Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Sunnudagur, 21. júlí 2019
V  2 m/s
10°C
Olís
huni.is - RSS-efnisveita
 
Á döfinni
Júlí 2019
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 13:00 V 2  10°C
Reykir í Hr 13:00 N 9  10°C
Reykjavík 13:00 NV 3  15°C
Akureyri - 13:00 ANA 1  13°C
Egilsstaðaf 13:00 N 7  9°C
Haugur 12:00 N 3  11°C
Holtavörðuh 13:00 NNV 6  7°C
Þverárfjall 13:00 NNA 6  14°C
Laxárdalshe 13:00 N 7  9°C
Brúsastaðir 13:00 NNV 5  11°C
Vegagerðin
Holtavörđuh. 13:40 NNV 6 8°C
Laxárdalsh. 13:40 NNA 6 11°C
Vatnsskarđ 13:40 NNA 2 14°C
Ţverárfjall 13:40 NNA 6 15°C
Kjalarnes 13:40 VNV 3 16°C
Hafnarfjall 13:40 NNA 6 18°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Valdimar O. Hermannsson
18. júlí 2019
Eftir Sigurbjörn Þorkelsson
12. júlí 2019
Eftir Þór Jakobsson veðurfræðing
11. júlí 2019
Eftir Unni Valborgu Hilmarsdóttur
10. júlí 2019
Eftir Inga Heiðmar Jónsson
01. júlí 2019
Eftir Sigurbjörn Þorkelsson
01. júlí 2019
Eftir Sigurbjörn Þorkelsson
25. júní 2019
Eftir Jóhönnu E. Pálmadóttur
08. júní 2019
Ljósm: Róbert Daníel Jónsson.
Ljósm: Róbert Daníel Jónsson.
Pistlar | 14. janúar 2019 - kl. 09:36
Stökuspjall: Sjóndeildarhringur með eyktamörkum
Eftir Inga Heiðmar Jónsson

Á nýju ári kvikna nýjar sögur, nýjar samkomur og sambönd, kannski ný ljóð og vísur. Húnvetningar nokkrir og Jón á Kirkjubóli í Steingrímsfirði sendu frá sér bækur í vetur og þjóðfræðingurinn Dagrún Ósk Jónsdóttir flutti fyrirlestur með veggspjaldasýningunni: Skessur sem éta karla.

Það hefur yfirleitt verið mikið um að vera í menningarlífinu og ánægjulegt að sjá menninguna dafna kringum flóann bjarta. Kórar æfa, organistar leika af snilld á orgel sín svo hljómar yfir hálsa og víkur, ljósmyndarar ná enn betri myndum af bláum vötnum og bröttum hjöllum, prjónað er kringum fleiri ljósastaura og grúskarinn verður æ uppteknari af nýfundnu bréfi eða bók svo ekki dregst upp úr honum orð í heila eykt. Og eyktin varir í þrjá tíma svo þetta er nú væntanlega orðum aukið. 

Ein af bókunum sem bættist við safn okkar á þessum vetri á rætur fremst í Langadal, á góðbýlinu Æsustöðum þar sem prestshjónin Sigríður og sr. Gunnar ólu upp börn sín fimm til ársins 1952 en þá var Gunnar var kosinn prestur fyrir Kópavogs- og Bústaðasóknir.  

Og flutti suður! 

Yngsta barn prestshjónanna, dr. Hólmfríður Kolbrún, flutti suður nýfermd en gaf út í vetur bók sína um formæður og feður, átti í fyrstu að verða nett rit í litlu upplagi handa eftirkomendum, en á byltingarárinu 2017 „#Ég líka"skipti HKG um skoðun og gefst okkur því færi á að kaupa þessa bók í næstu bókabúð.

