Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 22. febrúar 2019
A  1 m/s
C
Olís
huni.is - RSS-efnisveita
 
Á döfinni
Febrúar 2019
SMŢMFFL
272829303112
3456789
10111213141516
17181920212223
242526272812
FyrriNúnaNćsti
Veðurstofa Íslands
Blönduós 16:00 A 1  4°C
Reykir í Hr 17:00 NNA 4  2°C
Reykjavík 17:00 S 14 8°C
Akureyri - 17:00 S 1  4°C
Egilsstaðaf 17:00 VSV 2  1°C
Haugur 17:00 NNA 2  3°C
Holtavörðuh 17:00 NNV 5  1°C
Þverárfjall 17:00 A 5  2°C
Laxárdalshe 16:00 NA 8  2°C
Brúsastaðir 17:00 SA 7  6°C
Vegagerðin
Holtavörđuh. 17:00 NNV 5 1°C
Laxárdalsh. 17:09 0 0°C
Vatnsskarđ 17:09 0 0°C
Ţverárfjall 17:00 A 5 3°C
Kjalarnes 17:00 SA12 7°C
Hafnarfjall 17:00 ANA6 9°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. febrúar 2019
Ekki boðlegt að fæða börn á fjallvegum
Aldrei fór það svo að við fengjum ekki snjó á þessum vetri. Hann hefur eflaust verið mörgum kærkominn og hefði mátt vera miklu meiri að sumra mati og kannski á eftir að bæta á, hver veit. Þegar þetta er ritað er þegar búið að halda tvö þorrablót hér á Blönduósi.
::Lesa

Northwest.is


SSNV

Leita í netfangaskrá
 
Eftir Rúnar Þór Njálsson
16. febrúar 2019
Eftir Arnheiði Jóhannsdóttur
17. janúar 2019
Eftir Sigurbjörn Þorkelsson
15. janúar 2019
Eftir Inga Heiðmar Jónsson
14. janúar 2019
Eftir Guðjón S. Brjánsson
09. janúar 2019
Nöldriđ | 17. september 2018 - kl. 21:23
Njótum hausthúmsins

Þrátt fyrir leiðinda tíðarfar þetta sumarið, hefur það liðið ótrúlega fljótt og ég hef tilfinningu fyrir því að þeir sem starfa hér við að þjónusta ferðamenn séu nokkuð ánægðir með útkomu sumarsins. Við Blönduósingar héldum okkar hefðbundnu sumarhátíðir sem vera ber og nú síðast gladdist hestafólk yfir veðurblíðu í hrossarekstri af Laxárdal. Einn er sá dagur á sumrinu sem Blönduósingar voru vanir að minnast, en virðist vera að falla í gleymskunnar dá, en það er 4. júlí. Í ár voru 30 ár síðan haldið var upp á það með pompi og prakt að Blönduós varð bær 4. júlí 1988. Mér hefði ekki þótt mikið þó þeir sem hér ráða ríkjum hefðu boðið okkur bæjarbúum í kaffi og t.d. pönnukökur eða vöfflur, það hefði varla sett bæjarsjóð á hausinn. Það var ekki einu sinni dreginn fáni að hún við skrifstofur bæjarins eins og ég man eftir að gert var í gamla daga. Og ekki var tímamótanna einu sinni minnst á vef bæjarins. Það var aðeins hér á síðum Húnahornsins sem sagt var frá afmælinu. Einnig er gaman að geta þess að í ár eru 142 ár síðan Th.Thomsen hóf  verslunarrekstur hér á  Blönduósi.

Nágrannar okkar í Húnaþingi vestra tóku heldur betur á því og blésu til sögu- og menningarveislu heila helgi í ágúst þegar þeir héldu upp á 20 ára afmæli sitt. Það var menningarfélag Húnaþings vestra sem sá um atburðinn.

