Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Sunnudagur, 21. júlí 2019
NV  2 m/s
10°C
Olís
huni.is - RSS-efnisveita
 
Á döfinni
Júlí 2019
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 12:00 NV 2  10°C
Reykir í Hr 12:00 NNV 8  9°C
Reykjavík 12:00 NV 3  15°C
Akureyri - 12:00 N 2  12°C
Egilsstaðaf 12:00 N 7  9°C
Haugur 12:00 N 3  11°C
Holtavörðuh 12:00 NNV 7  7°C
Þverárfjall 12:00 NNA 6  13°C
Laxárdalshe 12:00 N 8  8°C
Brúsastaðir 12:00 NNV 4  11°C
Vegagerðin
Holtavörđuh. 12:40 NNV 7 8°C
Laxárdalsh. 12:40 N 6 9°C
Vatnsskarđ 12:40 NA 2 15°C
Ţverárfjall 12:40 NNA 6 15°C
Kjalarnes 12:40 V 4 14°C
Hafnarfjall 12:40 NNA 6 17°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Valdimar O. Hermannsson
18. júlí 2019
Eftir Sigurbjörn Þorkelsson
12. júlí 2019
Eftir Þór Jakobsson veðurfræðing
11. júlí 2019
Eftir Unni Valborgu Hilmarsdóttur
10. júlí 2019
Eftir Inga Heiðmar Jónsson
01. júlí 2019
Eftir Sigurbjörn Þorkelsson
01. júlí 2019
Eftir Sigurbjörn Þorkelsson
25. júní 2019
Eftir Jóhönnu E. Pálmadóttur
08. júní 2019
Hákarlavettlingur. Ljósmynd: Ýr Jóhannsdóttir,
Hákarlavettlingur. Ljósmynd: Ýr Jóhannsdóttir,
Magnús tekur við verðlaunum fyrir besta giskið úr
höndum Jóhönnu, verkefnisstjóra Prjónagleðinnar
Ljósmynd: nemandi í Concorida Háskóla.
Magnús tekur við verðlaunum fyrir besta giskið úr höndum Jóhönnu, verkefnisstjóra Prjónagleðinnar Ljósmynd: nemandi í Concorida Háskóla.
Fréttir | 08. febrúar 2019 - kl. 21:58
Prjónagleði 2019
Eftir Jóhönnu Erlu Pálmadóttur

Prjónagleði 2019 verður haldin 7.-10. júní í sumar og er þemað að þessu sinni „Hafið“ en laugardagur Prjónagleðinnar er Dagur hafsins. Hátíðin ber upp á hvítasunnu sem býður upp á fleiri daga og meiri samveru. Spennandi dagskrá er í boði og eru allir hvattir til að líta á nýja heimasíðu Textílmiðstöðvar Íslands www.textilmidstod.is en þar eru allar upplýsingar um hátíðina.

Nýir kennarar mæta til leiks og þökkum við öðrum sem lagt hafa okkur lið fyrir þeirra uppbyggingu á Prjónagleðinni. Einn af okkar þekktustu prjónahönnuðum Ýr Jóhannsdóttir hannaði vettlinga sem tengjast þema Prjónagleðinnar Hafinu. Tengil á; Vettlingauppskriftir Ýrar. Allir eru hvattir til að taka þátt í að prjóna sína útgáfu af vettlingum með þema hátíðarinnar fyrir augum og senda okkur mynd af þeim. Ýr mun verða með námskeið og fyrirlestra á hátíðinni. Kennarar koma víða að eins og áður bæði innlendir sem erlendir. Boðið eru upp á námskeið á íslensku, ensku og dönsku. Látið það samt ekki aftra ykkur því prjón er alþjóðamál!

Nú verður í fyrsta sinn og kannski tími til kominn að hafa námskeið fyrir byrjendur. Haldin verður Prjónasamkeppni og í ár er þemað Hafið og verður leitað eftir hinu eina og sanna „sjávarsjali“ Reglurnar eru á heimasíðunni og þau sjöl sem komast í undanúrslit verða til sýnis yfir hátíðina.

Prjónhátíðin styður við þá ímynd bæjarins að vera áhugaverður áfangastaður fyrir fólk sem hefur áhuga á textíl sem eru margir því textíllinn hefur fylgt okkur frá örófi alda. Enda er Heimilisiðnaðarsafnið vinsæll áfangastaður og eina safnið á landinu sem er með textílinn í aðalhlutverki. Prjónagraffarar bæjarins skreyta bæinn með glaðlegu graffi á hverju ári og taka líka þátt í umræðunni um þjóðmál og listir með því að láta verkin tala.

