Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Þriðjudagur, 20. nóvember 2018
S  7 m/s
C
Olís
huni.is - RSS-efnisveita
 
Á döfinni
Nóvember 2018
SMŢMFFL
28293031123
45678910
11121314151617
18192021222324
2526272829301
FyrriNúnaNćsti
Veðurstofa Íslands
Blönduós 14:00 S 7  4°C
Reykir í Hr 14:00 SSA 5  0°C
Reykjavík 14:00 SA 7  7°C
Akureyri - 14:00 S 4  5°C
Egilsstaðaf 14:00 SSA 5  6°C
Haugur 14:00 S 2  4°C
Holtavörðuh 14:00 SSV 6  3°C
Þverárfjall 14:00 SV 3  3°C
Laxárdalshe 14:00 VSV 3  2°C
Brúsastaðir 14:00 NNV 3  -3°C
Vegagerðin
Holtavörđuh. 14:10 SSV 6 4°C
Laxárdalsh. 14:10 SV 2 2°C
Vatnsskarđ 14:10 VSV 1 4°C
Ţverárfjall 14:10 S 6 5°C
Kjalarnes 14:10 ASA 11 8°C
Hafnarfjall 14:10 VNV 2 9°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
18. nóvember 2018
Óábyrg ráðstöfun fjármuna
Loksins kom góða veðrið sem við biðum eftir í allt sumar. Það er að vísu svolítið seint að fá ekki sólskinið fyrr en í nóvember og fáir sem nýta það til sólbaða, enda hitastigið ekki hátt. Lognið og veðurblíðuna sem við höfum notið að undanförnu ber að þakka og einnig sólarlagið, þegar allt virðist loga, bæði haf og land.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
16. nóvember 2018
Eftir Guðjón S. Brjánsson
13. nóvember 2018
Eftir Sigurbjörn Þorkelsson
09. nóvember 2018
Eftir Sigurbjörn Þorkelsson
02. nóvember 2018
Eftir Inga Heiðmar Jónsson
30. október 2018
19. október 2018
Eftir Sigurbjörn Þorkelsson
19. október 2018
Eftir Magnús Ólafsson
09. október 2018
Stofnfélagaskrá.
Stofnfélagaskrá.
Fyrsta skóflustungan tekin að riffilbraut.
Fyrsta skóflustungan tekin að riffilbraut.
Pallarnir sópaðir fyrir NLM-OPEN 2018.
Pallarnir sópaðir fyrir NLM-OPEN 2018.
Riffilbraut
Riffilbraut
Sett upp skilti 2018.
Sett upp skilti 2018.
Unnið við salernisaðstöðu 2014.
Unnið við salernisaðstöðu 2014.
Unnið við skjólveggi 2017.
Unnið við skjólveggi 2017.
Þökulagning 2015.
Þökulagning 2015.
Pistlar | 02. september 2018 - kl. 08:58
Skotfélagið Markviss er þrjátíu ára í dag
Eftir Guðmann Jónasson

Það var þennan dag, annan september 1988 sem nokkrir áhugasamir einstaklingar komu saman á Hótel Blönduósi og stofnuðu Skotfélagið Markviss. Fundarstjóri var Þorsteinn Ásgeirsson formaður Skotíþróttasambands Íslands og honum til aðstoðar Ferdinand Hansen formaður Skotíþróttafélags Hafnarfjarðar.

Tillaga kom frá Ágúst Sigurðssyni frá Geitaskarði um nafnið Markviss, og var það samþykkt af fundargestum.

Fyrsta stjórn félagsins var þannig skipuð að formaður var Arnbjörn Arason,gjaldkeri Vignir Björnsson og ritari Björn Logi Björnsson.

Hafist var handa við að finna hentuga staðsetningu fyrir skotæfingasvæði hins nýstofnaða félags, ýmsir kostir voru skoðaðir en að endingu var félaginu úthlutað svæði austan flugvallarins og hefur verið þar allar götur síðan. Samningur milli Skotf.Markviss og Blönduóssbæjar um afnot svæðisins var undirritaður í nóvember 1989.

Fyrstu árin var mikil starfsemi innan félagsins, haldin voru landsmót , félagið sá um verklega kennslu á skotvopnanámskeiðum og svo mætti lengi telja.

