Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Þriðjudagur, 19. mars 2019
SSV  8 m/s
C
Olís
huni.is - RSS-efnisveita
 
Á döfinni
Mars 2019
SMŢMFFL
242526272812
3456789
10111213141516
17181920212223
24252627282930
31123456
FyrriNúnaNćsti
Veðurstofa Íslands
Blönduós 01:00 SSV 8  4°C
Reykir í Hr 01:00 S 6  4°C
Reykjavík 02:00 SSV 5  3°C
Akureyri - 02:00 SSA 7  6°C
Egilsstaðaf 02:00 SA 9  6°C
Haugur 02:00 S 5  2°C
Holtavörðuh 01:00 SSV 14 0°C
Þverárfjall 01:00 SV 11  1°C
Laxárdalshe 01:00 SSV 9  1°C
Brúsastaðir 02:00 SSA 4  3°C
Vegagerðin
Holtavörđuh. 02:00 SSV 14 0°C
Laxárdalsh. 02:04 0 0°C
Vatnsskarđ 02:04 0 0°C
Ţverárfjall 02:00 SV 11 2°C
Kjalarnes 02:00 1.54 3°C
Hafnarfjall 02:00 S 7 3°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
12. mars 2019
Vor- og framfarahugur
Ég held að veturinn sé að kveðja okkur, án þess að sýna okkur klærnar svo neinu nemi að þessu sinni. Ekki þætti mér það verra og vil trúa því að nú sé vorið aðeins nokkrum vikum fjarri, enda vorjafndægur 20. mars, svo þetta er allt að koma. Nú styttist í að við Blönduósingar tökum á móti nýjum íbúum sem við höfum boðið hingað til búsetu
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
06. mars 2019
Eftir Guðjón S. Brjánsson
01. mars 2019
Eftir Sigurbjörn Þorkelsson
01. mars 2019
Eftir Sigurbjörn Þorkelsson
24. febrúar 2019
Eftir Rúnar Þór Njálsson
16. febrúar 2019
Pistlar | 09. nóvember 2018 - kl. 09:08
Draumur sem rættist
Eftir Sigurbjörn Þorkelsson

Veistu að eitt sinn varst þú aðeins draumur. Fallegur draumur í huga Guðs. Draumur sem rættist.

Í mínum huga er ekkert fallegra en þegar nýtt líf kviknar. Þegar barn verður til í móðurkviði og foreldrar, afar og ömmur, systkini og ættingjar bíða svo barnslega spennt eftir að nýja lífið líti loks ljós þessa heims. Fátt ef nokkuð hrærir hjarta okkur og gleður jafn innilega. Og við biðjum Guð að blessa litla lífið sem við sannarlega bindum vonir við án þess að krefja það að sjálfsögðu um eitt eða neitt. En bæn okkar margra við slíkar aðstæður er að barnið fái að dafna vel og safna kröftum svo það megi svo fá að vaxa umvafið kærleika og náð Guðs undir faldi frelsarans svo það fái að verða hans í lengd og bráð.

Lífið er svo dýrmætt

Þakklætið tekur ósjálfrátt að streyma fram og þessi litlu líf taka að kóróna gleði okkar og tilgang. Guð blessi öll Þau litlu líf sem enn eiga eftir að líta dagsins ljós, foreldra þess, framtíð og framgang.

Svo kemur að því sem betur fer í lang flestum tilvikum að við fáum litla ósjálfbjarga lífið í hendur og hjarta okkar stækkar um leið til mikilla muna og þar myndast kærleikans pláss sem við vissum ekki einu sinni að væri til. Við verðum eitthvað svo meir, lítil og smá og svo auðmjúk í lotningu frammi fyrir lífinu, gjöfum Guðs og ávexti ástarinnar.

Lífið er svo dýrmætt og flestum svo óendanlega kært. Við biðjum kærleikans Guð að anda sínum góða anda á barnið og blessa það, vernda frá öllu illu og varðveita frá hvers konar háska og slysum. Að hann gefi því frið í hjarta, að það njóti umhyggju og veitist það sem til þarf til þess að verða farsælt í samskiptum, fái að njóta sín og vegna vel í lífinu. Að það fái að verða farvegur kærleika Guðs, ljóss og friðar, trúar og vonar og auðnist að bera þann ávöxt sem það er kallað til. Verði vitnisburður um ljós Guðs, anda og verk.

Lífið er kraftaverk. Guðs gjöf sem okkur er treyst fyrir að hlúa og sinna svo það fái rými til að þroskast og dafna og láta síðan muna um sig til góðra verka í þessari veröld. Lífsins andi er innblásinn af Guði. Stöndum því vörð um það, virðum það og verndum og stöndum með því.

Höldum utan um hvert annað. Samgleðjumst og fögnum yfir lífinu saman. Lífið er svo dýrmætt og okkur er ætlað að bera virðingu fyrir því. Standa saman í sátt og samlyndi og styðja hvert annað.

