Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Föstudagur, 15. nóvember 2019
S  4 m/s
C
Olís
huni.is - RSS-efnisveita
 
Á döfinni
Nóvember 2019
SMŢMFFL
272829303112
3456789
10111213141516
17181920212223
24252627282930
FyrriNúnaNćsti
Veðurstofa Íslands
Blönduós 23:00 S 4  1°C
Reykir í Hr 23:00 SSA 5  0°C
Reykjavík 23:00 SSV 3  1°C
Akureyri - 23:00 A 1  4°C
Egilsstaðaf 23:00 SSA 12  5°C
Haugur 23:00 SSV 6  0°C
Holtavörðuh 23:00 S 4  -1°C
Þverárfjall 23:00 SV 4  0°C
Laxárdalshe 23:00 ASA 1  0°C
Brúsastaðir 23:00 SA 4  1°C
Vegagerðin
Holtavörđuh. 23:30 SSA 5 -2°C
Laxárdalsh. 23:30 SSA 4 -1°C
Vatnsskarđ 23:30 S 4 -1°C
Ţverárfjall 23:30 VSV 5 -1°C
Kjalarnes 23:30 SA 2 2°C
Hafnarfjall 23:30 SSA 6 3°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. nóvember 2019
Eldhúshillur valda yfirliði
Ég er mikill áhugamaður um kökur og allskonar sætabrauð ásamt góðum mat og nú er sá tími runninn upp þegar uppskriftir af girnilegum jólabakstri og allskonar gómsætum mat prýða síður blaða og tímarita.
::Lesa

Northwest.is


SSNV

Leita í netfangaskrá
 
Eftir Sigurbjörn Þorkelsson
11. nóvember 2019
Eftir Guðjón S. Brjánsson
11. nóvember 2019
Eftir Inga Heiðmar Jónsson
05. nóvember 2019
Eftir Inga Heiðmar Jónsson
23. október 2019
Eftir Sigurbjörn Þorkelsson
11. október 2019
Eftir Sigurbjörn Þorkelsson
03. október 2019
Frá Heilsuhópnum
29. september 2019
Eftir Inga Heiðmar Jónsson
27. september 2019
Pistlar | 11. október 2019 - kl. 10:01
Opinbert spjall um trúmál og lífsskoðanir
Eftir Sigurbjörn Þorkelsson

Nú er það löngu orðið svo að við búum í heimi þar sem nálægðin við fjarlæg og framandi menningarsvæði, lífsskoðanir og gildi verður æ meiri og blöndun kynþátta og fólks af ólíkum uppruna æ algengari.

Hvort sem okkur líkar betur eða verr þá lifum við flest eftir einhverskonar viðmiðum um hvað sé æskilegt og hvað sé óæskilegt. Hvað teljist rétt og hvað rangt. Hvað megi og hvað ekki Hvernig heppilegast sé að umgangast náungann. Hverju eigum við að trúa og á hvað eigum við að trúa og þá hvers vegna? Eða hvort við eigum yfir höfuð að vera að trúa einhverju eða á eitthvað eða treysta á eitthvert ósýnilegt bakland yfir höfuð?

Feimnismál

Trúmál eru í dag orðin slík feimnismál að margir forðast að ræða þau og eru feimin og full af fordómum og ótta við að vilja fræðast um þau með hlutlausum hætti enda kannski ekki auðhlaupið þar sem boð þess efnis eru verulega af skornum skammti.

Þarna finnst mér að fjölmiðlar, ekki síst ljósvakamiðlar gætu komið sterkir inn og boðið upp á samtal um trúmál og lífsskoðanir yfirleitt.

Flestir hafa einhverjar skoðanir á trúmálum og lífsskoðunum en þora ekki og hefa ekki vettvang til að tjá sig, eiga samtal og fræðast. Það þarf að fræða fólk um trúmál að mínu mati og ræða þau opið.

Áherslur og gildi

Innan kristninnar eru rómversk-kaþólskir, grísk-kaþólskir, lúterskir og fjölbreyttar fríkirkjur, söfnuðir og hópar, hvítasunnukirkjur, babtistar, meþódistar og fleiri. Svo erum við að tala um önnur trúarbrögð eins og íslam, gyðingdóm, búddatrú, hindúisma og vafalaust jafnvel ólík afbrigði og afleggjara þeirra allra og svo auðvitað svo miklu fleiri auk allskyns fjölbreyttra  lífsskoðunarfélaga.

