Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Mánudagur, 21. janúar 2019
ASA  4 m/s
C
Olís
huni.is - RSS-efnisveita
 
Á döfinni
Janúar 2019
SMŢMFFL
303112345
6789101112
13141516171819
20212223242526
272829303112
FyrriNúnaNćsti
Veðurstofa Íslands
Blönduós 10:00 ASA 4  0°C
Reykir í Hr 10:00 SSA 4  0°C
Reykjavík 10:00 SSV 1  -2°C
Akureyri - 10:00 SA 5  1°C
Egilsstaðaf 10:00 SSA 7  4°C
Haugur 10:00 S 3  -1°C
Holtavörðuh 10:00 S 3  -3°C
Þverárfjall 10:00 SA 4  -1°C
Laxárdalshe 10:00 SSA 4  -2°C
Brúsastaðir 10:00 S 3  0°C
Vegagerðin
Holtavörđuh. 10:10 S 3 -4°C
Laxárdalsh. 10:10 SSA 4 -2°C
Vatnsskarđ 10:10 A 3 -3°C
Ţverárfjall 10:10 ASA 3 -2°C
Kjalarnes 10:10 SA 3 -2°C
Hafnarfjall 10:10 SA 6 -2°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. janúar 2019
Nýtt spennandi ár
Gleðilegt nýtt ár og þakkir fyrir samfylgdina á árinu sem var að ljúka. Nú er úr vöndu að ráða. Um hvað er hægt að nöldra á þeim góðæristímum sem við Blönduósingar lifum nú. Samkvæmt fréttum er hér allt að gerast.
::Lesa

Northwest.is


SSNV

Leita í netfangaskrá
 
Eftir Arnheiði Jóhannsdóttur
17. janúar 2019
Eftir Sigurbjörn Þorkelsson
15. janúar 2019
Eftir Inga Heiðmar Jónsson
14. janúar 2019
Eftir Guðjón S. Brjánsson
09. janúar 2019
Eftir Sigurbjörn Þorkelsson
05. janúar 2019
Eftir Sigurbjörn Þorkelsson
06. desember 2018
Eftir Gunnar Rúnar Kristjánsson
30. nóvember 2018
Eftir Sigurbjörn Þorkelsson
29. nóvember 2018
Húnaver
Húnaver
Pistlar | 30. október 2018 - kl. 21:05
Stökuspjall: Um bláa dalinn heima
Eftir Inga Heiðmar Jónsson

Er þráir mín sál að syngja
og svífa frá villtum glaum
þá ljóðhörpu læt ég klingja
og leiðist í sæludraum.
En ljóðstafi lítt ég þekki
- með listhreim kveð ég ekki -
svo öll virðast efnin naum. BGB

Björn organisti á Hvammstanga var gott skáld og átti til skálda að telja því Ólöf frá Hlöðum var móðursystir hans. Ragnar organisti og söngstjóri í Reykjavík var sonur Björns. Skáldið hafði næmt auga fyrir frelsi. Hann orti um Litla-Rauð við hesthúsdyrnar:

Frekt mig langar frelsið í
flýja stranga hnefann
örðug gangan er mér því
inn í fangaklefann. BG

Björn flutti til þorpsins  þegar hann var kominn á miðjan aldur og lagði stund á smíðar. Hér fellir hann fernar mannlýsingar í snjalla vísu:

Einn vill pæla allt í flag
annar þráir tinda
þriðji frelsi og friðarhag
fjórði hlekki að binda. BGB

Tómas Gunnar frá Hrútatungu sendi nýlega frá sér sögu sína, Genginn ævivegur, vel skrifuð og merk heimild um samfélagið í Staðarhreppi og bóndann og vaktmanninn Gunnar er bjó við rætur heiðarinnar og átti marga ferð yfir hana til að moka fönn af vegi eða bjarga ferðamönnum.

