Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Miðvikudagur, 20. febrúar 2019
SA  6 m/s
C
Olís
huni.is - RSS-efnisveita
 
Á döfinni
Febrúar 2019
SMŢMFFL
272829303112
3456789
10111213141516
17181920212223
242526272812
FyrriNúnaNćsti
Veðurstofa Íslands
Blönduós 22:00 SA 6  3°C
Reykir í Hr 22:00 ANA 5  3°C
Reykjavík 22:00 ANA 3  3°C
Akureyri - 22:00 ASA 1  0°C
Egilsstaðaf 22:00 NA 2  2°C
Haugur 22:00 VNV 2  3°C
Holtavörðuh 22:00 NNV 4  1°C
Þverárfjall 22:00 ASA 4  3°C
Laxárdalshe 22:00 ANA 7  1°C
Brúsastaðir 22:00 SSA 6  4°C
Vegagerðin
Holtavörđuh. 22:00 NNV 4 1°C
Laxárdalsh. 22:20 0 0°C
Vatnsskarđ 22:20 0 0°C
Ţverárfjall 22:00 ASA 4 3°C
Kjalarnes 22:00 A 14 6°C
Hafnarfjall 22:00 SA 7 8°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
14. febrúar 2019
Ekki boðlegt að fæða börn á fjallvegum
Aldrei fór það svo að við fengjum ekki snjó á þessum vetri. Hann hefur eflaust verið mörgum kærkominn og hefði mátt vera miklu meiri að sumra mati og kannski á eftir að bæta á, hver veit. Þegar þetta er ritað er þegar búið að halda tvö þorrablót hér á Blönduósi.
::Lesa

Northwest.is


SSNV

Leita í netfangaskrá
 
Eftir Rúnar Þór Njálsson
16. febrúar 2019
Eftir Arnheiði Jóhannsdóttur
17. janúar 2019
Eftir Sigurbjörn Þorkelsson
15. janúar 2019
Eftir Inga Heiðmar Jónsson
14. janúar 2019
Eftir Guðjón S. Brjánsson
09. janúar 2019
Pistlar | 13. nóvember 2018 - kl. 10:12
Umhverfisvæn orka eða hvað?
Eftir Guðjón S. Brjánsson

Nýtingarflokkur eða verndarflokkur

Umhverfismál og orkunýting er mikið til umfjöllunar þessi dægrin enda er um stórfellt hagsmunamál að ræða fyrir þjóðina í aðsteðjandi orkuskiptum.  Ein er sú tegund orku sem við gefum hins vegar of lítinn gaum og það er starfsorkan, ekki síst sú nýting sem snýr að öryrkjum og eldri kynslóðinni. Hér getum við virkjað betur, virkjunarkostirnir eru margir og góðir hringinn í kringum landið og allir eru þeir umhverfisvænir. Svo líkingamálinu sé haldið áfram, þá má einnig spyrja sig hvort þessir hópar séu í nýtingarflokki eða verndunarflokki stjórnvalda. Fulltrúar bæði eldri borgara og öryrkja láta að því liggja í ræðu og riti að stjórnvöld hunsi hagsmuni þeirra og setji þá í raun í einhvers konar afgangsflokk. Þar megi hvorki með góðu móti afla sér tekna eða spara fé í banka án þess að grófar skerðingar komi til og ávinningur verði að engu.

Forgangur

Sem betur fer býr hluti eldri borgara við ágæt skilyrði varðandi sinn lífeyri og þarf ekki frekari efnahagslega fyrirgreiðslu. Þessi hópur er hins vegar enn sem komið er í talsverðum minnihluta. Við þurfum að setja alla okkar krafta í að bæta aðstæður þeirra sem búa við mjög kröpp kjör, hafa ráðstöfunartekjur sem eru undir skilgreindum framfærslumörkum og lifa við sára fátækt og niðurlægjandi aðstæður og þar í hópi er þorri öryrkja.

