Fyrri mynd
Nćsta mynd
...
Ok
Velkomin á vef Húnahornsins. Viđ notum vefkökur (e. cookies) til ţess ađ bćta upplifun ţína og greina umferđ um síđuna.
Međ ţví ađ nota vefsíđuna samţykkir ţú notkun á vefkökum og skilmála okkar.
Húnahorniđ
Open Menu Close Menu
Húnahorniđ
Laugardagur, 14. desember 2019
ASA  3 m/s
-6°C
Olís
huni.is - RSS-efnisveita
 
Á döfinni
Desember 2019
SMŢMFFL
1234567
891011121314
15161718192021
22232425262728
2930311234
FyrriNúnaNćsti
Veðurstofa Íslands
Blönduós 23:00 ASA 3  -6°C
Reykir í Hr 22:00 N 5  -3°C
Reykjavík 23:00 N 6  -3°C
Akureyri - 23:00 S 1  -5°C
Egilsstaðaf 23:00 S 3  -4°C
Haugur 23:00 S 1  -6°C
Holtavörðuh 23:00 Logn 0  -6°C
Þverárfjall 23:00 VNV 4  -4°C
Laxárdalshe 23:00 VNV 3  -5°C
Brúsastaðir 23:00 Logn 0  -8°C
Vegagerðin
Holtavörđuh. 23:20 N 0 -7°C
Laxárdalsh. 23:20 NV 5 -5°C
Vatnsskarđ 23:20 VNV 6 -6°C
Ţverárfjall 23:20 VNV 5 -4°C
Kjalarnes 23:20 NNA 11 -2°C
Hafnarfjall 23:20 N 4 -4°C
VegagerðinVestfirðirVestfirðirNorðurlandNorðausturlandVesturlandAllt landiðMiðausturlandSuðvesturlandSuðurlandSuðausturland
Nöldrið
15. nóvember 2019
Eldhúshillur valda yfirliði
Ég er mikill áhugamaður um kökur og allskonar sætabrauð ásamt góðum mat og nú er sá tími runninn upp þegar uppskriftir af girnilegum jólabakstri og allskonar gómsætum mat prýða síður blaða og tímarita.
::Lesa

Northwest.is


SSNV

Leita í netfangaskrá
 
Eftir Iðunni Vignisdóttur
13. desember 2019
Eftir Inga Heiðmar Jónsson
08. desember 2019
Eftir Anton Scheel Birgisson
03. desember 2019
Eftir Inga Heiðmar Jónsson
30. nóvember 2019
Eftir Sigurbjörn Þorkelsson
24. nóvember 2019
Eftir Sigurbjörn Þorkelsson
20. nóvember 2019
Eftir Sigurbjörn Þorkelsson
11. nóvember 2019
Eftir Guðjón S. Brjánsson
11. nóvember 2019
Pistlar | 30. nóvember 2019 - kl. 07:59
Sögukorn um biskupsfrúr
Eftir Inga Heiðmar Jónsson

Biskupsfrúin fékk hlýjan sess í stofu Hildar Hákonardóttur rithöfundar, lista- og sögumanns. Hún rabbar við þær, eina eftir aðra, þær lútersku að sjálfsögðu, en flestar þeirra voru niðjar síðasta kaþólska biskupsins, Jóns Arasonar. Hann lifði sannarlega engu einlífi eða synir hans þó vígðir væru. Hildur rabbar líka við lesendurna í nýju bókinni sinni sem heitir einfaldlega: Hvað er svona merkilegt við það að vera biskupsfrú:

„Hvernig er best að leita upplýsinga? Ég forðaðist í upphafi að lesa nokkuð um eiginmenn kvennanna en mikið hefur verið skrifað um þá allflesta. Í staðinn reyndi ég að kynnast konunum sjálfum – las úr ártölum, skoðaði ættarsambönd, systkinasambönd, fæðingarsveitir, fylgdi eftir ábendingum, líka fáránlegum og gúgglaði frjálslega, renndi augunum yfir nafnalista fræðirita (sem bar lítinn árangur) og leitaði uppi útfararræður. Síðan skoðaði ég hvernig hjónabandi þeirra hefði verið komið á, hvort Espólín hefði gefið þeim lyndiseinkunn eða varðveist hefði frá þeim eitthvert tilsvar og svo fór lífshlaup þeirra smám saman að taka á sig mynd. Þá fyrst lét ég eftir mér að lesa það sem þurfti um sögu eiginmanna þeirra og við hófum þetta sérkennilega samtal. Það merkilegasta sem kom í ljós var hvernig ættum var haldið við völd. Biskupsembætti ganga sjaldan í erfðir frá föður til sonar. Þó kemur það fyrir. En biskupsfrúrnar í Skálholti voru frá tímum Helgu Jónsdóttur sem kemur þangað laust fyrir aldamótin 1600 með tveimur undantekningum náfrænkur og færðist embættið ýmist til systurdóttur eða jafnvel til ömmusysturbarns og hélst þetta kerfi í meira en 200 ár í þröngum farvegi meðal afkomenda Björns og Ara, þeirra tveggja sona Jóns Arasonar, sem létu þar líf sitt. “

