Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Sunnudagur, 16. júní 2019
SV  1 m/s
C
Olís
huni.is - RSS-efnisveita
 
Á döfinni
Júní 2019
SMŢMFFL
2627282930311
2345678
9101112131415
16171819202122
23242526272829
30123456
FyrriNúnaNćsti
Veðurstofa Íslands
Blönduós 07:00 SV 1  7°C
Reykir í Hr 07:00 SSA 1  6°C
Reykjavík 07:00 VSV 2  10°C
Akureyri - 07:00 N 3  10°C
Egilsstaðaf 07:00 VSV 1  7°C
Haugur 07:00 NA 1  6°C
Holtavörðuh 07:00 S 4  8°C
Þverárfjall 07:00 V 1  5°C
Laxárdalshe 07:00 A 2  5°C
Brúsastaðir 07:00 NNV 2  9°C
Vegagerðin
Holtavörđuh. 07:10 S 4 9°C
Laxárdalsh. 07:10 ANA 2 6°C
Vatnsskarđ 07:10 SV 1 12°C
Ţverárfjall 07:10 V 2 6°C
Kjalarnes 07:10 ASA 2 11°C
Hafnarfjall 07:10 SA 0 10°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Jóhönnu E. Pálmadóttur
08. júní 2019
Eftir Elínu S. Sigurðardóttur
18. maí 2019
Eftir Sigurbjörn Þorkelsson
10. maí 2019
Eftir Sigurbjörn Þorkelsson
19. apríl 2019
Eftir Inga Heiðmar Jónsson
19. apríl 2019
Eftir Sigurbjörn Þorkelsson
12. apríl 2019
Eftir Sigurbjörn Þorkelsson
08. apríl 2019
Eftir Inga Heiðmar Jónsson
01. apríl 2019
Úr Blöndudal. Ljósm: Ólína Friðriksdóttir.
Úr Blöndudal. Ljósm: Ólína Friðriksdóttir.
Æskustöðvarnar á Núpsöxl. Þessi kona/Guðríður B. Helgadóttir.
Æskustöðvarnar á Núpsöxl. Þessi kona/Guðríður B. Helgadóttir.
Pistlar | 17. febrúar 2019 - kl. 18:57
Stökuspjall: Yndi hljóðra sumarnátta

Gamall bær með sögu og sál,
sunnanblær og lömb í haga,
vorið hlær um vötn og ál
vermir kæra æskudaga. GBH

Öldungur úr Blöndudal og þó einnig af Laxárdal hefur kvatt okkur og við þökkum góð kynni, hraustleg handtök, ódeigan hug og hvassa tungu, listamann sem saumaði, orti, ritaði blaðagreinar og lét sig ekki muna um löng ferðalög til að taka þátt í árlegum samkomum með hagyrðingum og vinum: Á Hveravöllum, Núpi, Bændahöllinni og víðs vegar um land en fyrst hittist hópurinn hjá flóanum heima, haustið 1989 á Skagaströnd.

Guðríður Bjargey Helgadóttir ólst upp á Núpsöxl, gekk til spurninga hjá sr. Gunnari á Æsustöðum og fermdist ein barna í Sauðárkrókskirkju 1935 því hún flutti með foreldrum sínum á því sama vori að Tungu í Gönguskörðum. Guðríður nam einn vetur við Kvennaskólann á Blönduósi og lærði sauma við Iðnskólann í Reykjavík 1944-´46 og lauk þaðan prófi sem kvenklæðskeri.

Í bók sinni, Þessi kona Rv. 2010, segir hún frá fermingarvorinu en þau fluttu á fardögum úr Laxárdalnum, viku fyrir hvítasunnu, yfir fjöll og firnindi, norður að Skollatungu. Nú fær Guðríður orðið:

„Fyrr um vorið hafði ég lært undir fermingu og átti að fermast ásamt öðrum í Holtastaðakirkju á hvítasunnudag. Fara átti vestur aftur, ríðandi á laugardag, til þeirrar athafnar. En þá tóku náttúruöflin í taumana eins og oft vill verða og brast á með norðanstórhríð svo fé fennti og jafnvel trippi. Fermingar á Króknum voru löngu afstaðnar en ég gat ekki hugsað til þess að fermast ekki fyrr en næsta vor, þá orðin 15 ára. Presturinn á Sauðárkróki gekk úr skugga um að ég kynni fræðin, lagði blessun yfir og samþykkti athöfnina. Fólk fjölmennti í kirkju til að sjá nýja fólkið í Tungu. Ég var feimin en gleymdi því þegar út í alvöruna var komið. Vinafólk okkar á Sauðárkróki bauð okkur heim í veislukaffi á eftir og reyndar bjó ég mig þaðan í stássið fyrir messu og fór með eina fallegu rósina hennar Sínu í hárinu fyrir altarið. Hennar vinahót þann daginn og oft síðar gleymast ekki.“

Guðríður ólst upp á fjölmennu menningarheimili í vegasmáum fjalladal, en búferli fjölskyldunnar að Tungu færði þau nærri þorpinu á Sauðárkróki þar sem bauðst vinna og nám eða m.k. undirbúningur að því.

