Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Þriðjudagur, 18. júní 2019
NNV  8 m/s
C
Olís
huni.is - RSS-efnisveita
 
Á döfinni
Júní 2019
SMŢMFFL
2627282930311
2345678
9101112131415
16171819202122
23242526272829
30123456
FyrriNúnaNćsti
Veðurstofa Íslands
Blönduós 17:00 NNV 8  5°C
Reykir í Hr 17:00 N 9  5°C
Reykjavík 17:00 N 10  9°C
Akureyri - 17:00 N 9  6°C
Egilsstaðaf 17:00 NNA 8  6°C
Haugur 17:00 N 9  4°C
Holtavörðuh 17:00 N 10  2°C
Þverárfjall 17:00 NA 7  2°C
Laxárdalshe 17:00 N 8  3°C
Brúsastaðir 17:00 NV 8  5°C
Vegagerðin
Holtavörđuh. 17:30 N 10 2°C
Laxárdalsh. 17:30 N 8 4°C
Vatnsskarđ 17:30 NNV 6 2°C
Ţverárfjall 17:30 NA 6 3°C
Kjalarnes 17:30 NNA14 7°C
Hafnarfjall 17:30 NNA 9 8°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Jóhönnu E. Pálmadóttur
08. júní 2019
Eftir Elínu S. Sigurðardóttur
18. maí 2019
Eftir Sigurbjörn Þorkelsson
10. maí 2019
Eftir Sigurbjörn Þorkelsson
19. apríl 2019
Eftir Inga Heiðmar Jónsson
19. apríl 2019
Eftir Sigurbjörn Þorkelsson
12. apríl 2019
Eftir Sigurbjörn Þorkelsson
08. apríl 2019
Eftir Inga Heiðmar Jónsson
01. apríl 2019
Ólöf Ólafsdóttir. Ljósm: FE/Feykir.is.
Ólöf Ólafsdóttir. Ljósm: FE/Feykir.is.
Fréttir | 10. janúar 2019 - kl. 12:35
Lesendur Feykis völdu Ólöfu á Tannstaðabakka sem Mann ársins 2018 á Norðurlandi vestra

Lesendur Feykis völdu Ólöfu Ólafsdóttur á Tannstaðabakka sem Mann ársins 2018 á Norðurlandi vestra. Blaðinu bárust níu tilnefningar og hlaut Ólöf afgerandi kosningu lesenda. Ólöf er fædd og uppalin á Selfossi en hefur búið, ásamt manni sínum Skúla Einarssyni, á Tannstaðabakka við Hrútafjörð frá árinu 1984 en Skúli er uppalinn þar.

Þar reka þau kjúklingabú og segir Ólöf stefnuna vera að búa áfram í Hrútafirðinum þar sem samfélagið er gott og einnig tiltekur hún að þar sé til að mynda gott aðgengi að læknum sem ekki sé sjálfsagður hlutur alls staðar. Þau hjónin eiga fjögur uppkomin börn, þrjár dætur og einn son og býr ein dóttirin einnig á Tannstaðabakka með sinni fjölskyldu. Barnabörnin eru orðin átta og það níunda á leiðinni.

Í tilnefningu sem blaðinu barst segir: „Ólöf er þvílík gullkona, hún er með Parkinson en það stoppar hana ekki í því að gefa endalaust af sér. Til dæmis saumar hún teppi (bútasaum) og selur og gefur svo allan ágóða til góðgerðamála. Mikil perla.“

Með Parkinsonsjúkdóm og saumar bútasaumsteppi fyrir góðan málstað
Fyrir þremur árum greindist Ólöf með Parkinsonsjúkdóminn en telur að hún hafi verið lengur með sjúkdóminn án þess að gera sér grein fyrir því. Hefur hún vakið athygli fyrir jákvæðni sína og baráttu við sjúkdóminn en meðal þess sem hún tók sér fyrir hendur eftir að hún greindist var að sauma bútasaumsteppi og selja og hefur hún gefið andvirði þeirra til góðgerðamála í Húnaþingi vestra.

