Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Mánudagur, 23. september 2019
SA  7 m/s
14°C
Olís
huni.is - RSS-efnisveita
 
Á döfinni
September 2019
SMŢMFFL
1234567
891011121314
15161718192021
22232425262728
293012345
FyrriNúnaNćsti
Veðurstofa Íslands
Blönduós 02:00 SA 7  14°C
Reykir í Hr 02:00 NNA 3  9°C
Reykjavík 02:00 SA 6  11°C
Akureyri - 02:00 SV 1  14°C
Egilsstaðaf 02:00 SV 7  10°C
Haugur 02:00 SSA 4  11°C
Holtavörðuh 02:00 S 4  9°C
Þverárfjall 02:00 SA 4  13°C
Laxárdalshe 02:00 S 5  11°C
Brúsastaðir 02:00 SSA 6  14°C
Vegagerðin
Holtavörđuh. 02:30 S 6 9°C
Laxárdalsh. 02:30 SA 5 12°C
Vatnsskarđ 02:30 ASA 6 10°C
Ţverárfjall 02:30 SSA 8 13°C
Kjalarnes 02:30 ASA 9 11°C
Hafnarfjall 02:30 A10 12°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Guðjón S. Brjánsson
09. september 2019
Eftir Sigurbjörn Þorkelsson
04. september 2019
Aðkoma íbúa í málefnum landshlutans mikilvæg – Stórfundur í Menningarhúsinu Miðgarði, þriðjudaginn 3. september kl. 13-17.
26. ágúst 2019
Eftir Inga Heiðmar Jónsson
18. ágúst 2019
Eftir Inga Heiðmar Jónsson
14. ágúst 2019
Eftir Sigurbjörn Þorkelsson
13. ágúst 2019
Nöldriđ | 14. ágúst 2018 - kl. 13:26
Síðsumars nöldur

Hann er oft ógnvekjandi hraðinn á bílunum sem aka í gegnum Blönduós eftir þjóðveginum. Frá Ámundakinn og upp fyrir hringtorgið er hámarkshraðinn 50 km/klst. Ég leyfi mér að fullyrða að meirihluti bílstjóra ekur þennan spöl á 70-90 km hraða. Það er ekki hikað við að aka fram úr bílum á þessum kafla, enda boðið upp á það með brotinni línu á veginum alla leiðina meira að segja á brúnni og það er óskiljanlegt að ekki sé óslitin lína á þessum vegi. Þarna finnst mér að bæjaryfirvöld hljóti að geta gripið inní og farið fram á við Vegagerðina að hvíta línan sé óslitin í gegnum þéttbýlið.

Það er svo spurning hvort ökumenn fara eftir þessum línum, svo er a.m.k. ekki að sjá víða úti á þjóðveginum þar sem tekið er fram úr bílum hvar sem er, meira að segja á blindhæðum. Í nöldri mínu í vor nefndi ég þá hugmynd að Melabrautin yrði opnuð upp úr, að Votmúla, til að losa bæjarbúa utan ár, sem erindi eiga þangað, við að setja sig í hættu við að aka út á þjóðveg 1 þegar umferðin er sem mest. Þessari hugmynd er hér með aftur komið á framfæri. Þá hlýtur að koma að því að gerð verði hættuminni að- og frákeyrsla að tjaldstæðinu og orlofshúsunum í Glaðheimum en hún er varasöm svo ekki sé meira sagt eins og hún er í dag. Hringtogssýnishornið sem við höfum mátt búa við árum saman er svo kafli út af fyrir sig. Það eru nokkur ár síðan lofað var að það yrði stækkað, svo það stæði undir nafni og yki öryggi í umferðinni en ekkert bólar á því.

Það er gleðiefni að ferðamönnum fjölgar í bænum og við þurfum sem betur fer ekki að búa við örtröðina sem þeir hafa á suðurlandinu, en maður sér líka ýmislegt sem betur mætti fara hjá okkur. Það verður að fjölga bílastæðum við Norðurlandsveginn, þar sem eru veitingahús, bifreiðaverkstæði, blóma- og gjafavöruverslun og svo einn fjölsóttasti N1 skáli landsins. Þarna er ekki auðvelt að leggja bíl þegar umferðin er sem mest. Ég hef átt erindi á þetta svæði í sumar og þarna er ófremdarástand og í raun ótrúlegt að ekki hafi orðið þarna slys.