Í fyrrasumar var um það talað að byrjað væri að reyna að uppræta kerfilinn sem hægt og bítandi leggur undir sig bæjarlandið. Ekki hef ég séð þess nein merki á þessu sumri að stuggað sé við þessum vágesti enda víst lítið hægt að gera þegar hann hefur fengið að breiða úr sér óáreittur ár eftir ár. Ég las viðtal við mann sem fylgist með gróðurfari á landinu og hann sagði að ekki væri hægt að eitra fyrir ófögnuðinum, helst væri að slá hann snemma sumars áður en hann myndar fræ eða það sem líklega væri skást, að beit sauðfé á hann. Það yrðu líklega ekki margir kátir að fá rollurnar aftur í bæinn.

Þó kerfillinn sé ekki ljót planta þegar hann skartar sínum hvítu blómum, er hann lítið augnayndi þegar blómin eru fallin og Hnjúkbyggðin liti skömminni skár út ef slegið væri meðfram götunni niður í gamla bæinn. Það er ekki hægt að segja að sú leið sé snyrtileg.

Í höfuðborginni okkar vantar nöfn á nýjar götu sem mér skilst að verði við Landsspítalann þegar það bákn allt verður risið. Stungið var upp á götuheitum sem vísuðu í lækningajurtir, en þær hugmyndir voru blásnar út af borðinu.  Maður nokkur lagði orð í belg á Facebook síðu sinni þar sem hann stakk upp á  frábærum hugmyndir að götuheitum við sjúkrahúsið t.d. Stoðkerfisstræti, Botnlangi, Misstígur, Ökklabraut, Meltingarvegur og Rassgata.

Þetta sumar sem senn kemst á síðasta fjórðunginn hefur um margt verið ánægjulegt fyrir okkur Blönduósinga. Hér hefur loksins orðið hreyfing á hlutunum. Hafnar byggingar á íbúðar- og iðnaðarhúsum. Hús yfir gagnaver risið og starfsemi þar að hefjast á næstunni og byrjað verður fljótlega á bygging á húsi nr. 2 samkvæmt fréttum. Þá hefur íbúum fjölgað verulega frá áramótum.  Eins og að ofan getur hefur verið mikið um ferðamenn í sumar. Öll gistirými í bænum full flestar nætur og meira að segja er farið að gista í  gömlu kirkjunni og stóðhestaréttarhelgina var líf og fjör í gamla bænum og hann fullur af gestum.

Ég veit að það hefur glatt fleiri en mig að lesa frásagnir Magnúsar Ólafssonar sem birst hafa hér á Húnahorninu, þar sem hann segir frá ferðum sem hann hefur farið í sumar á söguslóðir morðanna á Illugastöðum. Magnús er búinn að fara nokkrar hestaferðir með áhugasamt fólk ásamt því að fara með hóp úr félagi eldri borgara í rútuferðum um þessar slóðir og segja frá þeim óhugnanlegu atburðum sem þarna urðu og leiddu til aftöku Agnesar og Friðriks við Þrístapa árið 1830. Magnúsi er létt um mál og gjörþekkir þessa sögu alla og segir skilmerkilega frá. Það er ánægjulegt að nú loks á að gera þessum atburðum frekari skil með uppbyggingu við Þrístapa sem hefjast á næsta vor. Þess má einnig geta að miklar líkur eru á að Magnús fari fleiri hestaferðir með söguþyrsta Íslendinga næsta sumar. 

Þó lítið finnist af berjum þetta árið og sumir kvarti yfir lélegri kartöfluuppskeru, má alltaf hugga sig við að Valdimar kótelettukarl lætur ekki deigan síga og blæs til fyrsta kótelettukvöldsins 26. september n.k. Nú er bara að panta miða og fara að mýkja raddböndin.

Njótum hausthúmsins

Kveðja, Nöldri.