Prjónagleðin sem nú er haldin í fjórða sinn gefur líka endalausa möguleika á útfærslum í samstarfi við heimamenn og vonandi á hún eftir að laða að sér sífellt fleiri áhugasama prjónara nær og fjær. Setning prjónagleðinnar verður á föstudeginum og er öllum opin og vonumst við til að sjá sem flesta. Að þessu sinni verða seldir passar. Dagpassi gildir fyrir fyrirlestra, afslætti og viðburði þann daginn, helgarpassinn gildir fyrir alla fyrirlestra, afslætti o.fl. á prjónagleðinni. Ef keypt eru þrjú námskeið eða fleiri fylgir helgarpassinn frítt með.

Ýmsar uppákomur hafa verið og verða á hátíðinni. Vert að minnast prjónatalningarinnar í fyrra en Magnús okkar á Vindhæli vann en hann giskaði á 236 prjóna og var bara tveimur prjónum frá réttum fjölda sem var 238 prjónar. Vel gert Magnús.

Skemmtilegt prjónaverkefni var unnið á síðasta ári í tengslum við fullveldishátíðina. Skólarnir á svæðinu tóku þátt, prjónuðu búta úr Álafoss lopa í fánalitunum sem síðar voru saumaðir saman og hengdir upp á Prjónagleðinni. Rétt fyrir Prjónagleðina barst erindi um hvort Húnvetningar gætu skreytt súlur við vopnaleitina í Leifsstöð með prjónlesi og mundi sú skreyting standa yfir fram undir jól. Þetta varð til þess að fræknar konur á svæðinu helltu sér í að prjóna ýmiss konar andlit, kindur og íslensk munstur á búta sem síðar voru skeyttir inn í prjónateppi skólanna. Út úr þessu urðu tvö stór teppi sem hengd voru upp og vöktu þau óskipta athygli.

Margar sögur hafa komið til okkar um aðdáun á teppunum og flestir klöppuðu þeim og margir föðmuðu þau. Teppin eru komin í hús og eins og upphaflega markmiðið var, verða þau tekin í sundur og útbúin minni teppi til að gefa síðan til hjálparstarfa eða réttra stofnanna. Munu teppin liggja frammi á Prjónagleðinni í sumar til að sem flestir geti tekið þátt í að taka þau í sundur, búta til hæfilega stór teppi og jafnvel skreyta kanta og gera þau fín. Þetta mun fara fram í kósíhorninu og allir velkomnir í verkið.

Vonumst til að sjá ykkur sem flest.

Með góðri kveðju úr Textílmiðstöðinni í Kvennaskólanum,
Jóhanna Erla Pálmadóttir, verkefnisstjóri Prjónagleðinnar 2019

