Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Mánudagur, 19. ágúst 2019
NNA  7 m/s
C
Olís
huni.is - RSS-efnisveita
 
Á döfinni
Ágúst 2019
SMŢMFFL
28293031123
45678910
11121314151617
18192021222324
25262728293031
FyrriNúnaNćsti
Veðurstofa Íslands
Blönduós 18:00 NNA 7  9°C
Reykir í Hr 18:00 NNV 12  8°C
Reykjavík 18:00 NNV 3  14°C
Akureyri - 18:00 NNV 4  9°C
Egilsstaðaf 18:00 NNA 7  7°C
Haugur 18:00 NNA 8  9°C
Holtavörðuh 18:00 NNV 9  6°C
Þverárfjall 18:00 NNA 5  5°C
Laxárdalshe 18:00 N 12  6°C
Brúsastaðir 18:00 SA 4  12°C
Vegagerðin
Holtavörđuh. 19:00 NNV 8 5°C
Laxárdalsh. 19:00 N 11 6°C
Vatnsskarđ 19:00 NA 3 6°C
Ţverárfjall 19:00 NNA 5 5°C
Kjalarnes 19:00 SSV 1 15°C
Hafnarfjall 19:00 NA 8 14°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Inga Heiðmar Jónsson
18. ágúst 2019
Eftir Inga Heiðmar Jónsson
14. ágúst 2019
Eftir Sigurbjörn Þorkelsson
13. ágúst 2019
Eftir Sigurbjörn Þorkelsson
23. júlí 2019
Eftir Valdimar O. Hermannsson
18. júlí 2019
Eftir Sigurbjörn Þorkelsson
12. júlí 2019
Eftir Þór Jakobsson veðurfræðing
11. júlí 2019
Eftir Unni Valborgu Hilmarsdóttur
10. júlí 2019
Pistlar | 09. janúar 2019 - kl. 17:13
Nýir Íslendingar, flóttamenn og farendur
Eftir Guðjón S. Brjánsson

Framkvæmdaáætlun um málefni innflytjenda 2016-2019 var samþykkt á Alþingi í maí 2016. Áætlunin byggir á fimm skilgreindum þáttum eða stoðum. Félags- og jafnréttismálaráðherra, sem hann þá hét, svaraði skriflegri fyrirspurn undirritaðs fyrir nær ellefu mánuðum og kvað tveimur þáttum áætlunarinnar lokið, þeim sem lúta að rannsókn á stöðu og líðan flóttafólks og öðrum sem snýr að bættu eftirliti með vinnustöðum. Óljóst er hins vegar með vinnu við þá þrjá mikilvægu þætti sem eftir standa.

Framkvæmdaáætlun marklaus

Það er dapurlegt vitni um afstöðu stjórnvalda hversu ómarkvisst er unnið að framvindu þessa mikilvæga málaflokks, framkvæmdaáætlunar í málefnum innflytjenda. Það virðist augljóst að báðir þeir veigamiklu þættir sem sagðir eru fullmótaðir eru í reynd í uppnámi. Á sama tíma og ráðherra lýsir því yfir að umbótum á högum innflytjenda á vinnumarkaði sé lokið, þá er endurtekið ljóstrað upp um stórfelld svik og undirboð og að illa sé búið að starfsfólki sem komið er til Íslands í góðri trú. Vönduð úttekt í fréttaþættinum Kveik fyrir nokkrum mánuðum er flestum enn í fersku minni.

Í svari ráðherra um það hvernig eyrnamerktu fé til áætlunarinnar hefði farnast kom fram, að samtals hefði á tímabilinu verið gert ráð fyrir 201 milljón króna til verkefnisins. Af þeirri upphæð hefði 36,6 milljónum verið ráðstafað í þau verkefni sem ýmist væri lokið eða unnið að. Með öðrum orðum, mest af fénu sem átti að verja til uppbyggingar og þróunar í innflytjendamálum liggur enn óhreyft, grafið í skúffu félags- og barnamálaráðherra.

Stefna í málefnum innflytjenda

Þessar óviðunandi aðstæður eru hvati að þingsályktunartillögu sem undirritaður hefur nú lagt fram á Alþingi ásamt þingmönnum Samfylkingarinnar. Um er að ræða tillögu sem tekur á öllum þáttum málefna innflytjenda, að Ísland móti sér heildræna stefnu sem eflir fólk af erlendum uppruna til þátttöku í íslensku samfélagi með sérstakri áherslu á félagsleg réttindi, heilbrigðisþjónustu, menntun og atvinnuþátttöku í anda fjölmenningar sem við viljum hlúa að með öllum ráðum.