GBH segir: Ég var heima á sumrin við heyskap, húsverk og haustannir. Efnahagur leyfði ekki þá að hugsað væri til skólagöngu. Það skyggði á engan hátt á samband mitt við foreldrana. Við vorum bara fátækt fólk, sem tókst þó að vera sjálfstæð og sjálfbjarga. Með því að sníða okkur stakk eftir vexti innan þess ramma sem þjóðfélagsgerðin leyfði á þeim tíma. Seinna rættist úr því. Við systkinin reyndum lengst af að létta undir, frekar en gera kröfur. Það kom af sjálfu sér og átakalaust. Samskipti við vinnuveitendur byggðust á skilningi og vinsemd sem entist í bráð og lengd. Um tvítugt hafði ég önglað saman fyrir námi í kvennaskóla. En það er önnur saga.

Guðríður var góður penni og minningagrein eftir Kristínu móður hennar færir okkur sögu af umkomulitlu barni sem átti illa vist og tíð vistaskipti þar til hún tíu ára var tekin í fóstur af húsbændunum á Kirkjuskarði. Þar kynntist hún piltinum frá Núpsöxl sem varð maður hennar og þau saman foreldrar 7 barna. Kristín fór í Kvennaskólann á Blönduósi eins og Guðríður dóttir hennar síðar og systkinin nutu þeirra heimilismenningar sem góð menntun skapar. Kristín var snjall vísnasmiður og virkur Iðunnarfélagi eftir að hún flutti suður og samdi þessa gráglettnu mannlýsingu:

Elskar mikið vín og víf
villt og hiklaust teygar.
Út af striki allt sitt líf
ör og hvikull geigar. KJG

Vorið glæðir von í sál
vorið græðir trega.
Vorið bræðir vök á ál
vorsins gæði ei reynast tál. KJG

En nú kemur að lokavísu þessa spjalls, sem ort var af meistaranum snjalla, Guðríði B. Helgadóttur sem lengst var húsfreyja í Austurhlíð:

Jafnvel þó að komi kveld
kemur ei til máls að hátta.
Kyndir hlýjan arineld
yndi hljóðra sumarnátta. GBH

Tilvísanir
Guðríður í Austurhlíð: http://bragi.arnastofnun.is/hunafloi/hofundur.php?ID=17505
Kristín á Núpsöxl: http://bragi.arnastofnun.is/hunafloi/hofundur.php?ID=17544  
Ársgamalt stökuspjall með hestavísum og mynd frá Austurhlíð: https://www.huni.is/index.php?pid=58&cid=14476
Tveggja ára stökuspjall m/vísu GBH: https://www.huni.is/index.php?pid=58&cid=12430  

