Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Laugardagur, 21. september 2019
SA  5 m/s
12°C
Olís
huni.is - RSS-efnisveita
 
Á döfinni
September 2019
SMŢMFFL
1234567
891011121314
15161718192021
22232425262728
293012345
FyrriNúnaNćsti
Veðurstofa Íslands
Blönduós 07:00 SA 5  12°C
Reykir í Hr 07:00 N 4  8°C
Reykjavík 07:00 SA 8  11°C
Akureyri - 07:00 V 1  7°C
Egilsstaðaf 07:00 SSA 1  11°C
Haugur 07:00 NNV 3  7°C
Holtavörðuh 07:00 NNV 6  6°C
Þverárfjall 07:00 A 4  8°C
Laxárdalshe 07:00 ANA 5  7°C
Brúsastaðir 07:00 NNV 3  9°C
Vegagerðin
Holtavörđuh. 07:10 NNV 6 6°C
Laxárdalsh. 07:10 ANA 5 8°C
Vatnsskarđ 07:10 ANA 2 8°C
Ţverárfjall 07:10 ANA 3 8°C
Kjalarnes 07:10 ASA 11 13°C
Hafnarfjall 07:10 ASA10 14°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Guðjón S. Brjánsson
09. september 2019
Eftir Sigurbjörn Þorkelsson
04. september 2019
Aðkoma íbúa í málefnum landshlutans mikilvæg – Stórfundur í Menningarhúsinu Miðgarði, þriðjudaginn 3. september kl. 13-17.
26. ágúst 2019
Eftir Inga Heiðmar Jónsson
18. ágúst 2019
Eftir Inga Heiðmar Jónsson
14. ágúst 2019
Eftir Sigurbjörn Þorkelsson
13. ágúst 2019
Við opnunina kvað Björg Baldursdóttir stemmur. Ljósm: Jóhannes Torfason.
Við opnunina kvað Björg Baldursdóttir stemmur. Ljósm: Jóhannes Torfason.
Gamla "duggarapeysan" frá 1920. Ljósm: Jóhannes Torfason.
Gamla "duggarapeysan" frá 1920. Ljósm: Jóhannes Torfason.
Björg og Elín, safnstjóri við opnunina. Ljósm: Jóhannes Torfason.
Björg og Elín, safnstjóri við opnunina. Ljósm: Jóhannes Torfason.
Hluti gesta við opnunina. Ljósm: Jóhannes Torfason.
Hluti gesta við opnunina. Ljósm: Jóhannes Torfason.
Fréttir | 12. júní 2019 - kl. 13:36
Opnun sumarsýningar í Heimilisiðnaðarsafninu

Sérsýning Heimilisiðnaðarsafnsins „íslenska lopapeysan, uppruni, saga, hönnun“ var opnuð á uppstigningardag. Hér er um farandsýningu að ræða sem má rekja til rannsóknarverkefnis Heimilisiðnaðarsafnsins, Hönnunarsafns Íslands og Gljúfrasteins húss skáldsins. Skýrsla um þessa rannsókn er birt á vefsíðum safnanna. Í framhaldi var ákveðið að hlutgera afraksturinn með farandsýningu sem var fyrst opnuð í Hönnunarsafninu í desember árið 2017.

Auður Ösp Guðmundsdóttir, sýningarhönnuður sá um að hanna sýninguna og koma henni upp. Um svipað leiti kom út bókin um íslensku lopapeysuna eftir Ásdísi Jóelsdóttur sem byggð er á rannsóknarskýrslunni sem hún vann á sínum tíma.

Fyrri hluta árs 2018 var sýningin sett upp á Nord Atlandes Brygge í Kaupmannahöfn og síðan fór sýningin til Odense. Auður Ösp setti svo sýninguna upp aftur í Heimilisiðnaðarsafninu.

Safnasjóður styrkti bæði rannsóknarvinnuna og farandsýninguna einnig fékkst styrkur frá Uppbyggingarsjóði Norðurlands vestra til sýningarinnar og má segja að sá styrkur hafi gert Heimilisiðnaðarsafninu kleift að taka þátt í verkefninu.

