Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Laugardagur, 14. desember 2019
ASA  3 m/s
-6°C
Olís
huni.is - RSS-efnisveita
 
Á döfinni
Desember 2019
SMŢMFFL
1234567
891011121314
15161718192021
22232425262728
2930311234
FyrriNúnaNćsti
Veðurstofa Íslands
Blönduós 23:00 ASA 3  -6°C
Reykir í Hr 22:00 N 5  -3°C
Reykjavík 23:00 N 6  -3°C
Akureyri - 23:00 S 1  -5°C
Egilsstaðaf 23:00 S 3  -4°C
Haugur 23:00 S 1  -6°C
Holtavörðuh 23:00 Logn 0  -6°C
Þverárfjall 23:00 VNV 4  -4°C
Laxárdalshe 23:00 VNV 3  -5°C
Brúsastaðir 23:00 Logn 0  -8°C
Vegagerðin
Holtavörđuh. 23:20 N 0 -7°C
Laxárdalsh. 23:20 NV 5 -5°C
Vatnsskarđ 23:20 VNV 6 -6°C
Ţverárfjall 23:20 VNV 5 -4°C
Kjalarnes 23:20 NNA 11 -2°C
Hafnarfjall 23:20 N 4 -4°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. nóvember 2019
Eldhúshillur valda yfirliði
Ég er mikill áhugamaður um kökur og allskonar sætabrauð ásamt góðum mat og nú er sá tími runninn upp þegar uppskriftir af girnilegum jólabakstri og allskonar gómsætum mat prýða síður blaða og tímarita.
::Lesa

Northwest.is


SSNV

Leita í netfangaskrá
 
Eftir Iðunni Vignisdóttur
13. desember 2019
Eftir Inga Heiðmar Jónsson
08. desember 2019
Eftir Anton Scheel Birgisson
03. desember 2019
Eftir Inga Heiðmar Jónsson
30. nóvember 2019
Eftir Sigurbjörn Þorkelsson
24. nóvember 2019
Eftir Sigurbjörn Þorkelsson
20. nóvember 2019
Eftir Sigurbjörn Þorkelsson
11. nóvember 2019
Eftir Guðjón S. Brjánsson
11. nóvember 2019
Pistlar | 11. nóvember 2019 - kl. 16:09
Uppgjör! – Krít, sex árum síðar
Eftir Sigurbjörn Þorkelsson

Það olli nettri geðshræringu að koma aftur til Krítar í haust, sex árum eftir að ég fékk heldur óþægilegt símatal þangað þess efnis að ég hefði greinst með krabbamein.

Þá féllumst við hjónin ástfangin upp fyrir haus í faðma og fórum að gráta. Það sem eftir lifði þeirrar ferðar fannst mér gott að leggjast á sólbekk á víðavangi þar sem enginn þekkti mig og mér var sama um hvað fólki fannst. Lesa mín eigin ljóð, hlusta á tónlist og fara bara að gráta.

Mínar helstu hugsanir á þeim augnablikum voru til dæmis þær að ég ætti ef til vill aldrei eftir að upplifa það að vera afi. "Hvað verður? Hvað ef? Á ég aldrei eftir að... Ég sem ætlaði... Skilaðu kveðju minni til okkar ófæddu barnabarna... Viltu segja þeim frá mér... Að ég hafi... myndi og hefði..." Eitt símtal sumarið 2013 og veröldin hrundi. Og þegar heim var komið tóku við frekari rannsóknir og mælingar, endalaus bið, hækkandi gildi, uppskurður, löng geislameðferð, ævilöng lyfjameðferð með tilheyrandi aukaverkunum.

Tilfinningarnar báru mig ofurliði

Tilfinningarnar báru mig ofurliði strax fyrsta kvöldið eftir að við hjónin komum svo aftur til Krítar í haust eftir sex tíma flug. Enda ég orðinn afi fjögurra dásamlegra gleðigjafa sem hafa komið sem englar inn í líf okkar hjóna frá þeim tíma. Tvö þeirra voru þarna einmitt með í för. Gildin komin í sögulegt hámark og ég farandi í sneiðmyndatöku á sex vikna fresti.

Við hjónin ákváðum því að fara daginn eftir þangað sem við vorum stödd þegar símtalið barst fyrir sex árum til þess að skila því og þar með krabbameininu og jafnframt til að leita af símanum mínum sem ég henti í laugina af því tilefni á sínum tíma, eða svona næstum því. Og til að þakka fyrir lífið. Þakka Guði fyrir allt. þá meina ég allt.