Meðal frúnna sem Hildur Hákonardóttir skrifar um í bók sinni er Helga Jónsdóttir, fæddist á Holtastöðum, giftist á Holtastöðum 1591 Oddi biskupi Einarssyni, aldursmunur 8 ár, var biskupsfrú í 39 ár, ekkja i 32 ár og dó 95 ára á Leirá. Afi  hennar var Björn á Melstað, Jónsson biskups Arasonar. Höfundur lýsir ferð nýgiftu biskupshjónanna og leggur orðin í munn Helgu frá Holtastöðum:

„Svo kveð ég heimafólkið og það mig og við höldum af stað. Oddur fremstur með fylgdarmanninum, svo kem ég og þjónustan. Við ríðum fram dalinn, tökum Blöndu á Hamrinum, höldum svo upp yfir Bakásana og stefnum í Biskupsáfanga á Kúluheiði. “

Helga er móðir þess fræga Árna Oddssonar sem reið á fám dægur úr Vopnafirði á Þingvöll til að sanna fjárdrátt Herlufs Daa sem Oddur biskup stóð harðvítugum deilum við. En Herluf hafði bannað kaupmönnum að flytja Árna til landsins.

„Þessi þeysireið var lengi í minnum höfð og þótti göldrum líkust. “

Hildur lýkur kaflanum um Helgu: Ég sit hugsi lengi eftir að hún fer. Þegar ég horfi yfir æviferil hennar og til alls þess sem hún þarf að læra og þroskast í gegnum, þá finnst mér að hún hafi komið stolt en mörkuð af ættarsári að norðan og þó að hún hafi ætlað að bjóða Sunnlendingum byrginn hafi hún líka lært að hlusta á þá.

Höfundurinn þakkar biskupsfrúnum eljusemina við þetta magnaða rannsóknarverk sitt og segir: „Við þessa vinnu hef ég verið knúin áfram af einhverju utanaðkomandi afli eins og konurnar eigi eitthvað ósagt því þær vekja mig gjarnan eldsnemma á morgnana og krefjast þess að ég haldi áfram að fletta bókum og skrifi niður og þær neita mér um að sinna öðrum áhugamálum. Ég held þær hafi leitt þessa vinnu og þetta sterka samband okkar varð til þess að ég notaðist við samtalsformið, því við vorum orðnar svo nánar.“ 

Já, þær verða nánar biskupsfrúrnar og Hildur sem á þingeyska móður og rangæskan föður og er alin upp við Bústaðaveginn, í úthverfi Reykjavíkur. Hún bjó lengi við strauma Ölfusár þar sem sér vítt til fjalla og jökla.

Og bókin er heillandi, Hvað er svona merkilegt við það að vera biskupsfrú?