Vinna lengi

Það er svo sem ekki sjálfstætt markmið í sjálfu sér að sem flestir aldraðir séu þátttakendur í atvinnulífinu, vinni sem lengst og sem mest. Mikilvægt er að einstaklingar séu óbundnir að þessu leyti, þ.e. að þeir sem kjósa og hafa aðstöðu til geti valið að vinna lengi fram eftir aldri. Hlutskipti öryrkja er sérstaklega viðkvæmt í þessu sambandi.

Hlutfall eldri borgara á Íslandi er lægst meðal OECD-ríkjanna og atvinnuþátttaka þeirra er mikil, meiri en í nágrannalöndum okkar. Á aldursbilinu 65–69 ára er hlutfallið a.m.k. 53% en mun lægra, t.d. í Bretlandi, Svíþjóð, Hollandi og Danmörku. Þetta gerist þrátt fyrir það hamlandi og letjandi kerfi sem við búum við.

Breytt viðhorf til vinnu

Það tíðkast meðal flestra iðnvæddra þjóða að fólk fer frekar tímanlega á eftirlaun. Það gera Íslendingar síður, þeir fara seinna á lífeyri. Þessa stefnu iðnvæddra ríkja má rekja til þess að víða vildu stjórnvöld til skamms tíma hvetja eldra fólk til að hætta vinnu og rýma til fyrir hinum yngri. Með breyttri aldurssamsetningu, breyttum viðhorfum yngra fólks til vinnu og meira framboði eldri borgara sem vilja vinna þarf að endurskoða þessa hugsun. Fólk er heilsuhraustara nú en áður og fleiri geta verið lengur á vinnumarkaði. Í þessu tilliti er stuðst við álit Alþjóðaheilbrigðismálastofnunarinnar og ráðleggingum hennar fylgt.

Hvernig standa þeir eldri sig?

Margar erlendar rannsóknir hafa verið gerðar á viðhorfum til miðaldra eða eldra fólks á vinnustöðum. Þessar rannsóknir hafa m.a. verið gerðar vegna kenninga, viðhorfa og jafnvel  hindurvitna um að starfsmenn sem eru miðaldra eða eldri vinni hægar, eigi erfiðara en yngra fólk með að tileinka sér nýja tækni og aðferðir og því meiri líkur á að þeir hinir yngri verði fyrir valinu. Niðurstöður rannsókna hafa þó sýnt að eldra starfsfólk er mikils metið innan fyrirtækja vegna þeirra kosta sem það hefur. Þar má nefna góða starfsfærni, lífsreynslu, vandvirkni, ábyrgð í starfi og jákvætt viðhorf.

Álit íslenskra stjórnenda

Íslensk rannsókn, sem gerð var í meistaranámi ekki alls fyrir löngu, rýndi í upplifun og viðhorf stjórnenda til miðaldra og eldri starfsmanna. Þeir sem tóku þátt í rannsókninni voru stjórnendur fyrirtækja innan verslunargeirans. Helstu niðurstöður sýndu að stjórnendur töldu eldri starfsmenn almennt hafa betra vinnusiðferði, sýndu nákvæmari vinnubrögð, betri mætingu og sýndu fyrirtækinu meiri hollustu. Meiri hluti stjórnenda greindi engan mun á því hvort eldri eða yngri starfsmenn leystu verkefni sín af hendi greiðar eða fyrr. Eldri starfsmenn voru frekar tilbúnir að deila reynslu sinni og þekkingu með öðrum en þeir yngri. Það helsta sem stjórnendum fannst að eldri starfsmenn mættu bæta var tölvufærni og internetnotkun. Almennt voru viðhorf til eldri starfsmanna því jákvæð.

Hvað segja þeir eldri sjálfir?

Gerðar hafa verið viðhorfskannanir meðal eldra fólks á Íslandi og spurt hvort það gæti hugsað sér að fara út á vinnumarkaðinn. Reyndar var tæplega helmingur svarenda í vinnu en þriðjungur sýndi að auki mikinn áhuga ef það hefði af því einhvern fjárhagslegan ávinning, ef það skerti ekki bætur þeirra til muna frá Tryggingastofnun ríkisins.

