Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Þriðjudagur, 16. júlí 2019
NV  1 m/s
C
Olís
huni.is - RSS-efnisveita
 
Á döfinni
Júlí 2019
SMŢMFFL
30123456
78910111213
14151617181920
21222324252627
28293031123
FyrriNúnaNćsti
Veðurstofa Íslands
Blönduós 06:00 NV 1  9°C
Reykir í Hr 06:00 NNV 4  9°C
Reykjavík 06:00 ANA 2  13°C
Akureyri - 06:00 NNV 3  12°C
Egilsstaðaf 06:00 SSV 4  14°C
Haugur 06:00 N 2  9°C
Holtavörðuh 06:00 NNV 4  7°C
Þverárfjall 06:00 ASA 1  9°C
Laxárdalshe 06:00 ANA 3  8°C
Brúsastaðir 06:00 Logn 0  9°C
Vegagerðin
Holtavörđuh. 06:20 NNV 4 8°C
Laxárdalsh. 06:20 ANA 4 8°C
Vatnsskarđ 06:20 NA 2 10°C
Ţverárfjall 06:20 ANA 2 10°C
Kjalarnes 06:20 NV 1 13°C
Hafnarfjall 06:20 VNV 1 13°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
12. júlí 2019
Eftir Þór Jakobsson veðurfræðing
11. júlí 2019
Eftir Unni Valborgu Hilmarsdóttur
10. júlí 2019
Eftir Inga Heiðmar Jónsson
01. júlí 2019
Eftir Sigurbjörn Þorkelsson
01. júlí 2019
Eftir Sigurbjörn Þorkelsson
25. júní 2019
Eftir Jóhönnu E. Pálmadóttur
08. júní 2019
Eftir Elínu S. Sigurðardóttur
18. maí 2019
Pistlar | 19. apríl 2019 - kl. 18:43
Hvar ertu, Guð?
Eftir Sigurbjörn Þorkelsson

Guð minn, Guð minn, hví hefur þú yfirgefið mig? Já, Guð minn, Guð minn, hví hefur þú yfirgefið mig? Þannig hrópaði frelsarinn okkar Jesús Kristur af öllum mætti en lágum rómi á krossinum forðum. Hví hefurðu yfirgefið mig? 

Og þannig hrópum við svo ótal mörg ef ekki öll reglulega og sum jafnvel daglega. Þegar við upplifum okkur einmana og yfirgefin, okkur finnst við skilin eftir ein í auðninni eða þegar okkur finnst á okkur hallað með ósanngjörnum hætti.

Af hverju ég? Guð, Já, af hverju ég? Hef ég gert eitthvað það af mér sem réttlætir líðan mína eða hugsanlegt ranglæti? Hvað hef ég eiginlega gert vitlaust? 

Þannig höfum við örugglega mörg ef ekki öll brugðist við, hugsað og spurt út í loftið á einhverjum tímapunktum þegar okkur finnst við vera umkomulaus, líkt og blaktandi strá í vindi og eitthvað bara svo skelfing máttvana í þessari veröld.  

Guð minn góður, af hverju ég? Af hverju þurfti ég endilega að veikjast, missa eða fékk ekki eitthvað sem mér fannst að ég ætti að fá sökum menntunar, hæfni í samskiptum eða annarra meintra verðleika?

Sumir reiðast, við förum jafnvel í afneitun. Það þyrmir yfir. Þetta bara getur ekki verið að gerast. Við dofnum upp. Brestum í grát, jafnvel hvað eftir annað, svo oft og iðulega. Maður verður eitthvað svo skelfing lítilmótlegur og aumur, smár og berskjaldaður. Hver klukkustund verður sem eilífð. Vonbrigðin hlaðast niður og vonleysið getur virst yfirþyrmandi og algjört.

Þar er Guð

Kæru vinir! Þar er Guð. þar er einmitt Guð. Það hlustar enginn betur en hann og það skilur okkur enginn betur en hann. Það er eftir allt saman ekkert betra en að eiga hann að. Hann er okkar besti áheyrnarfulltrúi. Hann er í  vonbrigðunum, sársaukanum, umkomuleysinu, tómarúminu og þögninni.