Íslenska lopapeysan kom ekki fram á sjónarsviðið fyrr en á fimmta og sjötta áratug síðustu aldar. Einnig er ljóst að engin ein prjónakona hannaði lopapeysuna heldur hefur útlit og gerð hennar tengst mörgum áhrifaþáttum. Auður Laxnes átti þó mikinn þátt í því að móta útlit peysunnar og kynna hana í gegnum tengsla net sitt.

Elín safnstjóri fór nokkrum orðum um frumgerðir þriggja peysa sem allar eru varðveittar í safninu og voru í fyrstu uppsetningu sýningarinnar. Peysurnar voru síðan endurgerðar áður en sýningin var send til Danmerkur.

Sagði Elín að í heimildum um sjómannspeysuna eða duggarapeysuna úr safni Halldóru Bjarnadóttur komi fram að peysan hafi verið prjónuð árið 1920.  Halldóra segir einnig að á kreppuárunum hafi svona peysur verið handprjónaðar þúsundum saman, aðallega norðanlands en einnig á Vestfjörðum og seldar Veiðarfæraverslunum í Reykjavík og Akureyri. “Þótti góð atvinna að prjóna peysurnar og eftirsótt” segir Halldóra.

Gömlu peysurnar liggja frammi á meðan sýningin verður í Heimilisiðnaðarsafninu.

Elín kvað samstarfsverkefnið hafa verið mjög árangursríkt og gott dæmi um góðan ávöxt af samstarfi ólíkra safna.

Í lokaorðum Elínar kom fram að þetta væri í sautjánda sinn sem opnuð væri Sérsýning í safninu sem teljist merkilegt hjá ekki stærri stofnun.

Hún minnti einnig á þann heiður og ábyrgð sem byggðarlaginu hefði hlotnast að eiga slíkt safn sem Heimilisiðnaðarsafnið, sem nyti daglegrar viðurkenningar gesta, fræða- og listafólks og augljósasta dæmi um þessa viðurkenningu væri stöðugur áhugi listafólks um að fá að halda sérsýningu í safninu.

Björg Baldursdóttir frá Kvæðamannafélaginu Gná, kvað stemmur bæði í upphafi athafnar og í lokin og var gerður góður rómur af.

Ágæt aðsókn var við opnunina og þáðu gestir kaffi og kleinur og áttu notalega samverustund í kaffirými safnsins.

Sumarstarfsstúlkur safnsins eru þær Þórunn Erla Guðmundsdóttir og Elísabet Eir Óttarsdóttir. Opnunartími safnsins er alla daga í júní, júlí og ágúst frá klukkan 10:00 til 17:00.

 