Austast í þessari sömu sýslu vatna og víðáttu óx upp annar rithöfundur, Hólmfríður Kolbrún var fædd 1939 á Æsustöðum, en flutti ásamt foreldrum og eldri systkinum suður í Kópavog þegar Gunnar Árnason, faðir hennar fékk þar stöðu 1952, varð fyrsti presturinn í Kópavogi, hafði annexíu í Bústaðahverfi en kirkjulausar voru báðar sóknirnar. Frá þessu segir HKG mætavel í nýrri bók sinni, Hjá grassins rót, en hlýjustu kaflana fá þó æskustöðvar hennar norður í Langadal og fólkið sem þar bjó og býr sumt enn. Sr. Jón Þórðarson á Auðkúlu, langafi HKG, var traustur samstarfsmaður Jóns föðurbróður síns Árnasonar, safnaði þjóðsögum og átti í miklum bréfaskiptum við hann. Hólmfríður auðgar bók sína með völdum köflum, setningum eða vísum ýmissa höfunda. Heiti bókarinnar sækir hún til Jóns Helgasonar frá Rauðsgili.

Enn ég um Fellaflóann geng
finn eins og titring í gömlum streng
hugann grunar hjá grassins rót
gamalt spor eftir lítinn fót.

Sjálf segir HKG:

„Stundum hef ég fengið að heyra hjá mínum nánustu að ég vaði úr einu í annað en ég hef ekki fundið þannig til. Ég hef fremur verið hrædd um að hugmyndirnar gleymdust og fyndust aldrei aftur -- eins og oft reyndist rétt. Þess vegna yrði að grípa þær á flugi.“

Húnvetningar eru ríkir að eignast tvo nýja rithöfunda á einu hausti og ekki mörg ár síðan Erlendur frá Geithóli sendi ævisögu sína til lesenda. Sú bók heitir Að kvöldi dags, vel skrifuð og sett upp eins og nýju ævisögurnar en lýsir ólíkum heimi og kjörum. Er þó Erlendur sé ekki nema 10 árum eldri en Hólmfríður! Stökuspjallinu lýkur með litlu ljóði úr bók Hólmfríðar. Hún yrkir það um Fölva, hest sem fjölskylda HKG eignaðist norðan úr Skagafirði. En hann fékk sama nafn og gæðingur móður hennar, Sigríðar á Æsustöðum hafði haft áratugum fyrr:

Fölvavísur

Vorið nálgast hlýtt og hýrt
hölda gleður alla.
Hestinn bleika hef ég skírt
hann skal Fölva kalla.

Annar Fölvi eitt sinn var
ei mun honum gleyma.
Hann mig unga á baki bar
um bláa dalinn heima.

Unga Fölva og einnig mín
óræð forlög bíða
en víst mun ljúft þá vorsól skín
viljugum fák að ríða.

Þegar loks í ferð ég fer
ferð sem allra bíður
sækir mig þá vaskur ver
sem vekring bleikum ríður. HKG

Heimildir og ítarefni:

Björn G. Björnsson organisti og smiður: http://bragi.info/hunafloi/hofundur.php?U=b0&ID=17475 
Kirkjan í Kirkjuhvammi: https://www.nat.is/Kirkjur/Kirkjur_NL_kirkjuhvammskirkja.htm 
Prestatal Auðkúlu, Blöndudalshólum og Bergsstöðum: http://stikill.123.is/blog/2010/05/16/454453/ 
Sr. Gunnar segir af högum sínum að loknu guðfræðiprófi og fyrstu árunum á akrinum - meðal Húnvetninga:  http://stikill.123.is/blog/2008/11/14/318222/  
Jónas Tryggvason skrifar sr. Gunnari vorið 1955: http://stikill.123.is/blog/2009/01/13/339239/