Ég á mér draum

Ég á mér draum um betra líf. Ég á mér draum um betri heim. Þar sem allir eru virtir, hver á sínum stað, í sinni stétt og stöðu. Þar sem allir hafa jöfn tækifæri og fá að mettast gæðum kærleikans og sannleikans. Þar sem allir fá að lifa í réttlæti og friði. Þar sem sjúkdómar, áhyggjur og sorgir eru ekki til. Og dauðinn aðeins upphaf að betri tíð.

Kærleikans Guð blessi líf okkar allt. Okkar ódauðlegu sálir.

Vissirðu að þú ert leikflétta í undri kærleika Guðs. Láttu muna um þig og njóttu þess.

Með friðar- og kærleikskveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Myndin er af hunathing.is
Myndin er af hunathing.is
Fréttir | 18. mars 2019 - kl. 13:44
Sveitarstjórn Húnaþings vestra samþykkti í síðustu viku að leita umsagnar á sameiginlegri skipulagslýsingu frá 6. mars síðastliðinn sem unnin var af Teiknistofu Norðurlands. Skipulagslýsingin er annars vegar fyrir nýtt deiliskipulag fyrir skólasvæði Hvammstanga og hins vegar breytingu á deiliskipulagi austan Norðurbrautar sem er í samræmi við nýtt deiliskipulag. Í breytingu á deiliskipulagi austan Norðurbrautar falla skilmálar um lóð íþróttamiðstöðvar og grunnskóla úr gildi. Þá verður breyting á syðri skipulagsmörkum og skipulagssvæðið minnkar um 3,2 ha í samræmi við nýtt deiliskipulag skólasvæðisins á Hvammstanga sem tekur yfir hluta svæðisins.
Bjarni Ómar
Tilkynningar | 18. mars 2019 - kl. 11:55
Tilkynning
Félags- og skólaþjónusta A-Hún leitar eftir áhugasömum einstaklingum til að starfa við liðveislu. Liðveisla er veitt einstaklingum til að rjúfa félagslega einangrun og/eða til að styðja við sjálfstæði þeirra. Um er að ræða fjölbreytt og gefandi verkefni sem reyna á frumkvæði og aðlögunarhæfni liðveitenda. Umsókn um að starfa við liðveislu skal senda til félagsmálastjóra, Ásdísar Ýr Arnardóttur, á netfangið asdis@felahun.is. Ekki er sótt um á sérstökum eyðublöðum. Ekki er um að ræða sérstakan umsóknarfrest.
Glaðheimar
Tilkynningar | 18. mars 2019 - kl. 11:17
Tilkynning
Félags- og skólaþjónusta A-Hún óskar eftir stuðningsfjölskyldum á skrá. Að vera stuðningsfjölskylda þýðir að sé tekið sé á móti barni á heimili stuðningsfjölskyldu til að styðja við foreldra/forsjáraðila barns, veita þeim hvíld og/eða styrkja stuðningsnet barnsins eftir því sem við á. Stuðningsfjölskyldur er veittar á grundvelli laga um málefni fatlaðs fólks eða barnaverndarlaga eftir því sem við á. Hámark aðstoðar sem varðar dvöl hjá stuðningsfjölskyldu er 5-7 sólarhringar í mánuði.
Sameining A-Hún
Keppendur júdódeildar Tindastóls og Pardusar. Ljósm: Einar Örn Hreinsson/tindastoll.is
Keppendur júdódeildar Tindastóls og Pardusar. Ljósm: Einar Örn Hreinsson/tindastoll.is
Fréttir | 18. mars 2019 - kl. 09:13
Vormót Júdósambands Íslands fyrir yngri flokka (11-20 ára) fór fram á Akureyri á laugardaginn. Keppendur voru 84 talsins frá tíu júdófélögum, þarf af voru tveir frá júdófélaginu Pardusi á Blönduósi og fimm tóku þátt frá júdódeild Tindastóls. Á heimasíðu deildarinnar er sagt frá mótinu og þar kemur m.a. fram að keppendur Pardusar hafi staðið sig ljómandi vel, þeir Benedikt Þór Magnússon og Guðjón Freyr Sighvatsson.
Fréttir | 16. mars 2019 - kl. 09:23
Hin árlega framsagnarkeppni 7. bekkjar í Blönduskóla fór fram á þriðjudaginn. Krakkarnir stóðu stig allir mjög vel en þau Unnur Borg Ólafsdóttir, Inga Rós Suska Hauksdóttir og Atli Þór Sindrason voru valin til þess að keppa fyrir hönd Blönduskóla í framsagnarkeppni grunnskólanna í Húnavatnsþingi sem haldin verður miðvikudaginn 20. mars klukkan 14 í Félagsheimilinu á Blönduósi.
Fréttir | 16. mars 2019 - kl. 09:14
Tónlistarskóli Austur-Húnavatnssýslu vill ráða blásturshljóðfærakennara frá og með september 2019. Hann þarf að hafa þekkingu og færni á blásturshljóðfæri, vera fær í mannlegum samskiptum og hafa ánægju af að vinna með börnum. Einnig þarf hann að vera metnaðarfullur og áhugasamur, að því er fram kemur í auglýsingu frá tónlistarskólanum. Umsóknarfrestur er til 1. apríl næstkomandi.