Tókum við atburðinn upp á myndband þar sem ég sagði frá og sýndum sundlaugagarðinn, húsið sem við dvöldum í á þeim tíma, standandi við sólbekk á nákvæmlega sama stað og þá.

Að því búnu gengum við berfætt á ströndinni með notalegar sjó gusurnar flæðandi yfir fæturna á okkur og héldum út í kapellu eina sem staðsett er á skaga einum við strandlengjuna. Sömu kapellu og við héldum út í daginn eftir að símtalið barst á sínum tíma.

Gott að geta gert þetta upp. Gott að sættast þannig við sjálfan sig og breyttar aðstæður. Geta svo bara haldið áfram. Án þess að festast í sársauka fortíðarinnar og því sem var. Ég er Guði svo endalaust þakklátur fyrir lífið og gjafir þess. Það er nefnilega svo gott að þakka og gera upp. Njóta þess svo að fá að halda áfram og gefa af sér, þótt í veikum mætti kunni að vera.

Ætla að sýna þér fjársjóðinn minn

Tveimur eða þremur dögum síðar segir fjögurra ára afabarnið svo við mig: "Afi, komdu aðeins ég ætla að sýna þér svolítið." Ég stend upp og fer með henni inn. Þá segir hún:" Afi, ég ætla að sýna þér hvar ég geymi fjársjóðinn minn."

Hún opnar því næst skúffu í hillusamstæðu í herberginu þeirra. Þar hafði hún komið fyrir ýmsu smádóti og leikföngunum sínum. En um leið og hún opnaðu skúffuna blasti við mér eintak af Nýja testamentinu merkt Gídeonfélaginu á þremur tungumálum, þýsku, ensku og frönsku. En ég starfaði einmitt sem framkvæmdastjóri Gídeonfélagsins á Íslandi frá 1986 – 1998 og var forseti landsstjórnar félagsins 2001 – 2004 og fjármögnuðum við einmitt kaup á nákvæmlega svona útbúnum Nýja testamentum til dreifingar á hótelherbergi á Íslandi og víðar um heim á þeim tíma. "Afi, þetta er bókin þín."

Ég hafði að vísu sent frá mér allnokkrar bækur og eru myndir af henni í tveimur þeirra. En þetta snerti hjarta mitt í þessu samhengi öllu. Ég sem hafði varið öllum þessum árum í að útbreiða og vekja athygli á hinum himnesku og lífgefandi  kærleiks- og friðar orðum frelsarans Jesú í Nýja testamentinu. Að þá skuli þetta gerast þarna með þessum hætti á þessum merka stað sem talaði sannarlega sterkt til mín í heildar samhenginu. Á slóðum sem Páll postuli fór um fyrir tæpum tvö þúsund árum ásamt Títusi vini sínum. 

Þarna var ég svo hressilega minntur á upprunann og nærveru og handleiðslu heilags anda Guðs, höfundar og fullkomnara lífsins sem vakir okkur yfir, leiðir, uppörvar, styður og blessar.

Já, krakkar mínir. Hann er sko ekki aldeilis dauður enn. Dýrð sé Guði fyrir lífið og hans nærandi nærveru sem aldrei klikkar eða bregst. Og fyrir dýrmæta þjónustu og trúfesti allra hans jarðnesku engla, alla tíð.

Með kærleiks- og friðarkveðju.

Lifi lífið!

Höfundur er ljóðskáld og rithöfundur og aðdáandi lífsins.