Ólöf segist hafa farið að taka til í saumaherberginu sínu og hófst handa við að sauma einföld bútassaumsteppi úr þeim bútum sem hún átti afgangs frá fyrri verkefnum. Aðspurð segist hún hafa tekið svolitla törn í bútasaumi og saumað teppi handa börnum sínum þegar þau voru lítil. „En svo er takmarkað hvað eitt heimili þolir af bútasaumi, þú getur ekki verið með þetta upp um alla veggi og út um allt svo þá hætti maður þessu bara,“ segir hún. Þegar Ólöf rifjaði svo upp kynnin við bútana eftir að hún greindist með sjúkdóminn gerði hún nokkur teppi sem seldust fljótt og brátt fóru henni að berast efnisafgangar frá öðru fólki. „Stelpurnar mínar gera grín að því að það er alveg sama þó ég sé að verða búin með 100 teppi, það er alltaf til fullt af efnum. Ég hef fengið mjög góð viðbrögð,“ segir Ólöf létt í bragði en teppin hefur hún selt á jólamörkuðum á Hvammstanga og sl. sumar seldi hún einnig á hátíðinni Eldur í Húnaþingi.

„Teppin eru náttúrulega mjög ólík og ég geri eiginlega aldrei tvö eins og alls ekki í sömu litum.  Ég fæ mikið út úr því að setja saman litina af því að þetta getur stundum verið svolítið púsl. Ég held líka að það sé voða gott fyrir hausinn á manni,“ segir Ólöf sem er nú þegar búin að sauma nokkur teppi til viðbótar og ætlar sér greinilega að halda ótrauð áfram.

