er 18 ár og aðgangseyrir kr. 3.500.

Sunnudagurinn
Leikhópurinn Lotta mætir á svæðið með sumarsýninguna sína Gosi og verður leikritið sýnt klukkan 11 á Þríhyrnu sem er á milli Árbrautar og Húnabrautar, oft nefnt Káratún. Frítt inn fyrir alla en N1 styrkir sýninguna.

Hin árlega Prjónaganga á Húnavöku verður farin klukkan 12 á hádegi en hún er haldin á vegum Textílsetursins. Lagt verður af stað frá Hótel Blöndu og gengið sem leið liggur út fyrir á og að Kvennaskólanum. Prjónagraffið verður skoðað á leiðinni.

Klukkan 13 verður athöfn í kirkjugarðinum á Blönduósi. Afhjúpað verður upplýsingaskilti um sögu garðsins frá þeim tíma sem hann var á Hjaltabakka og nýr garður tekinn í notkun á Blönduósi, þar sem hann hefur verið síðan. Jón Torfason sagnfræðingur frá Torfalæk mun rifja upp söguna og útskýra það sem á skiltinu stendur. Allir eru velkomnir.

Hér hefur það helsta verið nefnt en dagskráin er viðameiri og fjölbreyttari og eru allir áhugasamir hvattir til þess að kynna sér hana vel.

Húnavakan á Blönduósi er á Facebook.