Höf. rzg
Frá fundi á Hvammstanga. Ljósm: Guðmundur Haukur Sigurðsson.
Frá fundi á Hvammstanga. Ljósm: Guðmundur Haukur Sigurðsson.
Fréttir | 14. desember 2019 - kl. 14:49
Katrín Jakobsdóttir, forsætisráðherra, Sigurður Ingi Jóhannsson, samgöngu- og sveitarstjórnarráðherra og Ásmundur Einar Daðason, félags- og barnamálaráðherra heimsóttu í gær fólk á Blönduósi og Hvammstanga sem staðið hefur í stafni í sinni heimabyggð síðustu daga. Ásmundur Einar fjallar um heimsóknirnar fundi á Facebook síðu sinni. Hann segir það ómetanlegt að eiga allt það öfluga fólk sem staðið hefur vaktina síðustu daga og fyrir það beri að þakka.
Lífland jól
Fréttir | 14. desember 2019 - kl. 11:57
Fjárhagsáætlanir Húnavatnshrepps fyrir árið 2020 og árin 2021-2023 voru samþykktar á sveitarstjórnarfundi í gær. Í fundargerð kemur fram að við gerð fjárhagsáætlunar 2020 hafi verið lögð áhersla á aðhald í rekstri, líkt og undanfarin ár. Tekjur eru áætlaðar 502,3 milljónir og gjöld 481,8 milljónir. Tekjuafgangur fyrir fjármagnsliði er áætlaður 20,5 milljónir. Fjármagnsliðir eru neikvæðir um 15,9 milljónir og rekstrarniðurstaðan því áætluð með 4,5 milljóna króna tekjuafgangi. Skuldahlutfallið, þ.e. hlutfall af skatttekjum og skuldum er áætlað 69,5% en má samkvæmt ákvæðum fjármálareglna hæst vera 150%.
Jólahús 2019
Stjórnarráðið. Ljósm: stjornarradid.is
Stjórnarráðið. Ljósm: stjornarradid.is
Fréttir | 14. desember 2019 - kl. 09:39
Ríkisstjórnin samþykkti á fundi sínum í gær, í framhaldi af fárviðrinu sem gekk yfir landið 10. og 11. desember, skipan starfshóps fimm ráðuneyta sem falið er að meta hvaða aðgerðir séu færar til að efla innviði í flutnings- og dreifikerfi raforku og fjarskiptum til að tryggja að slíkir grunninnviðir séu sem best í stakk búnir til að takast á við ofsaveður eða aðrar náttúruhamfarir. Til viðbótar við öryggi í raforku og fjarskiptum mun hópurinn skoða samgöngur, byggðamál og dreifikerfi RÚV.
Glaðheimar
Fréttir | 14. desember 2019 - kl. 08:48
„Stjórnvöldum ber skylda til að haga málum þannig að almanna- og öryggishagsmunir verði ávallt hafðir í fyrirrúmi við uppbyggingu og rekstur innviða sem eiga að tryggja öryggi og jafna búsetuskilyrði allra landsmanna.“ Þetta fram kemur í ályktun sem samþykkt var í stjórn Samband íslenskra sveitarfélaga sem haldinn var í gær. Einnig þakkaði stjórnin björgunaraðilum, starfsmönnum veitufyrirtækja og öðrum sem tekið hafa þátt í viðbrögðum og afleiðingum óveðursins sem dunið hafa undanfarna daga fyrir vel unnin störf.
Fréttir | 13. desember 2019 - kl. 13:25
Stofutónleikar verða haldnir í Heimilisiðnaðarsafninu á Blönduósi á sunnudaginn, 15. desember, og hefjast þeir klukkan 15:00. Hugrún og Jonni sjá um tónlistarflutning með aðstoð Siggu og Halldórs. Heitt súkkulaði og smákökur verða í boði að afloknum tónleikunum. Aðgangseyrir er 1.500 krónur en ókeypis fyrir börn. Athygli er vakin á því að ekki er tekið við greiðslukortum.
Pistlar | 13. desember 2019 - kl. 11:56
Eftir Iðunni Vignisdóttur
Árlega um nær 20 ára skeið, eða frá árinu 1959 var haldin Lúsíuhátíð í Kvennaskólanum á Blönduósi. Að halda upp á dag heilagrar Lúsíu er sænskur siður, ástæðan fyrir því að hann barst norður á Blönduós er sú að á þessum tíma var starfandi dýralæknir á Blönduósi, Sverrir Markússon sem sótt hafði menntun sína til Svíþjóðar. Hann stofnaði Norræna félagið á Blönduósi, en Norræna félagið hafði þá verið starfrækt um skeið í Reykjavík og m.a. haldið upp á Lúsíuhátíðina.
Fréttir | 13. desember 2019 - kl. 11:34
Blönduósbæjar hefur ákveðið að stofna ungmennaráð og auglýsir á vef sínum eftir tilnefningum í ráðið. Óskað er eftir tveimur fulltrúum og tveimur til vara á aldrinum 16-25 ára. Óskað er eftir að tilnefningar, með nöfnum, berist eigi síðar en 20. desember næstkomandi á netfangið blonduos@blonduos.is. Í auglýsingunni segir að æskilegt sé að tilnefningar séu af báðum kynjum.
