Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Fimmtudagur, 18. júlí 2019
NNA  6 m/s
12°C
Olís
huni.is - RSS-efnisveita
 
Á döfinni
Júlí 2019
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 07:00 NNA 6  12°C
Reykir í Hr 07:00 N 8  9°C
Reykjavík 07:00 A 1  13°C
Akureyri - 07:00 N 5  11°C
Egilsstaðaf 07:00 N 8  8°C
Haugur 07:00 NNA 5  9°C
Holtavörðuh 07:00 NNV 7  7°C
Þverárfjall 07:00 ANA 4  8°C
Laxárdalshe 07:00 N 7  7°C
Brúsastaðir 07:00 NNV 4  10°C
Vegagerðin
Holtavörđuh. 07:30 N 8 7°C
Laxárdalsh. 07:30 N 8 8°C
Vatnsskarđ 07:30 SSV 1 8°C
Ţverárfjall 07:30 NNA 7 8°C
Kjalarnes 07:30 NNV 1 12°C
Hafnarfjall 07:30 NNA 9 12°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Valdimar O. Hermannsson
18. júlí 2019
Eftir Sigurbjörn Þorkelsson
12. júlí 2019
Eftir Þór Jakobsson veðurfræðing
11. júlí 2019
Eftir Unni Valborgu Hilmarsdóttur
10. júlí 2019
Eftir Inga Heiðmar Jónsson
01. júlí 2019
Eftir Sigurbjörn Þorkelsson
01. júlí 2019
Eftir Sigurbjörn Þorkelsson
25. júní 2019
Eftir Jóhönnu E. Pálmadóttur
08. júní 2019
Nöldriđ | 14. janúar 2019 - kl. 09:32
Nýtt spennandi ár

Gleðilegt nýtt ár og þakkir fyrir samfylgdina á árinu sem var að ljúka.

Nú er úr vöndu að ráða. Um hvað er hægt að nöldra á þeim góðæristímum sem við Blönduósingar lifum nú. Samkvæmt fréttum er hér allt að gerast. Gagnaverið komið og er farið að auglýsa eftir starfsfólki, byggingar hafnar á atvinnu- og íbúðarhúsum, bygging blokkar væntanleg á þessu ári og fólksfjölgun slík að Blönduós er einn af hástökkvurum í íbúafjölgun á síðasta ári.

Það var mikið um alls konar afþreyingu í desember, jólamarkaðir, tónleikar, upplestur úr nýjum bókum og fleira og fleira. Gaman var að heimsækja gamla bæinn einn laugardag í desember, þegar íbúar hans „buðu heim.“ Flest fyrirtæki þar voru opin og fólk spjallaði saman meðan það naut veitinga sem alls staðar voru í boði. Var það mál manna að vel hefði tekist til og talað um að úr því að sveitarstjórnin héldi sjaldan íbúafundi, ættu íbúarnir bara sjálfir að hafa forgöngu um slíkt og hittast einu sinni á ári og ræða málefni sem á þeim brenna.

Það er ánægjulegt að tónlistafólk þjóðarinnar er að uppgötva hvað kirkjan okkar er frábært tónleikahús en tvennir jólatónleika voru haldnir þar í desember. Nánast húsfyllir var á tónleikum Heru Bjarkar, en Eyþóri Inga tókst að troðfylla kirkjuna svo varla var hægt að troða inn fleiri aukastólum. Það ber að þakka þeim listamönnum sem leggja það á sig að koma með tónleika sína til okkar á landsbyggðinni og snjöll hugmynd að bjóða heimamönnum að taka þátt í flutningi með sér. Hera Björk naut liðsinnis barnakórs frá Skagaströnd og frábærra söngvara úr Húnaþingi vestra, ásamt henni Hugrúnu okkar allra. Eyþóri Inga dugði ekkert minna en Karlakór Bólstaðarhlíðarhrepps sem stóð sig með mikilli prýði að vanda. Þar sem ég skrifa nú þessa langloku, Karlakór Bólstaðarhlíðarhrepps, spyr ég hvenær ætla þeir ágætu kallar að breyta nafni kórsins og gera það aðeins þjálla í munni. Í nafni kórsins eru 28 stafir og þykir eflaust mörgum nóg um fyrir nú utan það að Bólstaðarhlíðarhreppur er ekki lengur til og þyrfti kórinn því að heita Karlakór Bólstaðarhlíðarhrepps hins forna og þá væri stafarunan orðin 37 stafir.