Sveitaskáldið snjalla, Stefán Sveinsson, fær gott rúm í bók Hólmfríðar, hún hafði á honum miklar mætur og það var víst nokkuð gagnkvæmt. Mynd af Æsustaðasystrum með Stefán á milli sín prýðir bókarkápuna. Öll eru þau alvarleg eins og Íslendingar voru lengi vel á ljósmyndum en er nú ekki kominn tími til að fara að skáka inn svona einni Stefánsstöku, gætir þú spurt, lesandi góður, en gleyma sér ekki í masi eins og þriggja ára snót segir stundum við afa sinn:

Vekjum hlátur, eyðum enn
öllum gráti og trega.
Við erum kátir vegamenn
og vinnum mátulega. St. Sv.

Um Önnu Margréti frænku mína frá Finnstungu orti æringinn Stefán:

Gekk ég ungur grýttan veg
af glöpum þungum vola
en Önnu í Tungu elska ég
eins og lungun þola. St. Sv.

Já, þeir ortu í dölunum þó sólin gengi þar fyrr undir en út við æginn:

Ástin brýnir ungra þrótt 
en eldri svínin finna,
að eftir vín og vökunótt,
verður grínið minna. St. Sv.  

Stefán eignaðist Huldu fyrir konu og þau fluttu suður fyrr en Æsustaðafjölskyldan. HKG segir: Sjálf var ég svo lítil þegar þau Hulda fóru suður að ég hugsaði engar heimspekilegar hugsanir um hann, fannst bara sjálfsagt að hann væri hjá okkur, hlýr og hæglátur. 

Þar finn ég einmitt lýsinguna á bókinni HKG, hlý og hæglát, dýrmætt innlegg í sveitamenninguna, sem við viljum svo gjarnan að vaxi áfram. Menning sem byggist á því að finna hlýjuna og kveikja alúð. 

Hólmfríður miðlar okkur fjölda sagna rétt eins og frændi hennar, Jón Árnason bókavörður frá Hofi á Skaga gerði með ævistarfi sínu. Jón prófastur Þórðarson á Auðkúlu og langafi HKG var bróðursonur nafna síns, sjö árum yngri og hjálparhella við þjóðsagnasöfnunina. 

Faðir Hólmfríðar, Gunnar Árnason frá Skútustöðum, átti fjöld presta í áatali sínu og var bæði snjall hagyrðingur og rithöfundur. Hann var í hreppsnefndinni með Hafsteini á Gunnsteinsstöðum og Jóni í Ártúnum og þessir báðir voru svo með honum í byggingarnefnd Húnavers og á Botnastaðamónum var hafist handa við byggingu stórhýsis þegar prestur flutti suður. 

Um hagyrðinginn Svein frá Elivogum/Refsstöðum segir HKG: Ég man hann kom að Æsustöðum í svörtum leðurjakka og fékk að hringja. Hann var á leið suður til að leita sér lækninga. Það boðaði ekki gott. Allir vissu að það syrti í álinn ef héraðslæknirinn, Kolka, sendi fólk suður. Enda fékk Sveinn þær fréttir syðra að hann ætti enga lífsvon. Hann var aðeins 56 ára. Þeir pabbi voru góðir vinir og kváðu vísur hvor um annan.

Einhvern tíma kom Sveinn hrossum í hagagöngu hjá pabba en auðvitað varð fremur hagbann á Laxárdalnum, sem liggur hátt yfir sjó, en í lágsveitinni Langadal. Þá orti Sveinn:

Þegar hestahaga þraut
- herti klakatakið
Gunnar prestur skildi skaut
skálds yfir nakið bakið.

Og pabbi svaraði:

Hækka mun þinn hróður Sveinn
hér í fjallasalnum
Þú ert eins og stakur steinn
sem stendur upp úr dalnum.

Enn kom út bók á þessum vetri eftir nágranna okkar í norðrinu. Hannes Pétursson skáld gaf út ljóðabókina Haustaugu. Þiggjum þaðan Ferðaljóð: 

Greikkum nú sporið.
Spölurinn styttist í tjaldstað.