Höf. rzg
Blanda kakólituð eftir rigningar undanfarna daga. Ljósm: Róbert Daníel Jónsson.
Blanda kakólituð eftir rigningar undanfarna daga. Ljósm: Róbert Daníel Jónsson.
Fréttir | 20. september 2019 - kl. 16:05
Gamla góða Blanda stendur vel undir nafni sínu í dag, kakóbrún og vatnsmikil er hún blessunin eins og sjá má á meðfylgjandi myndum sem Róbert Daníel Jónsson tók af henni. Blanda er um 125 kílómetra löng og á hún uppruna sinn í Hofsjökli, rennur ofan af Eyvindarstaða- og Auðkúluheiði ofan í Blöndugil, síðan um Langadal og til sjávar í Húnflóa. Eftir miklar rigningar undanfarna daga hefur vaxið verulega í ám og lækjum í Húnavatnssýslum og hafa aurskriður fallið hér og þar eins og í Laxárdal og Vatnsdal.
Lífland útsala
Unnur og Þórdís við undirritun viðaukans. Ljósm: ssnv.is
Unnur og Þórdís við undirritun viðaukans. Ljósm: ssnv.is
Fréttir | 20. september 2019 - kl. 14:56
Þórdís Kolbrún Reykfjörð Gylfadóttir, ferðamála,- iðnaðar og nýsköpunarráðherra og Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra undirrituðu í dag viðauka við þjónustusamning um mat á uppbyggingu nýrrar iðnaðarstarfsemi í Austur-Húnavatnssýslu. Með viðaukanum veitir ráðuneytið samtökunum 21 milljón króna í tímabundinn styrk til greiningar á iðnaðarkostum sem gætu hentað Norðurlandi vestra, gerð kynningarefnis og beinnar kynningar fyrir fjárfestum. Markmið þessa samnings er að fjölga fyrirtækjum og störfum á Norðurlandi vestra
Glaðheimar
Fyrirhuguð nýbygging á Blönduósi
Fyrirhuguð nýbygging á Blönduósi
Fréttir | 20. september 2019 - kl. 10:56
Ekkert bólar á framkvæmdum fyrirtækisins Uppbyggingar ehf. á fyrirhuguðum fjölbýlishúsum á Blönduósi og Hvammstanga. Til stóð að hefja uppbyggingu á 20 íbúða fjölbýlishúsi á fimm hæðum í báðum sveitarfélögunum síðastliðið vor. Engilbert Runólfsson, eigandi Uppbyggingar, segir að það séu mikil vonbrigði að verkefnin hafi ekki gengið hraðar fyrir sig. „Ástæðurnar eru einkum þær að erfiðlegra hefur gengið að fá efndir loforða um fjármögnun en við áttum von á.“
Sameining A-Hún
Vatnsdalur var allur á floti í apríl. Ástandið er ekki eins slæmt núna. Ljósm: Höskuldur B. Erlingsson.
Vatnsdalur var allur á floti í apríl. Ástandið er ekki eins slæmt núna. Ljósm: Höskuldur B. Erlingsson.
Fréttir | 20. september 2019 - kl. 10:49
Veginum um Vatnsdal við Hjallaland var lokað um tíma í morgun en þá féll skriða á veginn í kjölfar vatnavaxta. Rigningar og vatnavextir hafa haft áhrif á samgöngur víða um land undanfarinn sólarhring og allvíða eru skemmdir á vegum. Búið er að opna veginn um Vatnsdal en hann er erfiður yfirferðar þar sem unnið er að lagfæringu vegna aurskriðunnar.
Horft til Vatnsness
Horft til Vatnsness
Fréttir | 20. september 2019 - kl. 10:33
Áætla má að kostnaður við að leggja nýjan veg með bundnu slitlagi um Vatnsnes kosti um 3,5 milljarða króna, að því er fram kemur í Morgunblaðinu í dag. Vegurinn er reglulega í fréttum vegna þess hversu slæmur hann er og hvað hann veldur heimamönnum og ferðafólki miklum erfiðleikum. Bundið slitlag liggur frá hringveginum að Hvammstanga og fimm kílómetrum betur en þá eru 70 kílómetrar fyrir nesið að hringveginum á austanverðu nesinu.
Fréttir | 20. september 2019 - kl. 08:59
Samtök ferðaþjónustunnar hafa tekið saman tíu leiðir til að efla ferðaþjónustu, atvinnulíf og lífskjör á landsbyggðinni. Tillögunum er ekki ætlað að vera tæmandi heldur benda á ýmislegt sem er hægt og þarft að gera. Aðgerðir þessar krefjast að sjálfsögðu náinnar samvinnu hins opinbera og atvinnugreinarinnar, segir í tilkynningu frá SAF. Í dag mun Jóhannes Þór Skúlason, framkvæmdastjóri SAF, kynna tillögurnar í beinni útsendingu á Facebook síðu Samtaka ferðaþjónustunnar: www.facebook.com/ferdathjonustan. Kynningin hefst klukkan 10:30 og mun standa í 20 mínútur. Í kjölfarið verður síðan hægt að nálgast tillögurnar á heimasíðu SAF.
Fréttir | 19. september 2019 - kl. 18:47