Hverjar eru áherslurnar og gildin? Um hvað snýst þetta allt saman? Hvers vegna aðhyllist ég þetta og þú hitt og hvað varð til þess að svo varð? Af því bara? Arfleifðin? Persónuleg upplifun, reynsla eða trúarafstaða? Er það að velja sér trú eða lífsskoðun bara eins og að velja sér bíltegund eða íþróttafélag til að halda með? Um hvað snýst þetta allt saman? Hvað höfum við að leiðarljósi í lífinu og hvers vegna. Má allt eða ekkert? Hvernig haga þessir hópar sér eða einstaklingar í nafni trúar sinnar og hvers vegna? Hvað eigum við sameiginlegt og hvað sundrar? Getum við lifað saman í sátt og samlyndi með því að taka tillit hvert til annars eða er það bara lífsins ómögulegt?

Er hugmyndafræði tiltekinna hópa hugsanlega svo mannskemmandi og hættuleg að æskilegt væri hreinlega að koma í veg fyrir að þeir geti grasserað? Hver eða hverjir ætla að taka að sér að vita alltaf allt best og telja sig reiðubúna til að hafa endalaust vit fyrir öðrum?

Heiðarleg fræðsla og upplýst umræða

Að mínu mati þurfum við upplýsta fræðslu og kynningu. Heiðarlegt samtal til dæmis í fjölmiðlum, ekki síst sjónvarpi. Hvað liggur fólki á hjarta? Hvers vegna erum við svona óttaslegin og kvíðin? Af hverju má ekki ræða það sem innst inni skiptir fólk jafnvel mestu máli um líðan þess í samfélaginu. Væri ekki bara áhugavert þroska merki að upplýsa fólk svo við getum myndað okkur skoðanir og tekið sjálfstæða upplýsta afstöðu á okkar forsendum án leyndar eða hræðsluáróðurs? Og hallað okkur svo þangað sem andinn og hjartað leiðir okkur.

Eru kannski jafn margar áherslur, hugmyndir og skoðanir innan sömu kirkjunnar eða hópanna eins og fólk er margt? Hvers vegna er það?

Efnum til samtals og fræðslu til að auka skilning og minnka fordóma. Forðumst öfga. Tölum saman. Hjálpumst að við að komast að því hver við erum, hvaðan við komum og hvert við þráum að stefna. Einsleitt pukur í horni er bara til að ala á fordómum í garð annarra. Með uppbyggilegri og vandaðri fræðslu og samtali finnur fólk fljótt hvað er ekta og hvað er hræðsluáróður.

Þetta segi ég ekki og skrifa til að valda sundrung eða til að við getum toppað hvert annað með innistæðulausum gylliboðum. Heldur til að skapa upplýsta heilbrigða umræðu um það sem skiptir okkur máli. Umræðu sem leiðir svo vonandi til skilnings og samstöðu, uppörvunar og kærleika í hræddum og hrjáðum heimi sem virðist einhvern veginn því miður á heljarþröm.