Hvað á að verða um Hafíssetrið og hvað á verða um Hillebrandtshús spyr margur. Það var til lítils að gera upp þetta gamla hús og státa af því að það sé elsta timburhús landsins, ef það á að standa autt og engum til gagns. Þegar Hafíssetrinu var komið fyrir þar inni hélt maður að framtíð hússins væri tryggð en alveg frá byrjun hefur alls ekki verið staðið nógu vel að þeirri sýningu. Þar vantar góða leiðsögn á a.m.k. 2-3 tungumálum og það þurfa að vera „lifandi” myndir á skjá í þessu tilfelli, hafís á norðurslóðum og allt sem honum getur fylgt. Það þarf að gera miklu skýrari mynd og frásagnir af  þiðnun íssins á norðurslóðum sem er einmitt í umræðunni um allan heim um þessar mundir. Söfn sem bjóða ekki upp á annað en lestur texta af  spjöldum eru leiðgjörn og gamaldags og fáir nenna að skoða þau. Auðvitað kostar mikið fé að koma upp áhugaverðu safni og uppfæra það svo eftir þörfum og kröfum tímans. En menning kostar peninga og hver vill vera án menningar. Það er óskandi að sveitarstjórn Blönduóss og Þór Jakobsson, sá mæti maður, geti komist að samkomulag um framtíðarskipulag á safninu, svo það verði ekki selt í burtu eins og orðað hefur verið.

Það er varla búið að borða afgangana af  jólamatnum þegar þorramaturinn birtist í búðunum. Nú eru framundan blessuð þorrablótin sem enginn lætur fram hjá sér fara og þeir sem hafa náð af sér tveimur kílóum eftir jólin geta nú náð þeim á sig aftur.

Njótum, hækkandi sólar og um leið og ég óska jólahúsafjölskyldunni til hamingju með sigurinn, minni ég alla á að kjós mann ársins.

Með kveðju, Nöldri.