Samanburður ekki hagstæður

Greiðslur ríkis og lífeyrissjóða til eftirlauna nema um 10% af vergri þjóðarframleiðslu hjá hinum Norðurlandaþjóðunum. Á Íslandi nema þær aðeins um 5%. Þetta verður auðvitað að skoða í ljósi mismunandi lífeyrissjóðauppbyggingar. Ef athugað er hve mikið ríkið eitt greiðir til eftirlauna á Norðurlöndum er munurinn meiri. Á Íslandi ver ríkið rúmlega 2–3% af vergri þjóðarframleiðslu til eftirlauna en í Danmörku greiðir ríkið um 8% til eftirlauna. Auk þess er lífeyrir aldraðra og öryrkja til muna hærri í hinum norrænu ríkjunum.

Gerum betur

Sú umgjörð sem við búum öldruðum er aldeilis óviðunandi. Breytingar þarf að gera hratt. Við eigum ekki að láta okkur nægja þá hugsun að dropinn holi steininn. Almennar reglur eiga að gilda um aldraða í skattkerfinu rétt eins og um aðra borgara. Ef þeir kjósa að starfa á vinnumarkaði þar sem mikil þörf er fyrir þá er ekkert eðlilegra en að þeir greiði skatta og gjöld eins og hver annar borgari. Við þurfum hins vegar að tryggja að þeir sem ekki geta sótt vinnumarkaðinn, eða kjósa að gera það ekki, geti lifað sómasamlegu lífi af eftirlaunum sínum. Þannig var og er almannatryggingakerfið hugsað, að vera öryggiskerfi fyrir alla landsmenn.