Handan við næsta mel
þar sem heitir með vissu Smjörlaufadrag
getur að finna gömlu heimreiðina.
Við göngum upp í móti þaðan.

Kannski sjást enn
kerruhjólför í tröðunum
og baldursbrár í röð
á báðar hendur.

Kannski heyrist enn strokið
um strengi mjúklega
á hnéfiðlu
undir holbökkum túnlækjarins.

Ef til vill liggur
á auðum bæjarhólnum
leikfang sem gleymdist í grasinu
eða beislisstangir
brunnfata.

Biðjum samt ekki um neitt slíkt.
Nú varðar meiru sjóndeildarhringurinn
settur nákvæmum eyktamörkum. HP

Tilvísanir:
Dagrún Ósk: http://borgarbokasafn.is/is/vidburdir/skessusagnakaffi 
Jón Árnason í nýlegur Stökuspjalli: https://www.huni.is/?cid=15326 
JÁ/Stökuspjall: https://www.huni.is/index.php?pid=58&cid=15105 
Sr. Gunnar í Stökuspjalli: https://www.huni.is/index.php?pid=58&cid=12589
Efnisyfirlit í Stikli: http://stikill.123.is/blog/2016/11/07/756484/

Ingi Heiðmar Jónsson 

Höf. rzg
Veðrið lék við Húnavökugesti í garðinum. Ljósm: Róbert Daníel Jónsson.
Veðrið lék við Húnavökugesti í garðinum. Ljósm: Róbert Daníel Jónsson.
Fréttir | 21. júlí 2019 - kl. 09:29
Hápunktur Húnavökuhátíðarinnar í gær var kvöldskemmtunin í Fagrahvammi. Fjölmargir Blönduósingar og aðrir gestir Húnavöku mætti í blíðskaparveðri í garðinn og nutu skemmtidagskrárinnar. Hún hófst á veitingu umhverfisverðlauna Blönduósbæjar og síðan tók við tónlistarveisla sem Gunni Helga stýrði af sinni alkunni snilld. Fyrstir á svið voru Gunni Óla og Einar Ágúst úr hljómsveitinni Skítamóral og á eftir þeim kom tónlistarmaðurinn Daði Freyr með sína taktföstu raftónlist. Stórsöngvarinn Helgi Björns mætti svo í fyrsta sinn á Húnavöku og tók sína bestu slagara við frábærar viðtökur Húnavökugesta.
Við riffilbrautina á skotsvæði Markviss. Ljósm: FB/Skotf. Markviss
Við riffilbrautina á skotsvæði Markviss. Ljósm: FB/Skotf. Markviss
Fréttir | 21. júlí 2019 - kl. 08:51
Fjölmargir gestir Húnavöku gerðu sér ferð á skotsvæði Skotfélagsins Markviss í gær á opnum degi sem félagið stóð fyrir. Gestir gátu kynnt sér uppbygginguna á svæðinu og reynt sig við leirdúfur og skotmörk, undir öruggri handleiðslu félagsmanna. Síðdegis fór hið árlega Höskuldsmót fram og voru keppendur átta talsins. Mótið var æsispennandi á köflum þar sem bæði áttust við hjón og feðgar.
Glaðheimar
Frá Blönduósvelli í dag.
Frá Blönduósvelli í dag.
Fréttir | 20. júlí 2019 - kl. 19:21
Afríka var tekin í bakaríið á Blönduósvelli í dag þegar leikin var 10. umferðin á Íslandsmótinu í knattspyrnu karla 4. deild, B-riðli. Sameiginlegt lið Kormáks og Hvatar átti ekki í vandræðum með lið Afríku sem situr á botni riðilsins með ekkert stig. Leikurinn endaði 8-1. Leikurinn fór rólega af stað en í seinni hálfleik brustu allar flóðgáttir og mörkunum rigndi inn. Markamaskínan Diego Moreno Minguez skoraði fjögur mörk í leiknum, Hilmar Þór Kárason tvö og þeir Hlynur Rafn Rafnsson og Sveinbjörn Guðlaugsson sitt hvort markið.
