Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Mánudagur, 23. september 2019
SA  9 m/s
13°C
Olís
huni.is - RSS-efnisveita
 
Á döfinni
September 2019
SMŢMFFL
1234567
891011121314
15161718192021
22232425262728
293012345
FyrriNúnaNćsti
Veðurstofa Íslands
Blönduós 03:00 SA 9  13°C
Reykir í Hr 03:00 S 2  9°C
Reykjavík 03:00 SSA 7  11°C
Akureyri - 03:00 S 1  14°C
Egilsstaðaf 03:00 S 4  10°C
Haugur 03:00 SSV 5  12°C
Holtavörðuh 03:00 S 7  8°C
Þverárfjall 03:00 SSA 6  12°C
Laxárdalshe 03:00 S 6  11°C
Brúsastaðir 03:00 SSA 5  12°C
Vegagerðin
Holtavörđuh. 03:10 S 7 9°C
Laxárdalsh. 03:10 S 5 11°C
Vatnsskarđ 03:10 A 3 10°C
Ţverárfjall 03:10 SSA 7 13°C
Kjalarnes 03:10 ASA 9 11°C
Hafnarfjall 03:10 ASA 8 12°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. júní 2019
Af holum og blikkandi ljósum
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.
::Lesa

Northwest.is


SSNV

Leita í netfangaskrá
 
Eftir Guðjón S. Brjánsson
09. september 2019
Eftir Sigurbjörn Þorkelsson
04. september 2019
Aðkoma íbúa í málefnum landshlutans mikilvæg – Stórfundur í Menningarhúsinu Miðgarði, þriðjudaginn 3. september kl. 13-17.
26. ágúst 2019
Eftir Inga Heiðmar Jónsson
18. ágúst 2019
Eftir Inga Heiðmar Jónsson
14. ágúst 2019
Eftir Sigurbjörn Þorkelsson
13. ágúst 2019
Nöldriđ | 15. júní 2019 - kl. 10:08
Af holum og blikkandi ljósum

Varúð. Nú verður nöldrað af kraftir.
Fyrir um tveimur mánuðum var grafin stór holta á Melabrautina við gatnamót Holtabrautar. Hún var vel merkt, trúlega eins og reglur gera rá fyrir og girt í kringum hana og þarna er hún enn, opin og óhreyfð, þó sést hafi til bæjarstarfsmanna fara ofan í holuna eitthvað að sýsla, en greinilegt er að þarna á hún að vera eitthvað fram á sumarið, eða um óákveðinn tíma.

Ég ætla ekki að segja að stór hætta stafi af þessu jarðraski, þó það sé við fjölfarna gangbraut, sem aðallega skólabörn nota á leið sinni í skólann, en þar sem engin er skólakennslan yfir sumarið þarf ekki að hafa áhyggjur af því. Mér finnst þó  merkilegt ef enginn sem leið hefur átt um þessar slóðir hafi “dottið” ofan í holuna, en víst er að sá hinn sami kæmist ekki hjálparlaust upp, svo djúp er holan. En viti menn. Nú tæpum tveimur mánuðum eftir að holan var grafin mæta hraustir menn og moka ofan í hana og er þar með lokið sögunni um holuna stóru sem kannski má segja að hafi aldrei verið nema ekki frétt.

Ég fullyrði að hefði ég hafist handa seinnipartinn í apríl í vor að mála vinnuherbergi frúarinnar og hefði rutt húsgögnum og dóti út í enda herbergisins, byrjað svo á einhverju allt öðru verki t.d. úti í bílskúr og allt væri við það sama í frúarherberginu eftir tvo mánuði væri ég ekki í góðum málum.

Hafi bæjarstarfsmenn svona gaman af að grafa holur í jörðina ættu þeir að drífa sig í að stinga upp kerfilinn í bæjarlandinu því það er víst það eina sem dugar á hann. Taka sér Mývetninga til fyrirmyndar, sem að vísu fengu liðsstyrk bandarískra sjálfboðsliða við eyðinguna.

Það er lítið gagn að blikkljósinu við þjóðveginn í Ámundakinninni eins og svo oft áður. Undarlegt hversu illi gengur að láta það þjóna tilgangi sínum. Það hefur ekki blikkað í marga mánuði og gefið vegfarendum til kynna að ökuhraðinn sé 50 km/klst. gegnum bæinn, enda hraðinn ógnvænlegur á sumum bílum sem aka í gegn. Við þessa götu eru veitinga- og þjónustuhús í röðum. Bæði ferðafólk og heimamenn eiga þangað erindi og svo stórhættulegi afleggjarinn niður að Glaðheimum. Það er því til skammar að Vegagerðin skuli ekki sjá sóma sinn í því að laga þetta, þannig að ökuhraðinn gegnum bæinn minnki.

