Apríl 2024 | ||||||
S | M | Þ | M | F | L | |
31 | 1 | 2 | 3 | 4 | 5 | 6 |
7 | 8 | 9 | 10 | 11 | 12 | 13 |
14 | 15 | 16 | 17 | 18 | 19 | 20 |
21 | 22 | 23 | 24 | 25 | 26 | 27 |
28 | 29 | 30 | 1 | 2 | 3 | 4 |
Fyrri | Núna | Næsti |
Holtavörðuh. | 13:56 | 0 | 0°C |
Laxárdalsh. | 13:56 | 0 | 0°C |
Vatnsskarð | 13:56 | 0 | 0°C |
Þverárfjall | 13:56 | 0 | 0°C |
Kjalarnes | 13:56 | 0 | 0°C |
Hafnarfjall | 13:56 | 0 | 0°C |
13. apríl 2024 Klúðrið er víðaKlúðrið og bullið er víða í samfélaginu okkar og er af mörgu að taka. Ætla ég að nefna aðeins nokkur atriði. Landsbankaklúðrið í kringum kaupin á TM. Alveg er það merkilegt þegar embættis- menn telja sig geta tekið ákvarðanir um hvað sem þeim dettur í hug. ::Lesa |
Sú heita kynngi í Húnaþingi
haldist alla tíð
að kunna að standa í sterkum anda
í stormi og vetrarhríð. RK
Af sterkum anda hafa skáldin löngum kveðið og hvatt samferðamenn sína til dáða. Við getum lesið um starfsemi félaga frá nítjándu öld, stofnun Kvennaskólans, fræðimennsku og skriftir Magnúsar, Bjarna og sr. Gunnars sem unnu markvisst að kynningu á gömlum menningarfélögum, mætti það verða til hvatningar samtíð þeirra. Heimavistarskóli reis norður á Ströndum, héraðsskóli á Reykjatanga og víða um héruð risu þinghús, skólahús og síðar félagsheimili á fríðum grundum eða í gróinni malarfjöru þar sem efna mátti til mannfagnaða og menningarstarfs. En hús stór og smá þurfa drjúgar tekjur til rekstrar og viðhalds.
Skipulag og samtal hlýtur að verða stór þáttur í menningarstarfi og skoða megum við starf Norðlendinganna við Öxarfjörð, Þistilfjörð og Skjálfanda sem hafa með sér félag um menningarhús sín og menningarstarf, heitir Menningarmiðstöð Þingeyinga.
Héruðin við Húnaflóann hafa sameinast um vörslu á dýrmætum gripum, húsum og hákarlaskipinu Ófeigi og eiga saman sýningarstað við hjarta flóans í Hrútafirði en sú stofnun þarfnast frekari uppbyggingar og helst öflugs félags er styddi við Byggðasafnið á Reykjum.
Í söfnun gripa átti Húnvetningafélagið í Reykjavík góðan þátt sem og stofnun byggðasafnsins en vaxandi samstarf, helst sameining byggðanna við flóann er öðru líklegra til að hleypa krafti í uppbyggingu safnsins á Reykjum.
Og Þórdís spáði römm í ráði
rík á Felli bjó.
Harðlynd þótti – ýmsa ótti
af þeim sökum sló. RK
Rúnar skáld á Skagaströnd orti svo um spákonuna á Felli. Hann hefur ort mörg merkisljóð, sum um atburði og áa okkar í héraðinu. RK kveður átthögum sínum margan kliðmjúkan og tiginn óð, gæddan listrænum blæ eins og HSæm. kemst að orði í ritdómi. RK yrkir af heitum huga og skoða má lítið brot ljóða hans á vísnavefnum en hann hefur gefið út nokkrar ljóðbækur og smásögur.
Fyrir tveimur árum var haldin sumarguðsþjónusta á Hofi, fæðingarstað Jóns bókavarðar Árnasonar. Sungu þar saman sóknarmenn og gestir er lengra komu. Nú er sú ráðagerð uppi að efna til bókamarkaðar í Skagabúð dagana 14.-17. ágúst, verður félagsheimilið opinn kl. 14-18, heitt kaffi á könnu, kannski birtast gestir til lesa litla þjóðsögu eða eigin ljóð, Jón Björnsson mun rifja upp sögn um tilurð Vatnsdalshólanna um nónbil á afmælisdegi nafna síns, á sautjándanum sjálfum og fleiri snörur hafa verið lagðar fyrir sögumenn, skáld og sagnfræðing.
Því Kormáks andi óstöðvandi
yrkir húnvetnsk ljóð.
Þó aldir líði enn til prýði
er hann sinni þjóð. RK
Skagabúð er yngsta félagsheimilið við flóann, byggt litlu fyrir aldamótin og er vel staðsett í bæjahvirfingu út undir Króksbjargi. Þar verða Jónsdagar á Skaga með bókamarkað um miðjan ágúst eins og áður sagði og aðaltilefnið er að minnast menningarstarfa Jóns Árnasonar bókavarðar.