Sameining A-Hún
Framundan er kvöldvaka á Húnavöku.
Framundan er kvöldvaka á Húnavöku.
Fréttir | 20. júlí 2019 - kl. 19:06
Húnavökuhátíðin á Blönduósi stendur nú sem hæst. Veðrið hefur leikið við Blönduósinga og gesti þeirra í allan dag hafa viðburði á hátíðinni verið vel sóttir. Fullt var út úr dyrum á kótelettukvöldi í Eyvindarstofu í gærkvöldi og mikil stemning. Sögugangan í gamla bænum var mjög vel sótt sem og stórdansleikur með Á móti sól í Félagsheimilinu. Fjöldi hlaupara tóku þátt í Blönduhlaupi og Höskuldsmótið í skotfimi gekk vel. Framundan er kvöldvaka í Fagrahvammi þar sem umhverfisverðlaun Blönduósbæjar verða veitt og landskunnir tónlistarmenn troða upp.
Met þátttaka var á golfmótinu
Met þátttaka var á golfmótinu
Fréttir | 20. júlí 2019 - kl. 17:57
Metþátttaka var á Opna Gámaþjónustumótinu í golfi sem haldið var í dag í Vatnahverfisvelli. Allar aðstæður voru eins og best verður á kostið, veðrið gott og völlurinn frábær. Spilaðar voru 18 holur í einum flokki og var fyrirkomulagið punktakeppni með forgjöf. Sigurvegari varð Jóhannes Kári Bragason úr Golfklúbbnum Ós. Greta Björg Lárusdóttir úr Golfklúbbnum Ós varð í öðru sæti og Valgeir M Valgeirsson úr Golfklúbbnum Ós í því þriðja.
Fréttir | 19. júlí 2019 - kl. 20:13
Blönduósbær auglýsir á vef sínum eftir tilboðum í skólamáltíðir Blönduskóla og leikskólans Barnabæjar skólaárið 2019-2020. Verkið felst í framleiðslu hádegisverða fyrir nemendur og starfsfólk, flutningi frá framleiðslustað til skóla og frá skóla að matarhléi loknu hvern dag. Útboðsgögn fást afhent í tölvupósti og skal senda beiðni þar um á blonduos@blonduos.is. Tilboð verða opnuð á skrifstofu Blönduósbæjar klukkan 11:00 þann 30. júlí næstkomandi.
Frá Vatnahverfisvelli. Ljósm: FB/Golfkl. Ós
Frá Vatnahverfisvelli. Ljósm: FB/Golfkl. Ós
Fréttir | 19. júlí 2019 - kl. 20:05
Frábær þátttaka verður á Opna Gámaþjónustumótinu í golfi sem haldið verður á Vatnahverfisvelli við Blönduós á morgun. Ræst verður út á öllum teigum á slaginu klukkan níu og eru öll holl gott sem full en þau rúma 36 manns samtals. Skráningu á mótið lauk í kvöld klukkan 19. Keppt verður í punktakeppni með forgjöf í einum flokki. Hámarksleikforgjöf kerla og kvenna er 36. Það stefnir í spennandi keppni í Vatnahverfi á morgun.
Fréttir | 19. júlí 2019 - kl. 11:27
Hafrannsóknarstofnun hvetur veiðifélög og stangveiðimenn til að gæta hófsemi í veiði og að sleppa sem flestum löxum aftur eftir veiði. Það sé mikilvægt til að hrygningarstofninn í haust verði eins sterkur og unnt er. Laxveiði í ám landsins hefur verið með minnsta móti í sumar og eru nokkrar ástæður fyrir því að sögn Hafrannsóknarstofnunar.
Blönduós. Ljósm: Róbert Daníel Jónsson
Blönduós. Ljósm: Róbert Daníel Jónsson
Fréttir | 19. júlí 2019 - kl. 10:42