Höf. Nöldri
Tilkynningar | 22. febrúar 2019 - kl. 16:37
Tilkynning frá sóknarpresti
Guðsþjónusta verður í Blönduósskirkju á konudaginn 24. febrúar kl. 11:00. Þá verður guðsþjónusta í Þingeyraklausturskirkju á konudaginn kl. 14:00.
Tilkynningar | 22. febrúar 2019 - kl. 15:48
Textíllistamiðstöðin tekur á móti textíllistamönnum í hverjum mánuði og í lok hvers mánaðar er haldin sýning á því sem þau hafa unnið þann mánuðinn. Þann 27. febrúar, klukkan 15:30 verður haldin sýning á verkum listamanna febrúarmánaðar og eru allir velkomnir upp á aðra hæð Kvennaskólans þar sem stúdíó þeirra er.
Glaðheimar
Frá Blönduósi
Frá Blönduósi
Fréttir | 22. febrúar 2019 - kl. 14:29
Blönduósbær hefur áhuga á að fá fleiri hugbúnaðar- eða tæknifyrirtæki á gagnaverssvæðið. Valdimar O. Hermannsson, sveitarstjóri Blönduósbæjar segir í Morgunblaðinu í dag að mikilvægt sé að nýta betur þá innviði sem fjárfest hafi verið í. Í þeim tilgangi taki bærinn þátt í stærstu gagnaverssýningu heims sem haldin verður í Þýskalandi í næsta mánuði. Þar verður Etix-verkefnið kynnt sérstaklega á „stóra sviðinu“.
Sameining A-Hún
Félagsheimilið Hvammstanga fékk hæsta styrkinn. Ljósm: hunathing.is
Félagsheimilið Hvammstanga fékk hæsta styrkinn. Ljósm: hunathing.is
Fréttir | 22. febrúar 2019 - kl. 08:40
Stjórn Menningarsjóðs Sparisjóðs Vestur-Húnavatnssýslu auglýsti í síðasta mánuði eftir umsóknum um menningarstyrki úr sjóðnum árið 2019. Sjóðnum bárust 25 umsóknir að fjárhæð tæplega 28 milljónir króna og ákvað stjórnin að veita styrki að fjárhæð 10,7 milljónir króna. Hæsta styrkinn fékk Félagsheimilið Hvammstanga, samtals 3,3 milljónir, vegna endurnýjunar og uppfærslu ljósabúnaðar og hljóðkerfis.
Fréttir | 22. febrúar 2019 - kl. 08:06
Stéttarfélögin Aldan, Kjölur, Samstaða, SFR og Verslunarmannafélag Skagafjarðar bjóða félagsmönnum sínum á námskeið, þeim að kostnaðarlausu. Námskeiðin eru haldin á vegum Farskólans á Norðurlandi vestra en þau eru öllum opin og geta aðrir en félagsmenn þessara félaga kannað rétt sinn hjá sínu stéttarfélagi.
Tilkynningar | 22. febrúar 2019 - kl. 06:43
Í tilefni af 50 ára afmæli Krabbameinsfélags Austur-Húnvetninga, býður félagið til afmælisveislu í Félagsheimilinu á Blönduósi, sunnudaginn 3. mars klukkan 15:00. Á dagskrá verða ávörp, tónlistaratriði, og veislukaffi. Fram koma eftirtaldir tónlistarmenn:
Blönduskóli
Blönduskóli
Fréttir | 21. febrúar 2019 - kl. 10:00
Hin árlega árshátíð Blönduskóla verður haldin á morgun, föstudaginn 22. febrúar, í Félagsheimilinu á Blönduósi. Húsið opnar klukkan 18:30, árshátíðin sjálfs hefst klukkan 19:00 og henni líkur klukkan 24:00. Á dagskrá er m.a. leikrit um Emil í Kattholti í leikstjórn Jófríðar Jónsdóttur og hin árlega Blönduvision, söngkeppni nemenda í 8.-10. bekk, verður á sínu stað.
HSN á Blönduósi
HSN á Blönduósi
Fréttir | 21. febrúar 2019 - kl. 09:46