Ingi Heiðmar Jónsson

Höf. rzg
Fréttir | 15. júní 2019 - kl. 10:47
Dagana 18.-21. júlí verður bæjarhátíðin og fjölskylduskemmtunin Húnavaka haldin á Blönduósi. Hátíðin hét áður Matur og menning og var fyrst haldin árið 2003. Árið 2006 var ákveðið að breyta nafni hátíðarinnar og endurvekja hið góða og gilda nafn Húnavaka sem áratugum saman var fastur liður í menningarlíf Húnvetninga. Byrjað er að kynna dagskrána og óhætt að segja að hún er mjög metnaðarfull og glæsileg.
Fréttir | 15. júní 2019 - kl. 09:14
Leikflokkur Húnaþings vestra sýndi í gærkvöldi söngleikinn Hárið í Þjóðleikhúsinu. Sýningin gekk fyrir fullu húsi á Hvammstanga í apríl og vakti mikla athygli, reyndar svo mikla að hún var valin áhugaverðasta áhugaleiksýning ársins. Húsfyllir var í Þjóðleikhúsinu í gærkvöldi og mikil stemning á meðal leikhúsgesta. Þegar lokalag söngleiksins, Lifi ljósið, var flutt ætlaði þakið að rifna af Þjóðleikhúsinu er leikhúsgestir stóðu upp, sungu og klöppuðu með laginu og fyrir leikendum og aðstandendum sýningarinnar. Frábær skemmtun og á leikflokkurinn mikið hrós skilið.
Glaðheimar
Fréttir | 15. júní 2019 - kl. 09:10
Sameiginlegt lið Kormáks og Hvatar gerði jafntefli við Hvíta riddarann í gærkvöldi í fimmtu umferð Íslandsmótsins í knattspyrnu 4. deild B-riðli. Leikurinn átti að fara fram á Blönduósvelli en var færðu yfir til Mosfellsbæjar. Leikmenn Kormáks/Hvatar vissu að þeir áttu erfiðan leik fyrir höndum enda situr Hvíti riddarinn á toppi riðilsins og hefur ekki tapað stigi, þangað til í gærkvöldi. Staðan var vænleg fyrir Kormák/Hvöt í hálfleik en þá hafði Ingvi Rafn Ingvarsson skorað eina mark leiksins, 0-1 í hálfleik.
Sameining A-Hún
Fréttir | 15. júní 2019 - kl. 08:35
Kvennahlaup ÍSÍ fer fram í dag um land allt. Hlaupið verður frá Íþróttamiðstöðinni á Blönduósi klukkan 11:00. Í ár eru 30 ár frá fyrsta Kvennahlaupinu. Í tilefni af því er hlaupabolurinn fagur bleikur, sérstakur afmælis Kristall verður í boði, hlaup (kvennahlaup) frá Nóa, Nivea gefur glaðning og sömuleiðis Sjóvá. Blönduósbær býður þátttakendum í sund að hlaupi loknu og Kjörbúðin býður upp á ferska ávexti. Vonandi sjá sem flestar sér fært að mæta og halda upp á 30 ára afmæli Kvennahlaupsins.
Frá Húnavöllum
Frá Húnavöllum
Fréttir | 14. júní 2019 - kl. 14:53
Ársreikningur Húnavatnshrepps fyrir árið 2018 var samþykktur á fundi sveitarstjórnar á miðvikudaginn. Rekstrarniðurstaða ársins er jákvæð um rúmlega eina milljón króna samanborið við 2,7 milljón króna jákvæða afkomu árið 2017. Eigið fé sveitarfélagsins var í árslok 408 milljónir króna og handbært fé nam 7,7 milljónum. Eiginfjárhlutfall var 60,9%. Fjárfestingar í fyrra námu 52 milljónum og var stærsta einstaka fjárfesting í viðhaldsverkefni á húsnæði grunnskólans og íbúðarhúsnæðis á Húnavöllum.
Hugrún Sif
Hugrún Sif
Fréttir | 14. júní 2019 - kl. 14:06
Byggðasamlag um Tónlistarskóla í Austur-Húnavatnssýslu hefur endurráðið Hugrúnu Sif Hallgrímsdóttur í starf skólastjóra Tónlistarskólans. Hugrún Sif var ráðinn skólastjóri í fyrra til eins árs og eins og lög gera ráð fyrir þurfti að auglýsa stöðuna að nýju. Hugrún Sif hefur fjölbreytta reynslu á sviði tónlistar. Hún Lauk b.ed. með tónmennt sem kjörsvið frá Kennaraháskóla Íslands árið 2004 og starfaði sjálfstætt til fjölda ára við alls konar tónlistartengd verkefni.
Skrúðganga á Blönduósi. Ljósm: Róbert Daníel Jónsson.
Skrúðganga á Blönduósi. Ljósm: Róbert Daníel Jónsson.
Fréttir | 14. júní 2019 - kl. 10:29
Þjóðhátíðardagurinn verður haldinn hátíðlegur á Blönduósi 17. júní. Að venju verður boðið upp á ýmislegt til skemmtunar og afþreyingar. Dagskráin hefst klukkan 13:00 með andlitsmálum við SAH að Húnabraut 37-39. Hefðbundin skrúðganga fer þaðan klukkan 13:30 og að hátíðarsvæðinu við Félagsheimilið. Þar fer fram hátíðardagskrá með hugvekju, fjallkonu og hátíðarávarpi svo eitthvað sé nefnt.
Ragnheiður Jóna Ingimarsdóttir