Það er spennandi dagur framundan á Húnavöku í dag. Sundlaugin opnaði klukkan átta í morgun og þar er hægt að fá ilmandi kaffibolla í heita pottinn á meðan börnin leika sér í rennibrautinni. Risapúsl er komið á planið við skólann og er mikil áskorun að reyna sig við stærsta púsl landsins. Í hádeginu ætlar Ístex að opna hús sitt fyrir gestum og gangandi sem geta kynnt sér nýjustu tækni í vinnslu ullar. Eftir hádegi er hægt að kíkja í grill hjá SAH-Afurðum og á opið hús hjá Vilko/Prima. Húnavökutilboð verður í boði á völdum vörum. Þá er hægt að skella sér niður á höfn og dorga.
Fréttir | 19. júlí 2019 - kl. 10:22
Ár og dagar eru síðan tónlistarmaðurinn Helgi Björnsson hefur spilað, skemmt og komið fram í Austur-Húnavatnssýslu en eins og allir vita er hann ókrýndur sveitaballakóngur Íslands með hljómsveitinni SSSól á sínum tíma. Nú verður loks breyting á því Helgi ætlar að troða upp á kvöldvökunni í Fagrahvammi á laugardagskvöldi Húnavöku sem nú er haldin á Blönduósi.
Arkarinn Eva
Arkarinn Eva
Fréttir | 19. júlí 2019 - kl. 09:36
Hún kallar sig Arkarinn Eva og er 16 ára stúlka sem er að ganga hringinn í kringum Ísland til styrktar Barnaspítalanum. Eva Bryndís Ágústsdóttir er Hafnfirðingur og hóf hún göngu sína úr Hafnarfirði 16. júní síðastliðinn og hefur gengið allt Suðurlandið og Austurlandið og er núna komin að Varmahlíð. Hún gengur yfirleitt um 35 kílómetra á dag og mun því ganga í gegnum Blönduós um Húnavökuhelgina.
Veitt í Svartá. Ljósm: AÞ
Veitt í Svartá. Ljósm: AÞ
Fréttir | 18. júlí 2019 - kl. 16:25
Enn er laxveiðin dræm í húnvetnsku laxveiðiánum sem skráðar eru á lista Landssambands veiðifélaga yfir 75 aflahæstu árnar. Mest hefur veiðst í Miðfjarðará eða 307 laxar og situr hún í þriðja sæti listans á eftir Eystri-Rangá og Urriðafossi í Þjórsá. Á sama tíma í fyrra hafði áin skilað 759 löxum. Vikuveiðin nú nam þó 105 löxum sem lofar góðu. Blanda hefur skilað 265 löxum sem af er en vikuveiðin var 90 laxar. Á sama tíma í fyrra höfðu veiðst 515 laxar í ánni.
Unglingaflokkur
Unglingaflokkur
Fréttir | 18. júlí 2019 - kl. 16:04
Gæðingamót Þyts 2019 var haldið um síðustu helgi og var um opið mót að ræða. Veðrið var eins og best verður á kosið. Knapi mótsins var valinn af dómurum, Jóhann B. Magnússon en hann sigraði í 100 metra skeiði og í A flokki, ásamt því að ná öðru hrossi inn í úrslit og var með hross í úrslitum í B flokki. Glæsilegasti hestur mótsins var valinn Eldur frá Bjarghúsum sem sigraði í B flokki með einkunnina 8,84.
Fréttir | 18. júlí 2019 - kl. 12:17
Myndlistasýning verður á Húnavöku en Jóhann Sigurðsson, borinn og barnfæddur Blönduósingur, sýnir þar um 20 myndir sem hann hefur málað á síðastliðnum tveimur árum. Þetta er önnur sýning hans en hún opnar formlega í Íþróttamiðstöðinni á Blönduósi á Húnavöku helgina 19. – 21. júlí.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