Höf. Nöldri
Pistlar | 18. júlí 2019 - kl. 07:37
Eftir Valdimar O. Hermannsson
Kæru Blönduósingar, nærsveitamenn og aðrir gestir Húnavöku 2019. Húnavaka er ein af elstu bæjarhátíðum landsins, og er orðin fastur liður í lífi fjölmargra Húnvetninga, og nærsveitamanna, auk fjölmargra annara gesta sem hátíðina sækja. Nú í ár er hátíðin haldinn helgina 18. til 21. júlí, og með breyttu sniði, að einhverju leyti, en þó er að finna fjölmargt sem áður hefur verið, en einnig spennandi nýjungar sem gaman verður að fylgjast með hvernig munu falla að annars fjölbreyttri dagskrá Húnavöku 2019.
Saumað í refilinn. Ljósm: FB/Vatnsdæla á refli
Saumað í refilinn. Ljósm: FB/Vatnsdæla á refli
Fréttir | 17. júlí 2019 - kl. 15:00
Vatnsdæla á refli er átta ára en það var á Húnavöku 16. júlí árið 2011 sem fyrstu sporin voru tekin í refilinn í Kvennaskólanum á Blönduósi. Verkefnið er hugarfóstur Jóhönnu Erlu Pálmadóttur á Akri og í tilefni afmælisins, sem var formlega í gær, sendi hún í Facebook færslu þakkir til allra þeirra sem tekið hafa þátt í að gera refilinn að veruleika. Hann er nú orðinn rúmlega 20 metra langur en mun verða 46 metrar þegar yfir líkur. Verkefnið er því tæplega hálfnað.
Glaðheimar
Fréttir | 17. júlí 2019 - kl. 14:41
Brúnni yfir ána Blöndu á Blönduósi, verður lokað tímabundið vegna viðgerða, aðfaranótt föstudagsins 19. júlí. Þetta kemur fram í tilkynningu frá Vegagerðinni og sagt er frá á mbl.is. Brúin verður lokuð frá klukkan 01:00 og opnar aftur klukkan 06:30. Starfsmenn Vegagerðarinnar verða staðsettir á gatnamótum Norðurlandsvegar og Svínvetningabrautar bæði við Giljá og Svartá til þess að leiðbeina vegfarendum. Þá verður starfsmaður við gatnamót Norðurlandsvegar og Skagastrandarvegar í sama tilgangi.
Sameining A-Hún
Þyrla Landhelgisgæslunnar. Ljósm: Auðunn Blöndal
Þyrla Landhelgisgæslunnar. Ljósm: Auðunn Blöndal
Fréttir | 17. júlí 2019 - kl. 14:38
Þyrla Landhelgisgæslunnar flutti konu á slysadeild Landspítalans í Fossvogi eftir árekstur tveggja bíla við Húnsstaði um klukkan ellefu í morgun. Að sögn lögreglunnar var konan með höfuðáverka en ekki þungt haldin. Aðrir sex sem voru í bílunum tveimur voru fluttir til aðhlynningar á Heilbrigðisstofnunina á Blönduósi og voru meiðsl þeirra minniháttar.
Fréttir | 17. júlí 2019 - kl. 09:01
Tveir aðilar gista nú fangageymslur lögreglunnar á Norðurlandi vestra eftir að lögregla framkvæmdi leit í hjólhýsi og bifreið. Við leitina fannst talsvert magn ætlaðra fíkniefna. Lögreglan naut aðstoðar leitarhunds við aðgerðina. Við aðgerðina var táragasi beitt gegn lögreglumönnum, að því er fram kemur í tilkynningu sem birt er á Facebook síðu lögreglunnar á Norðurlandi vestra.
Tryggvi og Hamur frá Hólabaki. Ljósm: Aðsend.
Tryggvi og Hamur frá Hólabaki. Ljósm: Aðsend.
Fréttir | 16. júlí 2019 - kl. 09:33
Þrír Húnvetningar og þrír húnvetsnkir hestar eru í landsliði Íslands sem keppir á Heimsmeistaramót íslenska hestsins í Berlín 4.-11. ágúst næstkomandi. Sigurbjörn Bárðarson landsliðsþjálfari fór yfir valið á knöpum og hestum í verslun Líflands í gær. Við valið er horft til árangurs á þremur WorldRanking mótum og var Íslandamótið í byrjun þessa mánaðar síðasta móti af þeim. Einnig var horft til árangurs íslenskra knapa á stórmótum erlendis. Húnvetningarnir sem keppa fyrir Íslands hönd eru Tryggvi Björnsson, Bergþór Eggertsson og Helga Una Björnsdóttir. Húnvetnsku hestarnir eru Besti frá Upphafi, Dynfari frá Steinnesi og Hamur frá Hólabaki.
Fréttir | 16. júlí 2019 - kl. 07:51
Húnavaka, bæjarhátíð Blönduósinga, verður haldin í 16. sinn um helgina. Hátíðin hét áður Matur og menning og var fyrst haldin árið 2003. Árið 2006 var ákveðið að breyta nafninu og endurvekja hið góða og gilda nafn Húnavaka sem áratugum saman var fastur liður í menningarlíf Húnvetninga. Dagskrá Húnavöku er fjölbreytt að vanda og ættu allir að geta fundið eitthvað við sitt hæfi. Tónlistarviðburðir eru fyrirferðarmiklir í dagskránni og sígildir viðburðir eins og kvöldvaka og varðeldur í Fagrahvammi.