Ragnheiður Jóna Ingimarsdóttir
Fréttir | 13. júní 2019 - kl. 16:40
Ragnheiður Jóna Ingimarsdóttir verður nýr sveitarstjóri Húnaþings vestra frá 15. ágúst næstkomandi. Sveitarstjórn ákvað að ráða í starfið án auglýsingar og á sveitarstjórnarfundi á þriðjudaginn var lögð fram tillaga um að ráða Ragnheiði Jónu í starfið. Tillagan var samþykkt samhljóða. Ragnheiður Jóna starfaði síðast sem framkvæmdastjóri afmælisnefndar í tilefni aldarafmælis sjálfstæðis og fullveldis Íslands en þar áður starfaði hún sem menningarfulltrúi Eyþings og sem verkefnastjóri uppbyggingarsjóðs Norðurlands eystra.
Fréttir | 13. júní 2019 - kl. 16:34
Sveitarstjórn Húnaþing vestra hefur samþykkt að úthluta þremur styrkjum úr Atvinnu- og nýsköpunarsjóði Húnaþings vestra. Auglýst var eftir umsóknum í síðasta mánuði og rann umsóknarfrestur út 31. maí. Fjórar umsóknir bárust. Kristólína fékk 600 þúsund króna styrk vegna vöruþróunar og markaðssetningar á afþreyingavörumerkinu Ráðgátur. Hestatannlæknirinn ehf. fékk 600 þúsund króna styrk vegna breytingar á atvinnuhúsnæði og Seal Travel fékk 300 þúsund króna styrk vegna markaðssóknar fyrirtækisins.
Fréttir | 13. júní 2019 - kl. 15:13
Hátíðarhöld verða á Hvammstanga á mánudaginn í tilefni þjóðhátíðardagsins 17. júní. Búið er að setja saman fjölbreytta dagskrá fyrir alla aldurshópa. Dagurinn verður tekinn snemma með dorgveiðikeppni við Norðurbryggju. Klukkan 11 er þjóðhátíðarmessa í Staðarbakkakirkju með söngfólki úr kórum héraðsins. Klukkan 14 hefst skrúðganga frá íþróttarhúsinu að skólanum þar sem nemendur í 9. bekk grunnskólans sjá um hátíðarkaffi og grill og andlitsmálning verður í boði samhliða því.
Ljósm: leikhusid.is
Ljósm: leikhusid.is
Fréttir | 13. júní 2019 - kl. 10:18
Kómedíuleikhúsið sýnir vinsæla barnaleikritið Dimmalimm í Spákonuhofi á Skagaströnd í dag frá klukkan 17:30-18:20. Dimmalimm var frumsýnt í Þjóðleikhúsinu í mars og var sýnt aftur og aftur fyrir smekkfullu leikhúsi. Síðan þá hefur leikurinn verið sýndur víða um land við miklar vinsældir. Miðaverð er 2.500 krónur og fer miðasala fram á staðnum.
Hólmfríður Dóra Sigurðardóttir tekur þátt í Jónsmessugleði Grósku í annað sinn.
Hólmfríður Dóra Sigurðardóttir tekur þátt í Jónsmessugleði Grósku í annað sinn.
Fréttir | 13. júní 2019 - kl. 09:20
Myndlistakonan Hólmfríður Dóra Sigurðardóttur í Vatnsdalshólum verður gestalistamaður á Jónsmessugleði Grósku 2019 sem haldin verður í ellefta sinn, fimmtudaginn 20. júní næstkomandi frá klukkan 19:30-22:00. Fjölbreytileg listaverk verða til sýnis við Strandstíginn í Sjálandshverfi Garðabæjar. Auk félaga úr Grósku, myndlistarfélagi Garðabæjar, koma gestalistamenn frá öðrum bæjarfélögum og myndlistarfélögum og er þetta annað árið í röð sem Hólmfríður Dóra tekur þátt.
Frá Blönduósi
Frá Blönduósi
Fréttir | 13. júní 2019 - kl. 09:05
Hæstiréttur úrskurðaði í gær vísa bæri frá héraðsdómi máli sem Blönduósbær höfðaði á hendur ábúendum á jörðinni Kleifum árið 2017. Forsaga málsins nær til ársins 2009 þegar bærinn rifti byggingabréfi sem gert hafði verið við ábúendur árið 1951 og lýsti því yfir að hann vildi taka jörðina eignarnámi. Hæstiréttur taldi málatilbúnað Blönduósbæjar ekki réttan og kröfurnar of víðtækar og vísaði málinu frá. Bænum var gert að greiða þrjár milljónir í málskostnað.
Sveitarstjórn Blönduósbæjar. Ljósm. blonduos.is
Sveitarstjórn Blönduósbæjar. Ljósm. blonduos.is
Fréttir | 12. júní 2019 - kl. 23:00
Á fundi sveitarstjórnar Blönduósbæjar í gær fór fram kosning samkvæmt samþykktum sveitarfélagsins. Sigurgeir Þór Jónasson var kosinn nýr forseti sveitarstjórnar en hann tekur við af Rannveigu Lenu Gísladóttur. Guðmundur Haukur Jakobsson verður 1. varaforseti og Anna Margrét Sigurðardóttir 3. varaforseti. Einnig var kosið í byggðaráð Blönduósbæjar og verður það áfram skipað sömu einstaklingum og áður.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