Vísað er til:
Ljóð og vísur Rúnars Kristjánssonar: http://bragi.info/hunafloi/ljod.php?ID=5700
Menningarmiðstöð Þingeyinga: http://www.husmus.is/index.php?option=com_content&view=article&id=397&Itemid=286&lang=en
Guðsþjónusta í Hofskirkju í ág. 2016: https://www.huni.is/index.php?pid=58&cid=13102
Sálarkufl úr sólskini/stökuspjall: https://www.huni.is/index.php?pid=58&cid=13068
Ingi Heiðmar Jónsson
Fréttir | 18. apríl 2024 - kl. 06:05
Lið Grunnskóla Húnaþings vestra er komið í úrslit Skólahreysti en keppt var í Laugardagshöll og sýnt beint á RÚV. Liðið stóð sig frábærlega og sigraði riðilinn sinn. Úrslitakeppnin fer fram 25. maí næstkomandi. Lið Grunnskóla Húnaþings vestra skipa þau Friðrik Hrafn Hannesson, Saga Ísey Þorsteinsdóttir, Victor Þór Sigurbjörnsson, Nóa Sophia Ásgeirsdóttir, Indriði Rökkvi Ragnarsson og Victoría Elma Vignisdóttir.
|
Fréttir | 18. apríl 2024 - kl. 05:59
Viðbragðsaðilar á Norðurlandi vestra stefna á að halda hópslysaæfingu 11. maí næstkomandi. Hluti hópsins hittist á Blönduósi í fyrradag og æfðu viðbragð við flugslysi og rútuslysi, þar sem settar voru upp tvær borðæfingar. Æfingarnar eru undirbúningur fyrir stóru æfinguna í maí og er samvinna lykilinn að góðri útkomu, eins og segir á facebooksíðu Lögreglunnar á Norðurlandi vestra. „Samhæft viðbragð skilar betri þjónustu til borgaranna.“
|
Fréttir | 17. apríl 2024 - kl. 06:10
Sigríður Ỏlafsdóttir úr Húnaþingi vestra var endurkjörin formaður kjördæmisráðs Sjálfstæðisflokksins í Norðvesturkjördæmi en ráðið hélt aðalfund sinn á Laugum í Sælingsdal um síðustu helgi. Á fundinum var samþykkt stjórnmálaályktun þar sem meðal annars er komið inn á að atvinnufrelsi og eignarréttur sé órjúfanlegur hluti frjáls samfélags og forsenda þess að hægt sé að tryggja jöfn tækifæri í landinu.
|
Fréttir | 16. apríl 2024 - kl. 14:48
Tilkynning frá Háskólanum á Hólum
Háskólinn á Hólum hlýtur Byggðagleraugu Samtaka sveitarfélaga á Norðurlandi vestra fyrir framsækið og metnaðarfullt starf. Námið við háskólann er sértækt að því leyti að það byggir á traustum grunni fyrir mikilvægar framtíðar atvinnugreinar í samfélaginu þar á meðal íslenska hestinn, ferðaþjónustu í dreifbýli og fiskeldi, en skólinn hefur dregið til sín nemendur víðsvegar að úr heiminum. Í Háskólanum á Hólum er öflugt háskólastarf sem er í stöðugum vexti og nýsköpun.
|
Fréttir | 16. apríl 2024 - kl. 05:32
Sveitarfélagið Skagaströnd heldur íbúafund í Fellsborg miðvikudaginn 17. apríl klukkan 17:00. Á dagskrá eru fjölmörg mál eins og staðan á hafnarframkvæmdum, breyting á námsstofu, sorpmál, vinnuskóli, gjaldskrár og kjarasamningar.
|
Fréttir | 16. apríl 2024 - kl. 05:27
Sr. Sigríður Gunnarsdóttir sóknarprestur í Skagafjarðarprestakalli hefur verið skipuð prófastur í Húnavatns- og Skagafjarðarprófastsdæmi. Hún tekur við af sr. Döllu Þórðardóttur á Miklabæ, sem lét af störfum 1. desember síðastliðinn. Frá þeim tíma hefur sr. Gísli Gunnarsson vígslubiskup á Hólum gegnt prófstsstörfum.
|
Tilkynningar | 16. apríl 2024 - kl. 05:17
Frá Félagi eldri borgara í Húnaþingi vestra
Aðalfundur Félags eldri borgara í Húnaþingi vestra verður haldinn miðvikudaginn 17. apríl 2024 klukkan 14:00 í Félagsheimilinu á Hvammstanga. Á dagskrá eru venjuleg aðalfundarstörf, skýrsla og tillögur ferðanefndar og margt fleira. Unnur Valborg Hilmarsdóttir sveitarstjóri verður gestur fundarins. Kaffiveitingar að hætti kaffinefndar. Nýir félagar ávallt velkomnir.
|
Tilkynningar | 16. apríl 2024 - kl. 05:13
Frá stjórn
Aðalfundur Hollvinasamtaka heilbrigðisstofnunarinnar á Blönduósi verður haldinn í fundarsal HSB föstudaginn 26. apríl næstkomandi klukkan 16.00.