Hann leiðir okkur ekki aðeins í gegnum dimma dali, heldur tekur okkur sér í fang og ber okkur þegar við erum við það að örmagnast og getum ekki meir. Bæði í okkar aðstæðum hér í jarðlífinu og svo að lokum þegar ævinni lýkur inn til hinnar eilífu dýrðar sem hann hefur fyrirbúið okkur á himnum. Þar sem allt verður nýtt, óréttlæti verður eytt, spurningunum svarað. Þar sem sjúkdómar og sorgir verða ekki framar til og dauðinn aðeins upphaf að betri tíð. Þar sem lífið ræður ríkjum. Kærleikur Guðs, náð og miskunn, fyrirgefning og friður verða áþreifanleg.

Njótum því dagsins eins og kostur er, þrátt fyrir allt. Þess að fá að vera, núna. Njótum lífsins í ljósi eilífðarinnar. Gerum okkar besta svo samferðafólki okkar almennt geti liðið sem skást.

Með friðar- og kærleikskveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Félagsheimilið á Blönduósi
Félagsheimilið á Blönduósi
Fréttir | 15. júlí 2019 - kl. 09:43
Haldnir verða tveir stór stórdansleikir í Félagsheimilinu á Blönduósi um Húnavökuhelgina sem framundan er. Föstudagskvöldið 19. júlí er stórdansleikur með hljómsveitinni Á móti sól og laugardagskvöldið 20. júlí er stórdansleikur með hljómsveitinni Skítamóral. Húsið opnar bæði kvöldin klukkan 23:00 og verða Húnavökutilboð á barnum. Aldurstakmar er 18 ára og aðgangseyrir er kr. 4.000. Forsala á dansleikina fer fram á föstudaginn í Félagsheimilinu frá klukkan 16-18.
Fréttir | 15. júlí 2019 - kl. 09:29
Skotfélagið Marviss heldur opinn dag á skotsvæði sínu á laugardaginn þegar Húnavökuhátíðin stendur sem hæst. Gestum og gangandi gefst tækifæri á að kynna sér uppbygginguna á svæðinu og reynda sig við leirdúfur og skotmörk, undir öruggri handleiðslu félagsmanna, frá klukkan 13 til 15. Klukkan 16 fer svo hið árlega Höskuldsmót fram. Mótið er til heiðurs hinum þekkta og geðþekka lögreglumanni, veiðimanni, áhugaljósmyndara og lífskúnstners, Höskuldi Birki Erlingssyni. Mótið er opið öllum og fer skráning fram á staðnum.
Glaðheimar
Keppendur Umf. Hvatar í lok móts
Keppendur Umf. Hvatar í lok móts
Fréttir | 14. júlí 2019 - kl. 21:16
Héraðsmót USAH í frjálsum íþróttum fór fram dagana 10.-11. júlí síðastliðinn. Keppt var á Blönduóssvelli og var góð þátttaka. Að venju voru keppendur frá fjórum félögum þ.e. Umf. Bólstaðarhlíðarhreppi, Umf. Fram, Umf. Geislum og Umf. Hvöt.
Sameining A-Hún
Fréttir | 14. júlí 2019 - kl. 17:31
Blönduósveitur áforma að ráðast í lagningu stofnlagna vatns- og fráveitu frá gatnamótum Norðurlandsvegar og Svínvetningabrautar að Fálkagerði. Markmið með framkvæmdinni er að tengja fasteignir á lagnaleiðinni við fráveitu, tryggja nægt slökkvivatn í nýju hverfi við Fálkagerði, tryggja afvötnun af svæðinu austan Svínvetningabrautar og afleggja rekstur á rotþróm. Kynningarfundur um framkvæmdina verður haldinn á skrifstofu Blönduósbæjar á morgun, mánudaginn 15. júlí klukkan 16:00 og er hann öllum opin.
Fréttir | 14. júlí 2019 - kl. 17:09