Margir tala um þetta sumar, sem nú er komið á seinni helminginn, sem sumarið sem aldrei kom. Þrátt fyrir leiðinda veður og litla sól höfuð við notið þess og að venju héldum við okkar Húnavöku og ég veit ekki betur en að hún hafi tekist vel, verið vel sótt og allir verið sáttir. Hér var haldin fjölmenn Prjónagleði í þriðja sinn og sótti hana bæði erlent og innlent áhuga- og fagfólk um prjónaskap og vonandi að framhald verði á. Hátíð eins og þessi vekur athygli á bænum og því frábæra starfi sem hér fer fram bæði í Textílsetrinu og ekki síður á Heimilisiðnaðarsafninu. Það er ekki annað að heyra en almenn bjartsýni sé ríkjandi hjá bæjarbúum almennt. Hér er að rísa hús undir gagnaver, byggingar að hefjast á  bæði iðnaðar- og íbúðarhúsum, fólki fjölgar í bænum og við höfum fengið  nýjan sveitarstjóra sem ég veit að bæjarbúar vænta mikils frá og bjóða hann velkominn til starfa.

Njótum þess sem eftir lifir sumars. Kveðja þar til næst. Nöldri

Höf. Nöldri
Fíkniefnamálum hefur fjölgað mikið á Norðurlandi vestra. Ljósm: FB/Logr.nv
Fíkniefnamálum hefur fjölgað mikið á Norðurlandi vestra. Ljósm: FB/Logr.nv
Fréttir | 22. september 2019 - kl. 13:40
Lögreglan á Norðurlandi vestra lagði hald á tæplega 80 grömm af meintum kannabisefnum í söluumbúðum í gær. Tveir einstaklingar gistu fangageymslur vegna málsins en þeir voru stöðvaðir við akstur og mældist kókaín og kannabis í þvagi ökumannsins. Lögreglan naut aðstoðar fíkniefnahunds við leit en efnin voru vandlega falin í vélarými bifreiðarinnar, að því er segir á Facebook síðu lögreglunnar á Norðurlandi vestra.
Skjáskot úr fréttum RÚV.
Skjáskot úr fréttum RÚV.
Fréttir | 21. september 2019 - kl. 17:35
Íbúar á Vatnsnesi komu saman við Illugastaði vestan megin á Vatnsnesi í fyrradag og reistu þar skilti með skilaboðum til ferðamanna þar sem óskað er eftir aðstoð þeirra við að benda á slæmt ástand Vatnsnesvegar. Um 600 ferðamenn koma á Illugastaði á degi hverjum yfir sumartímann til að virða fyrir sér seli. Fleiri skilti verða sett upp á fjölförnum ferðamannastöðum á nesinu. Fjallað var um málið í kvöldfréttum Ríkissjónvarpsins í gærkvöldi.
Glaðheimar
Veiðimaðurinn með hrygnuna stóru úr Vatnsdalsá. Ljósm: FB/Vatnsdalsá
Veiðimaðurinn með hrygnuna stóru úr Vatnsdalsá. Ljósm: FB/Vatnsdalsá
Fréttir | 21. september 2019 - kl. 12:36
Laxveiðitímabilið er að renna sitt skeið þetta sumarið. Veiði lauk í Laxá á Ásum á hádegi í gær og bauð áin upp á laxveiðiveislu í Langhyl þar sem veiðimenn lönduðu 30 löxum á nokkrum klukkutímum. Veiði í Laxá á Ásum í sumar var meiri en í fyrra og fer áin líklega yfir 800 veidda laxa í sumar miðað við rétt rúmlega 700 laxa í fyrra. Stærsti lax sem veiðst hefur í Vatnsdalsá í sumar veiddist í Þórhöllustaðahyl í vikunni.
Sameining A-Hún
Fréttir | 21. september 2019 - kl. 11:55