Frá Skagaströnd
Frá Skagaströnd
Fréttir | 13. desember 2019 - kl. 11:20
Sveitarstjórn Skagastrandar samþykkti á fundi sínum í gær fjárhagsáætlun sveitarfélagsins fyrir árin 2020-2030. Áætlað er að heildartekjur á næsta ári verði 650,7 milljónir króna og að rekstrargjöld verði 652,4 milljónir króna. Fjármagnsliðir eru áætlaðir jákvæðir um 3,3 milljónir og rekstrarniðurstaðan því áætluð jákvæð um 1,7 milljónir. Í áætlun áranna áranna 2021-2023 er gert ráð fyrir jákvæðri rekstrarniðurstöðu öll árin.
Sameining A-Hún
HVE Hvammstanga. Ljósm. rikiseignir.is
HVE Hvammstanga. Ljósm. rikiseignir.is
Fréttir | 13. desember 2019 - kl. 11:01
Í Morgunblaðinu í dag er fjallað um ástandið sem skapaðist á sjúkrahúsinu og heilsugæslunni á Hvammstanga í vikunni en það var án rafmagns, nets og síma í tvo daga vegna óveðursins. Rætt er við Aldísi Olgu Jóhannesdóttur, svæðisfulltrúa heilbrigðismála á Hvammstanga og segir hún að í raun hafi það aðeins verið tilviljun að allt hafi bjargast, en að bregðast þurfi við svo álíka sambandsleysi við sjúkrastofnun geti ekki komið upp að nýju.
Fréttir | 13. desember 2019 - kl. 09:33
Björgunarsveitin Húnar í Húnaþingi vestra fær eina milljón króna styrk frá sveitarfélaginu fyrir óeigingjarnt starf, oft við erfiðar aðstæður í þágu samfélagsins. Þetta kemur fram í fundargerð sveitarstjórnar Húnaþings vestra frá í gær. Björgunarsveitarmenn hafa staðið í ströngu undanfarna daga við að aðstoða fólk í óveðrinu og að koma innviðum samfélagsins í lag. Starf þeirra er gríðarlega mikilvægt.
Fréttir | 12. desember 2019 - kl. 18:35
Sveitarstjórn Skagastrandar lét færa til bókar, á sveitarstjórnarfundi sínum í dag, þakkir til allra viðbragðsaðila sem tryggðu öryggi íbúa og komu í veg fyrir stórfellt eignatjón í sveitarfélaginu í veðurhamnum sem gekk yfir landið síðustu daga. Íbúum er einnig hrósað fyrir góðan frágang á lausamunum þar sem ekki sé vitað til þess að nokkurt tjón hafi orðið af völdum foks.
Fréttir | 12. desember 2019 - kl. 18:17
Sveitarstjórn Húnaþings vestra lítur atburði síðustu sólarhringa grafalvarlegum augum og telur ljóst að allir helstu opinberu innviðir samfélagsins hafi brugðust í því veðuráhlaupi sem nú gengur yfir. Húnaþing vestra hefur verið rafmagnslaust í rúmlega 40 klukkustundir, hluti sveitarfélagsins er ekki enn kominn með rafmagn og ekki vitað hversu lengi það ástand varir. Ljóst er að nú þegar hefur orðið talsvert tjón hjá íbúum og eykst það eftir því sem tíminn líður.
Fréttir | 12. desember 2019 - kl. 14:31
Leikflokkur Húnaþings vestra ætlaði að frumsýna barnaleikritið Skógarlíf í Félagsheimilinu á Hvammstanga á morgun, föstudaginn 13. desember. Frumsýningunni hefur verið frestað um einn dag og verður laugardaginn 14. desember. Leikritið er sett upp í nýrri leikgerð leikstjórans Gretu Clough sem unnið hefur til alþjóðlegra verðlauna bæði sem leikskáld og sviðslistamaður. Um heimsfrumsýningu er því að ræða. Leikgerðin er byggð á The Jungle book eftir Rudyard Kipling.
Frá fundinum á Blönduósi. Ljósm: ssnv.is
Frá fundinum á Blönduósi. Ljósm: ssnv.is
Fréttir | 12. desember 2019 - kl. 14:25
Starfshópur um framtíðarskipan úrgangsmála á Norðurlandi, sem verið hefur að störfum síðustu 12 mánuði eða svo, hefur að mestu lokið störfum og stefnir á að halda ráðstefnu um úrgangsmál á Akureyri í ársbyrjun 2020. Hópurinn er samstarfsverkefni Samtaka sveitarfélaga á Norðurlandi vestra og Eyþings – Sambands sveitarfélaga í Eyjafirði og Þingeyjarsýslum. Á mánudaginn var haldin kynning á starfi hópsins fyrir sveitarstjórnarfólk á Norðurlandi vestra.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
28. október 2019
Farandverkamaðurinn
Farandverkamaður í Neskaupstað fékk tölvupóst frá kærustu sinni í Reykjavík sem hljóðaði svona: Kæri Jón. Ég get bara ekki lengur verið með þér. Fjarlægðin er bara allt of mikil.
::Lesa
©2019 Húnahorniđ