Höf. rzg
Fréttir | 18. september 2018 - kl. 09:09
Á morgun, miðvikudaginn 19. september, hefjast leikfismistímar í styrktar- og teygjuæfingum (engin hopp) í Íþróttamiðstöðinni á Blönduósi. Tímarnir verða einu sinni í viku, á miðvikudögum frá klukkan 18-19. Angela Berthold sjúkraþjálfari hefur umsjón með tímunum og segir hún að ekki þurfi að skrá sig, bara að mæta.
Glaðheimar
Ljósm: Höskuldur B. Erlingsson
Ljósm: Höskuldur B. Erlingsson
Fréttir | 17. september 2018 - kl. 21:55
Sveitarfélögin fjögur í Austur-Húnavatnssýslu hafa skipað nýja fulltrúa í nefnd um sameiningu sveitarfélaga í Austur-Húnavatnssýslu. Þorleifur Ingvarsson, sem var formaður nefndarinnar fyrir kosningar, sagði í fréttum Ríkisútvarpsins í dag að næsta mál sé að boða fyrsta fund nýrrar sameiningarnefndar. Þar verði kosinn formaður og næstu skref ákveðin. „Nefndin kemur þó varla saman fyrr en eftir landsþing sveitarfélaga sem verður í næstu viku,“ sagði Þorleifur og bætti við að sameining yrði líklega tekin fyrir þar og verði hugsanlega stóra málið.
Fréttir | 17. september 2018 - kl. 21:37
Íþróttaskóli Hvatar hófst í dag en hann er fyrir krakka í 1.-4. bekk og verður fjórum sinnum í viku frá klukkan 14-15, mánudaga til fimmtudaga. Í íþróttaskólanum verður boðið upp á fótboltaæfingar þrisvar í viku fyrir 6. og 7. flokk í hálfum íþróttasalnum og í hinum helmingnum verða ýmsar aðrar íþróttagreinar, leikir og fleira. Á miðvikudögum verður Steinunn Hulda Magnúsdóttir með frjálsíþróttaæfingar og leiki í hálfum salnum.
Sameining A-Hún
Hér reisir Stefán Pálsson skemmu
Hér reisir Stefán Pálsson skemmu
Fréttir | 16. september 2018 - kl. 18:12
Framkvæmdir eru nokkrar á Blönduósi þessa dagana en nýlega reis fyrsta gagnaverið og í næstu viku er áætlað að steypa grunn að næsta húsi. Þá eru tvö einbýlishús í byggingu og ein skemma. Þá eru framkvæmdir að nýju iðnaðarhúsnæði hafnar við Ennisbraut.
Á Þrístöpum.
Á Þrístöpum.
Fréttir | 16. september 2018 - kl. 12:57
morðanna á Illugastöðum og síðustu aftökunnar á Íslandi
Magnús Ólafsson frá Sveinsstöðum stóð fyrir vinsælum og fjölmennum hestaferðum í sumar um söguslóðir morðanna á Illugastöðum og síðustu aftökuna á Íslandi í janúar 1830. Vegna mikils áhuga urðu ferðirnar þrjár en hver ferð tók fimm daga og gat fólk riðið með einn dag eða svo marga sem það kaus. Húnahornið sló á þráðinn til Magnúsar nýverið til að forvitnast um hvers vegna hann teldi að hestaferðir hans um söguslóðir hafi orðið jafn vinsælar og raun ber vitni.
Fjöldi gesta tók þátt. Ljósm: Jón Sig.
Fjöldi gesta tók þátt. Ljósm: Jón Sig.
Fréttir | 16. september 2018 - kl. 11:02
Í gær var hrossum á Laxárdal smalað og tók fjöldi fólks þátt í smöluninni með gangnamönnum undir styrkri stjórn fjallakóngsins Skarphéðins Einarssonar. Gestir gátu leigt hesta hjá heimamönnum eða mætt með sína eigin hesta. Hrossunum var smalað í Skrapatungurétt og þar þáðu reiðmenn höfðinglegar veitingar þegar þeir stigu af baki fákum sínum. Stóðréttirnar fara fram í dag og má búast við miklum atgangi eins og venja er.
Fréttir | 16. september 2018 - kl. 10:45
Blönduósbær auglýsir á vef sínum eftir tilboðum í snjómokstur og hálkueyðingu á Blönduósi næstu þrjá vetur eða 2018-2021. Um er að ræða snjómokstur á götum, plönum, gangstéttum og hálkuvörnum. Útboðsgögn fást afhent á bæjarskrifstofu Blönduósbæjar og er skilafrestur til 1. október næstkomandi klukkan 11:00 á bæjarskrifstofunni að Hnjúkabyggð 33 á Blönduósi.
Fréttir | 14. september 2018 - kl. 14:09
Um helgina fer fram stóðsmölun á Laxárdal og stóðréttir í Skrapatungurétt. Dagskrá helgarinnar hefst með súpukvöldi í Félagsheimilinu í kvöld klukkan 19:30. Líkt og síðustu ár eru allir hjartanlega velkomnir en helgin er svo sannarlega stórhátíð heimamanna þar sem reiðmenn og aðrir gestir skemmta sér eins og þeim einum er lagið. Fjallkóngur er enginn annar en Skarphéðinn Einarsson kórstjóri karlakórs Bólstaðarhlíðarhrepps með meiru og mun hann sjá um fararstjórn og leiðsögn ferðamanna í stóðsmöluninni.
Stuð á kótelettukvöldi
Stuð á kótelettukvöldi
Fréttir | 14. september 2018 - kl. 12:55
Frjálsa kótelettufélagið í Austur-Húnavatnssýslu verður fjögurra ára 26. september næstkomandi. Félagið hefur haldið um 20 kótelettukvöld í Eyvindastofu síðastliðin ár við miklar vinsældir kótelettuunnenda. Eitt slíkt verður haldið laugardagskvöldið 29. september og hefst klukkan 19:30. Veislustjóri verður Vilhjálmur Egilsson, rektor háskólans á Bifröst en hann var á árum áður þingmaður kjördæmisins fyrir Sjálfstæðisflokkinn. Fjöldasöngstjóri verður Þórhallur Bárðarson.
Fréttir | 14. september 2018 - kl. 10:25
Sauðfjárslátrun hófst í sláturhúsi SAH-Afurða á Blönduósi 5. september síðastliðinn. Að sögn Gísla Garðarssonar sláturhússtjóra er áætlað að slátra um 90-100 þúsund fjár sem er heldur minna en í fyrra. Gísla sýnist að fé sé að koma ágætlega af fjalli en misjafnt þó, meðalvigt lamba sé rúmlega 16,5 kíló. Um 120-130 manns starfa í sláturtíðinni á Blönduósi, þar af koma um 100 starfsmenn erlendis frá, flestir frá Póllandi, Bretlandi, Ungverjalandi og Tékklandi. Gísli segir að flestir hafi unnið í sláturtíð á Blönduósi áður og að einungis séu um 10 nýliðar í hópnum að þessu sinni. Áætlað er að sláturtíð ljúki 31. október næstkomandi.
Fréttir | 14. september 2018 - kl. 10:18
Riðuveiki hefur verið staðfest á bænum Vallanesi í Varmahlíð í Skagafirði. Búið er í Húna- og Skagahólfi og í því hólfi hefur riðuveiki komið upp á tuttugu búum á undanförnum 20 árum en á þessu búi greindist veikin síðast árið 2007. Riðuveiki hefur komið upp á mörgum bæjum kringum Varmahlíð í gegnum tíðina og um þekkt riðusvæði er að ræða. Síðast greindist riða á þessu svæði árið 2016 á bæjunum Brautarholti og Stóru-Gröf ytri. Sagt er frá þessu á vef Matvælastofnunar sem vinnur nú að öflun upplýsinga og undirbúningi aðgerða.
Fréttir | 14. september 2018 - kl. 09:12
Vetraráætlun Strætó á landsbyggðinni tók gildi 9. september síðastliðinn og hafa verið gerðar breytingar á leiðakerfinu. Sérstök athygli er vakin á breytingum á leið 57 en samkvæmt henni verður ekki ekið frá Akureyri til Borgarness klukkan 16:20 á fimmtudögum og ekki frá Borgarnesi til Akureyrar klukkan 10:28 á fimmtudögum.
Fréttir | 13. september 2018 - kl. 21:25
Eins og fram kom í viðtali við Valdimar O. Hermannsson, sveitarstjóra Blönduósbæjar, hefur íbúum í Blönduósbæ fjölgað þó nokkuð á undanförnum mánuðum. Samkvæmt tölum frá Þjóðskrá www.skra.is hefur íbúum fjölgað um 43 eða 4,8% á tímabilinum frá 1. desember 2017 til 1. júlí 2018.
Fréttir | 13. september 2018 - kl. 16:18
Grunnskóli Húnaþings vestra vill banna notkun farsíma og snjallúra á skólatíma og í frístund. Ástæðurnar eru tvíþættar; ný persónuverndarlög og vísbendingar um að símar geri nemendum ógagn í námi og félagslegum samskiptum. Stefna þessi var kynnt á skólasetningu á dögunum og fjallar skólastjóri nánar um málið í pistli á vef skólans í dag. Stefnan er að símar og snjallúr verði heima, í töskum eða úlpum á skólatíma og í frístund, frá því að nemendur koma í skólann og þar til þeir fara heim.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