Heilsudagar hefjast á Blönduósi á mánudaginn og standa út vikuna. Markmiðið er að hvetja fólk til að hreyfa sig og huga vel að heilsunni. Allir tímar á vegum Íþróttamiðstöðvarinnar verða fríir en einnig verður skipulögð gönguferð, hjólaferð og sundlaugarpartý. Samstarf verður við íþróttafélögin, Kjörbúðin gefur ávexti sem boðið verður uppá í Íþróttamiðstöðinni og Hjartavernd býður uppá fría heilsufarsmælingu á HSN á Blönduósi.
Blanda kakólituð eftir rigningar undanfarna daga. Ljósm: Róbert Daníel Jónsson.
Blanda kakólituð eftir rigningar undanfarna daga. Ljósm: Róbert Daníel Jónsson.
Fréttir | 20. september 2019 - kl. 16:05
Gamla góða Blanda stendur vel undir nafni sínu í dag, kakóbrún og vatnsmikil er hún blessunin eins og sjá má á meðfylgjandi myndum sem Róbert Daníel Jónsson tók af henni. Blanda er um 125 kílómetra löng og á hún uppruna sinn í Hofsjökli, rennur ofan af Eyvindarstaða- og Auðkúluheiði ofan í Blöndugil, síðan um Langadal og til sjávar í Húnflóa. Eftir miklar rigningar undanfarna daga hefur vaxið verulega í ám og lækjum í Húnavatnssýslum og hafa aurskriður fallið hér og þar eins og í Laxárdal og Vatnsdal.
Unnur og Þórdís við undirritun viðaukans. Ljósm: ssnv.is
Unnur og Þórdís við undirritun viðaukans. Ljósm: ssnv.is
Fréttir | 20. september 2019 - kl. 14:56
Þórdís Kolbrún Reykfjörð Gylfadóttir, ferðamála,- iðnaðar og nýsköpunarráðherra og Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra undirrituðu í dag viðauka við þjónustusamning um mat á uppbyggingu nýrrar iðnaðarstarfsemi í Austur-Húnavatnssýslu. Með viðaukanum veitir ráðuneytið samtökunum 21 milljón króna í tímabundinn styrk til greiningar á iðnaðarkostum sem gætu hentað Norðurlandi vestra, gerð kynningarefnis og beinnar kynningar fyrir fjárfestum. Markmið þessa samnings er að fjölga fyrirtækjum og störfum á Norðurlandi vestra
Fyrirhuguð nýbygging á Blönduósi
Fyrirhuguð nýbygging á Blönduósi
Fréttir | 20. september 2019 - kl. 10:56
Ekkert bólar á framkvæmdum fyrirtækisins Uppbyggingar ehf. á fyrirhuguðum fjölbýlishúsum á Blönduósi og Hvammstanga. Til stóð að hefja uppbyggingu á 20 íbúða fjölbýlishúsi á fimm hæðum í báðum sveitarfélögunum síðastliðið vor. Engilbert Runólfsson, eigandi Uppbyggingar, segir að það séu mikil vonbrigði að verkefnin hafi ekki gengið hraðar fyrir sig. „Ástæðurnar eru einkum þær að erfiðlegra hefur gengið að fá efndir loforða um fjármögnun en við áttum von á.“
Vatnsdalur var allur á floti í apríl. Ástandið er ekki eins slæmt núna. Ljósm: Höskuldur B. Erlingsson.
Vatnsdalur var allur á floti í apríl. Ástandið er ekki eins slæmt núna. Ljósm: Höskuldur B. Erlingsson.
Fréttir | 20. september 2019 - kl. 10:49
Veginum um Vatnsdal við Hjallaland var lokað um tíma í morgun en þá féll skriða á veginn í kjölfar vatnavaxta. Rigningar og vatnavextir hafa haft áhrif á samgöngur víða um land undanfarinn sólarhring og allvíða eru skemmdir á vegum. Búið er að opna veginn um Vatnsdal en hann er erfiður yfirferðar þar sem unnið er að lagfæringu vegna aurskriðunnar.
Horft til Vatnsness
Horft til Vatnsness
Fréttir | 20. september 2019 - kl. 10:33