Heimild: Feykir.is

Höf. rzg
Fréttir | 18. júní 2019 - kl. 14:58
Hátíðin Eldur í Húnaþingi verður haldin í 17. sinn dagana 25.-28. júlí næstkomandi. Hér er á ferðinni spennandi hátíð sviðslista og skemmtunar undir berum himni í sönnum samfélagsanda. Hátíðin stendur í fimm daga og verður boðið upp á tvær samhliða dagskrár, eina atvinnudagskrá á aðalsviði og aðra sem stuðlar að samfélagsþróun en hún fer fram á ýmsum stöðum og svæðum í sveitarfélaginu Húnaþingi vestra.
Fréttir | 18. júní 2019 - kl. 13:07
Sameiginleg lögreglusamþykkt fyrir sveitarfélögin sjö á Norðurlandi vestra hefur tekið gildin en vinna við hana hefur staðið yfir um nokkurt skeið. Hún fjallar meðal annars um eru málefni tengd ferðamönnum s.s. hvar heimilt er að gista í tjöldum og svokölluðum ferðavögnum, þ.e. húsbílum og smærri ferðabílum. Sagt er frá þessu á vef Samtaka sveitarfélaga á Norðurlandi vestra en unnið var uppkast af samþykktinni í samráði við lögreglustjóra sem stjórn SSNV yfirfór og samþykkti.
Glaðheimar
Frá Bessastöðum í gær. Ljósm: forseti.is
Frá Bessastöðum í gær. Ljósm: forseti.is
Fréttir | 18. júní 2019 - kl. 07:13
Jóhanna Erla Pálmadóttir frá Akri var í gær sæmd, af forseta Íslands, heiðursmerki hinnar íslensku fálkaorðu. Jóhanna Erla fékk riddarakross fyrir störf í þágu safna og menningar í heimabyggð en hún er fyrrverandi framkvæmdastjóri Textílseturs Íslands á Blönduósi og starfar þar í dag sem verkefnisstjóri. Fálkaorðan var veitt 16 Íslendingum í gær við hátíðarlega athöfn á Bessastöðum.
Sameining A-Hún
Fréttir | 17. júní 2019 - kl. 21:58
Fertugasti árgangur Húna, ársrits Ungmennasambands Vestur-Húnvetninga er kominn út. Að vanda eru í ritinu frásagnir, greinar, ljóð og fréttir úr héraði auk þess sem látinna er minnst. Meðal efnis í ritinu er greinin „Fljótlega urðu mínir steinar stærri en hans,“ viðtal við Sigurbjart Frímannsson og Sigrúnu Ólafsdóttur. Einnig er að finna frásögn Ármanns Péturssonar frá dvöl sinni í Ástralíu. Útgáfa ritsins er styrkt af Uppbyggingasjóði Norðurlands vestra.
Fréttir | 17. júní 2019 - kl. 21:02
Ungmennasamband Vestur-Húnvetninga leitar að drífandi einstaklingi til að annast daglegan rekstur sambandsins. Þar á meðal er samskipti við aðildarfélögin, skipulagning viðburða ásamt öðrum þeim verkefnum sem USVH stendur fyrir eða tekur þátt í. Starfið er hlutastarf um 20%. Umsóknarfrestur er til og með 30. júní næstkomandi. Umsóknir ásamt ferilskrá skal sendast á usvh@usvh.is.
Frá Skagaströnd
Frá Skagaströnd
Fréttir | 17. júní 2019 - kl. 08:28
Sveitarfélagið Skagaströnd hefur ákveðið að leggjast í umhverfisátak sem hefst formlega 24. júní næstkomandi. Fyrsta skrefið af þremur í átakinu verður dagana 24.-26. júní en þá verður brotajárn, timbur, spilliefni, dekk, plast og annað rusl fjarlægt frá heimilum og atvinnuhúsnæði á Skagaströnd. Annað skrefið verður dagana 12.-16. ágúst en þá mun Heilbrigðiseftirlit Norðurlands vestra gera úttekt í bænum í samvinnu við sveitarfélagið. Þriðja skrefið felst í því að Skagaströnd veitir viðurkenningar fyrir góða umgengni og snyrtimennsku hjá íbúum.
Fréttir | 17. júní 2019 - kl. 07:51
Kvenfélagið Hekla heldur sitt árlega, sívinsæla og margrómaða kaffihlaðborð á þjóðhátíðardaginn, 17. júní frá klukkan 14 til 17 í Skagabúð. Verð er 2.000 krónur fyrir eldri en 12 ára og 1.000 krónur fyrir börn 7 til 12 ára. Frítt er fyrir yngri en 6 ára. „Hlökkum til að sjá ykkur í þjóðhátíðarskapi,“ segir í auglýsingu frá kvenfélaginu.
Fréttir | 16. júní 2019 - kl. 20:22