Þorragleði var haldin hjá íbúum og aðstandendum HSN á Blönduósi 10. febrúar síðastliðinn. Rúmlega 50 manns skemmtu sér saman yfir sögn og gómsætum þorramat. Hafa gaman og Retró gáfu þorramatinn og meðlætið og svignuðu borðin undan kræsingum. „Silla, Lullý, Baldur og Bóta héldu uppi söng og gleði og skapaðist góð stemming í fallegu baðstofunni okkar,“ segir Eva Hrund Pétursdóttir hjá HSN á Blönduósi.
Tilkynningar | 21. febrúar 2019 - kl. 09:02
Tilkynning frá HSN
Krabbameinsleit verður á heilsugæslustöðinni á Blönduósi dagana 27.-28. febrúar 2019. Þær konur sem fengið hafa boðunarbréf eða telja að kominn sé tími á skoðun eru eindregið hvattar til að bóka sér tíma í síma 4554100 alla virka daga milli kl. 9-15.
Tilkynningar | 21. febrúar 2019 - kl. 09:01
Tilkynning frá HSN
Örn Sveinsson augnlæknir verður með móttöku á Heilbrigðsstofnun Norðurlands á Blönduósi dagana 27. og 28. febrúar 2019. Tímapantanir í síma 4554100 virka daga milli kl. 9-15.
Fréttir | 21. febrúar 2019 - kl. 08:30
Kvennakórinn Sóldís heldur sína árlegu Konudagstónleika klukkan 15:00 næstkomandi sunnudag í Menningarhúsinu Miðgarði. Söngstjóri er Helga Rós Indriðadóttir, undirleikari Rögnvaldur S. Valbergsson og einsöngvarar þær Ólöf Ólafsdóttir og Íris Olga Lúðvíksdóttir. Söngdagskráin er fjölbreytt að anda og veisluhlaðborð að loknum tónleikum. Aðgangseyrir er 3.500 krónur.
Frá Skagaströnd
Frá Skagaströnd
Fréttir | 21. febrúar 2019 - kl. 08:22
Sveitarstjórn Skagastrandar ákvað nýverið að hækka styrk vegna frístundakorts fyrir árið 2019 um 67% eða úr 15.000 krónum í 25.000 krónur. Foreldrar barna með lögheimili á Skagaströnd eiga rétt á styrk, fyrir hvert barn á grunnskólaaldri, sem tekur þátt í íþrótta- og æskulýðsstarfi. Sveitarfélagið hvetur foreldra til að nýta styrkinn, en nánari upplýsingar er hægt að nálgast á skrifstofu sveitarfélagsins, að því er segir á vef Skagastrandar.
Frá Blönduósi. Ljósm: Höskuldur B. Erlingsson.
Frá Blönduósi. Ljósm: Höskuldur B. Erlingsson.
Fréttir | 20. febrúar 2019 - kl. 16:59
Sveitarstjórn Blönduósbæjar boðar til kynningarfundar, vegna móttöku flóttafólks, mánudaginn 25. febrúar næstkomandi, í Félagsheimilinu á Blönduósi klukkan 20:00. Á fundinum mun Valdimar O. Hermannsson, sveitarstjóri, gera grein fyrir aðdraganda og stöðu málsins hjá Blönduósbæ og í Húnavatnssýslum. Þá munu þær Nína Helgadóttir, verkefnastjóri hjá Rauða krossinum, og Linda Rós Alfreðsdóttir, sérfræðingur frá félagsmálaráðuneytinu, flytja erindi. Íbúa Blönduósbæjar eru hvattir til þess að mæta á kynningarfundinn og verða kaffiveitingar í boði.
Frá Blönduósi. Ljósm: Róbert Daníel Jónsson.
Frá Blönduósi. Ljósm: Róbert Daníel Jónsson.
Fréttir | 20. febrúar 2019 - kl. 09:39
Blönduósbær hefur auglýst tillögu að deiliskipulag að nýjum íbúðalóðum við Fjallabraut, Lækjarbraut og Holtabraut á Blönduósi. Auglýsingin er í samræmi við samþykkt sveitarstjórnar frá 12. febrúar síðastliðnum. Tillagan samanstendur af skipulagsuppdrætti og greinargerð. Allar meginforsendur deiliskipulagsins eru í samræmi við Aðalskipulag Blönduóss 2010–2030, að því er segir í auglýsingunni.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