Sameiginlegt lið Kormáks og Hvatar gerði góða ferð til Reykjavíkur í gær er liðið mætti KM Reykjavík á KR vellinum í 9. umferð Íslandsmótsins í knattspyrnu karla 4. deild, B-riðli. KM átti aldrei séns og Kormákur/Hvöt hreinlega rúllaði yfir liði, skoraði sex mörk og fékk ekki á sig mark. Diego Moreno Minguez skoraði fyrsta mark leiksins á 17. mínútu og gerði hann annað mark á 34. mínútu en í millitíðinni, eða á 29. mínútu setti Bjarki Már Árnason boltann í netið. Viktor Ingi Jónsson gerði svo fjórða markið áður en flautað var til hálfleiks.
Frá fyrstu prjónagöngunni 2015.
Frá fyrstu prjónagöngunni 2015.
Fréttir | 12. júlí 2019 - kl. 16:00
Hin árlega prjónaganga sem haldin er á vegum Textílmiðstöðvarinnar verður farin á síðasta degi Húnavöku, sunnudaginn 21. júlí klukkan 12. Prjónagangan var fyrst haldin árið 2015 og á viðburðurinn því fimm ára afmæli á sunnudaginn. Lagt verður af stað frá Hótel Blöndu í gamla bænum og gengið sem leið liggur út fyrir ár og að Kvennaskólanum. Á göngunni verður prjónagraffi á ljósastaurum og víðar skoðað í leiðinni.
Hljómsveitin Ástarlogar sigraði keppnina. Ljósm: FB/menhúnvest.
Hljómsveitin Ástarlogar sigraði keppnina. Ljósm: FB/menhúnvest.
Fréttir | 12. júlí 2019 - kl. 15:21
Söngvarakeppni Húnaþings vestra var haldin í síðasta mánuði en hún er orðin árlegur viðburður í sveitarfélaginu. Hljómsveitin Ástarlogar sigraði keppnina með laginu Say Something en meðlimir hennar eru Ástrós Kristjánsdóttir, Elvar Logi Friðriksson og Heiðrún Nína Axelsdóttir. Í öðru sæti varð Sunneva Eldey Þorvaldsdóttir með lagið Hard Place og í þriðja sæti urðu Stella Guðrún Ellertsdóttir og Tómas Örn Daníelsson með lagið Don´t kill my vibe.
Pistlar | 12. júlí 2019 - kl. 09:30
Eftir Sigurbjörn Þorkelsson
Lífið er ljóðasafn. Hver upplifun, sérhver minning, hvert andartak er ljóð sem safnast saman og verða að ljóðasafni áður en þú veist af. Lífið er nefnilega ekki bara eitt ljóð og ekki bara ein ljóðabók frá ákveðnu tímabili heldur þegar allt kemur til alls heilt ljóðasafn. Lífið, það er núna. Það tekur sinn tíma. Gefðu þér stundarkorn og njóttu þess að fylgja með. Vertu ekki sífellt að bíða eftir einhverju sem verður kannski seinna. Lifðu lífinu lifandi núna. Láttu það eftir þér, því að NÚNA er þín stund. Vertu ekki eins og skugginn af sjálfum þér.
Pistlar | 11. júlí 2019 - kl. 11:35
Eftir Þór Jakobsson veðurfræðing
Þegar árin færast yfir sækir á mann æ oftar sú árátta að vilja líta yfir farinn veg og rifja upp atburði ævinnar, smáa og stóra. Þegar ég varð löggilt gamalmenni 67 ára árið 2003 hripaði ég niður lista nokkurra áhugamála sem ég hafði gefið mig að auk formlegrar vinnu minnar á Veðurstofu Íslands næstliðna áratugi. Greindi ég frá verkefnunum í 40 blaðsíðna ritlingi sem kom út sama ár, “Við ævihvörf. Litið snöggvast um öxl”. Þótt ég hafi ekki ákveðið að endurtaka leikinn þykir mér ekki ekki úr vegi að bæta við nú þegar komið er fram á níræðisaldurinn.
Fréttir | 11. júlí 2019 - kl. 10:49