Ingi Heiðmar Jónsson

Höf. rzg
Frá fundi á Hvammstanga. Ljósm: Guðmundur Haukur Sigurðsson.
Frá fundi á Hvammstanga. Ljósm: Guðmundur Haukur Sigurðsson.
Fréttir | 14. desember 2019 - kl. 14:49
Katrín Jakobsdóttir, forsætisráðherra, Sigurður Ingi Jóhannsson, samgöngu- og sveitarstjórnarráðherra og Ásmundur Einar Daðason, félags- og barnamálaráðherra heimsóttu í gær fólk á Blönduósi og Hvammstanga sem staðið hefur í stafni í sinni heimabyggð síðustu daga. Ásmundur Einar fjallar um heimsóknirnar fundi á Facebook síðu sinni. Hann segir það ómetanlegt að eiga allt það öfluga fólk sem staðið hefur vaktina síðustu daga og fyrir það beri að þakka.
Lífland jól
Fréttir | 14. desember 2019 - kl. 11:57
Fjárhagsáætlanir Húnavatnshrepps fyrir árið 2020 og árin 2021-2023 voru samþykktar á sveitarstjórnarfundi í gær. Í fundargerð kemur fram að við gerð fjárhagsáætlunar 2020 hafi verið lögð áhersla á aðhald í rekstri, líkt og undanfarin ár. Tekjur eru áætlaðar 502,3 milljónir og gjöld 481,8 milljónir. Tekjuafgangur fyrir fjármagnsliði er áætlaður 20,5 milljónir. Fjármagnsliðir eru neikvæðir um 15,9 milljónir og rekstrarniðurstaðan því áætluð með 4,5 milljóna króna tekjuafgangi. Skuldahlutfallið, þ.e. hlutfall af skatttekjum og skuldum er áætlað 69,5% en má samkvæmt ákvæðum fjármálareglna hæst vera 150%.
Jólahús 2019
Stjórnarráðið. Ljósm: stjornarradid.is
Stjórnarráðið. Ljósm: stjornarradid.is
Fréttir | 14. desember 2019 - kl. 09:39
Ríkisstjórnin samþykkti á fundi sínum í gær, í framhaldi af fárviðrinu sem gekk yfir landið 10. og 11. desember, skipan starfshóps fimm ráðuneyta sem falið er að meta hvaða aðgerðir séu færar til að efla innviði í flutnings- og dreifikerfi raforku og fjarskiptum til að tryggja að slíkir grunninnviðir séu sem best í stakk búnir til að takast á við ofsaveður eða aðrar náttúruhamfarir. Til viðbótar við öryggi í raforku og fjarskiptum mun hópurinn skoða samgöngur, byggðamál og dreifikerfi RÚV.
Glaðheimar
Fréttir | 14. desember 2019 - kl. 08:48
„Stjórnvöldum ber skylda til að haga málum þannig að almanna- og öryggishagsmunir verði ávallt hafðir í fyrirrúmi við uppbyggingu og rekstur innviða sem eiga að tryggja öryggi og jafna búsetuskilyrði allra landsmanna.“ Þetta fram kemur í ályktun sem samþykkt var í stjórn Samband íslenskra sveitarfélaga sem haldinn var í gær. Einnig þakkaði stjórnin björgunaraðilum, starfsmönnum veitufyrirtækja og öðrum sem tekið hafa þátt í viðbrögðum og afleiðingum óveðursins sem dunið hafa undanfarna daga fyrir vel unnin störf.
Fréttir | 13. desember 2019 - kl. 13:25
Stofutónleikar verða haldnir í Heimilisiðnaðarsafninu á Blönduósi á sunnudaginn, 15. desember, og hefjast þeir klukkan 15:00. Hugrún og Jonni sjá um tónlistarflutning með aðstoð Siggu og Halldórs. Heitt súkkulaði og smákökur verða í boði að afloknum tónleikunum. Aðgangseyrir er 1.500 krónur en ókeypis fyrir börn. Athygli er vakin á því að ekki er tekið við greiðslukortum.
Pistlar | 13. desember 2019 - kl. 11:56
Eftir Iðunni Vignisdóttur
Árlega um nær 20 ára skeið, eða frá árinu 1959 var haldin Lúsíuhátíð í Kvennaskólanum á Blönduósi. Að halda upp á dag heilagrar Lúsíu er sænskur siður, ástæðan fyrir því að hann barst norður á Blönduós er sú að á þessum tíma var starfandi dýralæknir á Blönduósi, Sverrir Markússon sem sótt hafði menntun sína til Svíþjóðar. Hann stofnaði Norræna félagið á Blönduósi, en Norræna félagið hafði þá verið starfrækt um skeið í Reykjavík og m.a. haldið upp á Lúsíuhátíðina.
Fréttir | 13. desember 2019 - kl. 11:34
Blönduósbæjar hefur ákveðið að stofna ungmennaráð og auglýsir á vef sínum eftir tilnefningum í ráðið. Óskað er eftir tveimur fulltrúum og tveimur til vara á aldrinum 16-25 ára. Óskað er eftir að tilnefningar, með nöfnum, berist eigi síðar en 20. desember næstkomandi á netfangið blonduos@blonduos.is. Í auglýsingunni segir að æskilegt sé að tilnefningar séu af báðum kynjum.
Frá Skagaströnd
Frá Skagaströnd
Fréttir | 13. desember 2019 - kl. 11:20