Með einlægri kærleiks- og friðarkveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Frá óráðstefnunni. Ljósm: ssnv.is
Frá óráðstefnunni. Ljósm: ssnv.is
Fréttir | 15. nóvember 2019 - kl. 11:42
Haustdagur ferðaþjónustunnar á Norðurlandi vestra var haldinn á Laugarbakka í Miðfirði á þriðjudaginn. Dagurinn var að þessu sinni haldinn í formi „Óráðstefnu“, þar sem dagskráin var ákveðin á staðnum af fundargestum, sem lögðu til tillögur að fundarefni. Eftir að fimmtán atriði höfðu verið valin til að ræða, hófust um 30 óráðstefnugestir handa við að kryfja þessi mál, sem öll snerta ferðaþjónustuna á svæðinu.
SSNV - er styrkurí þér
Fréttir | 14. nóvember 2019 - kl. 13:04
Gærurnar, sem er hópur kvenna sem heldur úti nytjamarkaði á Hvammstanga, gáfu nýverið ný fortjöld til Félagsheimilis Hvammstanga. Fortjöldin eru sérframleidd í Bretlandi samkvæmt ströngustu kröfum um eldvarnir og hljóðvist, endingu og ljósmengunarútilokun. Svið félagsheimilisins er mikið notað fyrir sviðslistir hverskonar, til að mynda til uppsetninga leikverka og söngleikja, þar eru tónleikar haldnir og skemmtanir hverskonar.
Glaðheimar
Tilkynningar | 14. nóvember 2019 - kl. 12:14
Tilkynning frá nemendum 9. og 10. bekk Blönduskóla
9. og 10. bekkur Blönduskóla halda bingó í Félagsheimilinu þriðjudaginn 19. nóvember. Húsið verður opnað kl.18:30 og bingóið byrjar kl. 19:00. Veglegir vinningar og tombóla (engin núll).
Sameining A-Hún
Fréttir | 13. nóvember 2019 - kl. 21:34
Nes listamiðstöð á Skagaströnd hefur óskað eftir samstarfi við sveitarfélagið um þróun listamiðstöðvarinnar og hliðargreinar tengdum henni. Erindi þess efnis var lagt fram á fundi sveitarstjórnar Skagastrandar í dag. Óskað er eftir því við sveitarstjórn að skipaður verði starfshópur í samstarfi við stjórn listamiðstöðvarinnar og að gert verði ráð fyrir kostnaði vegna ráðgjafavinnu vegna verkefnisins við gerð fjárhagsáætlunar sveitarfélagsins.
Frá Kjalvegi. Ljósm: FB/Bfj. Blanda
Frá Kjalvegi. Ljósm: FB/Bfj. Blanda
Fréttir | 13. nóvember 2019 - kl. 21:04
Félagar í Björgunarfélaginu Blöndu hafa í tvígang undanfarna daga fengið beiðni um aðstoð á Kjalvegi. Síðastliðinn föstudag höfðu tveir ferðamenn fest bíl sinn fyrir sunnan Hveravelli og í dag sátu tveir bílar fastir við Dúfunefsfell, sem er norðaustur af Hveravöllum. Annar bíllinn var bilaður en vel gekk að losa bílana og koma þeim og ferðamönnunum á beina braut niður á þjóðveg 1, „sem er besta leiðin á þessum árstíma fyrir óbreytta bíla“, eins og segir á Facebook síðu Björgunarfélagsins Blöndu.
Staðsetningar stöðvanna eru merktar með rauðu 150kw og gulu 50kw á kortinu. Mynd: orkustofnun.is
Staðsetningar stöðvanna eru merktar með rauðu 150kw og gulu 50kw á kortinu. Mynd: orkustofnun.is
Fréttir | 13. nóvember 2019 - kl. 07:03
Orkusjóður hefur úthlutað styrkjum til uppsetningar á 150kw hraðhleðslustöðvum víðsvegar um land, þar á meðal á Blönduósi og við Staðarskála. Nýverið var tilkynnt um úthlutun styrkja að fjárhæð 30,3 m.kr. til uppsetningar á hleðslustöðvum við hótel og gististaði víða um land og fékk Húnavatnshreppur styrk til að setja upp stöð á Húnavöllum og Farfuglar ses. fengu styrk fyrir hleðslustöð að Blöndubyggð 10 á Blönduósi.
Unnur Valborg Hilmarsdóttir, framkvæmdastjóri SSNV ásamt Sigurður Ingi og Lilju. Ljósm: stjornarradid.is
Unnur Valborg Hilmarsdóttir, framkvæmdastjóri SSNV ásamt Sigurður Ingi og Lilju. Ljósm: stjornarradid.is
Fréttir | 12. nóvember 2019 - kl. 19:45
Nýir sóknaráætlanasamningar við átta landshlutasamtök sveitarfélaga voru undirritaðir í dag, þar á meðal við Samtök sveitarfélaga á Norðurlandi vestra. Samgöngu- og sveitarstjórnarráðherra, mennta- og menningarmálaráðherra og fulltrúar landshlutasamtakanna undirrituðu samningana átta við hátíðlega athöfn í Ráðherrabústaðnum. Grunnframlag ríkisins til samninganna árið 2020 nemur 716 milljónum króna en með viðaukum og framlagi sveitarfélaga nema framlög alls 929 milljónum króna.