Guðjón S. Brjánsson

Höf. rzg
Frá Blönduósi. Ljósm: Höskuldur B. Erlingsson.
Frá Blönduósi. Ljósm: Höskuldur B. Erlingsson.
Fréttir | 20. febrúar 2019 - kl. 16:59
Sveitarstjórn Blönduósbæjar boðar til kynningarfundar, vegna móttöku flóttafólks, mánudaginn 25. febrúar næstkomandi, í Félagsheimilinu á Blönduósi klukkan 20:00. Á fundinum mun Valdimar O. Hermannsson, sveitarstjóri, gera grein fyrir aðdraganda og stöðu málsins hjá Blönduósbæ og í Húnavatnssýslum. Þá munu þær Nína Helgadóttir, verkefnastjóri hjá Rauða krossinum, og Linda Rós Alfreðsdóttir, sérfræðingur frá félagsmálaráðuneytinu, flytja erindi. Íbúa Blönduósbæjar eru hvattir til þess að mæta á kynningarfundinn og verða kaffiveitingar í boði.
Frá Blönduósi. Ljósm: Róbert Daníel Jónsson.
Frá Blönduósi. Ljósm: Róbert Daníel Jónsson.
Fréttir | 20. febrúar 2019 - kl. 09:39
Blönduósbær hefur auglýst tillögu að deiliskipulag að nýjum íbúðalóðum við Fjallabraut, Lækjarbraut og Holtabraut á Blönduósi. Auglýsingin er í samræmi við samþykkt sveitarstjórnar frá 12. febrúar síðastliðnum. Tillagan samanstendur af skipulagsuppdrætti og greinargerð. Allar meginforsendur deiliskipulagsins eru í samræmi við Aðalskipulag Blönduóss 2010–2030, að því er segir í auglýsingunni.
Glaðheimar
Fréttir | 20. febrúar 2019 - kl. 09:01
Sveitarfélög sem tóku þátt í forvali Fjarskiptasjóðs vegna átaksverkefnisins Ísland ljóstengt hafa fengið tilboð um samtals 450 milljón króna styrki vegna ársins 2019, ásamt vilyrði um frekari styrki vegna áranna 2020 og 2021 eftir atvikum, með fyrirvara um fjárlög. Fjórtán sveitarfélög eiga nú jafnframt kost á sérstökum byggðastyrk, samtals 150 milljónum króna. Húnaþing vestra er á meðal þessara sveitarfélaga.
Sameining A-Hún
Fréttir | 19. febrúar 2019 - kl. 14:17
Sveitarfélagið Skagaströnd hefur uppfært og endurnýjað heimasíðuna sína á www.skagastrond.is. Vefurinn er uppfærður miðað við þá þróun sem orðið hefur í samskiptatækni og er því orðinn snjalltækjavænn. Heimasíðan var unninn í samstarfi starfsfólks sveitarfélagsins og fyrirtækisins Stefnu á Akureyri sem sá um vefhönnun og tæknilegar útfærslur, að því er segir á vefnum.
Blönduós
Blönduós
Fréttir | 18. febrúar 2019 - kl. 17:58
Valdimar O. Hermannsson, sveitarstjóri Blönduósbæjar sagði í hádegisfréttum Ríkisútvarpsins í dag að stærsti þröskuldurinn í móttöku flóttafólks til Blönduóss verði að finna húsnæði, bæði til skamms og langs tíma. Blönduósbæjar hefur samþykkt að taka á móti 25 sýrlenskum flóttamönnum og er von á þeim kringum mánaðamótin apríl-maí. Valdimar sagði að þetta sé fjölskyldufólk, í flestum tilvikum foreldrar með eitt til þrjú börn. Næstu skref séu að skipuleggja móttökuna, stofna stuðningsfjölskyldur, gera ráðstafanir í skólum og félagsþjónustu og finna húsnæði.
Fréttir | 18. febrúar 2019 - kl. 14:02
Frá Textílmiðstöð Íslands - þekkingarsetur á Blönduósi
Síðastliðinn föstudag var haldin áhugaverð kynning á Blönduósi um sauðfjárrækt á Suðureyjum á vegum sauðfjárbóndans og listamannsins Meg Rodger sem dvelur nú í Textíllistamiðstöðinni í Kvennaskólanum. Meg og fjölskylda búa með u.þ.b. 120 kindur á eyju sem kallast upp á íslensku "Björnsey" og er hún ein af mörgum smáum eyjum við Suðureyjar. Suðureyjar eða "Hebrides" eins og þær kallast eru hluti af Skoska eyjaklasanum.
Ratsjáin farin af stað. Ljósm: ssnv.is.
Ratsjáin farin af stað. Ljósm: ssnv.is.
Fréttir | 18. febrúar 2019 - kl. 10:34
Ratsjáin, nýsköpunar- og þróunarverkefni Íslenska ferðaklasans og Nýsköpunarmiðstöðvar Íslands, er nú farin af stað á Norðurlandi vestra. Sex fulltrúar starfandi fyrirtækja í ferðaþjónustu á svæðinu taka þátt í verkefninu. Ratsjáin fer þannig fram að hvert fyrirtæki er heimsótt einu sinni af öllum hinum fyrirtækjunum og rekstur þess tekinn fyrir og brotinn til mergjar. Þátttakendur eru fólk með mikla samanlagða reynslu af þjónustu við ferðamenn og því geta stjórnendur lært mikið hver af öðrum. Auk þess eru reyndir fagmenn fengnir til leiðbeiningar í hvert sinn, að því er segir á vef SSNV.