Öflugur liðsauki

Í ársbyrjun 2017 bjuggu á Íslandi um 36.000 innflytjendur og hafði fjölgað umtalsvert frá fyrra ári og eru nú orðnir ríflega 44.000 talsins. Við munum væntanlega sjá óbreytta þróun áfram. Innflytjendur á Íslandi og fjölskyldur þeirra koma frá öllum heimshornum en fulltrúar frá nær 170 þjóðlöndum eru um þessar mundir með búsetu á Íslandi. Lang flestir innflytjenda eru frá Póllandi eða nærfellt 40% en næst fjölmennastir en mun færri eru Litháar, Filippseyingar og Danir.  Þessi öflugi liðsauki starfar við hlið íslenskra kollega á hinum líflega vinnumarkaði okkar, í iðnaði, verslun og þjónustu, á vísinda- og menntasviði og í sérhæfðum hátæknistörfum og þeirra framlag skiptir sköpum. Íslendingar væru í vanda við núverandi aðstæður í hagkerfinu ef við gætum ekki reitt okkur á krafta innflytjenda á flestum sviðum.

Lærum af reynslu annarra

Reynsla og rannsóknir frá öðrum löndum staðfesta að innflytjendur standa ekki jafnfætis innfæddum á mörgum sviðum hvað varðar launakjör, aðbúnað í atvinnulífi og réttindi í félagslegu tilliti. Sýnt hefur verið fram á að svipað er uppi á teningnum hér á Íslandi. Félagsleg undirboð á vinnumarkaði er eitt dæmi um það, en þau eru því miður fleiri. Víða erlendis hafa stjórnvöld náð árangri en betur þarf að gera. Íslendingar hafa styttri og minni reynslu af innflytjendum en flestar þjóðir í kringum okkur. Það er því mikilvægt að við drögum strax lærdóm af reynslu þeirra, tileinkum okkur það besta úr samfélagskerfunum og sköpum að þessu leyti fyrirmyndar þjóðfélag sem tekur vel á móti innflytjendum. Hér eigum við að hafa kerfi og stefnu sem gerir innflytjendum kleift að laga sig á markvissan hátt að samfélaginu og samfélagið sömuleiðis að þeirra siðum og háttum þannig að þeir njóti jafnréttis. Það getum við, en það krefst forystu stjórnvalda.

Íslendingar jákvæðastir

Samkvæmt nýjustu útgáfu viðhorfskönnunarinnar European Social Survey, þá eru Íslendingar jákvæðastir Evrópubúa í garð innflytjenda og fjölmenningar og það eru vissulega góðar fréttir. Landinn er enda sjálfur býsna veraldarvanur, hefur í rás tímanna flust talsvert á milli landa og ætti að hafa ríkan skilning á högum fólks sem býr við framandi aðstæður. Skemmst er að minnast þeirra þúsunda Íslendinga sem fluttust erlendis í efnahagshruninu fyrir áratug.  Þá er hægt að nefna að um 14.000 Íslendingar fluttust til Vesturheims á ofanverðri 19. öld í leit að betra lífi, sköpuðu þar ný samfélög með sterka íslenska tengingu og rætur.

Verkefni okkar allra

Að búa vel að innflytjendum er samfélagslegt verkefni. Það kallar á skilning og frumkvæði af hálfu ríkis og sveitarfélaga. Það sem þó er ekki minnst um vert er afstaða og þátttaka almennings og þar hefur hver og einn hlutverk. Stjórnvöld þurfa að vinna með markvissum hætti og tala fyrir jákvæðum viðhorfum. Það dugar skammt að gera framkvæmdaáætlun til örfárra ára sem enginn gaumur er síðan gefin.  Til þess að vel fari þurfa yfirvöld og samfélagið allt að hafa skilmerkilega stefnu, samfélagssáttmála um leiðirnar eins og nágrannaþjóðir okkar hafa gert. Því hefur Samfylkingin nú lagt fram framangreinda þingsályktunartillögu og væntir þess að ríkisstjórnin taki á sig rögg og samþykki þegar á yfirstandandi þingi.