Félagsheimilið á Blönduósi
Félagsheimilið á Blönduósi
Fréttir | 15. júlí 2019 - kl. 09:43
Haldnir verða tveir stór stórdansleikir í Félagsheimilinu á Blönduósi um Húnavökuhelgina sem framundan er. Föstudagskvöldið 19. júlí er stórdansleikur með hljómsveitinni Á móti sól og laugardagskvöldið 20. júlí er stórdansleikur með hljómsveitinni Skítamóral. Húsið opnar bæði kvöldin klukkan 23:00 og verða Húnavökutilboð á barnum. Aldurstakmar er 18 ára og aðgangseyrir er kr. 4.000. Forsala á dansleikina fer fram á föstudaginn í Félagsheimilinu frá klukkan 16-18.
Fréttir | 15. júlí 2019 - kl. 09:29
Skotfélagið Marviss heldur opinn dag á skotsvæði sínu á laugardaginn þegar Húnavökuhátíðin stendur sem hæst. Gestum og gangandi gefst tækifæri á að kynna sér uppbygginguna á svæðinu og reynda sig við leirdúfur og skotmörk, undir öruggri handleiðslu félagsmanna, frá klukkan 13 til 15. Klukkan 16 fer svo hið árlega Höskuldsmót fram. Mótið er til heiðurs hinum þekkta og geðþekka lögreglumanni, veiðimanni, áhugaljósmyndara og lífskúnstners, Höskuldi Birki Erlingssyni. Mótið er opið öllum og fer skráning fram á staðnum.
Keppendur Umf. Hvatar í lok móts
Keppendur Umf. Hvatar í lok móts
Fréttir | 14. júlí 2019 - kl. 21:16
Héraðsmót USAH í frjálsum íþróttum fór fram dagana 10.-11. júlí síðastliðinn. Keppt var á Blönduóssvelli og var góð þátttaka. Að venju voru keppendur frá fjórum félögum þ.e. Umf. Bólstaðarhlíðarhreppi, Umf. Fram, Umf. Geislum og Umf. Hvöt.
Fréttir | 14. júlí 2019 - kl. 17:31
Blönduósveitur áforma að ráðast í lagningu stofnlagna vatns- og fráveitu frá gatnamótum Norðurlandsvegar og Svínvetningabrautar að Fálkagerði. Markmið með framkvæmdinni er að tengja fasteignir á lagnaleiðinni við fráveitu, tryggja nægt slökkvivatn í nýju hverfi við Fálkagerði, tryggja afvötnun af svæðinu austan Svínvetningabrautar og afleggja rekstur á rotþróm. Kynningarfundur um framkvæmdina verður haldinn á skrifstofu Blönduósbæjar á morgun, mánudaginn 15. júlí klukkan 16:00 og er hann öllum opin.
Fréttir | 14. júlí 2019 - kl. 17:09
Sameiginlegt lið Kormáks og Hvatar gerði góða ferð til Reykjavíkur í gær er liðið mætti KM Reykjavík á KR vellinum í 9. umferð Íslandsmótsins í knattspyrnu karla 4. deild, B-riðli. KM átti aldrei séns og Kormákur/Hvöt hreinlega rúllaði yfir liði, skoraði sex mörk og fékk ekki á sig mark. Diego Moreno Minguez skoraði fyrsta mark leiksins á 17. mínútu og gerði hann annað mark á 34. mínútu en í millitíðinni, eða á 29. mínútu setti Bjarki Már Árnason boltann í netið. Viktor Ingi Jónsson gerði svo fjórða markið áður en flautað var til hálfleiks.
Frá fyrstu prjónagöngunni 2015.
Frá fyrstu prjónagöngunni 2015.
Fréttir | 12. júlí 2019 - kl. 16:00
Hin árlega prjónaganga sem haldin er á vegum Textílmiðstöðvarinnar verður farin á síðasta degi Húnavöku, sunnudaginn 21. júlí klukkan 12. Prjónagangan var fyrst haldin árið 2015 og á viðburðurinn því fimm ára afmæli á sunnudaginn. Lagt verður af stað frá Hótel Blöndu í gamla bænum og gengið sem leið liggur út fyrir ár og að Kvennaskólanum. Á göngunni verður prjónagraffi á ljósastaurum og víðar skoðað í leiðinni.
Hljómsveitin Ástarlogar sigraði keppnina. Ljósm: FB/menhúnvest.
Hljómsveitin Ástarlogar sigraði keppnina. Ljósm: FB/menhúnvest.
Fréttir | 12. júlí 2019 - kl. 15:21
Söngvarakeppni Húnaþings vestra var haldin í síðasta mánuði en hún er orðin árlegur viðburður í sveitarfélaginu. Hljómsveitin Ástarlogar sigraði keppnina með laginu Say Something en meðlimir hennar eru Ástrós Kristjánsdóttir, Elvar Logi Friðriksson og Heiðrún Nína Axelsdóttir. Í öðru sæti varð Sunneva Eldey Þorvaldsdóttir með lagið Hard Place og í þriðja sæti urðu Stella Guðrún Ellertsdóttir og Tómas Örn Daníelsson með lagið Don´t kill my vibe.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