Blönduós. Ljósm: Róbert Daníel Jónsson.
Blönduós. Ljósm: Róbert Daníel Jónsson.
Fréttir | 18. febrúar 2019 - kl. 10:24
Blönduósbær auglýsir á vef sínum eftir viðburðastjóra til að stjórna viðburðum í sveitarfélaginu. Leitað er eftir áhugasömum aðila með þekkingu og reynslu af viðburðastjórnun og er ráðningin tímabundin með möguleika á framlengingu til lengri tíma. Starfið felur m.a. í sér stjórnun og umsjón Húnavöku og útgáfu kynningarefnis. Umsóknarfrestur er til 5. mars næstkomandi.
Úr Blöndudal. Ljósm: Ólína Friðriksdóttir.
Úr Blöndudal. Ljósm: Ólína Friðriksdóttir.
Pistlar | 17. febrúar 2019 - kl. 18:57
Gamall bær með sögu og sál, sunnanblær og lömb í haga, vorið hlær um vötn og ál ​vermir kæra æskudaga (GBH). Öldungur úr Blöndudal og þó einnig af Laxárdal hefur kvatt okkur og við þökkum góð kynni, hraustleg handtök, ódeigan hug og hvassa tungu, listamann sem saumaði, orti, ritaði blaðagreinar og lét sig ekki muna um löng ferðalög til að taka þátt í árlegum samkomum með hagyrðingum og vinum: Á Hveravöllum, Núpi, Bændahöllinni og víðs vegar um land en fyrst hittist hópurinn hjá flóanum heima, haustið 1989 á Skagaströnd.
Tilkynningar | 17. febrúar 2019 - kl. 18:02
Tilkynning
Félag eldri borgara í Austur-Húnavatnssýslu hyggst efna til skemmtiferðar til Austurlands í sumar ef næg þátttaka fæst, 20 til 25 manns. Farið yrði frá Blönduósi laugardaginn 24. ágúst. Gist yrði í tvær nætur á hótelinu Svartaskógi, sem er á einkar fallegum stað á Héraði. Sunnudeginum yrði varið til að skoða áhugaverða staði á Fljótsdalshéraði undir leiðsögn Þorsteins Bergssonar, sem þekktur er úr Útsvarskeppni sveitarfélaga.
Kirkjugarðurinn á Blönduósi. Ljósm: Róbert Daníel Jónsson.
Kirkjugarðurinn á Blönduósi. Ljósm: Róbert Daníel Jónsson.
Tilkynningar | 17. febrúar 2019 - kl. 17:33
Tilkynning frá stjórn
Aðalfundur Kirkjugarðs Blönduóss verður haldinn í Samstöðusalnum að Þverbraut 1 á Blönduósi, miðvikudaginn 20. febrúar klukkan 18.00. Á dagskrá fundarins eru venjuleg aðalfundarstörf og sagt verður frá fyrirhuguðum framkvæmdum þessa árs.
Pistlar | 16. febrúar 2019 - kl. 18:42
Eftir Rúnar Þór Njálsson
Í 4 ár hef ég unnið hörðum höndum með aðeins eitt markmið, að láta minn helsta draum rætast, að ferðast alla leið til Nýja-Sjálands. Ég hef gert allt sem ég get til að hann rætist og gangi eins snuðrulaust fyrir sig og hægt er. Ég hef komið mér á framfæri, skrifað greinar og pósta um þetta, farið í viðtöl í blöðum og sjónvarpi, sent heilan helling tölvupósta á fyrirtæki þessa lands og gert margt til að fjármagna þetta eins og að taka þátt í Reykjavíkurmaraþoninu.
Tilkynningar | 15. febrúar 2019 - kl. 13:40
Héraðsmót USAH innanhús í frjálsum íþróttum verður haldin n.k. laugardag, 16. febrúar í íþróttamiðstöðinni á Blönduósi. Skráning er á staðnum og hefst stundvíslega kl 11:00 en fyrstu greinar verða ræstar kl. 11:10. Mótið er fyrir 10 ára (2009) og eldri. Keppnisgreinar eru: langstökk án atrennu, kúluvarp, hástökk, 30m spretthlaup og boðhlaup.
Félagsheimilið Hvammstanga. Ljósm: hunathing.is
Félagsheimilið Hvammstanga. Ljósm: hunathing.is
Fréttir | 15. febrúar 2019 - kl. 11:18
Húnaþing vestra vinnur að því að taka yfir eignarhald Félagsheimilisins á Hvammstanga. Sveitarfélagið er 86% eigandi en 14% er í eigu Kvenfélagsins Bjarkar og Ungmennafélagsins Kormáks. Málið hefur verið rætt óformlega milli aðila en hugmyndin er að kvenfélagið og ungmennafélagið afsali sínum hlut en fái um leið samning um afsláttarkjör af leigu til næstu 25 ára. Er þetta talin besta færa leiðin til að hægt sé að fara í uppbyggingu og lagfæringu á húsnæði Félagsheimilisins en annars er hætt við að sú vinna tefjist um ókomin ár.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