Guðjón S. Brjánsson
alþingismaður Samfylkingar

Höf. rzg
Tilkynningar | 19. ágúst 2019 - kl. 15:34
Á leikskólanum Barnabæ, Blönduósi fer fram fjölbreytt og skemmtilegt uppeldisstarf með börnum á aldrinum 8 mánaða til 6 ára. Unnið er samkvæmt Aðalnámskrá leikskóla 2011 og við leggjum áherslu á að námið fari fram í gegnum leik. Okkar vantar hressa og metnaðarfulla einstaklinga sem hafa áhuga á að vinna gefandi, krefjandi og skemmtilegt starf með börnum. Umsóknarfrestur er til og með 26. ágúst 2019.
Fréttir | 19. ágúst 2019 - kl. 09:17
Byggðarráð Húnaþings vestra hefur ákveðið að endurnýja ekki núgildandi samning sem gildir milli fimm sveitarfélaga á Norðurlandi vestra um málefni fatlaðs fólks. Sveitarfélagið Skagafjörður er leiðandi í samningnum, sem tók gildi 1. janúar 2016, um að veita fötluðu fólki sem á lögheimili á svæðinu þjónustu í samræmi við ákvæði laga og eins og nánar er kveðið á um í samningnum. Gildistími var eitt ár en samningurinn var endurnýjaður með gilditíma til ársloka 2019.
Glaðheimar
Ragnheiður Jóna Ingimarsdóttir
Ragnheiður Jóna Ingimarsdóttir
Fréttir | 19. ágúst 2019 - kl. 08:48
Ragnheiður Jóna Ingimarsdóttir tók við stöðu sveitarstjóra í Húnaþingi vestra 15. ágúst síðastliðinn af Guðnýju Hrund Karlsdóttur sem gegnt hefur starfinu í rúm fimm ár. Síðastliðin tvö ár hefur Ragnheiður Jóna starfað sem framkvæmdastjóri afmælisnefndar aldarafmælis sjálfstæðis og fullveldis Íslands. Áður starfaði hún í 10 ár hjá Eyþingi, sambandi sveitarfélaga í Eyjafirði og Þingeyjarsýslum, sem menningarfulltrúi og verkefnastjóri uppbyggingarsjóðs.
Sameining A-Hún
Frá afhendingu hökuls og stóls. Á myndinni eru Hildur Árnadóttir, Sr. Árni Sigurðsson, Sr. Sveinbjörn R. Einarsson, Arnór Árnason og Björn Magnússon.
Frá afhendingu hökuls og stóls. Á myndinni eru Hildur Árnadóttir, Sr. Árni Sigurðsson, Sr. Sveinbjörn R. Einarsson, Arnór Árnason og Björn Magnússon.
Fréttir | 18. ágúst 2019 - kl. 18:35
Sr. Árni Sigurðsson, börn hans Arnór, Hildur og afkomendur gáfu Þingeyraklausturskirkju grænan hökul og stólu að gjöf fyrir nokkru. Græni liturinn er sá litur er gengur lengst í kirkjuárinu.
Minnisvarðinn afhjúpaður. Ljósm: Ingi Heiðmar Jónsson.
Minnisvarðinn afhjúpaður. Ljósm: Ingi Heiðmar Jónsson.
Fréttir | 18. ágúst 2019 - kl. 18:20
Eftir Inga Heiðmar Jónsson
Með misjafnri velþóknun tóku landsmenn á móti þjóðsögunum 1862, sem æ síðan hafa verið kenndar við safnara sinn, Jón Árnason, en málþing var í gær norður á Skagaströnd á afmælisdegi Jóns. Hann fæddist á prestsetrinu Hofi 17. ágúst 1819. Hátíðin hófst með messu í Hofskirkju klukkan 11, þar sungu kirkjugestir sálmana með organistanum, Hugrúnu Sif og sr. Bryndís Valbjarnardóttir lagði út af biblíutextanum og gildi þjóðsagnanna sem voru óneitanlega í sviðsljósinu á þessum merka afmælisdegi.
Fréttir | 18. ágúst 2019 - kl. 18:04
Sameiginlegt lið Kormáks og Hvatar átti ekki í vandræðum með lið Íþróttafélags Hafnarfjarðar í gær er leikin var 13. og næst síðasta umferðin í B-riðli á Íslandsmótinu í knattspyrnu karla 4. deild. Leikurinn varð aldrei spennandi og endaði með því að Kormákur/Hvöt skoraði sex mörk en ÍH ekkert. Ingvi Rafn Ingvarsson skoraði tvö mörk, Bergsveinn Snær Guðrúnarson eitt og Diego Moreno Minguez skoraði enn eina þrennuna.
Fréttir | 18. ágúst 2019 - kl. 17:49
Heilbrigðisstofnun Norðurlands á Blönduósi auglýsir
Erlingur Hugi Kristvinsson háls-, nef- og eyrnalæknir verður með móttöku á Heilbrigðisstofnun Norðurlands á Blönduósi miðvikudaginn 28. ágúst 2019. Tímapantanir í síma 455-4100 milli kl. 08:00 og 16:00.