Þjóðhátíðardagurinn verður haldinn hátíðlegur á Blönduósi 17. júní. Breyting verður á staðsetningu hátíðarsvæðisins en það verður á skólaplaninu en ekki við Félagsheimilið eins og áður var auglýst. Að venju verður boðið upp á ýmislegt til skemmtunar og afþreyingar. Dagskráin hefst klukkan 13:00 með andlitsmálum við SAH að Húnabraut 37-39. Hefðbundin skrúðganga fer þaðan klukkan 13:30 og að hátíðarsvæðinu á skólaplaninu. Þar fer fram hátíðardagskrá með hugvekju, fjallkonu og hátíðarávarpi svo eitthvað sé nefnt.
Fréttir | 15. júní 2019 - kl. 10:47
Dagana 18.-21. júlí verður bæjarhátíðin og fjölskylduskemmtunin Húnavaka haldin á Blönduósi. Hátíðin hét áður Matur og menning og var fyrst haldin árið 2003. Árið 2006 var ákveðið að breyta nafni hátíðarinnar og endurvekja hið góða og gilda nafn Húnavaka sem áratugum saman var fastur liður í menningarlíf Húnvetninga. Byrjað er að kynna dagskrána og óhætt að segja að hún er mjög metnaðarfull og glæsileg.
Fréttir | 15. júní 2019 - kl. 09:14
Leikflokkur Húnaþings vestra sýndi í gærkvöldi söngleikinn Hárið í Þjóðleikhúsinu. Sýningin gekk fyrir fullu húsi á Hvammstanga í apríl og vakti mikla athygli, reyndar svo mikla að hún var valin áhugaverðasta áhugaleiksýning ársins. Húsfyllir var í Þjóðleikhúsinu í gærkvöldi og mikil stemning á meðal leikhúsgesta. Þegar lokalag söngleiksins, Lifi ljósið, var flutt ætlaði þakið að rifna af Þjóðleikhúsinu er leikhúsgestir stóðu upp, sungu og klöppuðu með laginu og fyrir leikendum og aðstandendum sýningarinnar. Frábær skemmtun og á leikflokkurinn mikið hrós skilið.
Fréttir | 15. júní 2019 - kl. 09:10
Sameiginlegt lið Kormáks og Hvatar gerði jafntefli við Hvíta riddarann í gærkvöldi í fimmtu umferð Íslandsmótsins í knattspyrnu 4. deild B-riðli. Leikurinn átti að fara fram á Blönduósvelli en var færðu yfir til Mosfellsbæjar. Leikmenn Kormáks/Hvatar vissu að þeir áttu erfiðan leik fyrir höndum enda situr Hvíti riddarinn á toppi riðilsins og hefur ekki tapað stigi, þangað til í gærkvöldi. Staðan var vænleg fyrir Kormák/Hvöt í hálfleik en þá hafði Ingvi Rafn Ingvarsson skorað eina mark leiksins, 0-1 í hálfleik.
Fréttir | 15. júní 2019 - kl. 08:35
Kvennahlaup ÍSÍ fer fram í dag um land allt. Hlaupið verður frá Íþróttamiðstöðinni á Blönduósi klukkan 11:00. Í ár eru 30 ár frá fyrsta Kvennahlaupinu. Í tilefni af því er hlaupabolurinn fagur bleikur, sérstakur afmælis Kristall verður í boði, hlaup (kvennahlaup) frá Nóa, Nivea gefur glaðning og sömuleiðis Sjóvá. Blönduósbær býður þátttakendum í sund að hlaupi loknu og Kjörbúðin býður upp á ferska ávexti. Vonandi sjá sem flestar sér fært að mæta og halda upp á 30 ára afmæli Kvennahlaupsins.
Frá Húnavöllum
Frá Húnavöllum
Fréttir | 14. júní 2019 - kl. 14:53
Ársreikningur Húnavatnshrepps fyrir árið 2018 var samþykktur á fundi sveitarstjórnar á miðvikudaginn. Rekstrarniðurstaða ársins er jákvæð um rúmlega eina milljón króna samanborið við 2,7 milljón króna jákvæða afkomu árið 2017. Eigið fé sveitarfélagsins var í árslok 408 milljónir króna og handbært fé nam 7,7 milljónum. Eiginfjárhlutfall var 60,9%. Fjárfestingar í fyrra námu 52 milljónum og var stærsta einstaka fjárfesting í viðhaldsverkefni á húsnæði grunnskólans og íbúðarhúsnæðis á Húnavöllum.
Hugrún Sif
Hugrún Sif
Fréttir | 14. júní 2019 - kl. 14:06
Byggðasamlag um Tónlistarskóla í Austur-Húnavatnssýslu hefur endurráðið Hugrúnu Sif Hallgrímsdóttur í starf skólastjóra Tónlistarskólans. Hugrún Sif var ráðinn skólastjóri í fyrra til eins árs og eins og lög gera ráð fyrir þurfti að auglýsa stöðuna að nýju. Hugrún Sif hefur fjölbreytta reynslu á sviði tónlistar. Hún Lauk b.ed. með tónmennt sem kjörsvið frá Kennaraháskóla Íslands árið 2004 og starfaði sjálfstætt til fjölda ára við alls konar tónlistartengd verkefni.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