Þegar leið að aldamótum höfðu ýmsir af virkustu félagsmönnum Markviss dregið sig í hlé eða flutt úr heimahögunum og starfsemi félagsins orðin í lágmarki. Árin 2000 til 2004 óx starfsemin jafnt og þétt og það er svo árið 2005 sem fyrsta mótið er haldið á skotsvæði Markviss eftir lagt hlé, þar var um að ræða Norðurlandsmeistaramót í Skeet en það er haldið árlega af skotfélögum hér norðan heiða. 2006 er svo haldið Landsmót STÍ á svæðinu eftir 10 ára hlé, og hefur það verið árviss viðburður æ síðan.

Árið 2009 festi félagið kaup á nýjum kastvélum enda ekki vanþörf á þar sem þær sem fyrir voru höfðu verið fengnar notaðar þegar völlurinn var settur upp um 1990 og voru orðnar úr sér gengnar. Á síðustu árum hefur mikil uppbygging átt sér stað á skotsvæði Markviss, byggður var pallur umhverfis félagsaðstöðuna 2013,Byggt var salernishús 2014. Skeet völlurinn þökulagður 2015. Keyptur gámur, settur upp og klæddur að utan árið 2016 og grafin langþráð 300m riffilbraut haustið 2017.

Það sem af er ári 2018 er búið að girða af það landsvæði sem Skotfélaginu er ætlað til iðkunar sinna íþróttagreina, setja upp yfirskotsvörn í riffilbraut og undirbúa byggingu aðstöðu skýlis í enda hennar. Stefnt er að því að vinnu við riffilbraut ljúki árið 2019. Þá er í ferli að koma upp aðstöðu til iðkunar fleiri haglagreina og ber þar fyrst að nefna Norrænt Trap og Compak Sporting en báðar þessar greinar eru tiltölulega nýjar keppnisgreinar innan Skotíþróttasambands Íslands og njóta vaxandi vinsælda hérlendis sem og erlendis.

Skotfélagið Markviss er í dag eitt af virkustu aðildarfélögum STÍ og á keppnisfólk í fremstu röð bæði í hagla- og kúlugreinum. Félagið er eitt af fyrirmyndarfélögum Íþrótta og Ólympíusambands Íslands og var fyrst aðildarfélaga USAH til að hljóta þá nafnbót árið 2016.

Hér hefur aðeins verið drepið á því helsta í sögu félagsins. Stefna félagsins hefur ávallt verið að bjóða félagsmönnum og öðru áhugafólki um iðkun skotíþrótta upp á bestu aðstöðu til æfinga og keppni og mun engin breyting verða þar á.  Með tilkomu aðstöðu fyrir fleiri greinar munu skapast möguleikar á auknu mótahaldi og æfingabúðum fyrir keppendur annarra félaga innlendra sem erlendra

Eins og fyrr greinir er vinna í gangi við lokafrágang riffilbrautar og undirbúningur hafinn við uppsetningu Trap og Compak Sporting vallar, einnig eru uppi hugmyndir um aukna skógrækt umhverfis skotsvæðið.

 Sú uppbygging sem verið hefur á svæðinu og árangur okkar keppnisfólks kemur ekki af sjálfu sér. Félagið hefur notið velvilja ýmissa fyrirtækja og einstaklinga hér í sýslunni  auk þess sem bæjaryfirvöld Blönduóssbæjar hafa staðið þétt við bak félagsins líkt og annarra íþróttafélaga sem starfa innan sveitarfélagsins, þessir aðilar eiga miklar þakkir skildar og  þá einnig  félagsmenn sem lagt hafa hönd á plóg við að gera félagið og aðstöðu þess að  því sem hún er í dag.