Sveitarstjórn Skagastrandar samþykkti á fundi sínum í gær fjárhagsáætlun sveitarfélagsins fyrir árin 2020-2030. Áætlað er að heildartekjur á næsta ári verði 650,7 milljónir króna og að rekstrargjöld verði 652,4 milljónir króna. Fjármagnsliðir eru áætlaðir jákvæðir um 3,3 milljónir og rekstrarniðurstaðan því áætluð jákvæð um 1,7 milljónir. Í áætlun áranna áranna 2021-2023 er gert ráð fyrir jákvæðri rekstrarniðurstöðu öll árin.
Sameining A-Hún
HVE Hvammstanga. Ljósm. rikiseignir.is
HVE Hvammstanga. Ljósm. rikiseignir.is
Fréttir | 13. desember 2019 - kl. 11:01
Í Morgunblaðinu í dag er fjallað um ástandið sem skapaðist á sjúkrahúsinu og heilsugæslunni á Hvammstanga í vikunni en það var án rafmagns, nets og síma í tvo daga vegna óveðursins. Rætt er við Aldísi Olgu Jóhannesdóttur, svæðisfulltrúa heilbrigðismála á Hvammstanga og segir hún að í raun hafi það aðeins verið tilviljun að allt hafi bjargast, en að bregðast þurfi við svo álíka sambandsleysi við sjúkrastofnun geti ekki komið upp að nýju.
Fréttir | 13. desember 2019 - kl. 09:33
Björgunarsveitin Húnar í Húnaþingi vestra fær eina milljón króna styrk frá sveitarfélaginu fyrir óeigingjarnt starf, oft við erfiðar aðstæður í þágu samfélagsins. Þetta kemur fram í fundargerð sveitarstjórnar Húnaþings vestra frá í gær. Björgunarsveitarmenn hafa staðið í ströngu undanfarna daga við að aðstoða fólk í óveðrinu og að koma innviðum samfélagsins í lag. Starf þeirra er gríðarlega mikilvægt.
Fréttir | 12. desember 2019 - kl. 18:35
Sveitarstjórn Skagastrandar lét færa til bókar, á sveitarstjórnarfundi sínum í dag, þakkir til allra viðbragðsaðila sem tryggðu öryggi íbúa og komu í veg fyrir stórfellt eignatjón í sveitarfélaginu í veðurhamnum sem gekk yfir landið síðustu daga. Íbúum er einnig hrósað fyrir góðan frágang á lausamunum þar sem ekki sé vitað til þess að nokkurt tjón hafi orðið af völdum foks.
Fréttir | 12. desember 2019 - kl. 18:17
Sveitarstjórn Húnaþings vestra lítur atburði síðustu sólarhringa grafalvarlegum augum og telur ljóst að allir helstu opinberu innviðir samfélagsins hafi brugðust í því veðuráhlaupi sem nú gengur yfir. Húnaþing vestra hefur verið rafmagnslaust í rúmlega 40 klukkustundir, hluti sveitarfélagsins er ekki enn kominn með rafmagn og ekki vitað hversu lengi það ástand varir. Ljóst er að nú þegar hefur orðið talsvert tjón hjá íbúum og eykst það eftir því sem tíminn líður.
Fréttir | 12. desember 2019 - kl. 14:31
Leikflokkur Húnaþings vestra ætlaði að frumsýna barnaleikritið Skógarlíf í Félagsheimilinu á Hvammstanga á morgun, föstudaginn 13. desember. Frumsýningunni hefur verið frestað um einn dag og verður laugardaginn 14. desember. Leikritið er sett upp í nýrri leikgerð leikstjórans Gretu Clough sem unnið hefur til alþjóðlegra verðlauna bæði sem leikskáld og sviðslistamaður. Um heimsfrumsýningu er því að ræða. Leikgerðin er byggð á The Jungle book eftir Rudyard Kipling.
Frá fundinum á Blönduósi. Ljósm: ssnv.is
Frá fundinum á Blönduósi. Ljósm: ssnv.is
Fréttir | 12. desember 2019 - kl. 14:25
Starfshópur um framtíðarskipan úrgangsmála á Norðurlandi, sem verið hefur að störfum síðustu 12 mánuði eða svo, hefur að mestu lokið störfum og stefnir á að halda ráðstefnu um úrgangsmál á Akureyri í ársbyrjun 2020. Hópurinn er samstarfsverkefni Samtaka sveitarfélaga á Norðurlandi vestra og Eyþings – Sambands sveitarfélaga í Eyjafirði og Þingeyjarsýslum. Á mánudaginn var haldin kynning á starfi hópsins fyrir sveitarstjórnarfólk á Norðurlandi vestra.
 
Prenta Prenta  
 
 
Húsfrúin
09. ágúst 2019
Aldurssmánun samtímans
Margrét S. Björnsdóttir skrifaði áhugaverða grein á visir.is fyrr á þessu ári þar sem hún talar um aldurssmánun samtímans. Í greinninni fjallar hún um mestu sóun okkar, sóun á reynsluþekkingu. Lítil samfélög hafa ekki efni á að sóa áratuga reynsluþekkingu þeirra sem eldri eru.
::Lesa
Spaugið
28. október 2019
Farandverkamaðurinn
Farandverkamaður í Neskaupstað fékk tölvupóst frá kærustu sinni í Reykjavík sem hljóðaði svona: Kæri Jón. Ég get bara ekki lengur verið með þér. Fjarlægðin er bara allt of mikil.
::Lesa
©2019 Húnahorniđ