Höf. rzg
Veðrið lék við Húnavökugesti í garðinum. Ljósm: Róbert Daníel Jónsson.
Veðrið lék við Húnavökugesti í garðinum. Ljósm: Róbert Daníel Jónsson.
Fréttir | 21. júlí 2019 - kl. 09:29
Hápunktur Húnavökuhátíðarinnar í gær var kvöldskemmtunin í Fagrahvammi. Fjölmargir Blönduósingar og aðrir gestir Húnavöku mætti í blíðskaparveðri í garðinn og nutu skemmtidagskrárinnar. Hún hófst á veitingu umhverfisverðlauna Blönduósbæjar og síðan tók við tónlistarveisla sem Gunni Helga stýrði af sinni alkunni snilld. Fyrstir á svið voru Gunni Óla og Einar Ágúst úr hljómsveitinni Skítamóral og á eftir þeim kom tónlistarmaðurinn Daði Freyr með sína taktföstu raftónlist. Stórsöngvarinn Helgi Björns mætti svo í fyrsta sinn á Húnavöku og tók sína bestu slagara við frábærar viðtökur Húnavökugesta.
Við riffilbrautina á skotsvæði Markviss. Ljósm: FB/Skotf. Markviss
Við riffilbrautina á skotsvæði Markviss. Ljósm: FB/Skotf. Markviss
Fréttir | 21. júlí 2019 - kl. 08:51
Fjölmargir gestir Húnavöku gerðu sér ferð á skotsvæði Skotfélagsins Markviss í gær á opnum degi sem félagið stóð fyrir. Gestir gátu kynnt sér uppbygginguna á svæðinu og reynt sig við leirdúfur og skotmörk, undir öruggri handleiðslu félagsmanna. Síðdegis fór hið árlega Höskuldsmót fram og voru keppendur átta talsins. Mótið var æsispennandi á köflum þar sem bæði áttust við hjón og feðgar.
Glaðheimar
Frá Blönduósvelli í dag.
Frá Blönduósvelli í dag.
Fréttir | 20. júlí 2019 - kl. 19:21
Afríka var tekin í bakaríið á Blönduósvelli í dag þegar leikin var 10. umferðin á Íslandsmótinu í knattspyrnu karla 4. deild, B-riðli. Sameiginlegt lið Kormáks og Hvatar átti ekki í vandræðum með lið Afríku sem situr á botni riðilsins með ekkert stig. Leikurinn endaði 8-1. Leikurinn fór rólega af stað en í seinni hálfleik brustu allar flóðgáttir og mörkunum rigndi inn. Markamaskínan Diego Moreno Minguez skoraði fjögur mörk í leiknum, Hilmar Þór Kárason tvö og þeir Hlynur Rafn Rafnsson og Sveinbjörn Guðlaugsson sitt hvort markið.
Sameining A-Hún
Framundan er kvöldvaka á Húnavöku.
Framundan er kvöldvaka á Húnavöku.
Fréttir | 20. júlí 2019 - kl. 19:06
Húnavökuhátíðin á Blönduósi stendur nú sem hæst. Veðrið hefur leikið við Blönduósinga og gesti þeirra í allan dag hafa viðburði á hátíðinni verið vel sóttir. Fullt var út úr dyrum á kótelettukvöldi í Eyvindarstofu í gærkvöldi og mikil stemning. Sögugangan í gamla bænum var mjög vel sótt sem og stórdansleikur með Á móti sól í Félagsheimilinu. Fjöldi hlaupara tóku þátt í Blönduhlaupi og Höskuldsmótið í skotfimi gekk vel. Framundan er kvöldvaka í Fagrahvammi þar sem umhverfisverðlaun Blönduósbæjar verða veitt og landskunnir tónlistarmenn troða upp.
Met þátttaka var á golfmótinu
Met þátttaka var á golfmótinu
Fréttir | 20. júlí 2019 - kl. 17:57
Metþátttaka var á Opna Gámaþjónustumótinu í golfi sem haldið var í dag í Vatnahverfisvelli. Allar aðstæður voru eins og best verður á kostið, veðrið gott og völlurinn frábær. Spilaðar voru 18 holur í einum flokki og var fyrirkomulagið punktakeppni með forgjöf. Sigurvegari varð Jóhannes Kári Bragason úr Golfklúbbnum Ós. Greta Björg Lárusdóttir úr Golfklúbbnum Ós varð í öðru sæti og Valgeir M Valgeirsson úr Golfklúbbnum Ós í því þriðja.
Fréttir | 19. júlí 2019 - kl. 20:13
Blönduósbær auglýsir á vef sínum eftir tilboðum í skólamáltíðir Blönduskóla og leikskólans Barnabæjar skólaárið 2019-2020. Verkið felst í framleiðslu hádegisverða fyrir nemendur og starfsfólk, flutningi frá framleiðslustað til skóla og frá skóla að matarhléi loknu hvern dag. Útboðsgögn fást afhent í tölvupósti og skal senda beiðni þar um á blonduos@blonduos.is. Tilboð verða opnuð á skrifstofu Blönduósbæjar klukkan 11:00 þann 30. júlí næstkomandi.
Frá Vatnahverfisvelli. Ljósm: FB/Golfkl. Ós
Frá Vatnahverfisvelli. Ljósm: FB/Golfkl. Ós