Áætla má að kostnaður við að leggja nýjan veg með bundnu slitlagi um Vatnsnes kosti um 3,5 milljarða króna, að því er fram kemur í Morgunblaðinu í dag. Vegurinn er reglulega í fréttum vegna þess hversu slæmur hann er og hvað hann veldur heimamönnum og ferðafólki miklum erfiðleikum. Bundið slitlag liggur frá hringveginum að Hvammstanga og fimm kílómetrum betur en þá eru 70 kílómetrar fyrir nesið að hringveginum á austanverðu nesinu.
Fréttir | 20. september 2019 - kl. 08:59
Samtök ferðaþjónustunnar hafa tekið saman tíu leiðir til að efla ferðaþjónustu, atvinnulíf og lífskjör á landsbyggðinni. Tillögunum er ekki ætlað að vera tæmandi heldur benda á ýmislegt sem er hægt og þarft að gera. Aðgerðir þessar krefjast að sjálfsögðu náinnar samvinnu hins opinbera og atvinnugreinarinnar, segir í tilkynningu frá SAF. Í dag mun Jóhannes Þór Skúlason, framkvæmdastjóri SAF, kynna tillögurnar í beinni útsendingu á Facebook síðu Samtaka ferðaþjónustunnar: www.facebook.com/ferdathjonustan. Kynningin hefst klukkan 10:30 og mun standa í 20 mínútur. Í kjölfarið verður síðan hægt að nálgast tillögurnar á heimasíðu SAF.
Fréttir | 19. september 2019 - kl. 18:47
Selasetur Íslands hefur verið tilnefnt til Destination of Sustainable Cultural Tourism Evrópuverðlaunanna 2019 eða sem Áfangastaður sjálfbærrar náttúrutengdrar ferðaþjónustu árið 2019. Verðlaunahafar verða kynntir á verðlaunahátíð í Granada á Spáni 24. október næstkomandi. Selasetur Íslands var stofnað árið 2005 og er hlutverk þess að standa fyrir rannsóknum á selum og náttúrutengdri ferðaþjónustu.
Fréttir | 19. september 2019 - kl. 18:26
Blönduósbær auglýsir á vef sínum eftir umsóknum frá menningar-, æskulýðs-, íþrótta- og félagasamtökum sem hyggjast sækja um styrki vegna starfsemi sinnar á næsta ári. Umsækjendum er bent á að eyðublöð eru á vef Blönduósbæjar og að umsóknarfrestur er til 4. október næstkomandi. Lögð er áhersla á að við móttöku styrkja sé gerður samningur við sveitarfélagið þar sem samstarf er nánar skilgreint.
Fréttir | 19. september 2019 - kl. 10:32
Lögreglan á Norðurlandi vestra stöðvaði á mánudaginn ökumann bifreiðar á 170 kílómetra hraða á klukkustund á þjóðvegi 1 í Blönduhlíð í Skagafirði. Ökumaðurinn, sem var erlendur ferðamaður, þurfti að greiða 240 þúsund króna sekt á staðnum og hætt akstri bifreiðarinnar. Sagt er frá þessu á Facebook síðu lögreglunnar á Norðurlandi vestra en þar kemur einnig fram að hún hafi verið með mjög öflugt umferðareftirlit það sem af er ári.
Fréttir | 19. september 2019 - kl. 10:05
Fjölbrautarskóli Norðurlands vestra heldur upp á 40 ára afmæli sitt á laugardaginn. Allir velunnarar skólans eru boðnir velkomnir til afmælisdagskrár sem hefst á sal Bóknámshúss skólans klukkan 13. Að lokinni dagskrá verður boðið upp á opið hús í öllu húsnæði skólans klukkan 14:00-15:30. Skólinn, sem hér til að byrja með Fjölbrautarskólinn á Sauðárkróki var fyrst settur 22. september árið 1979.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