Málverk Ísleifs Konráðssonar Strandamanns af Hvítserk. Ljósm: reykjasafn.is
Málverk Ísleifs Konráðssonar Strandamanns af Hvítserk. Ljósm: reykjasafn.is
Tilkynningar | 16. mars 2019 - kl. 08:43
næstu viku hefst í Húnabúð í Reykjavík fyrirlestraröð sem Byggðasafnsnefnd Húnvetningafélagsins í Reykjavík stendur að dagana 19., 21., og 28. mars. Fundirnir hefjast klukkan 17. Aðgangseyrir er 1.000 krónur og er boðið upp á kaffi og kleinur. Einn merkasti gripur Byggðasafnsins á Reykjum er hákarlaskipið Ófeigur, sem á þar sína eigin skemmu. Veiðar á hákarli kostuðu langa útiveru, stórt skip og langan vað til veiðanna.
Fréttir | 16. mars 2019 - kl. 08:14
Hestamannafélagið Þytur heldur sína árlegu firmakeppni á morgun, sunnudaginn 17. mars og áætlað er að keppnin hefjist klukkan 14:00 í Þytsheimum. Keppt verður í fimm flokkum; polla, barna, unglinga, karla og kvennaflokki. Veitt verða verðlaun fyrir þrjú efstu sætin í hverjum flokki nema í pollaflokki, þar fá allir keppendur viðurkenningu fyrir þátttöku.
Frá Skagaströnd. Ljósm: skagastrond.is
Frá Skagaströnd. Ljósm: skagastrond.is
Fréttir | 15. mars 2019 - kl. 15:37
Sveitarfélagið Skagaströnd auglýsir á vef sínum eftir flokkstjórum til starfa í Vinnuskóla sveitarfélagsins í sumar. Æskilegt er að umsækjendur séu 20 ára eða eldri og er reynsla af sambærilegum störfum kostur. Umsóknareyðublöð er hægt að nálgast hér eða á skrifstofu sveitarfélagsins og er umsóknarfrestur til 25. apríl 2019.
Unnur Valborg í Landsbyggðum á N4
Unnur Valborg í Landsbyggðum á N4
Fréttir | 15. mars 2019 - kl. 15:34
Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra, var gestur Karls Eskils Pálssonar í þættinum Landsbyggðum sem sýndur var á norðlensku sjónvarpsstöðinni N4 í gærkvöldi. Ræddu þau m.a. um atvinnulífið á Norðurlandi vestra, uppgang ferðaþjónustunnar á svæðinu og viðskiptatækifæri.
Fréttir | 15. mars 2019 - kl. 10:03
Íslensk getspá leitar af milljónamæringum en þrír vinningshafar eiga enn eftir að gefa sig fram, að því er segir í tilkynningu. Vinningsmiðarnir voru seldir á í Dalbotni Seyðisfirði síðasta sumar, í Olís í Stykkishólmi í síðasta mánuði og í N1 á Egilsstöðum í byrjun þessa mánaðar. Íslensk getspá hvetur alla sem keyptu miða á þessum stöðum að skoða þá vel, þar gætu leynst vinningstölur.
Tilkynningar | 14. mars 2019 - kl. 21:52
Frá Rauða krossinum í Húnavatnssýslum
Vegna móttöku flóttafólks frá Sýrlandi býður Rauði krossinn í Húnavatnssýslu til fræðslufunda um menningu, sögu landsins og átökin þar undanfarin ár. Guðrún Margrét Guðmundsdóttir mannfræðingur og menningarmiðlari segir frá. Fyrri fundurinn verður mánudaginn 18 mars, kl. 20.00 í Félagsheimilinu á Blönduósi. Síðari fundurinn verður þriðjudaginn 19. mars, kl. 17.00 í Safnaðarheilmilinu á Hvammstanga.
Tilkynningar | 14. mars 2019 - kl. 14:34
Frá Sunddeild Hvatar
Sunddeild Hvatar ætlar að bjóða upp á fullorðinsæfingar og verða þær einu sinni í viku á miðvikudögum í fjórar vikur. Fyrsti tíminn er miðvikudaginn 20. mars og verða æfingarnar frá klukkan 18:00-19:00. Hver tími kostar kr. 2.000. Pawel Mickiewicz verður með æfingarnar, endilega komið og rifjið upp sundtökin. Skráning fer fram á hvotsund@hotmail.com.
Framkvæmdir í kirkjugarðinum síðasta sumar.
Framkvæmdir í kirkjugarðinum síðasta sumar.
Fréttir | 14. mars 2019 - kl. 14:29
Á aðalfundi Kirkjugarðs Blönduóss sem haldinn var 20. febrúar síðastliðinn var samþykkt að opna styrktarreikning fyrir kirkjugarðinn svo hægt sé að halda áfram nauðsynlegum viðgerðum á honum. Á þessu ári verður farið í það stóra verkefni gera við allar steypuskemmdir í kirkjugarðsveggnum.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