Skjáskot af tölvupósti sem barst Húnahorninu.
Skjáskot af tölvupósti sem barst Húnahorninu.
Fréttir | 12. nóvember 2019 - kl. 14:28
Tölvuhakkarar hafa komist inn á tölvupósta starfsmanna á skrifstofu Blönduósbæjar og sent tölvupósta, t.d. til Húnahornsins, sem lítur út eins og um sé að ræða reikning frá Blönduósbæ. Á vefsíðu Blönduósbæjar kemur fram að verið sé að vinna í að stoppa sendingarnar. Tilmælum er beint til allra að opna ekki tölvupósta sem berast frá starfsmönnum Blönduósbæjar og innihalda pdf reikning eða eru grunsamlegir í útliti.
Tilkynningar | 11. nóvember 2019 - kl. 22:23
Orðsending til skjólstæðinga sjúkraþjálfara
Frá og með 12. nóvember munu sjúkraþjálfarar setja nýja gjaldskrá fyrir þjónustu sína þar sem samningur við SÍ er runninn út. SÍ hefur ekki gengið að boði sjúkraþjálfara um rafræn samskipti, sem fela í sér sjálfvirka endurgreiðslu tryggingahlutans. Sjúkraþjálfarar eru því knúnir til að innheimta fullt gjald af skjólstæðingum sínum fyrir þjónustuna og beina því til þeirra að leita réttar síns varðandi endurgreiðslur hjá SÍ.
Fréttir | 11. nóvember 2019 - kl. 21:19
Blásið verður til tónlistarveislu í Blönduóskirkju sunnudaginn 17. nóvember í tilefni af því að tíu ár eru liðin síðan orgel kirkjunnar var vígt. Fjöldi listamanna ætlar að stíga á stokk og syngja eða leika á hljóðfæri með orgelinu. Tónleikarnir hefjast klukkan 18 og er enginn aðgangseyrir en þar sem um styrktartónleika er að ræða verður söfnunarkassi á staðnum. Sagt er frá þessu í Feyki sem kom út í síðustu viku.
Pistlar | 11. nóvember 2019 - kl. 16:09
Eftir Sigurbjörn Þorkelsson
Það olli nettri geðshræringu að koma aftur til Krítar í haust, sex árum eftir að ég fékk heldur óþægilegt símatal þangað þess efnis að ég hefði greinst með krabbamein. Þá féllumst við hjónin ástfangin upp fyrir haus í faðma og fórum að gráta. Það sem eftir lifði þeirrar ferðar fannst mér gott að leggjast á sólbekk á víðavangi þar sem enginn þekkti mig og mér var sama um hvað fólki fannst. Lesa mín eigin ljóð, hlusta á tónlist og fara bara að gráta.
Pistlar | 11. nóvember 2019 - kl. 09:57
Eftir Guðjón S. Brjánsson
Á Norðurlandi vestra eiga heima samtals um 440 einstaklingar með 75% örorkumat og endurhæfingarmat. Þetta eru karlar og konur á ýmsum aldri sem búa við skerta starfsorku vegna andlegra eða líkamlegra sjúkdóma, áfalla eða slysa. Aðstæður þessa fólks eru æði misjafnar, bæði persónulega og félagslega. Eitt á þetta fólk þó sennilega sameiginlegt sem hópur. Enginn hefur valið sér þetta hlutskipti og allir vildu vera í annarri stöðu.
Fréttir | 10. nóvember 2019 - kl. 10:59
Í síðustu viku varð óhapp í umdæmi lögreglunnar á Norðurlandi vestra er bifreið ók út af veginum og valt. Ökumaður komst sjálfur upp á veg en þurfti að bíða í um 10 mínútur þar til vegfarandi stöðvaði og kom til aðstoðar. Á þeim tíma óku fjölmargir bílar framhjá þrátt fyrir að ökumaðurinn hafi verið sýnilega slasaður og þurft aðstoð. Sagt er frá þessu á Facebook síðu lögreglunnar á Norðurlandi vestra og er þar biðlað til fólks, í tilvikum sem þessum, að stoppa bíla sína, veita aðstoð eins og hægt er og kalla strax eftir aðstoð viðbragðsaðila á vettvang.
Gerður Ragna tók á móti verðlaununum. Ljósm: hunavatnshreppur.is
Gerður Ragna tók á móti verðlaununum. Ljósm: hunavatnshreppur.is
Fréttir | 10. nóvember 2019 - kl. 10:41
Fjölmenn íbúahátíð var haldin í Húnavatnshreppi á föstudaginn. Sveitarfélagið bauð upp á mat og skemmtun fyrir börnin í Húnavallaskóla. Á hátíðinni voru veitt umhverfisverðlaun Húnavatnshrepps fyrir 2019 sem Stekkjardalur hlaut. Ábúendur eru Gerður Ragnar Garðarsdóttir og Ægir Sigurgeirsson.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
28. október 2019
Farandverkamaðurinn
Farandverkamaður í Neskaupstað fékk tölvupóst frá kærustu sinni í Reykjavík sem hljóðaði svona: Kæri Jón. Ég get bara ekki lengur verið með þér. Fjarlægðin er bara allt of mikil.
::Lesa
©2019 Húnahorniđ