Ingi Heiðmar Jónsson 

Höf. rzg
Fréttir | 20. janúar 2019 - kl. 22:18
Lesendur Húnahornsins völdu á dögunum best skreytta húsið á Blönduósi og var góð þátttaka í valinu. Nokkur hús komu til greina en það hús sem fékk flest atkvæði var Hólabraut 11 en eigendur hússins eru þau Gunnhildur Þórmundsdóttir og Elmar Sveinsson.
Maður ársins 2018
Fréttir | 20. janúar 2019 - kl. 21:31
Hollvinasamtök HSN á Blönduósi afhentu stofnuninni aðstandendaíbúð á laugardaginn sem mun nýtast vel þeim aðstandendum sem þurfa að dveljast um lengri eða skemri tíma hjá sjúklingum sjúkrahússins. Íbúðin er á annarri hæð heilbrigðisstofnunarinnar og er öll hin veglegasta.
Glaðheimar
Fréttir | 19. janúar 2019 - kl. 20:24
Þorrablót Bólhlíðinga og Svínvetninga árið 2019 verður haldið í Húnaverið 2. febrúar næstkomandi. Húsið opnar klukkan 19:00 með fordrykk og boðið verður upp á að smella einni „sjálfu“ fyrir borðhaldið sem hefst klukkan 20:00. Freyja Ólafsdóttir matreiðslumeistari sér um að framreiða girnilegan þorramat. Veislustjóri verður séra Hjálmar Jónsson. Hljómsveitin Span sér um að halda uppi fjörinu. Miðaverð er kr. 8.000 kr. Ekki verður posi á staðnum.
Sameining A-Hún
Fréttir | 19. janúar 2019 - kl. 11:43
Textílmiðstöð Íslands – þekkingarsetur á Blönduósi hefur opnað nýja heimasíðu, textilmidstod.is. Einnig hefur miðstöðin opnað Facebook síðu. Á henni kemur fram að spennandi tímar séu framundan, m.a. séu nemendur úr hönnunardeild Listaháskólans á leiðinni í miðstöðina í næstu viku og svo hafi borist fréttir um að hægt yrði að fara í öll þau verkefni sem búið var að sækja styrkir fyrir hjá Uppbyggingarsjóðs Norðurlands vestra en þeir nema samtals 3,5 milljónum króna.
Verðlaunahafar í yngri flokki. Ljósm: Grunnskóli Húnaþings vestra.
Verðlaunahafar í yngri flokki. Ljósm: Grunnskóli Húnaþings vestra.
Fréttir | 19. janúar 2019 - kl. 11:17
Árleg Söngvarakeppni Grunnskóla Húnaþings vestra fór fram í vikunni með glæsibrag. Þar stigu nemendur á stokk, hver öðrum betri og frambærilegri, með stórgóða skemmtun fyrir áhorfendur. Í yngri flokki sigraði Dagbjört Jóna Tryggvadóttir, Elvar Orri Sæmundsson varð í öðru sæti og Ísey Lilja Waage og Valgerður Alda Heiðarsdóttir í því þriðja. Þá fengu Dagbjört Jóna Tryggvadóttir og Einar Örn Sigurðsson verðlaun fyrir sviðsframkomu.
Tilkynningar | 18. janúar 2019 - kl. 11:48
Tilkynning frá Blönduósbæ
Blönduósbær óskar eftir að ráða starfsfólk í framtíðarstarf við heimaþjónustu. Æskilegt er að viðkomandi hafi bílpróf og sé orðinn 25 ára. Vinnutími er samkomulag á milli þjónustuþega. Urząd miasta Blönduósbær chce zatrudnić na stałe pracownika na stanowisko pomoc domowa ,głównie osobom starszym.Wymagane jest aby osoba ta posiadała prawo jazdy i miała ukończone 25 lat. Wymagana znajomość języka islandzkiego .
Fréttir | 18. janúar 2019 - kl. 10:59
Það getur verið heppilegt að koma við í Staðarskála á ferðalaginu hvort sem verið er að fara norður eða suður. Hjón að norðan áttu leið fram hjá Staðarskála síðasta laugardag og þegar hungrið sagði skyndilega til sína var ákveðið að stoppa og fá sér pylsu. Þau voru að klára að borga þegar að konan allt í einu mundi eftir því að hún hafi ætlað sér að kaupa Lottómiða fyrir helgina. Honum var því bætt við á síðustu stundu og sem betur fer, því á miðanum leyndust rétt tæpar 22 milljónir.
Húnvetningar á Mannamóti. Ljósm: FB/Edda.
Húnvetningar á Mannamóti. Ljósm: FB/Edda.
Fréttir | 17. janúar 2019 - kl. 13:10