F.h. stjórnar Skotf.Markviss

Guðmann Jónasson

Höf. rzg
Fréttir | 20. nóvember 2018 - kl. 09:26
Heilbrigðiseftirlit Norðurlands vestra hvetur þá sem hyggjast standa fyrir áramótabrennum að drífa í að sækja um starfsleyfi sem fyrst. Samkvæmt reglugerð umhverfisráðuneytisins um losun frá atvinnurekstri og mengunarvarnaeftirlit tekur leyfisveitingin að minnsta kosti fimm vikur. Ástæðan er sú að það ber að auglýsa eftir athugasemdum í fjórar vikur og síðan er greinargerð tekin saman um útgáfuferil starfsleyfisins.
SSNV er styrkur í þér
Fréttir | 20. nóvember 2018 - kl. 09:14
Byrjað var á framkvæmd á borun vinnsluholu RS15 á Reykjum í Hrútafirði síðastliðinn fimmtudag en það er jarðborinn Tröllil hjá Ræktunarsambandi Flóa og Skeiða sem borar holuna. Borun gekk vel og fljótlega var komið niður á mjög heitt vatn, að því er fram kemur í fundargerð Veituráðs Húnaþings vestra frá því í gær. Þegar farið var að undirbúa að rýma út fyrir fóðringu kom í ljós að tenging var við holu RS-14 og fór nýja holan að stela vatni frá veitunni sem olli raski á afhendingu til notenda.
Glaðheimar
Fréttir | 19. nóvember 2018 - kl. 10:42
Valdimar O. Hermannsson sveitarstjóri á Blönduósi tók daginn snemma. Í morgun var hann mættur í myndver N4 á Akureyri til þess að ræða við Karl Eskil Pálsson í þættinum Landsbyggðum, sem sýndur verður á fimmtudagskvöld. Umræðuefnið er meðal annars mikil uppbygging á Blönduósi og framtíðarhorfur. Þátturinn verður síðan aðgengilegur á huni.is.
Sameining A-Hún
Gagnaversuppbygging gengur vonum framar. Ljósm: HBE.
Gagnaversuppbygging gengur vonum framar. Ljósm: HBE.
Fréttir | 18. nóvember 2018 - kl. 09:34
Hátt í 50 manns vinna nú við að byggja upp stærsta gagnaver landsins á Blönduósi og gera má ráð fyrir fjöldi þeirra nái allt að 80 á næstu vikum, að sögn Karls Sigfússonar byggingarstjóra. Vonast er til að öll húsin sex auk tengigangs, alls um 4.000 fermetrar, verði risin fyrir áramót. Valdimar O. Hermannsson, sveitarstjóri Blönduósbæjar, segir að kraftur hafi komist í verkefnið nú á haustdögum með aðkomu alþjóðlegra fjárfesta og gagnaversfyrirtækja og hlutirnir séu að gerast ótrúlega hratt.
Tilkynningar | 18. nóvember 2018 - kl. 08:59
Þórdís Kolbrún R. Gylfadóttir, ferðamála- iðnaðar- og nýsköpunarráðherra og Vilhjálmur Árnason alþingismaður, verða gestir í morgunverðarkaffi hjá sjálfstæðismönnum í Skagafirði í dag klukkan 11. Fundurinn verður haldinn í sal heimavistar Fjölbrautaskóla Norðurlands vestra (FNV). Þórdís Kolbrún mun þar ræða þau mál sem heyra undir hennar ráðuneyti og ríkisstjórnarsamstarfið almennt. Vilhjálmur mun flytja erindi um samgöngumál undir yfirskriftinni „Það er til önnur leið“.
Jón Árnason. Ljósm: Wikipedia
Jón Árnason. Ljósm: Wikipedia
Pistlar | 16. nóvember 2018 - kl. 14:03
Eftir Inga Heiðmar Jónsson
Rúm 40 ár stóð Bessastaðaskóli, árin 1805-1846. Skólanum tengjast nöfn ýmis nöfn skálda og rithöfunda sem eru okkur enn ofarlega í huga eftir 200 ár. Jónas skal fyrstan nefna, dreng dala, kom norðan úr Öxnadal, var farinn að setja saman stökur þegar hann kom til skólans 1823. Um systur sína orti JH:
Frá íbúafundinum. Ljósm: hunathing.is
Frá íbúafundinum. Ljósm: hunathing.is
Fréttir | 16. nóvember 2018 - kl. 13:40
Rúmlega 80 manns mættu á íbúafund um ástand vegar 711 um Vatnsnes sem haldinn var síðastliðið miðvikudagskvöld á Hótel Hvítserk. Sigurður Ingi Jóhannsson, samgöngu- og sveitarstjórnarráðherra mætti á fundinn, hlustaði á framsögur fulltrúa sveitarstjórnar Húnaþings vestra og íbúa svæðisins og fór yfir samgönguáætlun. Nefndi hann lið í henni sem mögulegt væri að nota til framkvæmda á Vatnsnesvegi eða svokallaðan tengivegapott.