Tónlistarveisla í Fagrahvammi á föstudagskvöldi Húnavöku er ein af nýjungum hátíðarinnar þetta árið. Tónlistarveisla stendur í tvo tíma og er í boði 16 fyrirtækja á svæðinu en þau eru Kjörbúðin, Léttitækni, Átak, Rafson, SAH Afurðir, N1, Lífland, Ístex, Glaðheimar, Ísgel, N1 Píparinn, Vilko/Prima, Trésmiðjan Stígandi, MS, Tengill og Etix Group. Tónlistarmennirnir frábæru, Friðrik Dór Jónsson, Hildur Kristín Stefánsdóttir og Magni Ásgeirsson koma fram í Fagrahvammi á tónlistarveislunni föstudagskvöldið 19. júlí klukkan 19:30-21:30.
Fréttir | 11. júlí 2019 - kl. 08:10
Miðfjarðará hefur þokast upp fyrir Blöndu í heildarfjölda veiddra laxa það sem af er sumri og er nú þriðja aflahæsta á landsins með 202 veidda laxa. Blanda er í fjórða sæti með 175 laxa, samkvæmt tölum frá Landssambandi veiðifélaga. Á sama tíma í fyrra höfðu veiðst 515 laxar í Miðfjarðará og 417 í Blöndu. Á þessum tölum sést að laxveiðin sem af er sumri er sérlega döpur og samanburðurinn versnar enn ef tölur frá 2017 eru bornar saman. Þá höfðu veiðst 749 laxar í Miðfjarðará 12. júlí og 517 laxar í Blöndu.
Fréttir | 10. júlí 2019 - kl. 15:07
Húnavökumótið í golfi verður haldið á Vatnahverfisvelli við Blönduós laugardaginn 20. júlí næstkomandi. Keppt verður í punktakeppni með forgjöf og verður einn almennur flokkur. Hámarksleikforgjöf karla og kvenna er 36. Ræst verður út á öllum teigum klukkan 09:00. Skráning fer eftir „shotgun“ þar sem þátttakendur skrá sig í holl og á hvaða holu þeir byrja. Nándarverðlaun í boði. Mótsgjald kr. 4.000.
Pistlar | 10. júlí 2019 - kl. 11:51
Eftir Unni Valborgu Hilmarsdóttur
Eitt af hlutverkum Samtaka sveitarfélaga á Norðurlandi vestra (SSNV) er að stuðla að samvinnu og auka þekkingu sveitarstjórnarmanna á starfssvæðinu. Það var þess vegna sem samtökin skipulögðu kynnisferð fyrir sveitarstjórnarmenn á Norðurlandi vestra til Bornholm, danskrar eyju í Eystrasalti, síðla síðasta vetrar. Í ferðina fóru hátt í 40 sveitarstjórnarmenn og komu vonandi heim margs vísari. Sú er þetta ritar gerði það svo sannarlega.
Hrútey
Hrútey
Fréttir | 10. júlí 2019 - kl. 08:40
Náttúruyogastund í Hrútey er einn viðburður Húnavöku sem haldin verður dagana 18.-21. júlí næstkomandi. Hrútey er náttúruperla í miðri Blöndu rétt fyrir ofan Blöndubrú og er þekkt fyrir mikið fuglalíf og náttúrufegurð. Yogakennarinn og hljóðheilarinn Arnbjörg Kristín Konráðsdóttir í Ómi Yoga & Gongsetri á Akureyri leiðir stundina. Hún hefur leitt samskonar viðburði í Viðey og kennt yoga og hugleiðslu um árabil hérlendis og erlendis.
 
Prenta Prenta  
 
 
Húsfrúin
14. september 2018
Samfélagsmiðlar eru mikilvægir fyrirtækjum
Flest öllum notum við samfélagsmiðla eins og Facebook en þeir hjálpa okkur m.a. að vera í góðu sambandi við vini, ættingja, félagasamtök og fyrirtæki. Samfélagsmiðlar verða sífellt mikilvægari þáttur í að viðhalda góðu sambandi milli fyrirtækja og neytenda. Samfélagsmiðlar hafa látið mikið til sín taka á stuttum tíma og má búast við að vægi þeirra og áhrif verði mun áþreifanlegri í framtíðinni.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