Það er sorglegt, en veldur manni svo sem engri undrun hversu lítið, ef þá nokkuð var fjallað í fjölmiðlum um Prjónagleðina sem hér er nýlega afstaðin og sótt var af fólki, aðallega konum, víðsvegar að af landinu og frá útlöndum og rómuð var af öllum sem hana sóttu og tjáð hafa sig á hinum ýmsu netmiðlum. Ég segi að við þurfum ekki að vera hissa á þessari þögn fjölmiðla. Þetta var jú að mestu kvennahátíð, hún var haldin hér á Norðvesturhorninu sem lítið er fjallað um svona yfirleitt, það er stundum eins og við tilheyrum engum landshluta og svo vorum við svo óheppin að veðrið lék við fólk á Suðvesturhorninu þessa daga og þá er það vaninn að lítið  kemst að í fréttum fjölmiðla annað en sólarfréttir úr Reykjavík. En þetta minnir okkur á  hvað nauðsynlegt er að hér sé einhver sem sér um að flytja fréttir af svæðinu og þó ég taki það sem nærtækast er, Prjónagleðina, þá gerist margt áhugavert í okkar ranni sem segja mætti frá. Hin annars ágæta sjónvarpsstöð N4 hefur valdið mér vonbrigðum upp á síðkastið með áhugaleysi sínu um öflun frétta frá Norðurlandi öllu. Hún hefur lítið farið yfir Vatnsskarð eða Þverárfjall í fréttaöflun undanfarið. Vonandi verður breyting á.

Ef þessir sólríku fallegu sumardagar sem við höfum notið undanfarið er sýnishorn af því sem koma skal, þurfum við engu að kvíða. Hvað sem verður skulum við njóta sumarsins því það er sko rétt að byrja.

Kæru vinir, ég kveð að sinni.

Nöldri.