Fréttir | 19. júlí 2019 - kl. 20:05
Frábær þátttaka verður á Opna Gámaþjónustumótinu í golfi sem haldið verður á Vatnahverfisvelli við Blönduós á morgun. Ræst verður út á öllum teigum á slaginu klukkan níu og eru öll holl gott sem full en þau rúma 36 manns samtals. Skráningu á mótið lauk í kvöld klukkan 19. Keppt verður í punktakeppni með forgjöf í einum flokki. Hámarksleikforgjöf kerla og kvenna er 36. Það stefnir í spennandi keppni í Vatnahverfi á morgun.
Fréttir | 19. júlí 2019 - kl. 11:27
Hafrannsóknarstofnun hvetur veiðifélög og stangveiðimenn til að gæta hófsemi í veiði og að sleppa sem flestum löxum aftur eftir veiði. Það sé mikilvægt til að hrygningarstofninn í haust verði eins sterkur og unnt er. Laxveiði í ám landsins hefur verið með minnsta móti í sumar og eru nokkrar ástæður fyrir því að sögn Hafrannsóknarstofnunar.
Blönduós. Ljósm: Róbert Daníel Jónsson
Blönduós. Ljósm: Róbert Daníel Jónsson
Fréttir | 19. júlí 2019 - kl. 10:42
Það er spennandi dagur framundan á Húnavöku í dag. Sundlaugin opnaði klukkan átta í morgun og þar er hægt að fá ilmandi kaffibolla í heita pottinn á meðan börnin leika sér í rennibrautinni. Risapúsl er komið á planið við skólann og er mikil áskorun að reyna sig við stærsta púsl landsins. Í hádeginu ætlar Ístex að opna hús sitt fyrir gestum og gangandi sem geta kynnt sér nýjustu tækni í vinnslu ullar. Eftir hádegi er hægt að kíkja í grill hjá SAH-Afurðum og á opið hús hjá Vilko/Prima. Húnavökutilboð verður í boði á völdum vörum. Þá er hægt að skella sér niður á höfn og dorga.
Fréttir | 19. júlí 2019 - kl. 10:22
Ár og dagar eru síðan tónlistarmaðurinn Helgi Björnsson hefur spilað, skemmt og komið fram í Austur-Húnavatnssýslu en eins og allir vita er hann ókrýndur sveitaballakóngur Íslands með hljómsveitinni SSSól á sínum tíma. Nú verður loks breyting á því Helgi ætlar að troða upp á kvöldvökunni í Fagrahvammi á laugardagskvöldi Húnavöku sem nú er haldin á Blönduósi.
Arkarinn Eva
Arkarinn Eva
Fréttir | 19. júlí 2019 - kl. 09:36
Hún kallar sig Arkarinn Eva og er 16 ára stúlka sem er að ganga hringinn í kringum Ísland til styrktar Barnaspítalanum. Eva Bryndís Ágústsdóttir er Hafnfirðingur og hóf hún göngu sína úr Hafnarfirði 16. júní síðastliðinn og hefur gengið allt Suðurlandið og Austurlandið og er núna komin að Varmahlíð. Hún gengur yfirleitt um 35 kílómetra á dag og mun því ganga í gegnum Blönduós um Húnavökuhelgina.
Veitt í Svartá. Ljósm: AÞ
Veitt í Svartá. Ljósm: AÞ
Fréttir | 18. júlí 2019 - kl. 16:25
Enn er laxveiðin dræm í húnvetnsku laxveiðiánum sem skráðar eru á lista Landssambands veiðifélaga yfir 75 aflahæstu árnar. Mest hefur veiðst í Miðfjarðará eða 307 laxar og situr hún í þriðja sæti listans á eftir Eystri-Rangá og Urriðafossi í Þjórsá. Á sama tíma í fyrra hafði áin skilað 759 löxum. Vikuveiðin nú nam þó 105 löxum sem lofar góðu. Blanda hefur skilað 265 löxum sem af er en vikuveiðin var 90 laxar. Á sama tíma í fyrra höfðu veiðst 515 laxar í ánni.
Unglingaflokkur
Unglingaflokkur
Fréttir | 18. júlí 2019 - kl. 16:04
Gæðingamót Þyts 2019 var haldið um síðustu helgi og var um opið mót að ræða. Veðrið var eins og best verður á kosið. Knapi mótsins var valinn af dómurum, Jóhann B. Magnússon en hann sigraði í 100 metra skeiði og í A flokki, ásamt því að ná öðru hrossi inn í úrslit og var með hross í úrslitum í B flokki. Glæsilegasti hestur mótsins var valinn Eldur frá Bjarghúsum sem sigraði í B flokki með einkunnina 8,84.
Fréttir | 18. júlí 2019 - kl. 12:17
Myndlistasýning verður á Húnavöku en Jóhann Sigurðsson, borinn og barnfæddur Blönduósingur, sýnir þar um 20 myndir sem hann hefur málað á síðastliðnum tveimur árum. Þetta er önnur sýning hans en hún opnar formlega í Íþróttamiðstöðinni á Blönduósi á Húnavöku helgina 19. – 21. júlí.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