Fréttir | 15. nóvember 2018 - kl. 18:06
Nú rétt í þessu var greint frá því að Sigurður Ingi Jóhannsson, samgöngu- og sveitarstjórnarráðherra, hafi undirritað samning við landshlutasamtök sveitarfélaga um níu verkefnastyrki sem veittir eru á grundvelli stefnumótandi byggðaáætlunar fyrir árin 2018-2024. Samtök sveitarfélaga á Norðurlandi vestra fá styrk vegna byggingar gagnavers Etix Everywhere Borealis við Blönduós.
Fréttir | 15. nóvember 2018 - kl. 14:50
Sveitarstjórn Húnavatnshrepps leggst alfarið gegn þeim áformum sem koma fram í athugasemdum Samgöngufélagsins við þingsályktunartillögu að samgönguáætlun fyrir árin 2015-2033. Þetta kemur fram í bókun sveitarstjórnar frá því í gær. Í henni segir að sveitarfélagið leggi áherslu á að inn í samgönguáætlun rati þau verkefni við stofn- og tengivegi sem heimamenn hafi bent á að nauðsynleg séu innan Húnavatnshrepps. Öll þau verkefni séu nauðsynlegt og brýn.
Húnavallaleið
Húnavallaleið
Fréttir | 14. nóvember 2018 - kl. 15:54
Hafin er undirskriftasöfnun til stuðnings því að tvær hugmyndir Vegagerðarinnar frá 2010, um styttingu hringvegarins á Norðurlandi vestra, verði teknar upp í samgönguáætlun. Annarsvegar er það svokölluð Húnavallaleið í Austur-Húnavatnssýslu og hinsvegar Vindheimaleið í Skagafirði. Sagt er frá þessu á vef Ríkisútvarpsins. Með Húnavallaleið yrði þjóðvegur eitt færður sunnar, í stað þess að liggja í gegnum Blönduós. Sveigt yrði í vestur úr Langadal, ekið á milli Laxárvatns og Svínavatns, framhjá Húnavöllum og komið á hringveginn við bæinn Öxl í mynni Vatnsdals. Vegur um Húnavallaleið myndi stytta leiðina milli Akureyrar og Reykjavíkur um allt að 14 kílómetra.
Fréttir | 14. nóvember 2018 - kl. 15:38
Stéttarfélögin Aldan, Verslunarmannafélag Skagafjarðar, SFR, Samstaða og Kjölur bjóða félagsmönnum sínum á námskeið sem haldin eru á vegum Farskólans á Norðurlandi vestra. Búið er að halda eitt námskeið sem tókst afar vel, að sögn Halldórs Gunnlaugssonar verkefnastjóra hjá Farskólanum. Framundan er námskeiðið „Langar þig að vera óstöðvandi?“ sem haldið verður á Sauðárkróki og Blönduósi 20. nóvember og á Hvammstanga 3. desember. Leiðbeinandi er Bjartur Guðmundsson leikari. Námskeiðið er opið öllum.
Fréttir | 14. nóvember 2018 - kl. 15:29
Árshátíð Grunnskóla Húnaþings vestra fer fram í Félagsheimilinu á Hvammstanga á föstudaginn klukkan 20 og stendur hún til miðnættis. Á dagskrá eru skemmtiatrið og dansleikur fyrir alla fjölskylduna. Generalprufa verður klukkan 10 á föstudagsmorgun og þar sjá nemendur öll atriði. Tíundi bekkur verður með sjoppu og kaffisölu um kvöldið. Sjoppan verður opnuð klukkan 19:30 og er opin þar til sýning hefst.
Holur á Vatnsnesvegi.
Holur á Vatnsnesvegi.
Fréttir | 14. nóvember 2018 - kl. 14:43
Íbúafundur verður haldinn á Hótel Hvítserk í Húnaþingi vestra í kvöld klukkan 20:00. Fundurinn er haldinn vegna slæms ástands Vatnsnesvegar og mætir samgöngu- og sveitarstjórnarráðherra, Sigurður Ingi Jóhannsson, á fundinn. Vonast er til að sem flestir láti sjá sig.
Björn og Berglind Rán undirrita samninginn. Ljósm: on.is
Björn og Berglind Rán undirrita samninginn. Ljósm: on.is
Fréttir | 13. nóvember 2018 - kl. 14:41
Orka náttúrunnar og gagnaversfyrirtækið Etix Everywhere Borealis hafa gert með sér samning um rafmagnsviðskipti vegna uppbyggingar á gagnaverum á Blönduósi og á höfuðborgarsvæðinu. Etix Everywhere Borealis hefur rekið gagnaver hér á landi um hríð og vex hratt, en það er í blandaðri eigu íslenskra og erlendra aðila. Fyrirtækið opnaði nýlega gagnaver við Blönduós og er frekari uppbygging fyrirhuguð þar og á Reykjanesi.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2018 Húnahorniđ