Höf. Nöldri
Fíkniefnamálum hefur fjölgað mikið á Norðurlandi vestra. Ljósm: FB/Logr.nv
Fíkniefnamálum hefur fjölgað mikið á Norðurlandi vestra. Ljósm: FB/Logr.nv
Fréttir | 22. september 2019 - kl. 13:40
Lögreglan á Norðurlandi vestra lagði hald á tæplega 80 grömm af meintum kannabisefnum í söluumbúðum í gær. Tveir einstaklingar gistu fangageymslur vegna málsins en þeir voru stöðvaðir við akstur og mældist kókaín og kannabis í þvagi ökumannsins. Lögreglan naut aðstoðar fíkniefnahunds við leit en efnin voru vandlega falin í vélarými bifreiðarinnar, að því er segir á Facebook síðu lögreglunnar á Norðurlandi vestra.
Skjáskot úr fréttum RÚV.
Skjáskot úr fréttum RÚV.
Fréttir | 21. september 2019 - kl. 17:35
Íbúar á Vatnsnesi komu saman við Illugastaði vestan megin á Vatnsnesi í fyrradag og reistu þar skilti með skilaboðum til ferðamanna þar sem óskað er eftir aðstoð þeirra við að benda á slæmt ástand Vatnsnesvegar. Um 600 ferðamenn koma á Illugastaði á degi hverjum yfir sumartímann til að virða fyrir sér seli. Fleiri skilti verða sett upp á fjölförnum ferðamannastöðum á nesinu. Fjallað var um málið í kvöldfréttum Ríkissjónvarpsins í gærkvöldi.
Glaðheimar
Veiðimaðurinn með hrygnuna stóru úr Vatnsdalsá. Ljósm: FB/Vatnsdalsá
Veiðimaðurinn með hrygnuna stóru úr Vatnsdalsá. Ljósm: FB/Vatnsdalsá
Fréttir | 21. september 2019 - kl. 12:36
Laxveiðitímabilið er að renna sitt skeið þetta sumarið. Veiði lauk í Laxá á Ásum á hádegi í gær og bauð áin upp á laxveiðiveislu í Langhyl þar sem veiðimenn lönduðu 30 löxum á nokkrum klukkutímum. Veiði í Laxá á Ásum í sumar var meiri en í fyrra og fer áin líklega yfir 800 veidda laxa í sumar miðað við rétt rúmlega 700 laxa í fyrra. Stærsti lax sem veiðst hefur í Vatnsdalsá í sumar veiddist í Þórhöllustaðahyl í vikunni.
Sameining A-Hún
Fréttir | 21. september 2019 - kl. 11:55
Heilsudagar hefjast á Blönduósi á mánudaginn og standa út vikuna. Markmiðið er að hvetja fólk til að hreyfa sig og huga vel að heilsunni. Allir tímar á vegum Íþróttamiðstöðvarinnar verða fríir en einnig verður skipulögð gönguferð, hjólaferð og sundlaugarpartý. Samstarf verður við íþróttafélögin, Kjörbúðin gefur ávexti sem boðið verður uppá í Íþróttamiðstöðinni og Hjartavernd býður uppá fría heilsufarsmælingu á HSN á Blönduósi.
Blanda kakólituð eftir rigningar undanfarna daga. Ljósm: Róbert Daníel Jónsson.
Blanda kakólituð eftir rigningar undanfarna daga. Ljósm: Róbert Daníel Jónsson.
Fréttir | 20. september 2019 - kl. 16:05
Gamla góða Blanda stendur vel undir nafni sínu í dag, kakóbrún og vatnsmikil er hún blessunin eins og sjá má á meðfylgjandi myndum sem Róbert Daníel Jónsson tók af henni. Blanda er um 125 kílómetra löng og á hún uppruna sinn í Hofsjökli, rennur ofan af Eyvindarstaða- og Auðkúluheiði ofan í Blöndugil, síðan um Langadal og til sjávar í Húnflóa. Eftir miklar rigningar undanfarna daga hefur vaxið verulega í ám og lækjum í Húnavatnssýslum og hafa aurskriður fallið hér og þar eins og í Laxárdal og Vatnsdal.
Unnur og Þórdís við undirritun viðaukans. Ljósm: ssnv.is
Unnur og Þórdís við undirritun viðaukans. Ljósm: ssnv.is
Fréttir | 20. september 2019 - kl. 14:56
Þórdís Kolbrún Reykfjörð Gylfadóttir, ferðamála,- iðnaðar og nýsköpunarráðherra og Unnur Valborg Hilmarsdóttir, framkvæmdastjóri Samtaka sveitarfélaga á Norðurlandi vestra undirrituðu í dag viðauka við þjónustusamning um mat á uppbyggingu nýrrar iðnaðarstarfsemi í Austur-Húnavatnssýslu. Með viðaukanum veitir ráðuneytið samtökunum 21 milljón króna í tímabundinn styrk til greiningar á iðnaðarkostum sem gætu hentað Norðurlandi vestra, gerð kynningarefnis og beinnar kynningar fyrir fjárfestum. Markmið þessa samnings er að fjölga fyrirtækjum og störfum á Norðurlandi vestra
Fyrirhuguð nýbygging á Blönduósi
Fyrirhuguð nýbygging á Blönduósi
Fréttir | 20. september 2019 - kl. 10:56
Ekkert bólar á framkvæmdum fyrirtækisins Uppbyggingar ehf. á fyrirhuguðum fjölbýlishúsum á Blönduósi og Hvammstanga. Til stóð að hefja uppbyggingu á 20 íbúða fjölbýlishúsi á fimm hæðum í báðum sveitarfélögunum síðastliðið vor. Engilbert Runólfsson, eigandi Uppbyggingar, segir að það séu mikil vonbrigði að verkefnin hafi ekki gengið hraðar fyrir sig. „Ástæðurnar eru einkum þær að erfiðlegra hefur gengið að fá efndir loforða um fjármögnun en við áttum von á.“