Selasetur Íslands hefur verið tilnefnt til Destination of Sustainable Cultural Tourism Evrópuverðlaunanna 2019 eða sem Áfangastaður sjálfbærrar náttúrutengdrar ferðaþjónustu árið 2019. Verðlaunahafar verða kynntir á verðlaunahátíð í Granada á Spáni 24. október næstkomandi. Selasetur Íslands var stofnað árið 2005 og er hlutverk þess að standa fyrir rannsóknum á selum og náttúrutengdri ferðaþjónustu.
Fréttir | 19. september 2019 - kl. 18:26
Blönduósbær auglýsir á vef sínum eftir umsóknum frá menningar-, æskulýðs-, íþrótta- og félagasamtökum sem hyggjast sækja um styrki vegna starfsemi sinnar á næsta ári. Umsækjendum er bent á að eyðublöð eru á vef Blönduósbæjar og að umsóknarfrestur er til 4. október næstkomandi. Lögð er áhersla á að við móttöku styrkja sé gerður samningur við sveitarfélagið þar sem samstarf er nánar skilgreint.
Fréttir | 19. september 2019 - kl. 10:32
Lögreglan á Norðurlandi vestra stöðvaði á mánudaginn ökumann bifreiðar á 170 kílómetra hraða á klukkustund á þjóðvegi 1 í Blönduhlíð í Skagafirði. Ökumaðurinn, sem var erlendur ferðamaður, þurfti að greiða 240 þúsund króna sekt á staðnum og hætt akstri bifreiðarinnar. Sagt er frá þessu á Facebook síðu lögreglunnar á Norðurlandi vestra en þar kemur einnig fram að hún hafi verið með mjög öflugt umferðareftirlit það sem af er ári.
Fréttir | 19. september 2019 - kl. 10:05
Fjölbrautarskóli Norðurlands vestra heldur upp á 40 ára afmæli sitt á laugardaginn. Allir velunnarar skólans eru boðnir velkomnir til afmælisdagskrár sem hefst á sal Bóknámshúss skólans klukkan 13. Að lokinni dagskrá verður boðið upp á opið hús í öllu húsnæði skólans klukkan 14:00-15:30. Skólinn, sem hér til að byrja með Fjölbrautarskólinn á Sauðárkróki var fyrst settur 22. september árið 1979.
Ljósm: hsn.is
Ljósm: hsn.is
Fréttir | 18. september 2019 - kl. 11:44
Í byrjun næsta mánaðar hefst árleg inflúensubólusetning á Heilsugæslustöðinni á Blönduósi. Sóttvarnarlæknir mælist til að allir einstaklingar eldri en 60 ára bólusetji sig svo og öll börn og fullorðnir sem þjást af langvinnum hjarta-, lungna-, nýrna- og lifrarsjúkdómum, sykursýki, illkynja sjúkdómum og öðrum ónæmisbælandi sjúkdómum.
Vermundur frá Veigarstöðum glansandi fínn með nýja húfu. Ljósm: hunathing.is
Vermundur frá Veigarstöðum glansandi fínn með nýja húfu. Ljósm: hunathing.is
Fréttir | 18. september 2019 - kl. 11:34
Í Húnaþingi vestra býr fjöldinn allur af skemmtilegum steinaköllum sem setja svo sannarlega svip sinn á sveitarfélagið. Þeir hafa nú fengið "fósturmömmur" sem ætla að sjá til að þess að þeir séu alltaf fínir og flottir til fara. Góðgerðarsamtökin Gærurnar höfðu lýst áhuga sínum á að hlúa að steinaköllunum með því að meðal annars prjóna á þá húfur, mála þá og fleira. Umhverfisstjórinn í Húnaþingi vestra tók mjög vel í hugmyndina og fagnaði þessu skemmtilega og umhyggjusama framtaki með því að skrifa undir samkomulag við Gærurnar.
Fréttir | 17. september 2019 - kl. 12:56
Blóðbankabíllinn verður opinn fyrir blóðsöfnun á N1 planinu á Blönduósi miðvikudaginn 2. október næstkomandi frá klukkan 14-17. Blóðbankabíllinn er útibú frá Blóðbankanum og er í honum góð aðstaða til blóðsöfnunar, segir Þorbjörg Edda Björnsdóttir hjúkrunarfræðingur og forstöðumaður öflunar blóðgjafa og kynningamála hjá Blóðbankanum. „Bíllinn er okkur afar mikilvægur til að nálgast nýja blóðgjafa og auðvelda virkum blóðgjöfum að gefa blóð.“
Fréttir | 17. september 2019 - kl. 11:51
Samtök sveitarfélaga á Norðurlandi vestra opna verkefnið Digi2Market formlega með ráðstefnu um stafrænar lausnir í Menningarhúsinu Miðgarði miðvikudaginn 25. september klukkan 13. Markmið ráðstefnunnar er að kynna verkefnið og möguleika sýndarveruleika þegar kemur að markaðssetningu. Á vef SSNV segir að markmið verkefnisins Digi2Market er að styðja við fyrirtæki á dreifbýlissvæðum sem eiga undir högg að sækja.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