Fréttir | 16. ágúst 2019 - kl. 10:46
Myndlistasýning Jóhanns Sigurðssonar, borins og barnfædds Blönduósings, stendur enn yfir í Íþróttamiðstöðinni á Blönduósi á opnunartíma miðstöðvarinnar. Jóhann sýnir þar um 20 myndir sem hann hefur málað á síðastliðnum tveimur árum. Jóhann, sem er matreiðslumeistari að mennt, tók upp á því fyrir nokkru síðan að mála myndir sér til ánægju, eins og hann segir sjálfur frá. Þetta er önnur sýning hans en hún opnaði formlega í Íþróttamiðstöðinni á Blönduósi á Húnavöku.
Fréttir | 16. ágúst 2019 - kl. 10:16
Matarhátíðin Réttir Food Festival hefst á Norðurlandi vestra í dag og stendur fram til 25. ágúst. Veitingahúsaeigendur og framleiðendur á svæðinu standa að hátíðinni og bjóða þeir gestum sínum upp á skemmtilega upplifun og fræðslu um mat og menningu á svæðinu. Þessa tíu daga verða fjölmargar uppákomur, allt frá Laugarbakka í Miðfirði, út í Fljót í Skagafirði.
Hressir krakkar á leikjanámskeiði.
Hressir krakkar á leikjanámskeiði.
Tilkynningar | 16. ágúst 2019 - kl. 10:05
Frá menningar-, tómstunda- og íþróttanefnd Blönduósbæjar
Nú fer að fara af stað vinna við nýjar áherslur á sumarafþreyingu barna. Undanfarin ár hefur verið í boði leikjanámskeið fyrir börn 5-9 ára. En nú langar okkur til að gera þetta meira og stærra, bæta við 10 og 11 ára börnum. Hópunum verður þá tvískipt, yngri og eldri hópur. Ef þú lumar á hugmyndum hvað sé hægt að gera skemmtilegt með krökkunum yfir sumarið, námskeið og annað skemmtilegt sem kæmi til greina fyrir þessa aldurshópa.
Fréttir | 16. ágúst 2019 - kl. 07:07
Byggðarráð Húnaþings vestra telur að tillaga nefndar um stofnun miðhálendisþjóðgarðs feli í sér verulega skerðingu á valdheimildum sveitarfélaga og réttinda íbúa þeirra. Mörk þjóðgarðsins í tillögunni virðist fyrst og fremst vera tilkomin til þess að styrkja eignar- eða ráðstöfunarrétt ríkisins yfir landi á hálendi Íslands. Í bókun byggðarráðs frá fundi þess 12. ágúst síðastliðinn er það ósk þess að land innan marka sveitarfélagsins verði ekki hluti fyrirhugaðs þjóðgarðs á miðhálendinu.
Fréttir | 15. ágúst 2019 - kl. 13:48
Samtök sveitarfélaga á Norðurlandi vestra boðar til þriggja funda í landshlutanum í tengslum við vinnu við gerð nýrrar Sóknaráætlunar Norðurlands vestra. Fundirnir eru opnir öllum sem áhuga hafa á að hafa áhrif á stefnu svæðisins til ársins 2024. Unnið verður út frá fjórum málaflokkum; menningarmál, atvinnuþróun og nýsköpun, umhverfismál og menntamál og lýðfræðileg þróun.
Jón Árnason.
Jón Árnason.
Fréttir | 15. ágúst 2019 - kl. 12:03
Um helgina verður þess minnst í Skagabyggð og á Skagaströnd að 200 ár eru liðin frá fæðingu Jóns Árnasonar landsbókavarðar og þjóðsagnasafnara en hann fæddist að Hofi í Skagabyggð 17. ágúst 1819. Dagskráin hefst með messu klukkan 11 í Hofskirkju á laugardaginn þar sem Árni faðir Jóns þjónaði. Klukkan 12 afhjúpar Dagný Úlfarsdóttir oddviti Skagabyggðar söguskilti við félagsheimilið Skagabúð og Vilhelm Vilhelmsson flytur erindi um einn ábúenda að Hofi. Málþing hefst í Fellsborg á Skagaströnd klukkan 13:30.
Fréttir | 15. ágúst 2019 - kl. 11:45
Sauðfjár­slátrun hófst á Hvammstanga 9. ág­úst síðastliðinn og var slátrað 411 lömb­um. Meðal­vigt­in var 15,1 kíló sem þykir mjög gott miðað við hve snemma var slátrað, að sögn Ágústs Andrés­son­ar, for­stöðumanns Kjötaf­urðastöðvar KS í samtali við Morgunblaðið í dag. Hann sagði að stefnt hefði verið að því að slátra 1.200 lömb­um í dag en lík­lega verði þau ekki nema 600.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