Vatnsdalur var allur á floti í apríl. Ástandið er ekki eins slæmt núna. Ljósm: Höskuldur B. Erlingsson.
Vatnsdalur var allur á floti í apríl. Ástandið er ekki eins slæmt núna. Ljósm: Höskuldur B. Erlingsson.
Fréttir | 20. september 2019 - kl. 10:49
Veginum um Vatnsdal við Hjallaland var lokað um tíma í morgun en þá féll skriða á veginn í kjölfar vatnavaxta. Rigningar og vatnavextir hafa haft áhrif á samgöngur víða um land undanfarinn sólarhring og allvíða eru skemmdir á vegum. Búið er að opna veginn um Vatnsdal en hann er erfiður yfirferðar þar sem unnið er að lagfæringu vegna aurskriðunnar.
Horft til Vatnsness
Horft til Vatnsness
Fréttir | 20. september 2019 - kl. 10:33
Áætla má að kostnaður við að leggja nýjan veg með bundnu slitlagi um Vatnsnes kosti um 3,5 milljarða króna, að því er fram kemur í Morgunblaðinu í dag. Vegurinn er reglulega í fréttum vegna þess hversu slæmur hann er og hvað hann veldur heimamönnum og ferðafólki miklum erfiðleikum. Bundið slitlag liggur frá hringveginum að Hvammstanga og fimm kílómetrum betur en þá eru 70 kílómetrar fyrir nesið að hringveginum á austanverðu nesinu.
Fréttir | 20. september 2019 - kl. 08:59
Samtök ferðaþjónustunnar hafa tekið saman tíu leiðir til að efla ferðaþjónustu, atvinnulíf og lífskjör á landsbyggðinni. Tillögunum er ekki ætlað að vera tæmandi heldur benda á ýmislegt sem er hægt og þarft að gera. Aðgerðir þessar krefjast að sjálfsögðu náinnar samvinnu hins opinbera og atvinnugreinarinnar, segir í tilkynningu frá SAF. Í dag mun Jóhannes Þór Skúlason, framkvæmdastjóri SAF, kynna tillögurnar í beinni útsendingu á Facebook síðu Samtaka ferðaþjónustunnar: www.facebook.com/ferdathjonustan. Kynningin hefst klukkan 10:30 og mun standa í 20 mínútur. Í kjölfarið verður síðan hægt að nálgast tillögurnar á heimasíðu SAF.
Fréttir | 19. september 2019 - kl. 18:47
Selasetur Íslands hefur verið tilnefnt til Destination of Sustainable Cultural Tourism Evrópuverðlaunanna 2019 eða sem Áfangastaður sjálfbærrar náttúrutengdrar ferðaþjónustu árið 2019. Verðlaunahafar verða kynntir á verðlaunahátíð í Granada á Spáni 24. október næstkomandi. Selasetur Íslands var stofnað árið 2005 og er hlutverk þess að standa fyrir rannsóknum á selum og náttúrutengdri ferðaþjónustu.
Fréttir | 19. september 2019 - kl. 18:26
Blönduósbær auglýsir á vef sínum eftir umsóknum frá menningar-, æskulýðs-, íþrótta- og félagasamtökum sem hyggjast sækja um styrki vegna starfsemi sinnar á næsta ári. Umsækjendum er bent á að eyðublöð eru á vef Blönduósbæjar og að umsóknarfrestur er til 4. október næstkomandi. Lögð er áhersla á að við móttöku styrkja sé gerður samningur við sveitarfélagið þar sem samstarf er nánar skilgreint.
Fréttir | 19. september 2019 - kl. 10:32
Lögreglan á Norðurlandi vestra stöðvaði á mánudaginn ökumann bifreiðar á 170 kílómetra hraða á klukkustund á þjóðvegi 1 í Blönduhlíð í Skagafirði. Ökumaðurinn, sem var erlendur ferðamaður, þurfti að greiða 240 þúsund króna sekt á staðnum og hætt akstri bifreiðarinnar. Sagt er frá þessu á Facebook síðu lögreglunnar á Norðurlandi vestra en þar kemur einnig fram að hún hafi verið með mjög öflugt umferðareftirlit það sem af er ári.
Fréttir | 19. september 2019 - kl. 10:05
Fjölbrautarskóli Norðurlands vestra heldur upp á 40 ára afmæli sitt á laugardaginn. Allir velunnarar skólans eru boðnir velkomnir til afmælisdagskrár sem hefst á sal Bóknámshúss skólans klukkan 13. Að lokinni dagskrá verður boðið upp á opið hús í öllu húsnæði skólans klukkan 14:00-15:30. Skólinn, sem hér til að byrja með Fjölbrautarskólinn á Sauðárkróki var fyrst settur 22. september árið 1979.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
24. janúar 2018
Lögfræðingurinn
Lögfræðingur nokkur frá Reykjavík ákvað að skreppa á rjúpu. Hann fór upp í Borgarfjörð og fann góðan stað nokkuð frá sveitabæ. Hann var búinn að veiða nokkrar rjúpur og var að enda við að skjóta eina í viðbót og er að sækja hana er bóndi kemur að honum.
::Lesa
©2019 Húnahorniđ