Dagskrá: Venjuleg aðalfundarstörf.
|
Fréttir | 15. apríl 2024 - kl. 09:43
Knattspyrnulið Kormáks Hvatar mætti í Fífuna í Kópavogi í gær og spilaði gegn Augnabliki í 2. umferð Mjólkurbikarsins. Leikurinn fór fjörlega af stað og vel fyrir gestina því Papa Diounkou Tecagne skoraði fyrsta mark leiksins á 9. mínútu. Heimamenn voru ekki lengi að svara með marki á 13. mínútu og öðru marki á 31. mínútu. Staðan í hálfleik 2-1 fyrir Augnablik. Í seinni hálfleik voru skoruð fjögur mörk, þrjú af heimamönnum og einn af gestunum, en það gerði Kristinn Bjarni Andrason. Leikurinn endaði því 5-2 fyrir Augnablik.
|
Pistlar | 14. apríl 2024 - kl. 17:16
Eftir Inga Heiðmar Jónsson
Úr dagbók Jónasar Tryggvasonar í Finnstungu fyrir 79 árum: Sun. 8. apríl 1945: Bar lítið til tíðinda. Skagfirska skáldkonan Ỏlína Jónasdóttir er sextug í dag. Vísur hennar eru löngu landfleygar og á hvers manns vörum, þess er yndi hefur af snilld fagurrar stöku. Ég hef ekki, svo ég muni til, heyrt vísu eftir Ỏlínu, sem ekki hafi verið vel gerð, en meiri eða minni snilldarbragur er á þeim flestum ...
|
Pistlar | 13. apríl 2024 - kl. 16:15
Eftir / Written af / by Morgan C. Bresko
Þegar við hugsum um leiðir til að bæta heilsu samfélagsins þá hugsum við ekki alltaf um aðgengi að listum. En þegar við hugsum um það þá eru listir ein tegund tilfinningatjáningar. Hvort sem það er hamingja eða örvænting þá er það nauðsynlegt að hafa útrás til að nálgast tilfinningar á heilbrigðan og öruggan hátt. Samfélög sem styðja við listir, koma saman til að skapa list saman, hafa sýnt sig að vera tengdari
|
Fréttir | 13. apríl 2024 - kl. 10:27
Þrítugasta og annað ársþing Samtaka sveitarfélaga á Norðurlandi vestra var haldið á fimmtudaginn í Félagsheimilinu á Blönduósi og heppnaðist vel, að því er segir á vef samtakanna. Góð mæting var á þingið en á meðal gesta voru kjörnir fulltrúar á Norðurlandi vestra og formaður Sambands íslenskra sveitarfélaga. Fjölbreytt og áhugaverð erindi voru flutt og ný samgöngu- og innviðaáætlun kynnt. Fram kemur á vef SSNV að frekari upplýsinga er að vænta um það sem fram fór á þinginu.
|
Fréttir | 13. apríl 2024 - kl. 10:16
Stjórn meistaraflokks Kormáks Hvatar og veitingastaðurinn Sjávarborg á Hvammstanga hafa skrifað undir samning um að Hvammstangavöllur í Kirkjuhvammi beri nafn Sjávarborgar í sumar. Þetta er fyrsta sinn sem knattspyrnuvöllurinn ber nafn styrktaraðila, að því er segir á Aðdáendasíðu knattspyrnuliðsins Kormáks-Hvatar á Facebook. Í sumar fara fjórir meistaraflokksleikir fram á Sjávarborgarvellinum, auk leikja í yngri flokkum.
|
Fréttir | 12. apríl 2024 - kl. 13:25
Aðalfundur Björgunarfélagsins Blöndu var haldinn í vikunni og að því er fram kemur á facebooksíðu félagsins var mæting félaga mjög góð, bæði hjá gömlum og nýjum. Þar segir að starf félagsins gangi mjög vel sem og rekstur þess. Húsnæði félagsins hafi tekið til sín mikinn tíma félaga en nú sé markmiðið að efla starfið enn frekar. Ný stjórn var kosin á fundinum og var þeim sem stigu til hliðar færðar þakkir fyrir óeigingjarnt starf í þágu félagsins.
|
02. apríl 2023 Sjö leiðir til að létta þér þrifin í vor og sumarNú er vorið komið og sumarið framundan og þá er ekki úr vegi að koma með nokkur góð húsræða. ::Lesa |
03. febrúar 2023 Á ferðalagiGuðmundur var að spjalla við Tóta, bróður sinn í Kaliforníu. ::Lesa |