Markaðsstofur landshlutanna, í samstarfi við flugfélagið Erni og Isavia, setja upp Mannamót í sjötta sinn í Kórnum í Kópavogi í dag frá klukkan 12-17. Mannamót er kynningarvettvangur ferðaþjónustunnar á landsbyggðinni og tækifæri til að koma á fundum fagaðila í greininni. Tilgangurinn er að kynna landsbyggðarfyrirtæki fyrir ferðaþjónustuaðilum sem staðsettir eru á höfuðborgarsvæðinu. Gestum á Mannamóti gefst kostur á kynna sér það sem landshlutarnir bjóða uppá.
Skjáskot af N4
Skjáskot af N4
Fréttir | 17. janúar 2019 - kl. 13:05
Norðlenska sjónvarpsstöðin N4 var nýverið á Blönduósi og heimsótti Kvennaskólann þar sem Textílmiðstöð Íslands – þekkingarsetur á Blönduósi er til húsa. Í þættinum er rætt við Katarina Schneider verkefnastjóra um listamiðstöðina og þá starfsemi sem fram fer á Blönduósi í tengslum við textíl.
HSN á Blönduósi
HSN á Blönduósi
Fréttir | 17. janúar 2019 - kl. 08:18
Hollvinasamtök HSN Blönduósi munu afhenda heilbrigðisstofnunni fullbúna aðstandendaíbúð laugardaginn 19. janúar næstkomandi, klukkan 14:00. Gestum og gangandi gefst kostur á að skoða íbúðina milli klukkan 14:30 til 16:00. Athugið að gengið er um B innganginn, annarri hæð.
Pistlar | 17. janúar 2019 - kl. 07:46
Eftir Arnheiði Jóhannsdóttur
Ferðaþjónustuaðilar frá öllu landinu fjölmenna nú í lok janúar til höfuðborgarinnar í sjötta skiptið til þess að taka þátt í ferðasýningunni Mannamóti. Mikill kraftur einkennir ferðaþjónustuna eins og áður og eru fyrirtæki frá landshlutunum 270 talsins en þeim fylgir hópur hátt í 400 einstaklinga sem munu taka á móti gestum sínum frá höfuðborgarsvæðinu og kynna fyrir þeim þjónustu, spennandi áfangastaði og ýmsar nýjungar.
Unnur og Þorleifur. Mynd: visir.is/Stöð2
Unnur og Þorleifur. Mynd: visir.is/Stöð2
Fréttir | 16. janúar 2019 - kl. 16:16
Sveitarstjórnarmenn af landsbyggðinni mætti á fund umhverfis- og samgöngunefndar í gær til að ræða um veggjöld. Í fréttum Stöðvar 2 í gærkvöldi var fjallað um málið og m.a. rætt við fulltrúa Norðurlands vestra, þau Unni Valborgu Hilmarsdóttur, framkvæmdastjóra Samtaka sveitarfélaga á Norðurlandi vestra, og Þorleif Karl Eggertsson, formann samtakanna og oddvita Húnaþings vestra. Þau færðu þingnefndinni þau skilaboð að meira fé þyrfti í vegi eins og Skagastrandarveg og Vatnsnesveg.
Frá undirbúningi afmælishátíðar 1988. Ljósm: grunnskoli.hunathing.is.
Frá undirbúningi afmælishátíðar 1988. Ljósm: grunnskoli.hunathing.is.
Fréttir | 16. janúar 2019 - kl. 15:26
Grunnskóli Húnaþings vestra leitar að myndum frá undirbúningsvinnu og sýningum í skólanum á Hvammstanga í tilefni afmælishátíðar Hvammstangahrepps árið 1988. Þeir sem eiga myndir eru vinsamlegst beðnir um að senda þær á netfang skólans eða koma með þær í skólann þar sem hægt er að taka afrit af þeim. „Við leitum bara að myndum sem tengjast skólanum, gerð líkana, sýningum o.þ.h. en ekki frá öðrum viðburðum á Hvammstanga,“ segir á vef skólans.
Sögustund á Breiðabólstað.
Sögustund á Breiðabólstað.
Fréttir | 16. janúar 2019 - kl. 15:15
Magnús Ólafsson frá Sveinsstöðum hefur ákveðið að bjóða upp á a.m.k. tvær hestaferðir, á komandi sumri, um söguslóðir morðanna á Illugastöðum og síðustu aftökunnar á Íslandi. Magnús stóð fyrir sambærilegum ferðum síðasta sumar sem voru fjölmennar og vinsælar. Ferðirnar í fyrra urðu þrjár en hver ferð tók fimm daga og gat fólk riðið með einn dag eða svo marga sem það kaus. Sama fyrirkomulag verður á ferðunum í sumar. Fyrri ferðin hefst 27. júní en sú síðari 27. júlí.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